榕哥燒鵝餐室

營業中

休息中

昨晚叫了一盒乾炒牛河，一盒燒鵝飯外賣，乾炒牛河那盒正常，而且份量多和味道也不錯。 但一去到盒燒鵝飯，一打開，見到件件都好細件,已經心知不妙，再夾起每一件燒鵝看清楚，簡直火都嚟埋，差唔多件件都係骨冇乜肉，而且斬到好細件，散散修修，唔知以為係食淨，完全同堂食嘅賣相差天共地，擺明係搵外賣客人笨！ 枉佢賣點係燒鵝，仲衰過喺大XX食燒味飯。之前其實我都幾鍾意喺呢間舖頭堂食，但經過今次之後，以後我都唔會再去呢一間舖頭，反正又唔係得佢一間！

燒鵝飯 ｜最大亮點絕對係塊燒鵝皮！塊皮處理得非常出色，燒到又薄又脆，咬落去有聲，而且皮下嘅脂肪層可以同鵝皮分離，食落充滿油香但唔會太膩，水準極高。至於鵝肉本身，質素就中規中矩、不過不失，好在份量俾得好慷慨，啖啖肉夠滿足。相對價錢算係幾值主食方面，建議揀白飯。我試過嘅瀨粉口感有啲「膠」，味道亦比較普通。相反，白飯仲有菜脯附送，用嚟配燒鵝嘅鹹香，非常惹味。總括嚟講，為咗嗰塊脆皮，呢餐都算值得，會回頭，已回頭～

早餐豬趴非常吾得今日本來去華嫂，但睇佢自己社交平台 話星期日休息，另外open rice 話佢尖沙咀分店沒有好評，咁咪改是但搵一間食。味道豬趴米($39)1分— 豬趴已經瘦，又炸得好乾好多油，豬趴好鞋，食完一口油，— 米粉是用以前傳統的米粉，吾彈口— 另一個吾好食系個湯底，好奇怪的味道，吾識形容咖啡(1分)—得個苦字，無咖啡香味，吾夠熱茶走(3分)— 算系正常，但飲完舌頭”鞋”。環境(2分)— 裝修比較老化服務(3分)—一般茶餐廳衛生(3分)— 正常抵食(1分)— 吾好食就幾平都無用

棕哥雪菜肉絲米最正宗茶記食品今日食咗棕哥嘅雪菜肉絲米，真係可以話係我食過嘅最好味啦！佢哋嘅雪菜肉絲米炒得香口，米粒彈牙，配上滑嫩嘅肉絲同香濃嘅雪菜，味道濃郁又下飯。特別係佢哋嘅炒蛋煎得啱啱好，加埋半份厚多士同杯熱奶茶，只需$36，真係物超所值！而且喺棕哥食飯，環境舒適，唔一定要食佢既燒鵝

榕哥燒鵝餐室的燒鵝燒肉雙拼飯值得推介，燒鵝有陳皮味，色澤均勻，皮脆肉嫩，燒肉肥瘦適中，香口美味，口感不錯。另外，餐飲叫了一杯熱奶茶，奶茶入口香濃順滑，喝起來沒有絲毫苦澀味。

佢哋開張我已經幫襯（堂食），最欣賞佢個伴碟醃菜 …..直到疫情，習慣了外賣。食佢，其實只係為咗個醃菜，員工衰口爛面已經算喇，醃菜本身已經唔算多，外賣明顯更少，之後已經減少食佢嘅次數…最近突然又想回味返個醃菜，就叫了外賣，落單時客氣地問櫃面，可唔可以俾多少少醃菜（我通常都係要兩個雙拼、兩個例湯、一個小炒王）佢話盡量啦～返到屋企滿心歡喜準備睇吓有幾多醃菜時，一打開發覺一粒醃菜都冇，嬲爆，唔出聲好地地，一出聲連一粒都冇。真係唔明啲醃菜究竟有幾貴？比到好似施捨咁，經過今次我已經心灰意冷，我唔想再好似乞兒咁乞求佢啲醃菜。

今日2024年4月8日中午去食 入到去未坐低已經問你食咩 餐牌都無時間比你睇 已經又再問你。送上嚟好似掉比你食 （好似當你乞兒咁！）仲有薑蓉上面有隻蟲（佢以為我唔要 我仲要話多次有蟲呀！）白飯少之餘 又凍又硬！成個過程不到15分鐘 就好似趕你走咁！有人入嚟搭枱 我只係差少少飲完杯嘢就走 佢都要叫咗你兩次坐過隔籬嗰張凳！老闆同員工態度非常惡劣完全影響香港飲食業唔怪得啲人要不想消費就係呢啲害群之馬影衰香港

榕哥燒鵝餐室（佐敦）午餐時間，友人話想食「燒味」飯，我都好耐沒食過啦，所以一口答應！友人話佢之前都有食過，話不錯，所以今次便帶我去食啦！我們坐下來，打開餐牌，見到食物照都影得好靚！睇到都覺好食😋咁！我便試雙拼「燒鵝燒腩仔飯」，友人要「燒鵝叉燒飯」。原來是碟上的，大大碟！一上台，見到燒鵝色澤均勻，燒肉肥瘦適中，皮都是脆脆的，完全合格！（因為好怕食「林」左皮的燒肉。至於叉燒，同樣肥瘦均勻，我自己就比較喜歡叉燒外面嘅蜜汁，好好食！再配少少薑蓉醬就完美啦！☺️主角：鵝肉，香，滑，皮的油脂都是香口，口感不俗！鵝雙拼價$67 包熱飲，我覺得合理。我想講，杯熱華田和鴛鴦都好味！

第一次嚟呢間榕哥燒鵝餐室榕哥陳皮燒鵝飯$ 60，包餐茶。肥瘦適中，份量夠，又好味，呢個價錢抵！榕哥叉燒飯$55，包餐茶。賣相正常，雖然顯瘦，但唔會乾，唔會靭，阿仔話好味！

一早去佐敦有啲嘢做，到一點先至有時間去食飯，經過見到呢間榕哥，本身好鍾意食燒鵝，就膽粗粗入去試吓啦叫咗燒鵝飯因為第一次唔想叫燒鵝髀，費事中伏touch wood賣相唔錯咬落第一啖已經好有陳皮味，即刻望吓餐牌原來佢係招牌陳皮燒鵝總括嚟講係好好味不過茶餐廳格局，你想食慢啲都唔得

這間店在疫情時都不算多人，都成日來食，出品都穩定。疫情後就日日午餐時段都滿場。榕哥燒鵝當然主打食燒鵝或燒味之類，比較特別是燒鵝有陳皮味。其實陳皮的味道是在黑色的醬汁裡，如果你點走色是走埋陳皮味的。因為聖誕節時同小絲來了買外賣燒鵝，醬汁是另上的。加了陳皮味的燒鵝吃起來是有新鮮感。另外每張枱都有點燒鵝食的甜梅醬，很慷慨。燒鵝就一般般，在同區不算很突出。突出的反而是廚房的即炒。試過來食乾炒牛河和星洲炒米，出奇地夠鑊氣，調味都很好，料頭亦足夠。沒想到廚房比燒味仲出色。但來這裡的都是吃燒味為主。

員工態度差到不得了入去食個lunch，員工態度不可一世。入到餐廳去左張未執既枱，大大聲話人點會去張未執既枱，去執左個張呀嘛但當時係睇唔到有張執咗嘅枱，睇到我都唔會去張未執嘅枱啦，之後又大大聲話唔好坐4人枱⋯但係又係你叫我坐後面執左個張⋯？嬲到無食就走個員工肥肥大大，希望你地檢討下對客人既態度

 We went to buy half goose and half chicken for take away from this restauran since they have some very nice goose hanging for display on the show window. When we open the two boxes, we were astonished to see that the goose was so fat, totally different from the ones on display.This restaurant shows you very nice goose on display but actually sells people very poor quality meat especially if you buy take away. The goose is fatand tasteless, the chicken is not fully cooked!

難得放假去拍下拖，經過食個下午茶，一入門已經掃梗安心出行，想行入去搵位坐，俾佢個員工係甘叫掃安心出行，完全無聽到我講野，仲要鬼咁大聲係甘講，有佢講就無我講，極度嚴重無禮貌，態度衰到一個點諗住食d野走，叫左碗燒鴨瀨粉，另一個咖喱飯，上到黎，睇到完全無哂心情，更唔好講影相，燒鴨基本上無咩肉食，咖哩更加係唔知自己食梗咩，兩杯凍啡尚算可以....真心俾錢買難受，又偏貴，態度又差，又難食，就算以後佢附近所有餐廳無哂，我寧願捱餓都唔會再去食

侍應服務態度極差，只是想問油雞飯可否要雞胸，得就得，唔得就唔得喇，但侍應就一句duck埋黎，唔可以，簡直不知所謂，貼錢買難受，好似食野唔洗俾錢咁，絕對唔會再幫襯