椒椒相見 (興發街) (已結業)

在天後橋底發現左一間非常正宗的四川菜，門面好特別，熊貓🐼帶住勞力士～打卡必去到餐廳，辣辣辣水煮魚一吃難忘每一道菜都非常正👍回味餐廳之一，下次試幹鍋海鮮🦞🦐

有住天后附近朋友提及，開咗間新嘅川菜餐廳 “朝朝相見” 反正係咪都要搵地方食嘢，便去試下，入到餐廳第一種感覺好乾淨舒服，服務員態度亦都很主動，我地點左前菜冰粉，孜然炒蟹， 醬油口水煮雞，雞絲粉皮，皮蛋，干鍋肥腸，最特別嘅係冰粉，冰粉面鋪咗四種唔同顏色嘅食材（青提子乾，山楂粒，花生碎，紅豆）配搭同埋口感都好清新，醬油口水雞很滑，孜然炒蟹很香口，皮蛋整法有別於出面一般川菜，沒有滿滿的醬油，換來清新的配菜，雖然感覺好似淡味不濃郁，但食落又頗清新，雞絲粉皮一貫水準，幹鍋肥腸，味道很濃郁很入味，但略嫌太脆，尚嫌少左外脆內 juicy 嗰種口感，亦即場分享意見比厨師，廚師好有禮貌地聽取我們嘅意見，亦提及研究緊一啲新嘅整法令客人可嚐到不同口味，整個用餐經驗很舒服，係老友聚腳嘅不錯選擇.

我琴晚咁岩經過天后，就同啲friend一齊食晚飯先返屋企，咁岩經過呢度，覺得裝修好特別，外牆塗鴉，畫得幾靚，所以我哋入去試吓。嘩好特別呀啲餐具都係用金筷子同埋金飯碗，感覺好奢華。我哋一去到就叫咗三個涼拌，口水雞、皮蛋同粉皮。口水雞啲汁真係好好味呀。之後叫咗乾撈海鮮鍋（孜然味），好細心呀啊，個蟹鉗竟然剝咗殼，食得好方便。呢個海鮮鍋又好多蝦，味道好夾。之後就叫咗一碟小菜，蓮藕仔雲耳炒秋葵，好清新，唔啖唔鹹味道啱啱好。點知唔夠喉叫多咗一個乾撈肥腸（麻辣味），有啲肥腸好似薯片咁脆，有啲肥腸外脆內軟，我就鍾意外脆內軟嗰啲，真係需要真心一讚就係肥腸洗得好乾淨。不過有個美中不足就係麻辣味同肥腸有啲唔夾，大家可以試吓其他味。最後唔少得梗係叫甜品啦，我叫咗糍粑同埋涼粉，味道都唔錯。