榮記牛什粉麵餐廳

營業中

休息中

做左十幾年味道依然可以保持果然利害. 服務的話呵呵那要看是誰了除了兩位老板外其他都是新手先後處理次序有點亂了調子.ps老板你比10年前肥了很多呢哈哈!!

從書展中,買了一本介紹香港美食的書,看見文中有篇介紹丸的粉麵餐廳.早兩日專程去食,粗丸果真水準高,令我十分驚喜,同行友人則點了牛什,味道不錯.下次定必再光顧...

不知有意定無意,家駒離開這個世界十四年後的同一日,來到"二樓後座"後面的榮記吃牛什.帶著平常心來之,爽快地叫碗牛什,爽快地吃完,牛肚爽口,牛腸不夠肥,嫌其單薄,牛肺同牛膀也爽.鹵水味就不大濃,但又非之前食家所講的"師傅你好".吃罷也不很口喝.當年今日後面很多樂迷哭斷腸,今天已經回復平靜.門前空無一人,時間真可沖掉一切....祝你愉快.

頭如亂草,又係整理一下儀容時間,唔知係咪一場驟雨關係,呢頭大部份食店都高朋滿座,見到呢度剛好有位又可以食個快餐,就呢度啦;既然都用牛雜為店名,當然要試試。牛雜米: 碗仔唔太大關係,望落都似乎幾豐富。習慣食湯麵前先飲湯(味精水),味道淡淡,唔太夠味bor!!牛雜切得幾大件,尤其是牛肺,係暫時食過牛雜粉麵中最大件既;牛雜口感ok,牛肚都唔會痴牙,只係無我鐘意個款彎彎粉腸,有d失望;米粉一般貨色,反而條油菜唔錯,軟硬度剛好。凍奶茶: 我鐘意隻四方杯!!茶味又ok喎,都幾夠濃,合格。服務方面有好有唔好,有位先生就幾好,會提醒我今日星期六呢2款要分開叫,平時就係一個餐($21);唔好係我剛飲緊奶茶,有位阿姐已經同另外2個客講: 呢個卡位啦!(我仲以為自己去左澳牛添。)上到salon頭都未洗已經師傅駕到,幸好salon無限量供應蒸餾水,唔係唔知點算??雖然杯奶茶幾ok,但好飲奶茶多的是,而且又有d趕客,無必要翻炒。