榕榕酒家 (已結業)

星期日中午, 準備去荃灣做gym, 但過了年亦未曾同父母品茗, 便帶同兩老, 一齊來到荃灣. 茶餐廳不要, 麵檔不要, 新商場不入. 在川龍街, 轉過彎, 便是晚上的任食火鍋勝地, 榕榕.今次黎, 不是為了火鍋, 不是為其"榕記"燒鵝. 只是想普普通通飲餐茶. 平日是非常抵食既一間茶樓. 星期日價錢稍升, 但一樣街坊價位.午餐時段, 有個抵食既套餐, 貴妃雞半隻, 加一碟油菜同一窩米粉. 基本上夠哂三個人食. 貴妃雞非常入味, 雞油味香口, 再滲入雞肉中, 連最"鞋"口的雞胸也非常香口.菜, 非常的有光澤, 用上煮麵用的梘水去灼菜, 那碟芥蘭直悄令到反光, "淋"得黎又保持到其青綠色. 在家絕對不會保留煮麵水, 而且那些乾麵餅, 應該沒太多梘水.點心, 先說牛肉, 帶紅色, 表示是雪藏牛肉出品, 新鮮肉的話, 外面應該是熟牛肉的色澤. 鴨腳扎沒有食, 不點評.懷舊了, 老爸點了一個燒腩卷, 不太肥的燒腩肉卷在中間. 味道有點像叉燒包. 因為經過蒸呢一個程序. 咬落有點像扣肉. 記得曾在西貢食過正宗古法燒腩卷, 是一大塊燒肉, 燒腩卷大如大包, 肥死你.食完, 老爸與媽去逛街市, 我要努

2月3日晚, 在青衣影完相, 專登返荃灣食, 因為以前食過呢間任食火煱好抵($90/人)!依家只有夏枯草、蔗水任飲, 叫了兩渣夏枯草, 好甜, 另外再叫了一支beer($13)!醉雞湯底好香, 例牌野(肥牛/ 羊/ 丸/ 菜)普通;呢度連 海蝦/瀨尿蝦/生蠔/魚雲/魚pop 都係任叫, 是我再來這裏的誘因! 今次d蝦腳唔識郁, 但仍算鮮味; 食瀨尿蝦好煩, 生蠔又不敢多吃, 3樣都係叫了一round only!魚雲/魚pop 好正, 份量又多, 叫2 round都飽晒! 第2round的魚pop仲要幾大件(可能係第一round太細), 覺得正d!仲有 蟹籽丸 同芝心丸都好味!雖然話$65任食, 預左落樓唔止, 呢度只供應"豉油"同"辣醬", 其他野要收錢我地都無叫, 2人total $212, 減返beer同加一, 約$90/人, 即係碟花生同茶錢要$25/人(都幾貴), 呢種取巧最唔鍾意!約100蚊的任食火煱(比以前貴左10蚊), 整體算滿意的!

3日前訂左佢個1688的平價酒席12個人去俾10個位,;個侍應仲好串咁鬧番我們轉頭話係BOOK 10個位....(張紙寫明1席12位,我們話訂一席)訂左個張台係正成個場中央....成個場都係打緊邊爐.......D送......好似晚飯咁放晒係轉盤.......唔會有人收亦唔知幾時會有送來我們自己將D碗埋一齊, 自己拎走去架碗碟車度個魚翅...我除左魚肉咩都見唔到......所有送都係凍冰冰,唔熱的....個布旬先好笑..好似去麵包鋪買過來..一個個膠兜...摧左4次先送來！果盤無左....只得紅豆沙<---一早訂左架喎 埋單就好快最後2000蚊埋單伙計真係完全無招呼，唔鬧你都偷笑了環境唔洗問，極污糟，廁所塊鏡已經無可能照到人了。

19/10(日) 11:30am週日的上午,到深井一趟前,停了中轉站荃灣找點吃的.依組長的意旨,飲早茶.首訪這老舊酒樓,"榕榕".店內環境比想像中較"新潮",但俗套依舊.午市點心價頗實惠的,大點不過$14.8.咱們要了春卷$12.8,小籠包$12.8,魚翅餃$12.8,叉燒腸$14.8及魚雲粥$14.8.春卷--金黃的春卷外厚厚實實,以豬肉粒,蘿蔔絲及冬菇作主材;蝦仁去了哪?小籠包--一籠四隻宛如牛肉球般大小,包皮質地尚對頭;咬開包身,只啖到豬肉一大球,咋舌!魚翅餃--餡料跟春卷不相上下,又是豬肉全取代蝦仁..受不了!叉燒腸--最感快慰的一款點心,腸粉入口縱非超嫩滑,但煙韌有勁;叉燒粒肥瘦適度;再沾些香濃麻醬吃,挺滋味!魚雲粥--粥底稠度剛好,綿綿的;唯味道鮮得過火,魚雲亦腥味濃烈,令人汗顏!此等出品,恕我未能"敬老"!

每次飲早茶，都係例牌去開一間，今次轉轉新口味。價錢差唔多，野食其實都差唔多。點了幾樣點心，全部都不過不失，唔錯唔錯。不過始終覺得，腸粉真係無乜邊幾間酒樓整得好食。三個人飲早茶，一百有找，算係幾抵食。

第一次光顧榕記,因為朋友的推介...酒家的外型很懷舊..內裡都是頗舊的裝修。正是這樣更有驚喜。食物種類很多，最出名的新鮮蝦..感受到鮮味，手打丸亦很彈牙。

呢度我o地一家每月都會幫襯一兩次o架佢d 小菜好抵食, 百幾蚊就有龍蝦天使麵,不過地方麻麻, 迫o左d, 同埋感覺唔係十分乾淨囉仲有成日漏單, 侍應服務麻麻, 叫好耐先有人o黎

試過一次午飯和一次打邊爐．午飯那次忘了食甚麼，如果那時知道有呢個網站，就可以即刻記低．感謝呢個網站的誕生！　＾＾雖然話就話四十八蚊一位（九點後）任飲任食，不過都預了左加右加唔止呢個數．基圍蝦好新鮮，每次落單都俾十隻我．而其他食物都會一次來幾多（我們只是兩個人），如果每款食物數量多，就唔抵啦！哈哈！不過整體來說，食物都新鮮，質素幾好！另外有啤酒有汽水（因為無叫，不知道幾錢），而夏枯草、竹蔗茅根水同埋仲有一樣（忘記了）係任飲的．服務很好，叫人會有人回應，免費添飲的速度好快，我倆停哂手之後，仲走過來問要唔要多瓶竹蔗茅根水．

試過幾次係呢度打邊爐,覺得d 料幾得.. 68大人9點前,48蚊9點後.. 任飲任食..最正係d肥牛--- 唔似普通d肥牛,腍bat bat.. 呢度d就好有o趙口,所以對呢間特別有印象.. 叫基圍蝦就一次過上十只俾你.. 好新鮮.另一正野係魚pok... 正.. 啤酒平過汽水,任飲o既就有---夏枯草,竹蔗水.豆漿.. 兩人9點前大約200蚊, 9點後就150左右...

我都有試過受個叫位知客氣....我相信係同一個人佢個到waitress/waiter都唔識做野....又唔係平又唔係好食...仲要受氣...好唔得

佢改左名叫"榕榕"佢d人真係好唔得,完全無服務可言個位知客呀姐(長頭髮染金啡色)簡直要再訓練啦我地等左差不多成個鍾但only wait一張枱ja..我地6:45pm到去到佢就不停俾枱d熟客入衰在我地看到有一張枱我地可以夠sit但竟然俾左個熟客,仲要多人過我地我地問點解唔俾我地,佢話唔夠sit wor,仲叫我地唔好阻佢做野.....入面做野d呀姐一d禮貌到無不停倒塌d野,又不停整到我但無say sorry,仲要望住你...野食又不太新鮮....點可以咁樣華仔都有講啦...我勸你唔好o黎服務好想俾負分...最衰無