橋香園雲南過橋米線

營業中

休息中

橋香園是中環較少的米線店之一，每到午飯時間總是大排長龍。排隊期間會有位大叔派發餐牌及替客人下單，下單後會給一個號碼，有位置時樓面馬上就能根據號碼把米線端給客人，過程流暢。這次點了金獎腩肉米線中辣，配一杯豆漿。米線配料有少許肉碎、酸菜、大量蔥及芫荽，辣度一般，湯頭算是不錯；腩肉份量及味道均屬正常，整碗米線算是不過不失，倒是米線份量頗多。店內環境狹窄，位與位之間非常擠迫，一張小圓枱有時要擠上五位客人，常常要跟陌生人手掙互撞著用膳，但始終小店生意也可以理解，然而服務質素卻十分惡劣。並不要求樓面笑臉迎人，即使目無表情也罷了，怎麼可能我才坐下十分鐘，麵也只吃了三分一，手剛放下筷子離開碗邊便把旁邊客人用過的紙巾丟到我碗裡？跟他說我還未吃完，該樓面竟然只把紙巾拿走，難道認為我還能繼續吃嗎？衛生也相當差，不時有蒼蠅飛來飛去，甚至掉在米線湯裡。這種種因素加起來，就算食物味道再好也留不住人客，更何況味道只是一般？

這天是2018年入冬以來最凍的一天，天文台錄得是推氣溫最低只有6.8度，一放lunch，就超級想食一些很保暖的食物，而雲南米線一定是我的首選！可能是這天的天氣很凍的關係，很多人和我的想法都是一樣，以排隊的人龍來看，已經門外有10幾人在等候排隊入座了，想食熱騰騰的雲南緯線，便要排隊了，這天真的是特別多人，所以等候時間都需要差不多25分鐘，由於真的很想食的關係，幾耐都要等。這間雲南米線特別的地方是有牛肝菌，這樣配料不是很多地方有得食，所以每次嚟到橋香園，我都會叫牛肝菌，再加豬頸肉及蘿蔔三餸米線（$50），牛肝菌爽口彈牙，豬頸肉很鬆軟，蘿蔔也很甜，米線中配上了芽菜、芫荽、酸菜、香蔥、及一些一粒粒的類似花生碎等等的配料，雲南米線多數會配酸辣的湯底，店舖可以選擇小辣、中辣、大辣，我每次都是選擇小辣，已經覺得很野味了，喜歡食辣的朋友，可以試試這間的大辣，同事話這間的大辣真的很過癮也很刺激味蕾，吃完這個米線後，真的覺得全身暖晒！

突然間想食米線，橋香園係我其中一間嘅心頭好。 位於威靈頓街嘅橋香園，舖面面積唔大，所以成日都要排隊。不過喺中環附近食午餐，其實絕大部分都要排隊，所以我都唔介意。 好彩唔算排好耐，大概等左兩個字，就入座啦。橋香園其中一個優點，喺當排緊隊嘅時候就已經幫我落單啦，所以一入座唔使3分鐘食物就上枱。 米線有得揀小窩米線或者撈米線。 我個人比較鍾意撈米線，我點左個三餸米線，三餸分別係豬頸肉、肥牛、台灣貢丸。三餸撈米線一共＄53 。米線中附送芽菜、酸菜、花生炸醬同埋十秘製醬汁。我揀咗小辣。 我個朋友就叫咗小窩米線配腐竹同埋墨丸， 一共＄43。 配料豐富（米線可以走配料架），味道濃口但偏鹹，面身軟度適中。食物質素中上水平。 不過，呢間餐廳坐得有啲迫，同埋食完好快店員就收碗，示意想你讓返個位出黎。

每次叫外賣都有錯漏，叫薯粉比米線，叫米線比撈薯粉，亂黎跟本就，1個叫走辣，1個叫小辣，兩碗都可以掉轉，唔食辣既同事辣到癲，冇一次送到碗野系完全岩，有冇攪錯，系果到做野d內地女人極度冇禮貌， 咁唔憂做唔好開呀嘛，垃圾!咁簡單既野都做唔到， 究竟有冇帶個腦返工??????你話你好好食就串得起啊，但又唔系!都唔明點解可以做生意做到咁，我d同事唔出聲忍佢地咁多次， 就變本加厲!!!!!!!!!!!!!!!!!!

從前在中上環上班時，橋香園是其中一間常常光顧的店鋪。來到中環就是回味，午飯時候，偕太座從來故地，想當年，兩口子常一起前來午飯。我還是叫了金獎腩肉，并黑木耳，上桌，先呷一口湯，好味，吃回昔日的味道！湯內有豬肉碎、芫茜、酸菜、韭菜和芽菜等等，混和一起出來那種酸辣的味道，非常美味！米線不稔有咬口，腩肉稍為瘦了點，美中不足。橋香園的米線確實不錯， 由其是價錢相宜，在中環已鮮有，雙併才$41元。近年不在中環，多吃了三哥，相比下，黎生還是選擇橋香園。盡管黎生覺得還很美味，但又實在不敢推介，因為店內委實太擠迫了，十年仍如是，地下總是黏稠著濕淋淋的，服務亦欠佳，坐下來就很不舒服，午飯時，當妳吃畢放下筷子時，碗就會被瞬間移除去，就是表示下一位要來。還有那位粗聲粗氣的大叔，耳朵也快給他轟穿了。

嚟過兩三次，今次要咗麻辣米線、豬腸、 腐竹同埋蟹柳，坦白講真係唔好食，幾次啲酸菜都有一部份有「叔」味，米線質感好怪，，腐竹就冇乜特別，麻辣一啲都唔麻，係豬腸整得好啲。但啲服務真係好差，門口安排排隊嘅人同入邊啲侍應溝通唔清楚，另有個男侍應成日見到人哋仲食緊都想收咗我個碗，今次仲將枱面啲垃圾拋落我個碗，跟住先問我要唔要，我話「我仲食緊架」，佢竟然黑面話我好唔出聲，我即刻忍唔住鬧佢「你揼咗啲垃圾落我個碗度，我想繼續食都唔得啦！」唔怪得其他人都話食到一肚氣，食過幾次都係咁，以後都唔會再食

中環返工食過好多次啦! 但係品質真係愈食愈差,每一次去都覺差左!最後今次決定以後唔黎! 唔建議黎！！中午$35魚餃紅薯粉小辣 1。分量好少!薯粉好少，以普遍一間米線比較可能只得一半！魚餃得三粒!每次都要飲哂湯先夠飽!唔合理,唔飲湯唔會夠!另外問老闆娘如要龍蝦丸會有幾多粒,得兩粒佢話! $35得兩粒會唔會太小家? ! ! ? ? ! !? 2。味道不附合要求。講左唔要咁酸,結果都係好酸,唔夠辣,無走到酸菜! !3。薯粉煮得非常淋,同前幾次食差好遠! 4。老闆娘好無禮貌!食完三分鐘都無!見我拎手機禁就「拍我膊頭」趕客走! ! !洗唔洗咁樣?佢話「讓個位」! 5。收錢都一肚氣。門口出面俾錢,個老闆娘好無禮 貌,次次都命令叫個客「企落去」,因為門口有一級,係門口找錢,態度超差 !!令個客覺得唔順耳！中環食飯已經多人唔方便搵食,仲食一肚氣,一次難 食過一次, 已決定唔會再返黎食!

行過中環想食米線，行行下見到籣桂坊附近有間米線，個名叫橋香園，去到睇下個menu ,有自己最鍾意既香辣，之後點左撈米線食，撈火級真係第一次試，米線內有肉碎，花生，最重要佢個汁好香，撈埋米線食好開胃，平時對米線一般一般的，但今次食完之後會想再食多次，價錢都合理！朋友叫左湯米線，料足，而且食完吾覺口喝，牛肝菌值得介紹

兩餸米線 $42今日叫左個兩餸米線：金獎腩肉拼肉筋條米線配料有豬肉碎，芽菜，蔥花等。湯底唔算濃郁，中中等等。米線偏淋，腩肉夠入味，肉筋條係類似條狀貢丸，其他米線店比較少見到。餐牌

從未寫過食評，但今次寫係因為嬲到極點，唔寫唔得！！！！首先，本身唔係大食既人，對食既要求亦唔高，但無理由叫碗兩食送米線加杯豆漿，碗米線係幾啖就食完，$41兩食送米線，無錯，中環黎講唔算貴，但無理由得幾啖呱！！！！䓤同韭菜多過米線囉，家陣食米線定配菜呀...我已經唔大食，但完全食完好似無食過囉！！！另外，最火滾就係叫拎枝醋黎，竟然枝醋漏既，滴緊係地下，仲好意思拎過黎，攪到件白色衫同個袋有醋，最離哂譜既係一句對唔住都無，家陣咩服務呀😡😡😡😡😡😡😡講句對唔住都咁難.....離哂譜！！！！！呢間不知所謂既米線，唔會再幫襯囉！！！

店名：橋香園雲南桂林過橋米線地址：中環威靈頓街91號地下好味指數：8.8／10價錢：$46三拼小窩米線(牛肝菌，牛展，雞翼)（麻辣）米線爽口，份量不多。清湯底味道鮮甜，加入了麻辣果然有點麻陣陣的感覺，但不是很強烈，而且不是很辣。三款叫的配料都是要另加一元。牛肝菌味道有一點點酸，應該是醃過的，口感滑滑的，挺好吃。牛展軟滑，,很易咬開。雞翼用鹵水醃製，吃上來味道入味而且非常嫩滑。 

話說今日即興同點心(Deemsum)食lunch，去到附近嘅一間叫做橋香園嘅小型港式麵食鋪頭，食過橋米線。雖然都已經係十一月！！但係受 El nino 影響，根本仲好似七、八月咁熱！用天時暑熱去形容真係適合不過！我哋去到差唔多都已經一點半，佢個門口條龍長過佢煮嗰條米線。淨係喺門口，朕已經真係要等十分鐘多，人黎，同朕撥扇！！ 點心當然滴晒汗啦⋯⋯門口已經夠晒大鑊，但係好彩店員都好識做咁樣先幫我地落晒單。 入到去，真係逼到，朕覺得有啲似柴房，同埋因為一早已經喺門口落晒單嘅關係，一坐低店小二已經彈兩碗不知名米線過黎。有另外兩位肚餓人士（或稱排隊之友）同枱，我哋四個人八隻眼 ，你眼望我眼，我眼又望你眼，根本唔知邊碗打邊碗。媽我好亂啊！！米線既湯底比起「橙記」嗰間米線朋友為清，絕對係冇咁多味精，但係喜歡重口味嘅米線人士有機會覺得湯底淡。 朕就當然係鍾意淡淡地啦 ，偶爾食下重口味係唔錯，但係講長遠，始終係淡口味襟食啲嘅。米線滑滑溜溜，長長的，焉焉UNUN，都算係合格有突! 好味s 講到配料，朕就叫咗個雙拼。雙雙對對好意頭呀嘛。  魚皮餃真係幾細粒，而且貢丸都真係比較細粒，仲細過粒乒乓波。  口感其

中環除咗南記有得食米線之外，仲有一間橋香園啦，我有2009年開始就成日去中環出現所以我一早已經幫襯過呢一間米線，頭果幾年我都係食撈米線，直到有一次佢送出外賣送左湯米線俾我，話我突然覺得自己發覺得太遲啦！個湯底非常香甜非常惹味濃郁！自此之後無論堂食又好外賣又好我都叫湯米線！個湯簡直係呢一間舖嘅核心價值！點知，2015年，我今年係第一次叫外賣湯米線，個湯變晒質唔再係以前果種味道，味道仲好淡就算我自己加左辣醬，都係覺得好淡！而且個米線錄得太耐已經林晒！唔知係咪間鋪轉左手定點已經失準！以後盡可能都唔會再幫襯呢間野！亦都唔會再介紹朋友試呢間野！

今日唔使趕頭趕命食lunch趕番公司，終於試左每一次等位人龍都超長既穚香園。三拼酸辣米線(小辣)- 牛肝菌、豬大腸、生菜($45)湯底- 唔夠酸又唔夠辣，總之就唔夠香同濃，唯一好處就係無咁肥膩。配菜有豬肉碎、芽菜、酸菜、芫茜等等。牛肝菌- 切好左既牛肝菌外型好似海參，質感都似，不過無咁爽口。可能煮得太耐，所以食落係好lum , 滑luk luk ,味道唔係茹味，而且同d湯底煮左好耐既酸味-.-可能係我太大期望，所以先會失望。

YUM!  Yunnan 'Crossing Over Bridge Noodles'Tongue-numbing peppercorns and a generous helping of spice. Loved the cured pork. You can never go wrong with those. Hot and sour all in one bowl; Pickled mustard green, sichuan pepper hot spicy soup.  Rice noodle aka "Mi-xian".Choice your own toppings which is very good; meat slices, curerd pork, cured beef, spicy minced pork, vegetables, bean sprouts, mushroom, spices and cilantro and spring onion and more.  NB: Level of spicy... choose from low to