榮利粥店

營業中

休息中

新開張的傳統粥店，坐落在洗衣街近花園街及金魚街附近。見到地方寬闊，光猛清潔，坐落舒服！今晚就去試下味道究竟如何。叫咗個皮蛋艇仔粥+叉燒腸+蘿蔔糕。先講碗粥，估唔到平價粥個粥底都咁綿，下次要試下其他生滾的魚腩、及第等粥品，相信會更有驚喜！腸粉也是即叫即製的布拉腸，味道ok!再叫舊Robert 糕多色，蘿蔔絲仲現在眼前，合格！可惜一個人食唔到咁多嘢！未叫傳統粥店的炒麵及油器，有點可惜。食飽飽之際，也不忘再𥄫𥄫個餐牌，有腰潤公仔麵，又有自選湯飯。之後慢慢再試下！價格方面，以上一粥一腸一糕都只係盛惠50元！在旺角太子一帶，夫復何求！抵食！但今次無拍照，下次補回！

早兩 行過太子金魚街 買完金魚 之後覺得熱辣辣冇乜胃口 ，咁咪行咗去附近洗衣街， 發覺有一間新開嘅粥店 ，咁就入去試下啦 ，點知 出乎意料之外， 發現呢間粥店除咗粥之外 仲有好多嘢食 例如生滾湯飯 等等 ……既食品質， 既新鮮， 又抵食， 今次向大家推介呢 間粥品店 ，希望大家鍾意啦…

聽朋友介紹呢間餐廳粥底好好味又經濟，所以專程約埋兩個朋友今日去試吓，呢間餐廳位於旺角洗衣街我哋入到去見到環境闊落又乾淨，裝修懷舊又簡單講番啲食物先，呢度係即叫即做，粥一嚟到，當然即刻要試咗個粥底先啦⋯⋯粥底入口後會感覺到少少鮮甜味⋯⋯正肉質好滑，絕對唔會有煮過火乾硬嘅感覺，好味⋯⋯鍾意食粥嘅朋友，一定要試吓👍🏻同其他附近嘅粥店相比真係優勝好多，重點係，價錢經濟，我覺得物超所值環境，食物同服務態度都超滿意，讚👍🏻👍🏻

粥底唔錯 腸粉亦都即叫即整 夠曬新鮮價錢亦比附近粥舖便宜。一個字讚讚讚讚如果鍾意食粥又想食得便d 可以黎呢度試下都係唔錯既選擇 最正既係仲可以望住油炸鬼師傅炸新鮮既油炸鬼出黎 ～