樂樂冰室

營業中

休息中

講到上水名物, 好多人都會提到鳳嗚居 廣城 杜記等等....其實仲有一間居民至愛冰室 - 樂樂 佢都係一係唔錯選擇~!同其它餐廳常餐一樣,選擇都係火腿 餐肉 通粉 意杪 多士 炒蛋 煎蛋+野飲但點解會講到係居民至愛哩? 其實係因為佢樣樣都有心思 有心機做火腿通 - 個湯底好淡,但唔係無味 食落好健康既感覺煎蛋 - 用本地農場蛋,好濃 好香多士 - 一定要嗌大火,濃邊好食奶茶 -比其它餐廳做得好,有奶味 之後茶味就會出黎 食完好飽,但又唔會覺得好重負擔 ~ 食完又係美好既一天

每逢假日,我去上水石湖墟美容店做FACIAL ，都會去學樂樂食水牛芝士豬扒焗飯，已經食左唔知幾多餐haa首先講下環境，舖頭比較細，座位之間的空間唔多，較為狹窄，適合快食，茶餐廳而言，衛生都算唔錯，見店員執枱會用消毒酒精抹。食物方面，真係睇個人口味，我帶過朋友去食就唔太喜歡，因為樂樂的水牛芝士豬扒焗飯，我覺得相對淡味，一般大家樂或者其他茶餐廳，落咗好多嘅茄膏同油，味道會比較咸/重口味，但我自己幾鍾意樂樂，抄飯底相對乾身，芝士份量好多，有拉絲嘅感覺，用新鮮蕃茄去整，而唔係用茄膏，豬扒唔會好油膩，唔重梳打粉，似係淨係煎過咁，曾經食過一啲得d肥肉連骨，仲炸到皮同肉分層。不過好似見佢不斷加價 ，上次食就$62，唔知下次幾多，價錢同食物而言，不過不失啦。🧐🧐

叫咗個下午茶，荷包蛋鮮牛通粉 凍檸茶湯底淡茂茂唔知想點，牛肉冇牛味。通粉，蛋凍檸茶都正正常常，但食完第一啖真係冇哂食慾。請都唔會再食多次……………………………..

週末入去上水行山，出發行山前諗住搵啲好嘢食，喺水貨街附近兜咗一個圈，最後就決定入呢一間樂樂冰室試試。老實講，呢度冇咩冰室嘅感覺，都係一般普通茶記feel。好耐之前聽過呢度焗豬扒飯出名好食，但行山前廢事食得咁heavy，所以就無叫到。入到去就正正常常唔算多人，好在都叫做有卡位坐吓舒服啲。坐低睇餐牌發覺都幾簡單，早午餐同下午茶都係同一個餐牌，另外仲有個午餐餐牌，但其實都只係得四個選擇，略嫌單調。我哋就簡單叫咗個腿蛋丁同奶油包，見到佢哋標榜係用本地鮮雞蛋，但食落都冇咩特別，個人覺得都係日本蛋好味啲，奶油包就正正常常，但啲奶都唔係落得多，同其他餐廳唔同嘅係呢度啲方包係厚切，份量變相可能會多少少。飲品方面叫咗杯凍華田同熱奶茶，茶記嚟講都算OK啦。但兩個咁普通嘅餐就食咗$70我就覺得個價錢唔算太街坊囉。

細個考完試都會食個早餐先返屋企由以前的還好到依家的不食也罷反而同區的廣成水準有提升記住要嗌走豆，廢話不多說，三色豆實在不應再遺害人間，不明白餐廳一路以來為什麼堅持在粉麵上加三色豆，圖已走豆。牛肉軔沒肉味，但以早餐來說勉強收貨米粉軟硬度適中，幾好炒蛋太細份了，雖然標榜自家農場蛋，但味道上色準上沒太大分別，還是袖珍size占醬多，要加錢，但麵包脆醬充足，算是最滿意凍鴦走甜，酸的，打破不了茶餐廳咖啡是垃圾的定律現在的樂樂只淪為快餐店好少少水準，只有情懷

上水打完波諗住求其附近搵啲野食lunch 就入咗呢間野 午餐少野揀都算 諗住食個頹飯叉燒煎蛋飯 嘩頂你得6塊叉燒都算 啲叉燒又柴又硬 同行朋友叫咗豬扒煎蛋飯一樣咁伏 雖然話上水舖租貴姐 你最多咪加價囉 但係你啲食物質素同份量都唔合格 可一不可再！

今次嚟到上水舊墟搵食 lunch已經食到好悶 唔知食咩好呢 同事就好鍾意去呢一間樂樂冰室食佢自家製豬扒飯 .平時lunch時間過嚟人多都要等位添呀 所以要早啲過嚟搵位 間舖頭唔係好大 得20至30個位.睇吓佢有咩食先呢度選擇唔係話好多 主要焗嘅嘢就係有焗豬扒飯同焗肉醬意粉 嘩原來個焗豬扒飯都要成$57 淨係送熱飲 凍飲仲要加$3添 焗豬扒飯上枱啦 望落去份量真係好多 上面仲有好多舊蕃茄添 不過食落就真係好普通啦 豬扒好細塊同埋醃嘅味道好普通我覺得大家樂嘅焗豬扒飯仲好食過呢度啊 而且大家樂大快活嗰啲都係三十幾$40咋 但係呢度收成$57 真係完全唔值囉試過一次唔會再嚟

黎到呢度一定係食焗飯/焗意粉！水牛芝士鋪曬滿曬好正！我每次都係食佢嘅豬扒飯，啲芝士可以拉絲，豬扒夠淋身，個飯仲有用蛋黎炒底，炒得好乾身，好好味！而肉醬意粉我都食過，芝士都係有拉絲效果，但我自己一向唔算好鍾意肉醬意粉，所以食完又唔會想再encore嘅感覺，鍾意食肉醬意粉就可以一試，一定唔會失望！放心！奶茶幾香濃又滑！而鮮奶都係每日新鮮送到，唔係交行貨！員工服務態度就一般喇！冇咩笑容，黑口黑面，其實可以笑容多啲嘅！

我愛樂樂冰室嘅水牛芝士豬扒飯，佢嘅芝士烤焗後，又柔軟，芝士份量好多，足足鋪滿晒成個飯，我最鍾意拉絲嘅感覺，味道少少咸，完全係我最鍾意嘅芝士口味，我恨佢芝士太好味，次次我都要食晒成碟飯，之後要做多啲運動拍肥肥...我愛佢嘅豬扒有好多件，6-7件，食極都食唔完，我恨佢太窩心，將豬排骨切去，雖然啖啖肉，但其實豬扒連骨嘅部位係好好味㗎我愛佢嘅豬扒又入味又唔嚡，個茄汁仲好好味，我恨佢令我次次都淨係食豬扒飯，冇機會試其他口味😘😘😘

This restaurant locates at the centre old market of Sheung Shui, if you walk from Sheung Shui Station, it takes around 5-8mins, depends on how fast you walk./The queue is always long during weedend morning, from the queue, you know how popular is it in Sheung Shui as a weekend refreshing breakfast!/The combination is always simple, 1.toast 2.beef/pork 3.sauage+eggs 4.noodle. This is a typical breakfast set in Hong Kong. This restaurant does not make it special, yet it makes every part well done!

我朋友住在上水舊墟附近，最近我就約咗佢食飯，由於諗唔到食咩好，佢就帶咗我去平日佢會食嘅茶餐廳，樂樂冰室。位置唔算偏僻，好容易就搵到，總括黎講都算唔錯，係個正正常常嘅茶餐廳。牛肉通粉炒滑蛋凍檸茶 $46呢個午餐整體黎講冇咩驚喜，亦都冇咩伏嘅地方，價錢都算合理。份量黎講都幾大吓，足夠醫肚。個人認為個炒滑蛋幾好食，通粉唔會話太淋或者太硬，味道都唔錯。值得一讚嘅就喺地方都幾企同理乾淨，如果中午唔知食乜又想搵地方坐低同朋友吹下水，呢間茶餐廳都係一個唔錯嘅選擇~

再講多次我真係好鍾意食焗豬扒飯😻呢日行過上水諗唔到食咩就想食茶記既焗豬扒飯🤩呢問冰室啲芝士鋪曬係面好正好好食，啲芝士可以拉絲，豬扒夠淋身，個飯仲有用蛋黎炒底，炒得好乾身，好好味！朋友叫左肉醬意粉我都食左幾啖，芝士都係有拉絲效果，鍾意食肉醬意粉就可以一試！😍呢度啲奶茶都ok喎！幾香濃又滑！鮮奶好似係每日新鮮送到，可以一試！不過啲員工服務態度就麻麻地喇，黑口黑面，食完就即刻收曬檯面啲野好似想你快啲走咁！👽坐到好唔舒服🤯

樂樂冰室最出名就係食焗豬同埋芝士肉醬意粉！成堆芝士鋪曬係面好正好好食，啲芝士仲可以拉絲。焗豬係我嘅至愛，每次都會必點，豬扒夠淋身，個飯仲有用蛋黎炒底，炒得好乾身，好好味，啲汁剛剛好，唔會太多又唔會太少。肉醬意粉都好味道，芝士都一樣有拉絲效果，但我自己本身唔算好鍾意肉醬意粉，所以食完又唔會想再encore嘅感覺，鍾意食肉醬意粉就可以一試，唔會失望！可能令你一試難忘tim！呢度仲有新鮮鮮奶飲，係玻璃樽身，好有奶味！可以一試！

樂樂冰室必食一定係食焗飯/焗意粉！！！佢啲芝士鋪曬係面好正好好食！我最鍾意食佢嘅豬扒飯，啲芝士可以拉絲，豬扒夠淋身，個飯仲有用蛋黎炒底，炒得好乾身，好好味！而肉醬意粉我都食過，芝士都係有拉絲效果，但我自己一向唔算好鍾意肉醬意粉，所以食完又唔會想再encore嘅感覺，鍾意食肉醬意粉就可以一試，唔會失望！呢度啲奶茶都唔錯嫁！幾香濃又滑！仲有鮮奶都係每日新鮮送到，可以一試嫁！不過啲員工服務態度就麻麻地喇，黑口黑面，食完就即刻收曬檯面啲野好似想你快啲走咁！要改善下！

自家制鮮茄醬焗豬扒飯又1上水名物, 去到上水不得不試1試,但要注意, 樂樂冰室開得早, 收得都好早,去之前要留意營業時間!!!焗豬真係不得不試一下，茄汁足料，芝士非常香，豬扒亦好香同埋厚不錯不錯啊