榮發茶餐美食

平時經開依間嘢,永遠都見到鬼死咁多人,但依輪啲天氣又熱辣辣,都可以有咁多人坐街邊食嘅????都知有啲古怪架喇,所以今日咪嚟會一會佢囉一坐低...就叫咗個至愛嘅"蛋牛麵",但鬼死咁耐都未有嘢到,心諗死得喇,平時啲茶檔叫啲咁嘅麵,都唔駛5分鐘就嚟咗喇,駛鬼等咁耐咩等咗成10分鐘到...終於嚟喇,但等咁耐係值得嘅:)"生滾牛肉炒蛋公仔麵"...$21蚊~啲牛肉得到呢,一啲都冇生粉味,啲湯又冇乜味精...鮮甜呀"豬扒公仔麵"...$19蚊~你又估佢唔到啲豬扒都咁得喎...一定有打過下次試吓啲碟頭飯先...見咁多人食"番卓"指數:8分 (10分為滿分)…查看更多

雖然係大排檔,但係真係好食!我同朋友成日都去~我地食開呢度的 咸牛肉蛋麵 同埋 豬扒麵真係超好食!!果D豬扒呢真係不得不讚!...佢炸得好靚!金黃色!不過我地掛住食...唔記得左影相haha食食下...突然醒起有次話想試下個西多士,咁就叫了呢個西多士真係超正!!!!我本身以為係好似普通茶餐廳咁原來佢整到成塊三文治咁嫁!可能係我見識少...不過我真係第一次見不過呢個西多士真係好值得一試嫁各位!!!有興趣就去試下啦!不過佢唔係成日都有...把握機會問佢有冇喇真係!!!…查看更多

細細個果陣就已經係呢到食牛肉麵次次都覺得好好食今日下晝有係呢頭所以就過尼幫襯下其實呢到既野食幾好食嫁但係咁多種入面我最愛既都係生滾牛肉麵湯底好清,牛肉好滑,個麵唔會話煮到好林加上炸蒜就更加帶出牛肉既鮮味另外我就叫左杯凍檸茶total 24蚊都ok呀唔錯不過有一樣野要講一講就係係我食緊lunch既期間部冷氣間唔中都滴水落尼係時候要整整啦=]…查看更多