橋 職人料理 (已結業)

和一班朋友們定期舉行飯局，預訂了這家居酒屋。店員於當日下午來電再三確認預訂，態度親切有禮貌。 裝修是傳統日本風格，牆上的圖片令人感覺懷舊，這裡的卡座算舒適。 餐牌色彩豐富，印刷精美，圖文並茂，十分吸引。 點了多款美食，分別是: 日式胡麻豆腐蕃茄沙律 ($58) 簡單而清新健康，蕃茄新鮮，甜度適中，豆腐冰冷軟滑，配胡麻醬開胃。 叉燒烏冬 ($78) 四大件叉燒擺放得整齊，瘦身而沒有半點肥膏，更加健康。烏冬滑不溜口，亦熱辣辣，湯底清澈不算鹹。 炙燒壽司盛盒 ($168) 這是熟食壽司拼盤，侍應剛送上時仍可嗅到剛燒過的香氣。壽司包括沙律醬燒三文魚、沙律醬燒帝皇蟹棒、沙律醬燒大蝦、芝士醬燒三文魚、芝士醬燒帝皇蟹棒、芝士醬燒大蝦、蒲燒鰻魚、海鹽燒左口魚、醬燒帶子、醬燒紋甲魷魚、醬燒油甘魚及燒海膽。燒過的食材味道更突出，但仍保留著豐富的肉汁。 橋壽司 ($198) 這主要是刺身壽司拼盤，各類魚生泛起光澤，是視覺享受。刺身/配料包括三文魚、油甘魚、深海池魚、金目鯛、帶子、北寄貝、紋甲魷魚、赤蝦、日本八爪魚、花之戀、三文魚籽軍艦及海膽軍艦。各類刺身口感有油脂，亦散發著魚油的香氣，米飯粒可口。 芝士鰻魚卷 ($78) 燒鰻魚加上表面半溶的芝士，十分迷人，鰻魚鹹香不俗。 牛油果軟殼蟹卷 ($88) 脆身的軟殼蟹爽口，加上軟滑的牛油果，這個配搭使味道不俗。 燒一口牛 ($58) 火喉控制得很好，令牛肉粒入口易咀嚼，仍保持軟腍，肉汁在口腔內爆發，令人回味。 吉列炸蠔 ($48) 一客四件，外表棕色香脆，內裡的蠔肉濕潤軟腍。 露筍豚肉串 ($48) 豚肉充滿香氣，肥瘦適中，夾著爽脆的露筍，更有口感。 玉子燒 ($38) 簡單而傳統的玉子燒，剛剛煎好熱呼呼，散發著陣陣蛋香，亦帶有微甜的味道。 日本魷魚筒 ($98) 一整條魷魚筒，每一片切得幼身易入口，魷魚爽口，加上炭火的香氣及香濃的醬汁，好吃難停。 店員親切，服務細心，例如頻頻為我們添茶。當晚食客不多，環境寧靜。…查看更多

好少見到餐廳0負評，所以諗住試下果然，食物又好，環境又好，服務又好，無得輸😂叫左魚生3人份，$600幾，估唔到黎到咁大份，抵食，同埋好新鮮(仲有份海膽，無影到)尤其份海膽，好鮮甜好creamy，用紙菜同壽司飯包住食，好好食另外仲有好多野都無影到🙈叫左d串燒，牛扒飯，油甘魚鮫，全部都整得好好食👍👍👍所有野調味正好，十分香，唔會太咸不得不講，服務亦係非常好，店員好nice絕對係一間良心小店，會翻兜😆…查看更多

9月5號星期二打完風 餓咗成日 即刻出去旺角搵食。香港都仲幾犀利，打完10號風，市區已經好快恢復運作，繼續飲飲食食 醉生夢死。奉勸大家盡量行多兩步，發掘 hot spot 周邊嘅小食店，經常都有驚喜。舖頭裝修係有陣日本味。一解鄉愁。呢個 免治雞肉棒，個棒就一般，主角應該係隻蛋，甘香。呢度有個自選三色丼，有9種刺身俾你自由配搭。i like it。料足 新鮮。我就試咗三文魚、油甘魚 and 拖羅蓉。串燒牛脷有驚喜。厚切多汁燒得香香的。另外嘅燒豚肉蘆筍一樣出色。特別係蘆筍好甜好新鮮好爽口。打完風都可以攞到咁新鮮嘅蔬菜，好嘢。牛油果軟殼蟹手卷，有水準。脆卜卜嘅軟殼蟹+軟滑牛油果，冇得頂。最後一定要食佢哋嘅燒菠蘿，咁就完美嗱。整體上好滿意…查看更多

比想像中有驚喜2個人食首先黎嘅係海膽軍艦，食落唔會好腥再黎係刺身本身個晚好想好想食刺身😂 一黎到哇咗聲，勁厚食，口感Okay，係食得出新鮮當然唔會係好似放題咁，食到飽同好快上菜，反而慢慢享受嘅你應該會岩最後叫咗燒物，燒魚骹啦、串燒啦、燒三文魚骨尤其個魚骹！勁滿足，燒到皮脆肉滑P.S 要預返啲時間俾鋪頭燒，但值得等㗎！最最後，多謝鋪頭送咗客甜品，成件事好完美、好滿足😛 過程仲好細心咁不斷幫大家斟茶埋單以為好貴，點知比想像中抵🤣…查看更多

今晚同朋友出開旺角，去咗間叫 橋 職人料理 嘅日本餐廳，之前已經聽聞呢間嘢好食而且性價比高所以就特登去試，果然無我哋失望🫶🏻首先試咗佢哋嘅北寄貝刺身，鮮嫩多汁，帶啲甜味，仲有微微嘅海鮮香氣！帶子刺身肉質好嫩滑，而且完全無腥味。壽司部分我哋嗌咗個定食，有八爪魚、帶子同生文魚等款式。八爪魚壽司都幾有咬口同鮮味，帶子壽司同三文魚壽司都好新鮮👏最後，試咗佢哋嘅自選魚生飯，我哋揀咗油甘魚、吞拿魚蓉同三文魚。魚生飯有濃郁嘅魚蓉味，啲飯都好有醋香味，好開胃而且份量好足夠。overall呢間日本餐廳嘅食物真係幾出色，同埋服務態度都好好，環境舒適，係一個適合同朋友聚餐嘅好地方，值得遲啲再同班朋友再encore!…查看更多

睇OpenRice嘅呢間日本餐廳好似唔錯, 就決定嚟食吓。店舖面積唔大座位唔多，不過個裝修又幾有特色，係有少少溫馨嘅日本風。Menu都好圖文並茂，尤其係刺身同壽司類嘅嘢食，可以方便揀食咩。本來都想食吓金目鯛刺身，因為唔係度度都食到比較特別，但可惜最近日本排污水餐廳就入唔到貨，所以今次食唔到。油甘魚刺身 ($68/4片)刺身都幾新鮮，油甘魚肥美鮮甜壽司方面叫咗幾款唔同款式嘅，一客會有兩件帶子壽司 ($38)三文魚籽軍艦 ($46)海鹽燒左口魚邊壽司 ($38)其中，左口魚邊壽司做得特別出色。燒得有一陣香口嘅燒焦味，左口魚又入口即溶。三文魚子軍艦嘅三文魚籽粒粒飽滿。黑松露帶子沙律 ($68)估唔到帶子嘅份量都多。有少少似食緊凱撒沙律，黑松露嘅份量唔算好多。每次去居酒屋都會嗌嘅牛舌串。見呢度有牛舌芯($38)，會比普通牛舌厚身同嫩。咬落唔硬, 肉質嫩牛味濃, 好食！…查看更多

禮拜五收工約咗朋友嚟<橋 職人料理>聚一聚。地點好方便，地鐵站行過嚟幾分鐘就到我哋首先叫咗個定set C. -黑松露三文魚，黑松露油甘魚，黑松露赤蝦，黑松露北寄貝，黑松露茶子，腐皮壽司，跟迷你拉麵。 連個沙灘都有啲魚生，個醬汁都好好味。同埋拉麵個湯底都好正，忍唔住係咁飲。另外我哋仲叫咗 自選三色丼，揀咗三文魚，海膽，帶子。我哋嗌嘅所有魚生都好新鮮，食落去好有味道，同埋完全唔會腥。平時出去食海膽好怕佢有腥味，所以都好少食，但係呢間舖頭完全冇，仲好正添。我哋另外仲叫咗喺板上面有嘅甲羅燒。因為我真係好鐘意好鍾意食蟹膏，所以平時去食日本嘢，如果見到一定會叫❣️我哋仲叫咗佢哋個牛舌串燒，好juicy同埋啱啱燒起熱辣辣食好正。另外仲試咗佢哋嘅甜品-cheesecake同抹茶蛋糕，細細舊做飯後甜品都唔錯㗎❣️…查看更多

又係每週旺角搵食嘅時間，今日想食日本嘢，行過見到呢間餐廳都唔少好評，價錢又唔貴，就入去試吓時間尚早，唔算好多人，座位闊落，都坐得舒服餐點選擇幾多，壽司刺身丼飯，或者燒物都有，樣樣嗌啲唔怕悶我哋叫咗幾樣嘢，一次過滿足好多個願望北海丼($168)刺身種類多，海膽、蝦、帶子、三文魚、北寄貝、三文魚子、吞拿魚蓉都有，好新鮮，而且份量都唔少燒牛舌（$58）牛舌好厚身，有牛味，燒得啱啱好，加少少檸檬汁非常好味燒牛扒飯（$128）牛味好濃，肥瘦適中，脂肪位好香口，醬汁亦都好味追加左個甲羅燒（$58），蟹膏超級甜，拼埋舊飯，蟹味爆曬出嚟，好好食總括嚟講，食物水準都幾好，而且每一樣份量都好足，兩個人食，飽到不得了，推薦！…查看更多

在旺角想品嚐道地的日式料理，不希望光顧連鎖餐廳，我注意到一家外觀具有日式風格的店鋪，被它吸引住了，於是決定進去試試看。進入店內後，我立刻被店內的裝潢所吸引。這裡擺設了許多動漫和宮崎駿的圖片，讓整個用餐環境充滿了活潑和趣味。我和朋友一邊享用美食，一邊著迷地討論著這些圖片。我們首先點了一些串燒。雞皮串吃起來很脆口，沒有油膩感，非常適合搭配酒品。牛舌心有著令人滿足的咬勁，牛肉的味道濃郁而不油膩。我特別推薦他們的雞心串，外層酥脆，內部則保持著嫩滑的口感，給人驚喜的享受。另外，他們的豚肉露筍串也非常美味。外層的五花肉油脂豐富，內部的蘆筍則清新爽口，兩者的搭配非常合宜，但需要趁熱食用才能保持最佳口感。接著，我們點了三文魚、油甘魚和蟹膏丼。這份丼飯的份量適中，不會讓人過於飽腹。丼飯中的壽司醋飯酸味適中，提升了不少食慾。三文魚非常新鮮，而油甘魚的味道則稍微清淡一些。配上濃郁的蟹膏，以及微微辛辣的芥末，能提升魚生的鮮味，給這道料理增添了豐富的層次感。另一道菜是芝士鰻魚卷。這款卷物以蒲燒汁調味的鰻魚味道恰到好處，而上面的芝士則散發著濃郁的香氣。加上蟹柳和玉子，這道料理擁有豐富的口感，每一口都讓人愉悅。最後，我們還點了玉子燒作為甜點。這款玉子燒比我想像中更鬆軟，口感非常綿密。搭配上蟹籽和沙拉醬，味道更加豐富。這款甜點完美地結束了晚餐，給了我們甜蜜的體驗。總的來說，這家日式料理店給我留下了深刻的印象。無論是舒適的用餐環境，還是精心調配的料理，都給了我一個愉悅的用餐經驗。我強烈推薦他們的串燒，特別是雞心串和牛舌心串。下次再來試一試其他的串燒！…查看更多

今晚去左 橋 職人料理 食晚飯。餐廳位於旺角長沙街，朗豪坊行過去都好近。我叫左 橋壽司 12貫三文魚、油甘魚、深海池魚、金目鯛、帶子、北寄貝、鉸甲魷魚、赤蝦、日本八爪魚、花之戀、三文魚籽軍艦，海膽軍艦壽司賣相精美，各種海鮮食材都幾鮮甜，呢個價錢性價比好高，特別推薦赤蝦，鉸甲魷魚，而當中海膽質素都唔錯。壽司飯粒粒粒分明，飽滿有飯香，黏度適中。串燒試左兩款豚肉露荀串，新鮮燒起，熱辣辣，豚肉肉汁豐富，肥瘦均勻。露荀新鮮，咬落水份爆哂出黎，好適合佐酒。烤鰻魚串，比汁煮鰻魚嘅肉質結實，鰻魚汁香濃，好食。章魚燒，外脆內軟，配上醬汁，味道不錯。叫左杯Supporo，雖然用罐裝倒落玻璃杯，仍夠冰凍，夠啤酒泡。餐廳裝修好有日本居酒屋風格，位置唔算多，晚上大部份都係訂左枱嘅食客，有興趣就最好book定枱啦~…查看更多

旺角居酒屋環境以日本動漫+ figure 佈置再加唔同嘅餐牌，有日本居酒屋嘅特色但地方有限，想嚟食嘅朋友仔，建議早啲book位！同埋建議四個或以下較容易有枱～兩個人叫咗三款食物橋壽司（12貫：三文魚壽司、油甘魚壽司、深海池魚壽司、金目鲷壽司、帶子壽司、北奇具春壽司、紋甲鱿魚壽司、赤蝦壽司、日本八爪魚壽司、花之戀壽司、三文魚籽軍證和海膽軍艦， 每款各1）油甘魚壽司肉質豐潤，口感柔軟，帶有淡淡的甜味帶子壽司鮮甜紋甲鱿魚壽司，口感彈牙，帶有鮮明海洋味道赤蝦壽司則有豐富甜味&脆度，每啖都充滿了鮮味日本八爪魚壽司，充滿了嚼勁&彈性每一道壽司都用上新鮮食材👍🏻芝士鰻魚卷物-推薦👍🏻芝士同鰻魚好夾 唔好太咸 兩樣加埋味道剛好 夠惹味🤤🤤最後豚肉生薑燒，都係推薦之選豚肉切成薄片，肉質鮮嫩多汁，帶有豐富的肉香味。外層微焦醬油、味醂和糖等調配。調味料既組合令豚肉生薑燒既味道鮮美而均衡，每一口都能品味到微妙的甜、鹹和酸的平衡。濃郁的香氣，配飯一流👍🏻…查看更多

位於旺角長沙街的這間小店，雖然唔算好大間，但係裝修真係好有心思，牆身裝飾好多日本漫畫，睇得出店主係真係好熟悉日本文化呀！🤩首先，我地來介紹下佢最多人點嘅壽司定食 ($128) ，包括咗黑松露三文魚、黑松露油甘魚、黑松露赤蝦、黑松露北寄貝、黑松露帶子同腐皮各一件，仲有個迷你豬骨湯烏冬或拉麵，加埋一罐飲品，一碟小食同沙律，真係抵食又飽肚！😋 壽司嘅大小剛好，黑松露香氣四溢，食落味道濃郁，拉麵彈牙，湯底濃郁。🍜接下黎就係三文魚腩同油甘魚刺身，每款4切，刺身款款都咁新鮮，油脂豐富，食完想再encore。😍我地仲點左串燒，一口牛2串同碳燒雞腿肉2串，唔會太乾，肉質juicy，好抵食。🍢🍗另外，玉子燒都推薦，蛋香十足，質地滑嫩。🍳如果你鍾意芝士，咁一定要點一口芝士。🧀最尾點左芝士蛋糕作結尾，好滑好軟，芝士香氣十足，好creamy。🍰…查看更多

係不起眼既轉角小巷，偶爾會發現驚喜，低調木色裝潢配襯親民價錢刺身don飯❣店家自己熬製既魚湯，鮮甜味美。超薄脆既鱈魚乾，新鮮烘烤出爐，非常之香，好快掃哂成碟。三文魚海膽don 三文魚肥美，海膽甘香帶甜。北海don5款新鮮刺身，牧丹蝦大隻味甜，帆立貝都好鮮味，整體不錯👍🏻燒油甘魚鮫油甘魚鮫要燒得外皮香脆，魚油香溢出，魚肉好厚唔會燒得太乾，點埋酸汁就更好味。哩度仲有近排好興既富士山梳打，賣相好靚👍🏻…查看更多

今次嚟到旺角呢間橋職人料理食lunch，問翻店員先知佢哋啱啱先開心做午市，果然搵食唔容易。裝修好有日式小店感覺呢次試咗佢哋的午市套餐，貪佢有多啲嘢食。芝士醬燒三 文魚x1、芝士醬燒帝皇蟹棒x1、醬燒帶子x1芝士醬燒大蝦x1、蒲燒鰻魚x1、鹽燒左口魚x1魚生新鮮，特別喜歡佢的芝士醬，唔會太咸。左口魚都灸燒過，好食。迷你葱吞拿魚蓉丼壽司再加飯的確會好飽，不過佢的吞拿魚蓉都好新鮮，如果魚生飯的醋再落多啲就好喇。三文魚2切帶子2切非常厚子，仲比我發現原來帶子加青瓜一齊食好夾。…查看更多

朋友推薦呢間日本餐廳不錯，食物新鮮美味，職員親切服務周到。😆😁❤️我哋點咗呢度嘅壽司定食，定食附送拉麵、沙拉、小食和飲品，拉麵嘅豬骨湯底好濃郁，而且麵條彈牙有嚼勁。🍜🎏🍱朋友點咗火炙壽司定食，賣相非常吸引，有火炙芝士三文魚、芝士蟹棒、芝士熟蝦、燒左囗魚、蒲燒鰻魚、醬燒帶子壽司各一件，火炙燒完之後好香，仲有啲芝士喺上面，三文魚同左口魚都好新鮮。🔥🧀🐠我本身鍾意食黑松露，所以就點咗黑松露壽司定食，包括黑松露三文魚、黑松露油甘魚、黑松露赤蝦、黑松露北寄貝、黑松露帶子、腐皮壽司各一件，黑松露嘅味道好濃郁，油甘魚好香口，赤蝦好大隻，帶子肉質彈牙。🦐🐟🎣另外，我地仲點咗串燒，雞翼皮脆多汁，牛舌口感柔軟彈牙。🐥🥩🐮…查看更多