樂園魚旦專家 (幸福商場)

營業中

休息中

叫左個牛腩撈粗外賣，張單都係咁寫冇落錯拎到返屋企打開個盒唔見有蠔油，撈左好耐都冇見到 再睇下外賣袋又冇獨立包裝蠔油 就打電話過去問個店員話蠔油會落係個麵到，咁我同店員表示我個麵冇，佢話叫我拎返過去，我一來一回都20分鐘，所以我話有啲遠唔會返去間鋪啦，咁個店員就話咁唔好意思 都冇計，完全沒有提出任何補償方案，咁我再講個撈麵係另外加多$9，店員竟然話嗰$9係因為個麵唔係蠔油，叫我拎自己屋企枝蠔油有加返落去都一樣。我反問佢咁屋企冇蠔油咁點算，店員亦都答咁都冇辦法。你地內部點計錢唔關我事，總之我睇到嘅就係你個餐牌寫撈麵加$9。我想問下撈麵冇比蠔油撈咁係咪應該叫鹼水麵，仲係唔係撈麵。就好似你去打邊爐加錢叫沙嗲湯底冇落沙嗲，店員答你啲錢係加落個湯底啲餸到一樣，冇落沙嗲冇乜大問題你自備沙嗲醬落落去一樣呢間樂園一開張個陣，覺得性價比高幾好食，呢排本身已經覺得質素差咗，再發生呢件事，唔會再幫襯，勸大家嗌外賣都都要小心啲check 清楚(係要開蓋check)

夏天就算肚餓，都會比平時胃口差啲，所以今次就唔食飯，食比較濕潤嘅麵。魚蛋幼麵$34 炸醬＋$10，撈麵＋$8，紫菜＋$5=$57撈麵本身份量比湯麵多，比一般多一個，所以同加底一樣＋$8。呢度嘅麵好鬆，唔需要用幾羹湯，整散個麵，所以隔離碗湯都無用過，加紫菜就可以試下個湯咩味。不過叫炸醬配撈麵，下面就需要再另外落蠔油或者腩汁撈麵，味道配合啲，都唔會令個麵太咸。炸醬係切過嘅肉碎，有少少咬口，茄汁味道加蔥好開胃。今次都係幫襯返魚蛋啦！佢嘅白魚蛋係傳統貼埋一齊嘅餅蛋，爽滑彈牙，同有胡椒味嘅湯好夾，所以我好好彩加埋紫菜，又有湯飲啦！凍檸茶＋$8總計$65

係長沙灣依邊同朋友食LUNCH聚舊我好耐都冇去過D粉麵鋪經過依間成日都見到佢分店既樂園魚蛋就同朋友試下佢鋪頭潔淨企理 筷子放得好整齊牛三寶河 $52餐廳招牌之一可粉夠晒爽又唔會太硬又唔會易斷好食到所有粉都食晒牛腩好有味 好滑嫩淋淋地啱啱好 牛肚好好食 煮得夠淋夠爽口 唔會太靱或者太鞋口 口感剛剛好。牛筋燉到好淋牛筋魚蛋河 $46餐廳名有魚蛋依2隻字緊係要試下佢D魚彈真係好彈牙爽口 食得出用好多魚手打出黎好有魚味野飲加$8埋單都只係$114

今日去開長沙灣去運動 就同朋友去呢間樂園魚蛋專家食個快既😆我地就叫左雙餸麵👍我點了 雲吞牛丸河粉😚 雲吞同牛丸都各有3粒 🙈且河粉份量也不少！ 同埋雲吞裡有蝦有豬肉👍 牛丸幾彈牙 湯底也不會太咸 平時大食既我都會食到飽住個肚🤣🤣 同埋鐘意佢啲蔥同炸蒜 令到本來清湯既麵麵生息不少😎😋朋友則點了 牛腩水餃🥟粗麵👍牛腩有6大舊 水餃都有3個！同樣既個麵底也幾多👍水餃很足料 個皮幾薄😉我地仲可以自行加左啲辣油 無辣不歡😚😚同埋仲可以自己加醋tim arrr野飲方面 我地就一人叫左一杯我先點了 凍利賓納😆 好有港式既味道呀唔會太甜 但又解到渴 👍 開心而朋友則叫了 熱檸蜜 檸檬🍋份量也幾多 養生既感覺呀！呢到好方便 價錢也親民 仲有啲兒時味道 😆😆食完滿足！！

食多幾次呢間嘢 今次中伏 今日買左兩個餐 一個牛雜 一個牛肚 牛肚食第一口就頂唔順了 騷到不得了 牛雜都係 真係想行返去投訴下 唔知大家食過有冇試過咁樣🥹🥹🥹🥹🥹🥹🥹🥹🥹🥹

想食碗牛筋河，但係又唔想行返過青山道咁遠，就直情喺幸福商場食， 有這間街坊粉麵店，樂園粉麵，真係不錯餐牌選擇多有，有牛、有丸仲有餃子類朋友一見到就即刻叫牛三寶有牛腩、牛筋、有牛肚牛腩夠鬆、牛筋夠淋、 牛肚砌得精緻我自己簡單單叫咗一碗牛筋河，牛筋份量算多夠淋、夠滑;補充骨膠原一流河粉比較完整，食落唔會散修修，食到尾都仲係長長的一條整體份量足夠，食完唔會覺得唔夠飽整體作為街坊食店感覺不錯， 下次可以再試下丸及餃子

今日和朋友去Afternoon Tea，剛剛在長沙灣地鐵站。她說在長沙灣地鐵站樓上幸福商場，有一家食粉麵嘅舖頭。咁近，就去試一試。樂園，地方算寬敞，裝修新淨。粉麵類選擇都多，我們選了金牌牛三寶 配河粉和 樂園四寶丸 配河粉。本來也想選麵，但係河粉不是間間麵舖都有喎，要好食真係要俾心機去處理，就看過究竟。飲品先到來，凍檸茶正常。凍咖啡，嘩，好味呀。冇想到麵舖的飲品，都咁好味。咖啡味很濃郁，奶亦很不錯，很滑，增添咖啡的口感和味道。兩碗河粉到來，很大碗。牛三寶，料很足。食下啲牛肚，好入味和有彈口。我最鍾意食牛筋，好林喎，很豐富骨膠原👍🏼。丸也是很爽，好好食。我朋友都話，試過一定不會失望。河粉，不會太林，易斷，它很爽口。烹調時間掌握非常好。河粉的份量都多，這個河粉足夠午餐有餘。都好抵食。🤩🤩

在長沙灣辦好事情，去到位於幸福商場的樂園，趕快吃好午餐。餐廳內燈光照明充足，零舍精神爽利，看餐牌也倍感方便。侍應都主動協助，落單速度高。點了一碗樂園四寶丸，當中包括魚蛋、魚皮餃、魚片頭和肉丸。魚蛋彈牙可口，魚皮餃的皮的用料有點特別，透薄得來比較煙韌，很符合個人口味。選配了粗麵，鹼水味不算太過濃烈，份量是適中吧。飲品是凍檸樂少冰，是為當日頻頻撲撲的熱稍稍降溫，也能吸收一些維他命C呢。簡單的一餐只需$53，性價比甚高。

今日返屋企嗰陣經過長沙灣，順便買個外賣返去俾男友食。叫左兩碗麵加兩個嘢飲，點咗墨丸牛筋粗麵，同埋水餃牛雜粗面。入到去店員好快咁樣幫我哋落單，而且又問我哋需唔需要分湯，我哋需要分湯，大約5分鐘左右外賣就搞掂了。返到去食物，都仲係夠熱，牛筋炆得夠入味，夠淋，墨魚丸亦都夠味，水餃嘅叫左蝦好新鮮，而且豬肉嘅肥瘦比例啱啱好，可以稱之為一隻完美嘅水餃。最難得係牛雜冇內臟的腥味，同樣軟硬適中。 話明雲吞麵最重要當然喺面啦，粗麵食得出係用鴨蛋打的，非常彈，而且冇乜鹼水味，所以由此可見走鹼嘅程序亦都做得一啲都唔馬虎。雖然樂園魚蛋粉麵喺香港好出名，同埋好多分店，但係呢次係我第一次食，估唔到咁好食，下次打邊爐都會嘗試吓買佢哋嘅生料食下！

今晚想食清淡d, 所以收工同朋友去左長沙彎到食粉麵。五香牛腩河粉（$36）：牛腩好香滑，肉味好重，份量都好多，幾好食，真係幾正。河粉又好滑，唔錯。個湯底都幾好飲，好香濃同有牛味。樂園四寶丸米線（$45）：四寶丸真係好多唔同的魚蛋同丸，好豐富咁。首先黃金魚片頭同招牌魚蛋都非常彈牙，真係好好食好彈，然後墨丸同其他肉丸口感都唔錯，幾好食，又抵食。米線都好滑。炸魚皮（$18）： 真係非常脆卜卜，超正，炸得非常香脆，好似食緊薯片咁，浸埋落d魚湯到食，又係另外的一種風味。魚湯幾鮮甜，炸魚皮索左d湯汁，食落又好惹味。熱檸蜜：甜甜地都唔錯，幾好飲。凍檸茶少甜：茶底濃，檸檬味又夠，唔錯。食咁多野埋單都係$118,幾抵食。

店鋪光猛企理，都幾寬敞舒適👍🏼我地叫左兩碗河粉一碗招牌魚旦河一碗四寶河魚旦河份量不少，魚旦魚片各有3粒/片，魚旦爽口彈牙，魚片厚度適中，兩款食物都魚味十足💯四寶河有魚旦、黃金片頭、新鮮肉丸同爽滑魚餃。魚蛋真係無得輸 爽口彈牙！ 魚餃平日少機會食，皮薄魚肉厚實。蔥係點綴，令成碗河香左好多！🤩仲飲品有加配價 抵玩🥰另外想講鋪頭嘅秘制辣椒油好惹味，唔系得辣味，鐘意食辣嘅人可以一試。🫡都幾多款野食揀，未夠7點已經full house! 証明品質有保證