楚海鮮火鍋飯店 (已結業)

初初行過見佢咁豪華既裝修,諗住好貴,之後睇睇佢門口張紙既價錢,咁低?!係真唔係呀?!入去會一會佢先!!入到去坐低揀o野食既時候,有個伙記拎住碟醉蟹鉗行過o黎,做特價$28,就試試佢先......嘩!好味!!相機都未拎出o黎已經差唔多比我地食晒!老細見我影碟蟹鉗,仲問我駛唔駛拎多碟出o黎比我影,我當然唔好意思啦,o野都未點!!我地都係食d好普通o既野,不過有幾款真係要推推佢...雪花肥牛,$20有找,通常第二度食既都係無乜牛味,但佢o既肥牛d色好靚好紅,食落都唔係得個樣,有牛味!!我地四個人叫左6碟下次要試下佢個手切牛(我去到已經賣晒)碟聖子拎到出o黎,隻隻都好生猛,真係忍唔住要拎部相機出o黎影影佢!!今次都係叫d普通o野食,其他食物都好好,下次要叫多o的海鮮試下!!整體o黎講,裝修靚,味道好,價錢平,四個人飲埋啤酒汔水,一人都係$150!!以後食火鍋都唔駛再諗去邊食!!…查看更多

昨天跟一大班同事們到這間從未去過的餐廳吃晚餐,嘩! 居然很驚喜!:) 一去到其舖外已有政府錶位,非常方便 ! 剛步入【楚】之舖內,看到其富麗的裝潢,不禁望一望舖外說:「這裏真是土瓜灣嗎?」 這晚我們是坐一間以藍色為主色的VIP 房,從房內望出其店內大堂,看到其特色的裝飾,可見店主的心思果真值得一讚！再由一位同事選擇佳餚美食後,我們便開始談天說地了! 不久,第一味菜入房,這就是.....新鮮空運超正【松島生蠔】了! 根據店主跟我們說,這些松島生蠔昨天還在日本海裏游,今天已落在我口,那種新鮮的口感,難以用筆墨形容, 只能口裏說出一句:「正呀!」 一點鯹味也沒有的生蠔,在香港其他地方實難以找到,非常值得一試。 Very Good !!! :) 第二款佳餚就是 ~ 【活多寶魚併黃鱲䱽刺身】, 配以一個透明巨型龍船托盤,份外顯出其活魚之氣勢,每啖活魚刺身都百份百好味,再加些日本手磨Washbi,完全無懈可擊! 口裏又只能說出一句:「正呀!」 第三款佳餚就是 ~【聖子皇刺身】,利用巧妙的井字形排列,令其更美觀之餘,更顯貴麗。當我放第一啖聖子皇刺身入口,就像整個人跌入海中,那種新鮮的感覺再度浮現,Very Nice !! 好了,生肉吃過了,要吃些熟食了,第四款佳餚就是 ~【辣酒煮花螺】了,這碟餸真的是十分辣,但又果真十分好味,我另一位同事因為食得辣,就連煲內的辣湯都渴清,可想而之有多好味! 又是值得推介。 之後就到脆口野,這兩味餸菜就是【炸鮮蝦丸】、【炸甜蜜瓜】及【椒鹽魚骨腩】，這蝦丸為其店自行購買上等新鮮蝦手打製成的，非常好味；:) 炸甜蜜瓜含有重蜜瓜味，一食落口便停不到口；:) 至於椒鹽魚骨腩，不用使用任何調味品，已達到上品的水準，又是一味一件接一件，沒辦法停口的佳餚。 之後就到【芝士焗海黃鱲䱽】、【什茶煲】及【元蹄】出場啦！在這三味餸中，最值得推介為元蹄。元蹄這上海菜看似很大件，但一刀切落去就好像蛋糕那樣鬆化，口感極正，估不到廣東酒樓能做到如此出色的傑作，又是那一個字: 「正!」 而芝士焗海黃鱲䱽則擁有無敵芝士味，完全沒有"溜"的感覺，越食越想食，Nice ! 什茶煲雖普通菜色但制作絕不馬虎!! 最後店長特別為我們送上特色甜品 ~ 【錦鯉布甸】，雖然每位同事都是很飽，但看到這甜品都不能不試，除了賣相精美，味道亦不太甜，可謂剛剛好，我用兩啖便可食完一條【錦鯉】，非常滑溜，正！大家千萬不要誤會，為何我由文章開始一直讚到尾?又為何我附上的相片有些後期制作? 我是否是其中一名老細？對不起，我都想能成為老細但我不是，而執相只是我的興趣呢! 而我當晚亦有幸看到老細真人，他非常友善，而他的廚房班底絕非簡單，這樣才能做出這麼多非凡的菜色呢！而這店的食品價錢真的非常合理，看到食品的質素，再看回張單，一D都唔貴呢！現借此機會向大家推介，希望大家欣賞! :) 願主祝福大家 !! :)…查看更多

一行5人黎到新開張既"楚"飲早茶.....鮮蝦腐皮卷---好多蝦肉..好脆..不過油膩o左dd..蝦餃皇---一一籠三隻....每隻蝦餃內有差唔多5隻中蝦.... size大得驚人... 味道都唔錯.....係胡椒粉味重o左d....蟹子燒賣皇---又係好多蝦...不過都係胡椒粉味重o左d....粉果----皮厚o左d....蘿蔔糕---蘿蔔落得足.....好甜蘿蔔味:)仲叫o左其他點心.不過無咩特別....不過5個人有成10籠野...先百五到..都幾抵食....…查看更多

見開左一個月到,一於黎試試,今晚4個人去打邊爐,d食物好新鮮...推介星級手切肥牛另外湯底都值得讚....我叫左番茄薯仔粟米湯,好好味,打到落尾都仲有味...good!4個人埋單$489下次會再黎,可以試下早茶!…查看更多

是日除夕, 原本想同女朋友去食 "鬍鬚安", 但無位. 結果黎左呢間試下, 又唔錯喎!是晚食材如下:1) 醉雞鍋半隻 - $58有半隻雞連湯底, 加上肉質不俗, 都幾抵2) 手切肥牛 - 有牛味! 正!!3) 墨魚滑 - 唔夠彈牙, 唔算出色4) 花甲 - 原來無打算叫, 因為總覺得喺火鍋店叫海鮮會 "比人劏". 但食食下有個亞姐拎碟嘢過黎sell, $28差不多有廿隻 (可能係臨收工所以平d), 唔太貴就試下. 點知又幾鮮甜喎!5) 三文魚刺身 - 一般般啫. 不過佢個 "安格斯牛肉刺身" 我又真係想試. 不過得2個人, 下次先6) 唐生菜&海鮮菇 - ok啦總括黎講真係唔錯, 如果有埋炸腐皮卷同肥牛粒就仲好!:)不過佢d海鮮望落去都好新鮮, 如果有特價, 我諗我會試下 (如似花甲咁).順帶一提, 佢都算係我去過裝修得最靚嘅火鍋店! 睇得出店主落左一番心機:)希望佢可以愈做愈旺啦!…查看更多