樂斯餐廳潮州粉麵專家

樂斯餐廳（潮州粉麵專家）係一間屹立喺聯和墟好耐嘅一間粉麵店。我一入到去哎咗碗牛腩麵，點知佢係我呢世人食過最難食嘅一碗麵。牛腩啲肥膏就成吋厚，肉質就鞋到嘔，食幾多就要 lur 走幾多。而每一條麵都充斥著濃厚嘅梘水味，食兩啖發現根本唔可以再食落去。我好肯定粉麵呢啲咁 standardized 嘅嘢實係碗碗都係咁上下，冇得特登為咗邊個而煮得特別好食，所以根本唔存在生唔生客嘅問題，而係碗碗都係咁難食。臨走俾錢嗰陣仲發現張枱下低有隻曱甴行過。仲好意思叫自己做潮州粉麵專家？九記都好食過佢啦！…查看更多

工作中午餐，去到呢間粉麵店，店面同店內都比較舊，比較暗，當然半滿唔使等位，我哋揀咗個卡位，星期日都有下午茶時段特價，落單時同事切腩（下午茶價）我就想雙拼，落單姨姨話無問題，可以雙拼，我同同事嘅理解係下午茶時間特價都可以做雙拼，點知睇單係普通價！不過其實望翻餐牌，下午茶嘅特價有點取巧，好像雙丸河咁計，普通價$29，加飲品$7（不計冷熱），下午茶價$34包飲品，凍飲加$2，其實如果跟凍飲嘅，下午茶時間嘅便宜根本同普通一樣！有點「言語偽術」牛腩牛筋河粉（$43）叫了多蔥，賣相不錯，牛腩淋身唔嚡，牛筋略硬，湯太鹹了，河粉略厚身，唔夠滑！熱檸茶（跟麵）茶底濃唔澀，茶餐廳水準同事食：牛腩河（$36）熱檸茶（跟麵）食物一般，店員姨姨係好直嘅人，落單上菜勤快價錢上有點取巧…查看更多

愈來愈鐘意食沙嗲汁，呢間茶餐廳冇乜特別，不過識叫既話可以叫沙嗲牛肉同牛腩既雙拼麵。-佢既牛腩汁味好濃好正，加埋沙嗲汁出奇地夾啦，但又唔會搶到大家既味道-成個麵既重點係佢既牛腩，唔肯定佢係咪牛坑腩，但真係好林，入口即融果種-如果鐘意食牛腩又驚痴牙一定要去試下，唔會推介錯既！…查看更多

20170310--聯和墟的茶餐廳比比皆是，樂斯牛雜專家位置在滙豐銀行橫街附近，繁忙時間過後，人流較少。此店門麵紅紅的招牌，有點搶眼，但個人覺得它的賣點是下午茶時間特長，下午二時至晩上七時。店內環境老舊，分佈了卡位和部份圓桌。當天已接近六時，還可以點下午茶餐(豬扒河配凍奶茶):凍奶茶--點少甜，但還是很甜，甜多茶味少。豬手河，豬手是一般鹵水做法，三小件，炆得夠腍，河粉不滑也不"鞋"口，份量偏少，整體味道可以。埋單:$31，回家才發現好像店員忘了加凍飲$2。此店下午茶時間特長，茶餐只是約$31，味道普通，只作日常平價開飯之選。…查看更多

今日去開粉嶺 隨便入一間餐廳食lunch~離遠已經見到大大隻字好搶眼嘅樂斯招牌～於是就入左去試下～我地一行8人～大部份人都叫左干炒牛河～因為我唔食牛所以只有我叫左日式烏冬其實價錢幾抵，37蚊有飯/麵+湯+飲品南瓜湯味道唔錯，豬骨味好香濃👍不過炒烏冬炒得比較「淋」，但份量都幾大下而且都幾重味～服務態度唔錯，我個烏冬遲左到都即刻幫我追～而且係入座時都好快幫我安排位置…查看更多