森美餐廳

營業中

休息中

忌廉汁扒虎蝦盲鰽魚柳配薯菜（$88），Lunch Set 跟餐包、餐湯、餐飲（特飲+$10）。虎蝦夠大隻，蝦肉彈牙唔梅，炸得夠香口，連頭都脆卜卜。盲鰽魚柳肉質滑，唔腥，表面魚皮煎得香脆，點埋忌廉汁一齊食好夾。薯條熱辣辣脆卜卜。焦糖香蕉窩夫（58）即製，需時約20分鐘。賣相很好。焦糖香蕉外脆內軟，窩夫軟熟。再次幫襯，繼續有驚喜，食物質素真係唔錯，應該會再三光臨。PS：沒有加一收費。PPS：Tea Set MON-FRI 14:30-17:15 / SAT-SUN 15:00-17:30

一家四口, 2大2中童, 趁放寬咗限制令, 一齊去食早餐. 入到去睇完餐牌落order, 四個人嗌三個餐, 因為小朋友細食唔想浪費食物, 點知姨姨話唔畀, 四個人一定要order四樣嘢, 結果要輪流一個坐喺出邊架車入面等, 最後畀咗錢, 然後搵咗成間餐廳都冇寫有最低消費, 出面冇入面亦都冇, 問阿姨攞條規矩睇下, 佢就話我哋不嬲都係咁. 我諗佢疫情生意一定好好啦, 咁樣趕客, 啲嘢好唔好食已經唔知道喇！唔會再幫襯亦唔會介紹畀任何人！

😊大大份又抵食🟡黃色經濟圈🟡❇️牛油果蟹肉沙律🌀有羽衣甘藍，幾好食😋❇️重量級炸魚薯條❇️鵝肝野菌意大利飯❇️脆燒德國鹹豬手🌀每樣食物的份量都好大、好吸引，但味道就比較普通、平凡。

疫情關係一直好少出街食野，今日老公放假決定去嘆一個休閒寧靜的早餐，我地11:00到餐廳，一個平靜的星期五一入去即有位而且唔算多人，仲可坐到窗邊位，我叫了一個牛朳早餐加十元有一杯棒子咖啡，咖啡反而一般比較多了少少奶咖啡味不重，牛朳餐OK份量可大份少少，整體環境加食物都0k

荃灣玩味特色小店，店內滿佈各特色玩具模型，有些更是限量版模型❗️👭二人下午茶套餐 $138水牛芝士車厘茄+BB 菠菜沙律+魚蝦蟹迷你漢堡+2件特色蛋糕+迷你牛角包+飲品。因為今天不太餓所以選了2人餐，少少地份量岩岩好。BB菠菜沙律及朱古力蛋糕🍰個人比較喜歡，魚蝦蟹漢堡既魚係三文魚，食物可以水平。佢哋仲有其他下午茶選擇$48，焗意粉，雞翼薯條🍟好似都幾適合簡單下午茶。個人試過佢既西式早餐，如果大家唔怕早，我會推介早餐😊，性價比高。喜歡玩具既可以試下呢間。

🍴Went for a quick lunch. 🐽Ordered the duck breast salad and a prawn pasta with cream sauce. The lunch set includes a drink of your choice (usual lemon tea/milk tea/coffee etc). The pasta was okay, they did give you one huge prawn and a fish fillet and some cabbage 🥬 . The salad 🥗 they include some nuts, cherry tomato, canned peach and some duck breast. The dressing was balsamic. 😬The prawn 🦐pasta was better than the salad as i didnt really like the dressing. It was too thick for my liking. Also

估唔到小店既味道都唔錯！每碟都好大份對女仔黎講，同埋book時都沒留意到原來是黃店黎☺️👏🏻 點都要支持下啦叫左個牛扒、豬肋骨、炒雜菇、沙律3個女仔食差不多啦個牛扒我要7成熟 但黎到睇落似3-5成熟，中間有啲生仲有少少血水，有啲誇張。我地 都無叫餐廳反煎 怕唔好食 所以我地食哂啲邊位中間太生既部分都無食到。牛扒係好食既可惜生過頭同埋由祈是個豬肋骨唔難切 仲好淋😁👏🏻呢間餐廳我諗會再食，但叫牛扒我下次會叫佢整熟少少啦 🤣🤣

慢煮黑椒咸豬手（$88）+ Iced Caffe Mocha（$10）餐飲 Iced Caffe Mocha 好飲，朱古力味同咖啡味都有，撈埋面嗰啲 cream 就更 smooth，加$10抵飲。餐包（微暖的迷你脆豬仔包）、餐湯（羅宋湯）正常，但牛油太熔好難查上麵包。主食比預期中大份，咸豬手大件、薯條（熱的脆的）蔬菜亦多。咸豬手煮得非常腍，而且去哂骨，啖啖肉，配埋黑椒汁一齊食好夾。埋單不用一百蚊（沒有加一服務費），認真抵食。

重量級炸魚薯條（$108），份量真係超級大份，炸魚同薯條都係即炸，上枱時熱辣辣。炸魚嘅粉薄但脆，魚柳肉正常唔腥。另外留意到，舊檸檬係有稍稍烤過的。安格斯牛肉芝士漢堡（$108），漢堡好厚身，有肉汁同肉味足，比預期中好味道。套餐跟餐包、餐湯、餐飲（特飲+$10）。

今年聖誕節終於可以出街食返個聖誕晚餐🥰🥰，本身我係諗住book 樓上黃色果間森美餐廳，誤打誤撞book左樓下lee一間森美餐廳，聽講間都算係分店，好似話係仔仔開既，🤩🤩anyway 餐廳質素都一樣唔錯！🥰🥰先講下環境，地方都幾舒服，屬於小型雅致既西餐廳。不同嘅小擺設到令你覺得好溫暖！👑👑👑👑講返嗰日食咗啲咩先，我同老公就叫左芝士焗生蠔🦪🦪、安格斯牛扒同埋帶子明太子意大利粉，唔係一個焦糖蛋糕🍰🍰。想介紹返個芝士焗生蠔🦪🦪，本人覺得真係好好味，我食得出到香濃嘅焗芝士味同埋生蠔嘅鮮味，而且蠔既肉質係嫩嫩的，唔會過韌我覺得廚師好識控制時間！另外要講下個意粉🍝🍝係我好欣賞嘅帶子明太子意粉🍝🍝，意粉來講我覺得麵質係好重要🧐🧐，佢做到爽同埋挺身嘅質地唔係好粉，同埋「淋啤啤」，而且呢帶子呢都冇雪藏嘅味道😋😋有帶子嘅鮮味同埋佢另外都用咗日本餐廳嘅蟹子代替左明太子醬，感覺更加新鮮🌱🌱！因為我唔係間間餐廳嘅意粉都食嘅，所以我覺得真值得一讚！最後牛扒都做得唔錯啦中規中矩我鍾意佢嘅菠蘿同埋薯蓉做配菜，用菠蘿做底都會帶出Fresh嘅感覺! 一啖牛扒一啖菠蘿就唔會咁漏囉！☺️☺️至於佢嘅Service都做得好好，因為除

荃灣有兩間森美，呢間係o係地下，之前viutv有個節目介紹這店， 記得好似老闆話哥哥鍾意儲figures，所以餐廳用他收藏的figures裝飾，左右兩排放了各樣的figures，鍾意figures既朋友可以黎望望。價錢大眾化，以下餐牌可作參考還未點餐就有餐包跟餐湯送上，餐包餐湯是按人頭送安格斯西冷牛扒 $228 賣相很吸引， 配菜有燒粟米特別在還有燒菠蘿，薯蓉底煙三文魚bb菠菜沙律 $128沙侓用平盤也擺得很精美，沙律份量夠 兩人份也吃不完 環境舒服。 位置闊落 。地舖對出是車路，揸車可試泊門外。

我每次嚟都會打卡影相，佢哋嘅下午茶一流，環境又舒服，外面可以泊車不過要睇住抄牌我點嘅係焗雞飯夠晒飽！好滿足！今次我仲帶埋Mirror應援禮物嚟打卡！茶飲我揀咗桃味茶！呢度絕對值得幫襯我最想試係佢哋嘅肉醬丸意粉⋯不過仲未有貨！快啲返貨啦

今日同老友慶祝我地兩個生日，係黃店地圖搵到呢間，成日嚟荃灣，估唔到呢度有間西式餐廳，一於試下佢！門口個裝修好cafe feel，仲有好多模型公仔入面裝修都好靚，幾有特色！見好多評論話推介安格斯牛肉漢堡包，睇下係咪真係咁好食，同朋友傾傾下計就到，個漢堡包份量幾大，薯條都幾多下，兩個人share食都幾夠！塊牛唔錯！本來嗌左芝士三文魚焗意粉，原來佢送錯左南瓜意大利飯，同朋友無留意，生日太開心一嚟就食，後尾佢再嚟返碟原本我地先知，佢地都有話計返原本個碟錢，不過個幾數雞就由佢啦，同埋嚟錯左都好岩食，第一次食南瓜飯又幾煙韌👍🏻👍🏻不過佢有限時45分鐘用餐，如果想長坐談心就未必岩，但短短地想同朋友食餐好嘅，地方又唔錯，呢間幾好選擇。

💛💛💛森美餐廳💛💛💛好多年前食過一次，今次同屋企人再幫襯。地點有啲隔涉，不過依度唔洗趕交枱，用作gathering或慶祝都唔錯啊😂！餐包+餐湯嗌主食就有餐湯飲有餐包食。個餐包仲暖暖地，搽啲牛油上去即刻溶化😍。餐湯就正正常常啦，無咩特別，唔使錢就梗係飲啦😆。芝士薯條 $68係薯條山啊🤪！上面嘅芝士同下面嘅薯條一樣咁有份量，每條薯條都可以yam到芝士，成件事好熱氣，但完全停唔到口🥺。就算今次係3個人share食，但都食唔晒，要打包😂。蕃茄蟹肉意大利粉 $128屋企人鍾意食蕃茄，佢一下子就清左個意粉，份量好多，又係成座山咁😏。成件事同平時好精緻嘅西餐有所不同，不過喺荃灣呢啲屋邨地方都係大份緊要啲🤔。鵝肝野菌意大利飯 $148成個飯充滿住忌廉味😍。同意大利粉嘅份量一樣，都係一座山咁，我哋最後打包左半個飯返屋企😆。味道唔錯，不過有少少偏淡。美國安格斯西冷牛扒（12安士）$228調味唔錯，食到牛味😚。不過塊扒好淋，有少少似用咗鬆肉粉，又或者用左特別嘅烹調技巧，只係我見識少🤔。下面嘅薯蓉整得好滑，不過我哋已經食咗好多薯條，所以食唔晒個薯蓉😂。埋單$629（包加一）

《森美餐廳 Sammi Cafe》大大話話都有半年無黎森美，不過可能經過尋日既彈出彈入8號波，今日廚房好似比較混亂，味道都不如以往😔不過都明白既，希望之後質素會好返😌《香煎牛肉眼扒》正常發揮，份量都係多既，唯獨煎得耐左過熟了🥲薯菜就不錯《魚柳芝士漢堡》這個最後退了，因為包包個底發現左有霉菌，幸好末放入口，佢地有立即道歉同入去檢查返其他包包，處理都算不錯的。明白經過尋日8號波，可能今日會比較多少少問題😬《黑松露野菌忌廉燴意粉》退左個漢堡我換左要意粉，不過。。好咸好咸同好咸（我懷疑係佢個蒜蓉問題），佢地有話再換其他野比我，不過我自己選擇拎走返屋企加工😅之前成份漢堡餐已經要倒左，我唔想再浪費多一份食物，唯有叫佢比個盒我拎走返去自己加工下啦，總好過掉左佢🥲總結：打風後都係盡量唔好出街食😬或者係我自己黑妹🥲最後佢比返個9折我不過我希望下次可以正常返多d