樂天皇朝 (新城市廣場三期)

營業中

休息中

多年前食過「樂天皇朝」旺角店。今晚和友人逛沙田新城市廣場，原來這邊也有分店。見到又心思思想食小籠包了！入座後隨即附上一小碟餐前小食，花生、栗子都煮至非常腍身。「樂天皇朝」招牌是小籠包，不得不點！這一盤八色，分別有原味、糟溜絲瓜、蒜香、川味、芝士、蟹粉、鵝肝和黑松露。8個口味，各有特色！店員建議先吃味道清淡的2款：原味、糟溜絲瓜。絲瓜款外皮呈翠綠色，肉香中帶微微絲瓜的清甜感。川味則會多了幾分香辣味。而味道相對較濃郁的就是蟹粉和黑松露，前者是蟹香海鮮味，後面就有濃郁黑松露香氣。抄手有4隻，包至十分飽滿。內餡有鮮蝦、豬肉，充滿鮮香味，蝦肉頗有彈牙感。用上幼滑的細麵條，麵條入口煙韌，而且甚為掛汁。拌上紅油，咀嚼間感受到陣陣麻感辣香，香口惹味。想不到餐廳也有手打檸檬茶系列，試了紅石榴檸檬茶，香水檸檬搭上紅石榴，微甜果香中又來點小清新。而友人就點了蘋果和荔枝茶，紅茶甘香中帶著荔枝的甜。2杯飲品都挺好喝的！

經過見到沙田新開幕，仲有舖頭首創沙嗲牛肉小籠包‼️作為沙嗲牛肉愛好者，一定試下先🤤【沙嗲牛肉小籠包】$58沙嗲牛小籠包組合幾新穎，味道夠特別，有驚喜！牛肉餡肉香濃郁，仲帶少少沙嗲醬嘅微辣同花生香，幾有層次～ 無點醋，就咁食都覺得好似食梗沙嗲牛！【招牌原味小籠包】$78經典之選，皮薄餡靚，一啖咬落去湯汁四濺！豬肉餡新鮮唔鞋口，調味啱啱好，唔會過鹹～【蝦仁酸辣湯】$65味道夠酸夠辣，飲落好開胃！蝦仁份量唔算多，不過勝在彈牙新鮮～而湯底後勁辣味偏勁～【李白醉雞】$93雞肉滑溜，酒香十足，入口冰涼！黃酒味突出，飲酒嘅朋友應該會鍾意。如果加$10轉雞髀應該仲出色！

最近去咗沙田都開嘅樂天皇朝，餐廳夠大、座位舒適、服務唔錯！個人覺得必食呢度嘅小籠包。招牌原味小籠包，呢款小籠包皮薄餡多，湯汁超級豐富，一咬落去，鮮美嘅肉汁馬上爆開，真係好滿足！搭配醬油同薑絲，味道更加提升。蟹粉鍋貼🥟外皮金黃酥脆，入面係鮮美嘅蟹肉同豬肉混合，口感超級好！每一口都可以品味到蟹肉嘅鮮甜。而紅油鮮蝦抄手拌麵，紅油香氣四溢，鮮蝦抄手大隻，拌麵嘅調味啱啱好。雷沙湯丸外皮Q彈，入面係香濃嘅芝麻。

之前路過見樂天皇朝在新城市廣場三期開店，但等位的人都幾多。 今日早d來試試。 但未到6點已經要等位， 其中4人位又等得特別耐， 差不多半小時才有位。 用餐時間90分鐘都合理。 叫了兩個湯麵， 湯年糕和點心。 上菜都算快， 食物份量ok. 雞湯拉麵鮮甜， 但豬肉卷湯麵偏淡。 湯年糕不錯，生煎包好味。 最後叫了薑茶湯丸， 都幾煙韌。 價格跟翡翠拉麵差不多。 環境舒適， 服務態度好。 仲送左coupon 俾我哋下次用。 見到外賣有8折， 下次會試點外賣。

一想食小籠包就諗起呢間，原來沙田開咗分店，對我嚟講都好近，新店開張梗係去試吓先😉裝修都係一罐舒適嘅擺位，都有唔少嘅卡位，二至四人都有好多座位選擇，服務員好好禮貌，坐低嘅時候配上普洱茶加埋栗子花生小食。🍴招牌原味小籠包(6粒) 招牌菜，一籠有六隻，皮透薄餡靚，提提如夾起嘅時候要小心，好多湯汁灌滿湯包，一咬開爆汁😆順便提下新出左沙嗲牛肉味😉🍴上海媽媽烤麩 算係上海招牌家常菜，但唔係間間好食，呢度顏色吸引，烤麩吸哂所有汁，仲有啲冬菇仔好爽口，整碟味道既汁係好出色。🍴菜肉雲吞豬骨湯拉麵 呢度最出名嘅另一樣嘢就係拉麵，菜肉雲吞皮薄餡靚，入邊啲餡都好多，雲吞皮好滑，配上爽口嘅拉麵。🍴皇朝擔擔拉麵 經典淡淡面醬汁，唔會好多花生味，所以唔會好膩，拉麵爽口彈牙。

沙田新城市廣場最近開咗樂天皇朝，主打食上海菜，好適合同家人去食飯！呢度嘅招牌菜係小籠包，幾乎見到每枱都會點呢～▪️沙嗲牛肉小籠包 $58為慶祝沙田分店開幕，更推出充滿港式風味嘅沙嗲牛肉小籠包，食落幾有驚喜，鮮嫩多汁，肉餡充滿沙嗲香氣，皮比較薄，夾嘅時候要小心啲▪️上海生煎包 $50一客有三件，面層麵包鬆軟，底部煎香形成雙重口感，肉餡鮮美多汁▪️雪菜鹹肉炒年糕 $95年糕炒至軟身，口感帶點煙韌，沾上雪菜食好滋味，加上幾片鹹肉更增添幾分咸香▪️蝦仁酸辣湯拉麵 $78拉麵份量都幾多，適合同家人分享，酸辣湯酸酸辣辣，非常開胃，配料有蔥花、筍絲、豆腐條、木耳絲及蝦仁

新開沙田分店，平日晚市人龍不絕，但也無阻我回訪的決心🤣價位中等，拉麵之類主食不需$100就有但服務、環境都媲美更高價位的中菜廳重點是，有超好吃的小籠包😚 ✿ 特式皇朝小籠包 $148心心念念了一陣子，終於再吃到🤤即場現包小籠包，上桌伴隨騰騰蒸汽餡料比例高；從夾起的形狀所見，就知內裡包涵超多湯汁😝吃時別著急，小心燙傷🤣八個口味各有特色，最驚喜的是 鵝肝口味，香而不膩😚 (很怕肥膩煎鵝肝的me👀蟹粉口味也是高質的，自然的鮮甜總結是，會令人想念惦記的小籠包(*´﹃｀*) ✿ 李白醉雞 $93這個也要推!! 擺盤精緻高級，味道也同樣超香濃的酒香，肉質嫩滑雞皮爽口，還有完美的啫哩層😭❤️ ✿ 家鄉蔬菜包 $50這個相對沒有上述兩款驚喜，不過伴著他們自家的辣椒醬吃(放在桌面上任加)，也是不錯😝 ✿ 茶位 $13/人

今日行完一田，攰攰哋又未食飯😄，隔離壽司郎又排到full晒，見到樂天皇朝開到嚟沙田即刻去試一試，上次食都系一年前係銅鑼灣，果然保持到水準，服務都好好，Sam經理抵讚熱情又主動幫我哋影相，小朋友冇飲茶，幫我哋cancel咗小朋友茶錢💕💕上海炒年糕同七彩小籠包都好好味！😉😉唯一不足就系冷氣唔系好夠啊😂希望可以繼續保持到水準！下次約埋班朋友試埋個水煮牛肉，睇吓掂唔掂，如果掂就可以做長期飯堂，唔使喺屋企整個水煮牛肉啦