樂天大喜屋 (已結業)

今天去到旺角樂天大喜屋 因為沒有晚市堂食咁就選擇左中午12點開始到中午3點（三個鐘放題）價錢係$188 加一服務費 咁餐廳自助區都有好多食物選擇包括有（沙律BAR/熟食區/飲品區/甜品區）放題緊係唔少得個刺身拼盤基本上樣樣都係咁鮮味海膽手捲同拖羅蓉手捲 都比其他放題店好好多 起碼都食到海膽味同拖羅味次次去大喜屋有三樣必點就係牛舌/燒鰻魚/芝麻雞翼.牛舌燒既時間岩岩好 唔會好乾身（不過再加厚身版既牛舌就冇得頂）燒鰻魚因為厚度岩岩好 燒到非常香口 入口軟綿綿感覺芝麻雞翼 都係名物之一 唔會炸到入面好乾身 都仲係保持到水準👍👍👍壽司就飯量唔會太多 可以點多幾款 試多d 口味

旺角呢間樂天長期爆場🧍🏻‍♀️🧍🏻🧍🏻‍♂️，不過就算book左枱都要排隊輪流入座👀食物選擇非常多，用手機📱📱QR code落單就唔怕唔記得左自己叫左咩，又可以睇番原來自己食左咁多野🤣🤣 啲刺身味道都唔錯🐟🦑🍣🦪，叫幾多俾幾多（最鐘意每樣叫少少試下～啲壽司都好精美，唔同出面啲款架，幾好食，都幾有誠意！回本之之選仲有海膽😆出面仲有海鮮🦞同熟食拎，估唔到今日會有水煮牛😂😂，仲有啲手拍青瓜、無骨鳳爪，好開胃

好耐都無食放題, 趁仲有得食, 即刻食番次先!🤗第一次去呢間樂天大喜屋, 個場真係好大, 仲幾多選擇添!🥰放題有分自助區同手機點餐! ✨自助區✨有大量飲品 - 啤酒, 紙包飲品, 冷熱清酒, 椰子水, 茶類.. .. 有小量炸物, 甜品, 沙律, 冷盤, 但質素都唔錯!😋✨手機點餐✨有刺身, 炸物, 熱盤, 鍋物, 天婦羅, 壽司, 手卷, 都係正常大路野, 款式好似好多, 但其實感覺又唔係!🤣🤣但以價錢嚟睇, 真係好抵食, lunch時間, 二人同行一人半價, 除番每人 $170 咁上下, 真係唔錯!!

對話同美食都係重要嘅input，兩者兼備好幸運。放工就要食好西，獎勵自己。食放題好處係可以放任咁食，化今日嘅喜悅同聽日工作嘅悲憤為食量。放題以日式為主，當然唔少得刺身。三文魚、帶子好厚身。蝦都有好多種，有虎蝦、赤蝦、甜蝦，個人最鍾意虎蝦，大大隻，又鮮甜。除咗刺身，壽司亦都係回本之選。壽司都好有心機。黑松露赤蝦拖羅蓉魚生塔，淨係個名都知道好豐富，各種食材配合得好好，黑松露更加突出拖羅鮮味，唔會喧賓奪主。芝士鰻魚玉子燒好邪惡，令人一啖接一啖。卷物最推介香芒吉列蝦卷。Juicy嘅芒果加脆口嘅蝦令口感唔單一。香芒令到味道更據層次，增加清新感。熟食都有唔同選擇，仲可以自助攞章魚燒。Encore食嘅係炸鮮奶，外脆內軟。牛奶甜甜地，係好吸引嘅小食+甜品。芝麻雞翼都好香口惹味。食得好滿足，臨走仲有movenpick 雪糕。

今晚又係約老友食聖誕放題嘅節奏近近地就揀咗旺角依家樂天大喜屋…呢度嘅放題真係幾抵食…我鍾意飲呢度嘅自家冷泡茶…而且呢度嘅海膽手卷都幾鮮味今晚仲有大大隻甜蝦而且仲有相當肥美嘅魚生最驚喜嘅一環…係我哋有一客清蒸大龍躉和先蔬大蝦球我仲叫咗每款不同嘅壽司…我仲最鍾意食呢度嘅銀雪魚…淨係我一個人都可以食三個加埋沙律醬好食到停唔到口我老友就鍾意食燒物…佢仲話今晚嘅羊架好大份另外出邊吧枱仲有好多不同嘅冰鮮海鮮…仲有好多前菜添最後一人一杯靚雪糕做結尾

和朋友食生日飯，去了旺角彌敦道創興廣場2樓的樂天大喜屋。這是一間老牌的放題料理，有一定口啤。餐廳佔地廣闊，設有很多坐位，而且食物選擇多。我們食晚餐，入座後起計兩個小時。我們去到六點，已經開始有客人在餐廳外排隊，好彩我們有事前訂位，服務員很快便安排我們入坐。有很多現成食物，和飲品已經在餐廳的大堂可供客人自取。開始時食些泰式無骨鳳爪和醃蘿蔔，先開開胃。這裏有自家製的冷泡茶，茉莉烏龍茶口味清新又健康。我們點的刺身很新鮮，而且上菜的速度非常快，甜蝦，赤蝦好鮮甜，三文魚也很肥美。海膽手捲細細件，的式可愛，又不會太飽肚。另外點了一些壽司，質素不錯，和壽司店的水準相約。另外我最喜歡的羊架，烤得不錯，味道不會太騷。另外推介是牛舌，口感彈牙結實，有趙頭。甜品方面每人可以有一杯雪糕或者在甜品櫃有多款甜品選擇，分量細細件，可以一次過試多種甜品，也不會感覺太飽太膩。總結：樂天大喜屋放題餐廳品牌有一定口碑，位置方便，好多時和朋友聚餐或慶祝生日，都會選擇這間餐廳，因為食品選擇多，亦一定質素，價錢公道😉👍👍

今天跟老公來到旺角行街買衫，血戰一番後特別肚餓，決定吃放題，選擇了大喜屋。外面擺放大量飲品、小食、沙律和甜品，可以自行取吃。其他食物均是以手機下單，很方便和快捷，衛生一流。刺身擺盤精緻，用來打卡不錯，刺身很新鮮的，當中我最愛甜蝦，肥美又鮮甜，完全沒有腥味。蝦天婦羅做得很出色，炸得外脆內熱，蝦的肉質彈牙有蝦味。麻辣牛柏葉很麻很爽口，伴梅酒一流！羊架燒得焦香的，羊肉肉質鮮嫩，沒有強烈的羊羶味！必要襯熱食！最後每位送上一杯Häagen-Dazs, 太細心了，為今晚劃上完美的句號。老公很滿意，說下次一定要再來！

食放題去邊度好，大食妹首選大喜屋，之前都試過其他放題，但係始終都覺得大喜屋嘅放題係最抵食今日同啲朋友仔約咗喺旺角食放題，發現原來旺角都開咗大喜屋，咁一於就食大喜屋啦旺角個場都幾大，一大班人坐落唔會好迫夾，傾偈都幾好而家餐廳改咗用QR code掃描落單，所以都好少會漏出邊自助嘅有飲品、甜品、冷盤同少少熱食，仲有六、七款雪糕壽司款式相當之多，推介過去香芒蝦卷，好Fresh 甜品推介班尼，朱古力味超級濃郁，外脆內軟，同出邊甜品舖買嘅冇分別個朱古力批雪糕都幾好食，出邊嗰陣朱古力脆皮好趣好香，有粒粒杏仁

✿╮❤╭✿✿雜感女生   好味日記✿˚*•✰。樂天大喜屋．合理放縱之選。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤拿，放假同朋友食飯一定玩放題點解呢？因為任食任傾，可以非常chill呢間樂天大喜屋位置就腳，仲有得夾糖糖我見到唔只小朋友連大人都夾得好開心覺得好正呀喂！ 即食的熟食都好多炸物、凍海鮮、靚湯，任你選仲有冷盤、日式沙律、水果、甜品真心多野食 先來是刺身拼盤非常新鮮，蝦蝦好甜帶子好鮮，貝貝彈牙重頭戲：花膠！大大塊，任食，正呀養顏滋補呀！蛇羹！好有料到！超香噴噴！有蛇肉架！味道好正宗呀！羊架！又係任食，燒得好好厚肉易咬唔痴牙！ 任食凍蝦！爽甜BOR！ 壽司有一定水準既！炸蝦多士同榴槤炸彈都好好食！  串燒、焗蠔、天婦羅........也是同朋友邊食邊傾的必點選項！香脆配搭！ 此店的啤酒、清酒都是任飲的！所以隔離台的食客是支支拎，支支清！我們都是汽水果汁的FANS最後一邊吹水，一邊食支蜜瓜雪條加幾個甜品就飽飽了！

今日黎到旺角性價比幾高的放題店，晚市都係二百蚊左右就可以任飲任食日本野，餐廳用QR code落單， 刺身、壽司、一品料理、炸物都會有，而且出面仲有食物bar枱有海鮮、炸物、湯、甜品🍮等等各式刺身、壽司、一品料理都好多款，而且質素都ok！刺身我主要都係食三文魚多啲😂， 🐟 刺身三文魚刺身厚切而且肥美，有時重會有腩位添🤩個人幾推介大赤蝦刺身大大隻入口夠鮮甜😍而且仲有得任食雪糕、甜品最後每人重有一杯Haagen Dazs 或者Movenpick 雪糕。整體嚟講上菜速度幾快，需然坐得比較密 但座位都算坐得舒服，性價比ok!

次次想食放題，都一定首選樂天大喜屋，除左價錢相宜，性價比高之外，食物質素同環境衛生都做得好好，所以每次食放題都一定黎呢度！餐廳面積好大，雖然成日爆場，但座位都坐得舒服。中間設有自助熟食同甜品區，熟食水準都好出色，特別係燉湯，食落無味精，一個人飲左三碗。刺身更加唔使講，新鮮大隻！淨係蝦都已經有3款選擇！熟食方面，十分推介串燒同羊架，火候控制得好，羊架唔會太羶，最重要係上台時食物仲係好熱。而有幫襯過既朋友都知呢度既芝麻雞翼係必點，外皮炸到卜卜脆，雞肉滑溜仲有汁滴出黎！

平時見到大家排長龍，超多人食，到底味道又如何？最重要我覺得勝在選擇多，樣樣選啲啦！首先，刺身方面，油金魚和三文魚也算新鮮，大蝦就一般般，但第二轉的油甘魚就一般般，三文魚有魚腩部份不錯我覺得比較有驚喜的是熟食部份，有花膠， XO醬炒牛柏葉都是我很喜歡！外面熟食部份有湯可以飲，我自己覺得不錯，沒有很多味精，另外也有章魚燒，值得一試！飲品方面有驚喜，有熱羅漢果水，冇糖，非常好！雖然是放題，但係還有清酒喝， 拿着清酒杯，還是可以慢慢品嚐！

臨近聖誕啲朋友都會約出嚟見吓，一大班人最啱就係去食放題但係屋之前食過好多次，今次一大班朋友揀咗中間點旺角分店，餐廳位置闊落，幾好坐但係屋放題嘅款式都算好多，由前菜、魚生、炸物去到甜品，應有盡有魚生款式都幾多，而且都切得幾大塊燒物手推羊架，燒到有少少窿、香噴噴，油脂十足壽司方面款式亦都幾特別，鰻魚芝士卷個忌廉芝士幾滑幾香特別推介要叫下個蟹粥，雖然聽落幾飽肚，但係真係有蟹嘅鮮味， 多人嘅話一係share幾啖，好快就食完Overall嚟講大喜屋價錢親民，款式又多，啱晒一大班朋友嚟食

可能最近工作太忙，成日一日食一兩餐，所以一到晚上放工之後就會特別肚餓啊，我見到自己最近瘦咗好多，所以決定呢排多啲食下放題，一來可以增肥，二來又可以有好多選擇，想食乜就食乜。今次就嚟到依家喺旺角嘅樂天大喜屋日本料理放題，法國唔係好多任食放題有海膽食，所以淨係海膽手卷都點左好幾個，然後刺身壽司嗰啲都一定唔少得，特別推介係佢哋有花膠食，個花膠真係一碗裏邊有好幾塊，我叫咗幾碗食，覺得呢款值得食，然後今次試咗佢哋嘅蒸魚，魚肉好新鮮，冇乜骨。最後一定唔少得我最鍾意食嘅甜品之一 ——炸紫薯波波，另外出去拎左一啲蜆、蝦、生果、飲品等等⋯⋯

好耐無去過食樂天大喜屋，見臨近聖誕，相約朋友聚聚舊，食任飲任食放題是最好選擇。先食刺身，點了大蝦、生蝦，入口非常鮮甜。依度壽司種類極多，除左一般嘅壽司 ，重有火炙、反卷、手卷得款式，個口最喜歡都係火炙左口魚，超正。另一有驚喜就係烤比目魚，烤得岩岩好，香口之餘，肉質非常嫩滑。牛舌、羊架都係值得食完再食，羊架一d羶味都無，而且一d都唔韌，牛舌肉味夠濃夠嫰。當然少不了炸榴連，熱辣辣，榴連愛好者必食，重有燒菠蘿，酸酸甜甜，減減油膩感。最後少不了重要環節，食雪糕，太耐無食過芒果味，感覺特別好味。