榮耀餐廳 (已易手) 新餐廳

與友人在附近工作, 我提議到田心一家小店午餐, 貪佢夠僻有自家feel.下午兩點客人唔多, 眼見都是熟客, 同老闆有講有笑! 甘荀忌廉湯不造作, 就是一碗簡簡單單的餐湯. 忌廉味重, 一碗太少. 酥炸魷魚跟一般炸法不同. 炸粉有點自家感覺, 而且是炸魷魚身, 一片片上. 配上酸辣汁又另一種口味, 唔錯. 自家製煙肉薄餅薄餅一咬就碎, 好脆. 配料多, 一定要用刀叉幫忙! 煙肉香菇等餡料好香, 又食到芝士味. 原來薄餅唔一定厚批先好味 燒雞沙律用料足, 應該有一片雞扒份量. 沙律都是新鮮菜同蕃茄, 配上酸甜沙律醬, 一定要試.餐牌都是單品價, 只要加$15可以多碗餐湯或沙律, 飯/薯菜, 同飲品.地方寬敞, 不過過於安靜, 如果約三五知己好似唔適合. 員工會過來推介是日甜品, 由於自家製賣完就冇, 天天換款, 可以一試.

今天剛在OPEN RICE 見到此間餐廳, 知道係新開, 所以走去試試, 整體感覺不錯, 值得再去一次因只是三人行, 故最初只點了三樣主菜, 但可能因為大家比較大食, 且餐廳所提供的食物份量只是一般, 最後多點了一份羊架。先說蘑菇忌廉湯，夠熱! 且有好濃烈的磨菇味, 非常值得一讚 白酒忌廉煮青口是小食, 老實說不太夠熱, 汁只有淡淡的忌廉味, 完全食不出有白酒的味咖哩雙薯配羊膝是老闆推介, 是餐牌沒有的, 咖哩不辣, 羊味夠濃, 薯溶裹有大小不一的薯仔, 可以食得出層次感, 配上羊的膻味, 一流!!煙三文魚菠菜意粉不錯, 較清新且味不濃。焗豬排飯也不錯, 食得出先用新鮮蕃茄, 酸甜度適中, 飯底也食得出有炒過, 豬排還可以, 只是份量真的有點小...燒羊架配雜菌 (燒汁) 是後加的, 煎得挺好食, 羊味濃郁, 雜菇也炒得不錯, 只係所配的燒汁麻麻, 不點汁食還好最後點的餐飲是咖啡, 上面的泡不錯!!

作為一名沙田居民，稱不上甚麼達人，還是希望為區內的優質食肆加以推介，近日就於住處附近，發現一間初開不久的隱世小店，論到食物來說，雖未達出眾的水準，品嚐過兩躺之後，仍能感受到當中的誠意...........位於大圍港鐵站的斜對面處，是被稱為田心村的丁屋眾群，雖然內裡食肆不少，多是屬於茶餐廳或菜館之類，要不就是一些港式的日本料理，這局面終於有所轉變，近這一至兩月之間，村內再有新店上場，其中一間名為榮耀的餐廳，明顯走年輕化的小餐館路線，與一眾茶餐廳比較，可謂大相徑庭。由於村內坐擁著數間教會，加上店名的關係緣故，所以也曾懷疑兩者是否關連?! 再看門口的單張擺設，也似是一些志願團體所開設，倒沒有過濃的宗教色彩，隔鄰處更有疑似煙灰盅的物體，其實大部份的宗教，最終主旨還不過是導人向善，為生命提供一條出路，卻因為教義及見解的相異，最為淪為大動干戈的局面，可算愚不可及。首躺於下午茶時份入內，看內裡的環境設置，已刻意避走茶餐廳的路線，木製的餐桌椅具，加上軟皮靠坐，桌面亦只擺放著簡約的餐具，可類近Cafe的風格，卻仍存一絲「茶記」的味道..........再看餐牌的內容，多以西式食品為主，意粉、焗飯、泰式咖

某天同老公行過田心村發現新開了一間西餐廳,門口放左好多花:,仲有位可愛嘅小朋友係度俾卡片我地,心諗搵日要黎試下先得@O@忍唔住影左張相!今日我同老公仔,妹子仲有未出世嘅BB終於黎到呢間小店試下拒嘅野食!!妹子叫左個沙律做前菜,不過生野我無食到,但妹妹同老公都話的菜幾新鮮!我叫左個磨茹湯飲~正好少飲到咁足料嘅湯!跟住我地叫左個豬頸肉小食同海鮮薄餅,豬頸肉同係出面食果啲分別唔大~不過不失啦~個海鮮薄餅就幾特別翠卜卜,好少係出面食到!主菜我地叫左2個意粉同1個豬扒局飯,意粉都OK好食嘅!!唔錯唔錯!!豬扒飯就一般啦~不過見都幾多人叫總括黎講呢餐好抵食哦以呢個食物嘅質數,咁樣嘅價錢...一句講晒平而抵食~~好多都係30-50到如果大家住附近,不防去試下哦~~仲有呢間野啲味道比較淡,同埋食果時俾人嘅感覺係好健康嘅感覺