椰林閣餐廳 (已結業)

啱啱探完親人，係柴灣轉車！剛好係食飯時間，我同朋友去咗椰林閣餐廳食午餐！坐低後，叫了兩個餐，一個係咖喱牛筋腩意粉，另一個係芝士焗巴黎汁龍脷柳飯。五十幾蚊一個餐已經包咗湯，餐包，主菜同飲品。我嚟一碗羅宋湯同餐包，估不到羅宋湯味道好有牛肉味，又有香料味！濃濃郁郁！簡直一碗係不夠！應該多嚟幾碗餐包都熱熱的！可惜的就是！窮得只剩下一碗湯！咖喱牛筋腩飯賣相好似幾吸引！但係味道非常咸！牛筋腩很難咬！很難嘴饞 ！！！芝士焗巴黎汁龍脷柳飯，龍脷柳份量很少，只得三小塊！味道一般般！這一餐係我失望既一餐！…查看更多

焗肉醬香腸意粉有誠意地用上兩種不同的西餐腸切粒伴入肉醬內肉醬味道濃而不太濃番茄酸味芝士份量也合格意粉先用茄汁炒過整體也是十分完美唯最可惜的在意粉身上炒了太久，已經焾得一拉即斷誠意就是只差一步，花這麼多心思，何不做多最一步？…查看更多

真係吹喇叭，$64個餐，轉脾加$5，仲要無餐飲，嗌杯凍鴛鴦$17，總數$86埋單，竟然俾埋啲咁嘅垃圾我食？雞油飯無雞油味，無香茅味，乾掙掙，雞又唔起骨，又擺到風乾晒，加$5都係俾得半隻下脾，碟醬料就用豆板醬當雞醬，仲敢話自己係正宗？俾個good你👎…查看更多

和家人一起去食晚餐, 叫了三個扒餐一個意粉.扒類的黑椒汁過咸, 牛肉太多根, 左右兩邊全是食不到的根.扒類的意粉很爽口彈牙, 薯角邊位脆內裡很軟, 雖還不到外脆內嫩的程度, 但咸咸的不錯吃.另外,也叫了個凱撒沙律, 雞翼及雞肉串雞翼及雞肉串 不沾醬的話是沒有味道可言, 沒有特別.凱撒沙律 尚算不錯, 沙律醬帶有些少酸味反之, 羅宋湯很好喝, 有湯料. 只是不夠黑椒的味道.餐包非常軟, 冷了也是很軟,不會變得很乾身.此外,叫了一個忌廉意粉, 初初幾口是很好但吃多幾口會覺得很甜膩, 醬很糊, 會感到一種膩滯感.另外,職員態度非.常.鬆.散. 要叫幾次才理會.…查看更多

海南雞飯要60幾蚊我都知道大部份都系呢個價但呢個海南雞飯系我食過最難食既一個1. 海南雞飯吾應該有骨 呢個就骨多過肉2. 隻雞同油雞竟然系一樣味3. 雞既量只有4、5舊4. $62碟咁既飯簡直系過分5. 杯餐飲 奶茶勁重奶 無茶味。…查看更多

尋日(3-7-2015 Fri)放工後同男友過海搵佢男友人IN借o野,由於唔想麻煩IN煮飯俾我o地食,所以同男友先食個晚飯後,至上佢屋企.同男友o黎呢間食,我揀$68.00o既馬拉紫蘇炒雞球餐,男友原本要$66.00o既馬來咖哩雞髀飯,不過因為我揀雞,又想要$42.00o既珍寶茴香雞肉串燒(4串),於是佢改要$66.00o既參巴海魚柳餐.落單喇,侍應問我o地兩個飯要白飯定油飯?我o地揀油飯;而湯有中西湯,我問佢中湯係咩湯?佢答眉豆花生雞腳,咁我要忌廉湯,男友要眉豆花生雞腳湯.再落埋珍寶茴香雞肉串燒(4串).侍應問我o地要唔要筷子食飯?我一時唔知俾咩反應佢,佢都依然俾我.而佢都提我o地,唔會俾餐包.冇耐,我o既忌廉湯到o黎,攪吓佢,冇乜料,只有幾粒粟米o個啲,飲落,稠杰度o岩o岩好,味道亦正常.然後男友o既參巴海魚柳油飯到o黎,之後佢o既眉豆花生雞腳湯都到.我都飲半碗,我見唔到有雞腳,反而係豬骨.呢個味道都幾濃,唔錯.我o既馬拉紫蘇炒雞球油飯都到,食吓先,唔…我食唔到咩馬拉紫蘇味,只覺得呢個微微酸甜.大大碗油飯有啲椰香,不過太乾身.而男友o既參巴海魚柳呢?魚柳有炸過,所以脆脆地,味道除o左微微酸甜外就帶有啲辣味,好過馬拉紫蘇炒雞球啲.最後珍寶茴香雞肉串燒(4串)到o黎,睇賣相感覺有啲流,食落,個汁似係燒汁, 唔太惹味,雞肉就厚身.而餐飲就要熱檸水,呢啲冇問題.服務:一入去,都即招呼客人坐.叫人都會即應.中途IN一家三口原來都再出街食晚飯,於是我o地叫佢o地o黎呢o度,佢o地都o黎,咁就同侍應講轉六人枱,佢o地答應.咁我o地都自己將啲o野搬過去啦,佢o地都主動郁手,唔錯.呢餐評分唔計IN一家o既.味道: 2.5分…查看更多

味道 6/10 (可以)環境 8/10 (可以)服務 8/10 (可以)衛生 8/10 (可以)抵食 7/10 (合格)椰林閣呢間野真係好耐, 以前學生時代已經有, 起碼都10年由佢以前好食見證佢衰落, 到由見佢唔少分店到變到得番幾間早一排去柴灣, 見到原來有間, 心郁郁試下, 因為都好耐冇食睇個menu 變晒, 以前食西餐就變晒一半中餐, 以前有特色野 (例如咩馬來西亞那沙, 之類)冇晒係扒果D冇變叫左個扒食等左約15分鐘到飯菜就黎了餐湯就紅湯...同以前一樣味, 唔淡唔咸, 岩岩好, 唔錯之後主菜個肉眼扒... 個洋蔥汁好懷念扒肉就唔痴牙, 都唔會好硬好un...有肉地+肉感, 唔錯薯菜就淋左D, 不過都可以以前食就唔熱既, 但而家有進步熱番...唔會食壞人XDDDD總結都好滿意, 睇得出有心進步(有D人總會話一時時, 包括本人LOL)埋單200蚊都唔洗, 如果晚餐食豪少少都叫抵總結下次都會黎食, 話晒都係一場回憶…查看更多

店名：椰林閣餐廳地址：香港仔東勝道10號朗盈商業大廈一樓及二樓好味指數：7.5／10價錢：$26焗豬扒飯下午茶有多款美食選擇，而且款款也有八折優惠，還要配熱飲一杯，非常優惠。焗豬扒飯份量足夠，蕃茄汁夠多，均匀在豬扒和飯上。豬扒肉質軟滑，味道不錯。店名：椰林閣餐廳地址：香港仔東勝道10號朗盈商業大廈一樓及二樓好味指數：7.5／10價錢：$26焗經典肉腸肉醬意粉下午茶有多款美食選擇，而且款款也有八折優惠，還要配熱飲一杯，非常優惠。肉醬意粉份量足夠，意粉質感有點腍，肉醬和芝士厚厚地佈滿在意粉上，非常滋味。店名：椰林閣餐廳地址：香港仔東勝道10號朗盈商業大廈一樓及二樓好味指數：7.5／10價錢：$26干炒牛肉河粉下午茶有多款美食選擇，而且款款也有八折優惠，還要配熱飲一杯，非常優惠。牛肉河粉份量頗多，味道亦不錯。牛肉嫩滑入味，河粉嫩滑。…查看更多

即使係住柴灣，但其實好少機會會係附近食飯。今日屋企無飯食，就諗住試下呢間西餐廳。叫左個A餐，鐵板紐倫堡腸鴛鴦扒$60餐湯叫左白湯，無咩特別，好明顯係用罐頭開，但60蚊唔會expect 太多。鴛鴦扒係豬扒同雞扒，配上黑椒汁。黑椒汁係超級鹹!!!!!豬扒同雞扒已經煮到好老好鞋，再加上超鹹既黑椒汁，真係好難頂，我食到一半已經放棄，再食落去驚個腎有事-.- 埋單都要差唔多70蚊，早知自己係屋企煮杯面食算。…查看更多

為了讓剛剛在公司受委屈的我重現微笑，梁生雖無Lafite, 但任我揸FIT.不過平時我主力推介又平又正的餐廳, 今日也無意要食梁生隻車~我知道柴灣新翠商場有幾個又便宜又很難中伏的晚飯好地方，美心、吉野家和椰林閣。嗯，今晚我要大傾特傾，所以我選椰林閣！柴灣這家椰林閣基本上全是卡位，私密度高，而且平日的晚上人流比樓下的快餐店少很多，是安靜談心的好地點。這天晚上餐廳只有未足一半的客人，都是2-3人的食客為主。餐廳燈光半昏暗，我們面向著存放餐具和放滿茶水的櫃子和大概沒人留意的書架擺設平時試扒餐試得多，但這個跟西餐廳形象有點距離的東南亞風情套餐卻是第一次。$148 兩個湯，一碟炒椰菜，一個特色炒飯，一個自選東南亞飯餐，再附送兩杯餐飲。晚餐窩，只能說句，算系甘啦！平日食得菠蘿焗海鮮炒飯多，今次想試。。。椰青焗芝士海鮮炒飯！看看一下餐廳提供的簡介！WOW, 椰香要逼入米飯中，看到也流口水呢！真正的椰青飯上桌了！鋪滿芝士的椰青蓋賣相一般~撥開上面沒多濃烈芝士味的醬汁後，就見到材料足曬秤的海鮮了！有蟹柳，青口，蝦，魷魚等等。淡而無味令人聯想冰櫃中的急凍海鮮。炒飯底好濕，蛋的分量夠了，但與濕飯混合之後口感就跟白米飯無異了，真浪費。我最期待的當然是刮裡面的椰青肉食~UM!大淡嘗試，卻有點失望。因為椰青本身都無椰香，莫論要將椰香逼入飯裡面。。（我曾在印尼吃過最好味的椰青，肉是難刮得，帶點硬的爽脆，肉是如泉水般清甜，而且內層分量之多，是可以餵飽我的呢！）雖然如此，但我挺佩服椰林閣由此新嘗試，味道普通但不難食！另一個客飯我選了照燒鯖魚~哈哈哈。這不是日本菜嗎？選這個的原因的椰林閣的燒汁扒餐一向做得不錯的！這條長差不多30cm的鯖魚啖啖肉，上面的皮煎得甘香可口，再配以濃稠的甜燒汁~太好味了！平日若點一個日本便當，就無那麼大份兼抵食了！最後就是炒椰菜了！ 普普通通就不作評論了，橙色的汁不辣的，等於在外面送多碟油菜。去西餐廳吃東南亞菜式是第一次了。新鮮感和梁生給我的安慰助我回復得很快。公司不平事、激氣事乃兵家常事。相信你們每天下班在地鐵站都會聽到打工仔不同的抱怨。雖知道逗得人工就要捱，但心入面那種壓抑總得找方法發洩。其中一個令自己開心的方法就是和對的人去試新菜式，一邊訴苦，一邊攝入卡路里。…查看更多

去柴灣探朋友，與友人點了西多士腸仔雞翼，炒牛河，腿蛋治，奶醬多士的下午茶餐。 西多士炸得剛好不會燶，腸仔雞翼亦很夠味，炒牛河的份量很多，牛肉炒得夠腍，腿蛋治的蛋夠厚亦不會煎得太老。…查看更多

近期由於工作關係，逢星期一上午也會去柴灣，而差不多每次中午也是到附近的椰林閣午餐，本來，心想椰林閣只是普普通通的一間餐廳吧，又不是第一次光顧應該不會有什麼驚喜吧! 怎料，吃過這裡的牛仔柳後，實在令人難忘，於是，昨天又去一趟，而這已是第三次在這裡吃這個午餐了 - 蒜汁牛仔柳 (希望沒記錯名稱)簡簡單單的牛仔柳配薯角 (上圖)，個人之所以喜歡這個牛仔柳是因為肉很腍身，雖然牛仔柳偏薄，就好像薄身牛扒一樣，但也能做到外面煎得熟透，內裏有少許生，真是不錯!!! 說實在，這個set有牛仔柳、餐湯、麵包、飲品，合共也只是$48，雖然要再加一，但也算價錢合理，畢竟牛仔柳質素不錯。吃完整個set，為食的我追加了一件cheesecake (下圖)，以$14一件的cheesecake來說，這件cheesecake的質素比想像中好，雖然美中不足是較腍，不夠實，但味道也不錯，個人喜歡cheesecake中混入了藍梅醬，而不是只在蛋糕上面加一層藍梅醬。個人認為芝士混入了藍梅醬會有更重的藍梅味。總括而言，位於柴灣的這間椰林閣所提供的牛仔柳是近期個人認為最好的，畢竟曾到過其他分店，質素有出入，這間的確是較好的，不過，說實在，食物以外，這裡的服務真是很一般，基本上，來這裡就只是一心想着以平民化的價錢吃質素不錯的牛仔柳便行了，吃完正餐還可加件cake作甜品，至於customer service，不要期望太多就行了~…查看更多

上星期四得我同仔仔兩個， 佢介紹我去附近椰林閣食西餐， 多年無幫櫬， 估吾到而家抵食左好多, 難怪有8成滿座。  我哋兩個都係叫左set dinner (我哋兩個都揀牛扒餐)，有湯， 主菜同飲品都係$68 +10% . 餐湯同麵包都熱辣辣， 件牛扒就超大件， 成9吋長，一個女仔好難食得哂， 好彩有仔仔幫忙。呢個價錢當然吾好希望食靚牛扒， 但係都吾差， 我叫左7成熟， 上檯很對版， 感覺良好， 70幾蚊食到豐富西餐今時今日真係吾係好多選擇, 會再去支持。…查看更多

早早食晚餐下午茶時間又未過，緊係叫番個茶餐先啦，不過男友肚餓，叫左個午餐連湯。下午茶餐同午餐係一機份量嫁，係少左個湯，三十幾蚊咁大碟，真係好抵食雞扒有一大塊，炒飯底，咖哩係印度個隻，因為多汁既關係，所以食落都幾辣。一個女仔真係食唔晒。午餐份量一樣大，海鮮還可以，但炒麵似豉油皇炒麵，不太喜歡，起初以為係日式風味。。。餐湯揀左白湯，男友覺得偏淡，但我覺得還可以。因為食物都偏濃味多汁(港式口味)，所以餐湯淡啲會好啲。…查看更多

今日食完早餐之後就冇食野，所以接女友後就立刻去搵 tea 食。由於差不多五點，都近晚飯時間，女友又話唔係好肚餓，所以我只叫了一個下午茶餐 － 雞脾沙律，而女友就食一份奶油豬。奶油豬先來，都幾大舊，咬落口亦係外脆內軟，不過女友就嫌佢奶油太少，咁望真D，又真係好大條邊都白雪雪的，不過我覺得味道都算可以了。之後我的雞脾沙律上枱，沙律份量不少，但係雞脾就顯得好細件。食落口，冇乜雞味，肉質亦比較“鞋”，不過都唔緊要，因為最令我失望嘅係沙律。其實呢款沙律我之前都食過，覺得幾好味，點知今次就令我失望了。佢最大嘅問題係貨不對辦，睇返菜單幅相，沙律裡面應該有提子乾同火龍果，但係今次就冇囉，成個味道唔同晒啊！…查看更多