榮昌茶座

營業中

休息中

這已是第二次光顧，跟親友約好才來這兒，但小朋友聽到已一直反對...說那麼污糟... 本想說只是小朋友矯生慣養…但今次以後…我一定不會再來。話說我們一行8人，我們洗完筷子後，有一女職員說我們為什麼拿她那麼多筷子，便從親友手上拿走了一對筷子，還一直碎碎念的說我們，她的服務態度令我火滾，再當我發現我們8人但枱上只有7對筷子!! 合理嗎？！說真的...一對筷子...要食客受你氣？ 還在一直碎碎念? 實在不能忍受，跟她理論起來，她還是堅稱我們拿多了，而且是我親友給她的....但事實她是從我親友手搶去的...我叫她重新數數看我們枱上有多少對筷子？最後...終於得到她敷衍的一句「對唔住！」但我已堅決不會再來！！ 食物又唔特別丶又唔好食！

今次我地係專登揸車入黎既為於上水鄉郊地區既佢 位置黎講就真係幾唔方便 不過勝在對出有空地可以泊車 起碼煩少樣野先黎到呢度當然要食遠近馳名既豬扒包啦 好多人為左佢專程從市區入黎ga  等我解釋下點解佢咁出名啦！佢既出色之處係包脆肉JUICY 豬扒大大件 裡面夾住既半生熟洋蔥好新鮮好甜另外陳皮鴨湯飯同埋鄉郊bb鴿都好多人食 下次黎既時候會試試聽聞發哥間中都會黎 有興趣野生捕獲發哥既可以閒日早少少黎碰碰運氣

呢間茶座十幾年前有人介紹過已經好想嚟趁放假緊係去遠d但一直都只係搭77k知道喺邊今日終於嚟試試某幾樣招牌野上水其中一名物煎雞尾包炸BB鴿綠茶紅豆冰（太肚餓叫埋 椒鹽雞球飯）炸鴿好食，肉嫩好juicy，皮都脆雞尾包壓扁再煎個底部，熱食之餘又將中間餡壓得廣闊d，唔駛下下食到中間先有餡綠茶紅豆冰，乃係一球綠茶雪糕加紅豆冰撈埋嚟飲幾fresh，當甜品咁食真係好正至於個飯不過不失，d雞肉唔算炸得脆，唯椒鹽味都尚算重估唔到keep著都多人等位，始終嚟呢度都要喺上水駁程巴士或者小巴嚟，不過可以感受到鄉郊味道

呢間茶座位於粉錦公路蓮塘尾村路口旁，餐廳非常企理，食物種類很多，鎮店之寶我諗一定是每日限量出品的陳皮鴨腿湯飯、亦有其它出色的梅菜扣肉飯、豬扒包、BB乳鴿，非常正😋。

朋友揸車經過，見到門口好多人排隊，好啦好啦，我地都落車試下有咩好食先見到每枱都嗌乳鴿，我地都試下先等左15mins左右，熱辣辣嘅乳鴿到喇❤❤我地3個人嗌左2隻，一隻切2件，食得超爽兼豪邁，外皮好脆咬落好juicy再配埋大粒紅豆冰，紅豆煲到軟淋淋，perfect tea

放假入粉嶺探親，最好去呢間茶座食野，去到真係好多野想食，有煎雞尾包、豬扒包、乳鴿、干炒牛肉河，由於食唔晒關係，唔敢再叫，其實重有每日限量的鴨腿湯飯，不過可能遲左去，賣哂，碎蛋沙律牛角包呢d都係招牌菜。而飲品真係要試綠茶雪糕紅豆冰、西班牙咖啡、朱古力雪糕涼粉冰。乳鴿真係好好食，每人要食一隻至夠喉，干炒牛河d河粉好幼滑，豬扒包d豬扒是用秘整醬料奄製，很入味，煎雞尾包夠特色，下次放假一定要早d去食，一定要試下陳皮鴨腿湯飯😋，餐廳員工服務都好好👍🏻。

星期日，不想浪費藍天，趁著涼風，駕車去粉嶺。由大埔出發，不用15分鐘，雖然是第一次去，一點也不難找。車子停在在店前，已經有店員指示，往店後面停車場泊車，對於新客人，感覺特別良好。 外面已客滿，店員先量體溫，再帶領坐裏面。按防疫政策，12人大枱只坐4人，十分舒適。 兩個人，叫了BB乳鴿，豬扒飯，紅豆冰和熱鴛鴦。乳鴿皮脆肉嫩，豬扒軟熟有肉味，十分可口。紅豆冰，紅豆粉香大豆，份量足，熱鴛鴦亦不錯。價錢不貴，招呼不錯，食物新鮮好吃，值得推薦！

之前過年後都好想過嚟試吓，聽聞好多人都會特登過嚟食佢嘅豬扒包。最近終於有機會試到！前牌仲有少少熱嘅時候去食，坐咗喺室外都唔會覺得太熱。我哋兩個人一人叫左一樣嘢，一個叫左豬扒包配紅豆冰，個豬扒包入面有好多新鮮嘅洋蔥，值得一提嘅係個麵包係熱嘅，通常我喺外面食到嘅豬扒包個包都係比較硬身，但係呢個因為有經過加熱而且個包嘅質地都唔錯，所以唔會好硬，反而係好軟身同個豬扒好夾，豬扒就當然好新鮮啦，又夠大塊，食嗰陣佢會飛咗出嚟😆已配上紅豆冰簡直係絕配，佢啲紅豆冰嘅紅豆一粒粒超大粒，而且入面係真係有紅豆餡，有時出面有啲紅豆冰入面剩係得啲紅豆殼架咋！另外我哋仲帶咗一個熱狗同埋熱奶茶，你都經典嘅茶座當然要試吓佢嘅奶茶，飲咗之後覺得佢嘅奶茶非常之香濃細滑！熱狗就正常發揮🤤

遠就遠左少少 但為左個豬扒包 唯有專登揸車黎啦 仲可以免費泊車tim~雖然冇華麗裝修 但都算坐得舒服 又有室內同半露天位置選擇 環境方便中上啦呢度最出名既係豬扒包 個豬扒包真係唔差嫁 做到包脆得黎豬扒多汁juicy 睇相都應該feel到好食啦 後悔冇影多d相同大家分享呀 雖然價錢愈來愈貴 但都會繼續支持次次黎到個湯飯都賣晒 好野真係手快有手快冇 希望下次有機會試下 下次唯有早D黎啦另外係果度買左d有機蔬菜 價錢合理 質素唔差的 煮開飯既人可以順手買d返去試試

星期日爸爸突然問去唔去食下午茶~難得有車，當然去遠少少！榮昌如果要搭公共交通工具比較麻煩，但有車由上水去就非常方便泊車亦非常方便榮昌茶座有室內室外座位，店內簡樸白汁碎蛋牛角包看似平平無奇的牛角包非常香脆鬆軟配合生菜同碎蛋~好夾佢地既豬扒包都唔錯，夾左好多煎好既甜洋蔥～可惜。。。太心急影唔切＞＜鄉郊BB鴿雖然下午茶食乳鴿好似好奇怪，不過佢地既炸乳鴿真係好正熱辣辣，外脆內嫩～食到想舔手指必點！！綠茶紅豆冰見到差不多每枱食客枱上都會有呢杯紅豆杯~我地當然都要試下綠茶雪糕香濃既綠茶味；紅豆夠淋又唔會太甜恰到好處雖然遠少少，但間唔中去郊外吸收下新鮮空氣都好唔錯～

星期六最鍾意男朋友接放工 因為一定唔會餓親之剩仲唔駛我操勞去用腦諗食咩我係懶呀 咁放左工就係唔想諗野嫁啦而且我所有腦汁都已經換哂人工🤦🏻‍♀️佢帶我黎榮昌茶座其實已經唔係第一次黎 因為啲間茶座較偏遠為泊車友而設咁 但佢生意成日都好好既打開餐牌 無下午茶餐既我叫熱狗 凍奶茶熱狗醬汁足夠 不用另外加茄汁 麵包軟軟的奶茶味一般 未夠滑男朋友叫沙律蛋牛角包好食 牛角包外層香脆 同沙律蛋好夾三扒兩撥 佢已經食哂慢慢食 坐下 下次試下佢個七彩公司飯😂

今日郊遊 途經茶座 小休之餘 補充吓能量先 煎雞尾包 煎包一定唔可以用太新鮮既包 包太新鮮 個皮就太軟 煎起黎就唔脆口 呢個雞尾就啱啱好 外面少少脆中間小熱令到個餡帶少少溶 雞尾包另一食法 煎菠蘿包就同雞尾包差唔多 而包中間就有牛油 食落就好香 石板街涼粉 朱古力雪糕加涼粉冰 消暑新飲法 呢種配搭出面都唔常見豬扒米 豬扒好軟好淋 仲好香豬扒味 米粉就係雞湯底 第一推介必食干炒豬扒烏冬 豬扒比較軒身 味道都唔錯 烏冬炒得啱啱好 本人覺得豬扒米嘅豬扒好食啲

Lotus cafe is tucked away next to the busy little Fan Kam Road which runs between Fanling and Kam Tin. I had too much expectation for this place and was left with disappointment.Lotus cafe is a traditional Hong Kong cafe, serving Cha Chang Teng style food. Unluckily I didn't have the stomach to try their infamous pork chop burger because the menu was too hard to choose from.. the burger is probably not enough for my lunch as it did not come with any drinks or other main course so it's probably o

榮昌在粉嶺高球會附近，地方非常之偏僻隱蔽，如果不是自駕的話，交通較為不便，門面裝潢毫不起眼， 佈置簡單而樸實，富有鄉村風味。店內餐點種類繁多，煎雞尾包、豬扒包、煎菠蘿包、公仔麵、三文治...等，應有盡有！是次到來，正值下年茶時段，就簡單點了幾款小食！煎雞尾包這是一個壓扁了的雞尾包，這樣把包壓平，就是要用平底鑊把包煎香，咬下去香口，外層香脆，餡料椰絲融化在包內，感覺微暖，雖然與平時的雞尾包味道一樣，但口感卻是不同！豬扒包包焗到外脆內軟，豬扒嫩滑有肉汁，配以半生熟洋蔥及牛油，味道很好！燒乳鴿想不到這茶座有乳鴿供應，乳鴿個子嬌小，但色澤對辦，入口香脆肉嫩，蘸了淮鹽、喼汁，很是惹味！這家庭式茶座，在香港已買少見少，趁假日遠離繁囂，享受一下郊外的寧靜平和吧！

天氣太熱，沒有跟朋友行山，但很久沒見面，為了一聚而坐車到上水蓮塘尾一間茶座吃午餐，順道等他們落山，這裡很近77k巴士站，無論自己駕車或乘公車也非常方便。這裡有冷氣設備😅，這樣熱的天氣也不怕。我和老公點了兩個午飯套餐，附送例湯或熱飲，$47幾抵吃。我點了紅燒豆腐飯+$5轉熱柑桔蜂蜜老公點了豉油雞飯+例湯(老黃瓜煲豬骨)全部也足料好味，通常這些位於近郊的茶座都會收得偏貴，但這裡沒有，以這環境及味道，絕對是物有所值。