棠人街餐館

營業中

休息中

今晚約了數位朋友聚餐，餐館有室內及室外選擇，聽說幾有 “風”味便來試試!在附近放好了單車後步行到餐館門口，店員服務爽快!以現時的天氣晚上是極冷的，再加上我們選擇了戶外座位，所以迎面有風吹來，幸好餐館有座地的石油氣暖爐幫手才不致於太冷!荔枝柴風味燒雞是有柴的香味，但可能是風大的關係，偶然才會有飄香。賣相非常好看，色澤很吸引，原隻奉上，自己動手切開，皮脆，肉質鮮嫩好味!魚香茄子煲好下飯的小菜，存在熱碢內讓溫度可持久點，非常好味。粟米魚肚羹幾大碢，我們一行四人都可以嘆一大碗，足料之餘味道不錯。荔芋油鴨煲芋頭切開一件件容易入口，味道偏淡，芡汁容易下飯。油鴨份量大約是一隻髀，味道有點鹹及帶骨，但沒有油膩感覺 。涼瓜炒牛肉這小菜是後加的，可能是因為之前進行踏單車運動消耗大，來到餐館吃飯時已經覺得很肚餓，再加上天氣寒冷食量有點大也是正常。有少少芡汁下飯，牛肉爽和腍，味道不錯。小菜都是熱騰騰奉上的，份量剛好，聊聊天嘆杯茶後在附近散步看看風景後就踏單車回家。如有泊車需求，最好在訂抬時詢問情況!

今天同老婆去食午餐, 時間大約下午二時, 入到餐廳好多大枱都係坐兩個人, 自己就揀左一強未執枱嘅細枱, 等左大約十分鐘都無人執枱, 叫左一個呀姐幾次, 佢都無的反應, 結果出之執好張枱, 開始落單我見餐牌上面又一個酸菜魚同埋炭燒雞嘅套餐, 所以我就同嗰個落班嘅夥記講我要呢個餐, 個夥記同我講直接畀個number佢就得啦所以我就畀咗個number佢, 等咗冇幾耐嗰個酸菜魚就嚟左, 之後我再同個阿姐講我要兩碗白飯, 點知咁啱個阿姐就電話響起, 跟住佢就係咁講電話, 唔記得咗我要兩碗白飯, 我就同阿姐講我要兩個白飯, 佢都無理我, 我第三次同佢講佢知畀咗兩碗白飯, 但係佢擺得兩碗白飯嘅時候就自己同自己講, 一碗都食唔曬啦仲叫兩碗！我都冇理佢後來我哋就開始食, 我喺等待呢個時間, 我喺等待呢段時間我就上網睇呢間餐廳嘅評價, 原來好多人嘅評價都話呢間餐廳係招呼不周！夥記不足！原來奶野, 到最後我埋單嘅時候先至發覺原來係冇呢個套餐, 原因係新春時間, 落單嘅時候有冇同我講清楚！我奉勸各位想嚟呢間餐廳食飯嘅朋友, 我贈四個字「好自為之」！

今日2點25分,去到呢間餐館叫咗個午餐,落單之後到,2:45分,叫個侍應幫我跟下張單,嗰個女侍應只係應左我一下,話幫我跟下,我唔知佢有冇做啦,跟住到兩點55分,我再叫另一個女侍應幫我跟下張單,之後另一個廚房做嘢嘅傳菜,走嚟同我講話冇曬呢個午餐…跟住真係即刻火都嚟埋…賣曬嗰餐,就早啲話畀我聽,唔好喺度要我等,喺度坐足半個鐘,之後一句唔好意思,對唔住,都冇講就叫我轉另一個餐,一啲歉意悔意都冇,跟住我男朋友話,噉而家可以點先,因爲我之前叫過午餐杯野飲我已經飲緊,之後所謂嘅女侍應走埋嚟,而家已經係下午茶,不如轉第樣嘢啦,當時我男朋友知我未食野,就叫我求其揀一樣食完嗱嗱臨走啦,唯有求其揀咗個西多士,之後去埋單呢個收銀仲好笑,佢照計返我之前午餐個價錢,跟住我話，你哋已經冇咗個午餐又叫我轉第二樣嘢，仲係呢個價錢咩，係啊係呢個價錢58文，跟住我即刻話，呢個西多士要58文，你下午茶寫34文喎,跟住我話，我都係飲咗杯野飲加個西多錢唔使58文係嘛，收銀姐姐話係吖，你叫咗杯野飲13文加埋件西多士咪58文囉，我再講多一次真係58文，13文係58文咩，跟住呢個收銀姐姐淨係話，哎吔34文加13文杯野飲係47文，完全

一早訂咗隻雞同埋湯，一入到去三個服務員企喺度，一個人都冇理我哋，冇人帶位，完全唔知發生什麼事，跟住求其話你自己搵位啦，反問我無位點知怎樣入單？我哋擔心自己胡亂錯會俾人話個位已經有人reserve 左，點會隨便搵位坐呢？無下次！

在大棠附近做完野收工諗住去偉記食個飯 點知偉記冇開🥲局住去對面棠人街食 2:40坐低即刻落單 好多野食都好冇 都算啦 是旦叫左個蕃茄薯仔湯飯 等左30分鐘見仲未有就問一問樓面啊姐 佢一句：係喎甘耐既😑幫你追下 叫佢幫手催下果時d態度都唔係好好 我都R晒頭心諗呢個時間都已經唔係多人啦 你地仲要有成2-3個樓面系度 得果幾圍枱有人坐 都可以甘樣 最後個飯3:30先黎到 等成個鐘先出到個湯飯 離晒譜 比錢買難受 一定唔會再幫襯 黑名單！

行山除左可以欣賞好風景和強身健體，更係為左要吃好西😋今日約埋班friend由掃管芴出發行去千島湖，在大棠見到好多banner嗰隻燒雞好吸引，越睇越肚餓😅好在到最後真係遇到呢隻荔枝柴燒雞，二話不說即刻跑過對面馬路啦😂入到去幾乎每枱客一隻，咁就更加要食啦！現燒所以起碼要等半個鐘，所以另外叫其他嘢食住先。我地兩枱十幾人點左唔同嘢食，乾燒伊麵、星洲炒米、鴨腿湯飯都幾好食，碟頭都幾大，不過個菠蘿牛仔骨就有D咸。邊食邊等嘅荔枝柴燒雞熱辣辣送到，比埋手套剪刀自己庖丁解雞。隻雞真係100分，Juicy唔乾，特別近骨位置充滿煙燻味，真係好好食喔😋😋

行完大棠又唔想等車出到市中心先揾野食，見到呢頭有兩間茶記既餐廳，揾左間大間的黎食，貪佢夠開陽又舒服咁😁坐低好快手叫左兩樣野食，係到做野既店員都係上一輩, 比較人情味重的既感覺👍🏾1/ 星洲炒米 $49 + $5凍檸水星洲炒米都幾大碟，而且炒得有獲氣👍🏾我食完好似冇食過咁，因為太多所以最後打包走凍檸水就比較淡左的冇咩味2/ 什錦冬瓜湯飯 $45 + $5 凍華田同樣都係幾大碗而全部都係新鮮材料，加分👍🏾👍🏾湯底做得好夠味！燒肉都好大，啖啖肉👍🏾凍華同樣地都係冇咩味，不過就幾大杯

今日相約朋人去大棠行山,行山前食過午餐先,因唔熟路,眼見落車站附近有兩間餐廳,而其中呢間地方比夠大(有室外同室內),午餐有中式或西式可選,所以便決定食呢間。由於行山前唔想食太飽,我叫咗餐肉腸仔米粉+凍檸茶。大大碗米粉軟硬適中,餐肉同腸仔都煎得香口,再加大大杯凍檸茶,簡單一個午餐。同行朋友叫咗個雞扒腸仔飯(掛住食忘記影相)佢就話麻麻地好食😂, 但雞扒肉嫩滑。今餐每人消費約$50,同出面平時食開啲茶餐廳價錢差唔多冇乜選擇底下,普普通通惟有選呢間, 不過下次行山都係在元朗食好啲😉

星期日早上行完大欖郊野公園睇紅葉, 落返來十點幾,就去食個早餐.山腳下有兩檔茶記, 對面偉記好多人好逼,所以就來了對面呢家 (第一次幫襯),有例牌的通粉/公仔麵早餐,也有奄列早餐, 西式早餐,我點了個西式早餐, 35蚊, 另加兩蚊轉了要多士, 熱奶茶店員放下單據, 我見佢寫了42元,  再拎起餐牌睇, 發現原來所有早餐都不包飲品的.平日飲品+3,  周未假日+5,  我真係第一次見到早餐係唔包飲品的, 西式早餐有多士, 茄汁豆, 腸仔, 煎蛋, 雞扒 (還有豬扒/魚柳可以揀)加了兩蚊的多士唔係即烘的 ,係烘定,有單才搽牛油, 所以多士唔熱, 牛油唔熔, 浪費了兩蚊.腸仔亦係一早煎定, 攤到凍晒的.雞蛋可能因為我要的係反蛋, 所以係熱的.茄汁豆意外的係暖的.雞扒也是暖的, 及落了幾多的鬆肉粉, 唔好食.熱奶茶幾好,  茶/奶的比例唔錯.將飲品價格分拆出來, 就係想係周末假期執多兩蚊, 擺明唔老實囉.而且食物一早整定, 水準好一般, 我就唔多會再幫襯.

呢果棠人街我每星期都嚟食一兩次，原因好簡單「有車位」呵呵，當然唔係有車位就唔需要理會食物嘅，去呢啲暗地裡係大排檔食館，淨係叫「午餐A」「下午茶B」直頭係浪費中浪費，我推介以下食又覺得唔錯比大家某日行開去試下：1. 椒鹽豬扒2. 口水雞3. 票米魚肚羹4. 雞煲5. 椒鹽鮮魷仲有大家要以下心理準備：1. 怕熱怕蚊請入有冷氣果邊2. 唔好幻想有酒店級服務3. 凍飲唔好叫少冰（坐底睇下人地杯凍飲有幾大杯）4. 唔大食千奇咪一人叫一個菜式，5人叫4「食送」夠食夠食5. 開車泊入停車場，咪影響鄉民出入（車場Free）6. 不少食客會帶狗狗一齊用餐，怕狗狗自行執生無嘢寫，完

幾個人嗌咗幾個小菜叫咗半打啤酒，仲嗌咗碟炒飯，職員服務都唔錯，唯獨是個炒飯完全唔掂，啲飯又鞋又硬都唔知係咪用咗越南米，啲飯一啲硬一啲軟，又冇飯味，可能我食慣金鳳，呢啲飯真係爭好遠，希望下次嚟行山再次幫襯希望有所改善，用返啲好少少嘅米款待顧客

單人踩完單車上山，回程路過撞入去叫咗個燒鵝飯，燒鵝嫩滑皮香脆，但係奈何啲飯唔係好得，硬硬地鞋鞋地，都唔知係咪用咗越南米出嚟嘅效果，可能我要求高平時食慣金鳳，成個元朗應該最難食的飯就係佢，再係噉就算你改幾多次名都冇用，呢間野之前已經一路改名，水準極之唔穩定，希望佢鋪頭老闆睇到我寫的評論，著眼儘快改善細微之處

同隻狗行完大棠之後餓餓地想搵野食帶著隻狗選擇唔係好多上山之前留意到呢間野一於試下坐底之後見到個餐牌d野都唔係好貴價錢好正常我地黎嘅時候好肚餓 但係已經係4，5點過冇幾耐就要食晚飯 所以兩個人叫左碟正價飯加杯野飲杯野飲都幾大杯飲極都有咸魚雞粒炒飯都好足料 好多雞粒 咸魚份量岩岩好 好夠鑊氣 而且幾大碟呢個優惠都好抵玩 食夠一百蚊就送兩張有機生態園即日入場劵 下次要早d黎嘆個早餐就可以由朝玩到黑呢度環境唔錯 好空曠 唔會好熱 又可以免費泊車