標叔叔小食店

營業中

休息中

街頭串燒不是到處有，這天在深水埗經過了標叔叔，嗅到燒烤味道便忍不住停下來買了三串來試試。買了雞肉、豬頸肉、司華力腸。雞肉香口嫰滑，即買即燒，可惜略為有點小份，雞肉大舊點會較好。豬頸肉很厚，但有點硬難硬，個人比較歡喜雞肉。司華力腸，燒得很熱很熟透，外脆內軟，跟烤汁很配合，小辣控制得非常好，是三項裡最抵吃，最為推介大家。

深水埗其實有很多出色小食及食店，質素絕對不會輸給旺區。標叔叔選擇算多，但其價錢十分大眾化。剛開店的關係生蠔雞翼炒粉麵都暫時沒有貨。所以選擇了燒花枝丸及燒賣牛肉球。燒賣有豬肉魚肉餡選擇～賣相平凡，但豬肉味十分出。燒賣脹卜卜，皮又不會過厚。牛肉球亦有很濃的牛味，質感尚算彈牙。不用落太多醬汁去食味道都不會受到太大影響，反而更能食出真味道～燒花枝丸有蜜糖，甜甜香香。丸食落彈牙香口，燒得剛剛好。

我諗夜媽媽經過得深水埗既都無咩人會無食過標叔叔小食舖開到凌晨都仲會見到個蒸籠出緊煙既 我諗只此一家由真正標叔做到而家由佢下一代接掌 一直堅持用蒸籠 誠意可加!!!!面對住不同既挑戰 由只有燒賣粉果 做到串燒而出名既 個份堅持真係不得了我比較少食串燒 多數都係食佢既蒸籠出品 都食左好多年蒸籠所蒸出黎既燒賣牛肉真係會同你用而家膠制蒸爐好大分別個種香味會由好遠已經聞到 好似去酒樓食點心既感覺 而家竹既味道會浸左入啲食物到 個種風味真係難以形容10蚊3粒牛肉 同6蚊4粒豬肉燒賣牛肉蒸得林身但又不失彈牙 而且牛肉味好重 即使唔落喼汁都無問題!!!至於豬肉燒賣 林身之如 豬肉落左五香粉調味 味道足夠 少少豉油已經帶出左熱肉味雖然細細粒 但口咬好好 比魚肉燒簤更出色!!! 

標叔叔小食店 @#foodki深水埗豬頸肉(6.5/10)($12)加左辣，令牛肉更加惹味，入口肉汁唔多，反而肉質較實，但掃街辣辣地真係幾過癮。而且標叔叔種類多，價錢亦公道，值得再食。標叔叔小食店 @#foodki深水埗豬頸肉(7/10)($12)去深水埗掃街真係非常唔錯😍，各類野食都有而且都幾平，今次食既係#標叔叔 既#豬頸肉 。豬頸肉燒得真係岩岩好😘，細望見到油脂滲緊出黎，咬入口層次豐富，肉質鮮嫩，微燶😍

呢度啲燒物真係好抵食，好似番到台灣旅行咁。今次叫咗燒雞脾，皮脆肉嫩，仲要好入味，最鐘意食面個啲粉，甜甜辣辣。另外抄面好扺食，$10一盒，分量吾少，雖然喊咗小小，但真心可以飽肚。仲有個豬肉燒賣都吾錯，有一般茶樓嘅水準，值得一試。

在下來到囍囍美食，就已經留意到了標叔叔小食的，可是在下還是首先試過囍囍先。轉個頭已經來到了標叔叔的門口，在下還是未立即上前，在下還是要研究一番。其實在下已經嚐試過囍囍的串燒和炸物，來回標叔叔門口，這時候會感到模稜兩可的，因為這裡又有串燒和點心，又有腸粉吃，因此在下較難選擇，可是在下還是點選了這裡的腸粉，看看它是否很滑。從店員手上接過腸粉，腸粉已經加添了麻醬和甜醬，而且還有芝麻，可是卻沒有辣醬，不過不要緊。吃一口腸粉，本身未算太滑，滑度較弱，然而麻醬卻異常香口和好味，與之前吃過的麻醬有過之而無不及的感覺（這是可能在下誇張了一點），而腸粉加上了芝麻，口感都豐富了很多。這裡雖然是一間小店，環境不算得出色，但是店員都很有耐心和殷勤

電腦商場對到正，本來想食腸粉，既然人家話串燒出名，就食串燒啦，要了兩串雞軟骨和花枝丸，從串燒玻璃櫃取出，並非生燒的，無問題，大多店都是翻燒啦，好味就得了，再見佢放落個樽仔浸一浸先攞上去燒，事後知道原來係蜜糖水，雞軟骨比一般的梗，難咬，肥肉不算多，太甜味，花枝丸因大粒，內裡未夠熱，外表太多蜜，只有甜味，四粒一串，算底食既。

估唔到食飽行過食肆都仲有意欲去買野食,不過要即刻食就食唔落喇,買左個炒麵同幾粒豬肉燒賣做第二日既午餐"姨姨好均真,我話要盒炒麵,佢問我要包定盒呀,原來有得一包包咁買,包既$7盒就$10,我梗係買盒啦,平d又可以揀一個小食做送"炒麵有張隔油紙吸哂d油,平時好多時都食到成咀油,呢個炒麵食完直頭可以唔洗抹咀!麵條幼細,但係成個麵無咩味道,食調味醬既味多過豉油味!一條條既葱趙趙下會攝住牙那,而且趙極唔斷!整體黎講呢個炒麵都唔系幾好味,不過豬肉燒賣加分啦,平時食開既魚肉都系彈牙,豬肉就反而好多肉汁收埋系燒賣入面,面上既蟹子就真系好裝飾,無味道既,不過豬肉燒賣比較少地方有得食,$5有4粒都好抵!

o係福榮街食完豬潤面 , 行返出黎諗住去買野飲 , 一行返去大路 , 轉角位見到呢間串燒店 , 正確黎講 ..... 係聞到先 arm串燒要燒得香 , 其實唔係好難 , 但要香得黎唔油膩 , 要令到食左 8 成飽o既人都仲心思思要食o既 , 就唔係個個做到見到 menu 選擇算幾多 , 除左大路o既肉類同丸類之外 , 仲有 d 幾特別既蔬果類 , 例如洋蔥 , 四季豆 , 菠蘿 , 連綿花糖都有我地都係抵唔住誘惑 , 叫左三串 , 將八成飽推向九成半 xd1. 司華力腸~ 真材實料 , 有 d 地方會用條大少少o既熱狗腸黎扮司華力腸o家 !!好肥美 , 燒到脆皮 , 加左蜜糖黎燒 , 感覺無咁熱氣 , 叫左辣味加左少少甜甜地辣辣地o既調味粉 , 而唔係一般所食到o既沙嗲汁 , 個粉加左都唔會話太乾身 , 辣味都都唔係太出 , 應該因為 d 蜜糖2. 燒花枝丸~ 可能係燒完放到凍左之後再燒o既關係 , 花枝丸個面有 d 硬 ,要咬到入心o個 d 位先至有彈牙o既口感 , 同樣係充滿蜜糖味粒丸唔係幾大粒 , 不過都有 d 花枝粒粒o係入面 , 唔會食到一粒粉丸3. 燒新鮮菠蘿~ 呢個真係好

標叔叔賣的食品包羅萬有, 不論串燒、炒粉麵、飯類(牛腩飯、肉餅飯、東坡肉飯等)、即煎餃子、蒸燒賣牛肉球粉果等等......價錢合理, 味道宜人。今次買了盒燒雞脾飯$19, 波仔冷藏飯盒都係差唔多價錢, 不過這盒飯是熱辣辣, 雞脾是即燒喎~甜豉油送飯, 味道似是自家調, 飯質稍為軟但被甜豉油浸過後會更腍, 雞脾燒得香但未夠火氣, 唔知關唔關因為被困在外賣盒內及熱飯上(放緩), 雞脾外面甜甜地, 肉是全熟所以帶幾分嚡, 直情係肉纖維縮細結合埋的嚡

近2星期，標叔叔有個新徒弟。不過，我覺得只有8成功力。還有2成在哪裏呢﹖與標叔叔比較，他欠缺火侯，或者燒得過燶。今次吃燒雞翼。燒得有點過燶。不過，加了甜甜的粉，令雞翼不會顯得沒味。徒弟仔仍要要努力。至於門面MEAU，可否換過新呢，好多油漬。希望標叔叔和徒弟仔有一天可以入到OPENRICE 10強。

某日行經黃金商場附近被燒烤香味吸引，因為太多選擇不知什麼好食，最後決定司華力腸同雞中亦，等了數分鐘，嘩......司華力腸好脆呀，職員好有心機燒，好好食+蜜糖同辣，至於雞中亦都好好食，下次要試牛肉同雞賢，如果吾係自己住對面海，吾係都會試下佢d外賣飯盒，超抵食

電視介紹呢間既串燒,於是今日特登黎試一試 燒花枝丸好有BBQ風味, 一串有4粒4粒都好大粒伙計一燒完就拎俾我地食熱辣辣即食超正!!燒香蕉唔係度度地方都有, 勝在夠特別!燒出黎食落口有陣陣既暖意加上燒既時候搽左蜜糖食落口暖暖地又甜甜地整體唔錯可以一試呀!

今次見不到標叔叔,今躺主持大局的不知是不是標嬸嬸..吃了兩串鷄軟骨和一串腎串燒是由半熟開始燒起每次都要少辣,其實一點都不辣,好有蜜糖味,甜甜的腎有點韌,其實我鍾意少韌,好juicy..這正是我杯茶鷄軟骨亦好有咬口,好juicy,好味道

同奶奶行完街食完晚飯就大家分道揚鑣, 臨回家見到好大陣燒烤香氣而且好多人企門口等食, 嘩~~ 燒棉花糖都有, 不過我睇中嘅係煎餃子, 職員話餃子是即煎所以要等十分鐘左右, 咁有誠意企一陣都好 隨後就見到職員喺雪櫃攞盒用發泡膠盒裝住嘅生餃子入店內煎(佢攞咗嗰盒出嚟就本能地打開睇睇), 煎咗一陣有個男職員問正在煎餃的女職員關於我買咗幾多錢。 終於等到女職員把餃子入外賣盒, 忽然那男職員問她煎了多少隻? 「8隻！」, 男職員話﹕「錯呀！10隻先啱。」, 女職員就話﹕「$10 四隻, 咁$20咪八隻。」 那男職員望一望我就轉身推那女職員入店內......唔知又等了多久, 我盒餃子終於到我手上 我靜雞雞check過真係有十隻餃子。等車、搭車、番到屋企都用咗差不多45分鐘, 但餃子竟然仍然是熱及脆口, 餃子皮唔厚, 有好香和好濃郁嘅韮菜而且豬肉汁甜甜地, 唔講得係爆汁但都唔少嘢~ 真係無諗過街邊都會有正嘢