棋子燒鵝 (已結業)

晚市禁堂食, 每晚諗煮咩都諗到頭痛, 今晚唔想煮, 就去左斬料返屋企開餐。知道德福foodcourt開左間"棋子燒鵝", 順路就去斬料!一般嘅燒味款式都有, 可惜冇乳豬供應, 見招牌係燒鵝, 當然點都要買黎試下~外賣盒需要$1/個, 環保嘅可以帶定個盒去裝....(如果要額外醬汁, 每包都要收$2)我喜歡食鵝胸, 貪佢啖啖肉, 所以就揀左【棋子燒鵝 上莊】HK$138咬第一啖, 已經有好重嘅煙燻味, 肉質厚實, 皮香帶出陣陣鵝香味, 點上甜酸醬, 味道更加提升~【脆皮燒腩仔(半斤)】HK$64雖然外賣返去已經有一段時間, 但皮還是帶微脆, 肥瘦平均, 入口油層唔會有太多油濺出, 肉質嫩滑帶少少鹹, 點埋芥辣食, 味道一流!

九龍灣德福嘅food court，而家多咗好多食肆。今日去咗棋子燒鵝度食。想食燒味飯，見佢價錢唔算好貴，而且燒味選擇多，就食左。▶️燒鵝五寶飯$68有燒鵝、叉燒、紅腸、切雞、鹹蛋及菜飯嘅份量都幾多，燒鵝熱辣辣，燒鵝皮唔算脆，食囉有燒烤嘅味道，但少少鵝油～▶️一人燒鵝雙拼餐$128例牌燒鵝雙拼（小）、白灼時菜及飲品雙拼份量較多，我揀咗燒鵝及叉燒。兩樣都新鮮整起。整體來講，food court食物質素算可以，呢度容易搵位，想快食或者方便，確實唔錯。

第一次來德福二期的美食廣場，有好多選擇，今次下午茶時間嚟到，揀了棋子燒鵝買燒味幫屋企夜晚加餸。黎到棋子燒鵝，必食當然是燒鵝，可以選全隻/上下裝/例牌，今次叫左下裝（$148），一個膠盒的份量，有鵝脾同附近嘅位置。賣相不錯，有油光，又唔似擺咗好耐擺到淋晒果d。鵝皮薄脆，帶有少少炭燒香氣香，脾位又夠淋滑鬆化，唔會好咸，還附了幾包梅子醬，如果份量再多啲就好喇！燒腩仔（半斤$64）都是一個膠盒的份量，皮位燒得硬脆，鹹味和肥瘦適中，肉質都算鬆化！係加餸好選擇！

有個好嘴刁嘅朋友仔前排同佢屋企人試左呢間新開既棋子燒鵝話好好食，佢知我係九龍灣返工即刻叫我去試下～今日就同同事兩個人lunch time去買外賣，我地叫左個燒鵝脾飯同例牌叉燒share ～一打開個燒鵝脾飯勁吸引！燒鵝隻色好靚同埋即刻聞到勁香，食落Ｄ燒鵝皮勁脆！！勁香煙燻味但一Ｄ都唔油膩，超好食😍😋裡面肉質都好滑燒味飯黎講佢既菜都算俾得好多😂 而且好嫰綠爽脆👍例牌叉燒份量都幾多，放滿晒成個盒👏色水比起平時食到既淺色，感覺無加色素😄　鹹味同甜味幾平衡，肥瘦適中，肉質嫰滑～我覺得食完呢間棋子之後應該會對市面普通既燒味睇唔上眼，都唔知係好事定壞事🤣

#merry豬覓食在九龍灣臨近聖誕節，同男朋友去了九龍灣購物，打算添置一些新家具，順道到mega box逛逛。途經德福廣場二期看開新開的food court。反正要食飽才有力氣購物，就近醫醫肚吧。💠💠💠💠food court面積不大，有多間餐飲店可供選擇。很久沒有食燒味了，最後選擇了棋子燒鵝作午餐💠💠💠💠1人餐 $128有例牌燒鵝雙拼(小)，油菜、瀨粉同飲品，好大份。燒鵝要左鵝胸，好厚肉，有好香嘅荔枝柴味。鵝皮果然燒得唔錯，好香口同好脆，仲有陣鵝油香。另一款就揀咗切雞，師傅好好人俾咗雞胸我，啖啖肉又唔會鞋口，正！油菜份量都好多。 飲品就係紙包道地烏龍茶💠💠💠💠燒鵝雙拼 米粉 燒鵝今次要左鵝胸，需加$10。同樣都係皮脆有油香。另一樣燒味要左叉燒，肉質唔肥又嫩淋，好香蜜味，送飯一流。嗌左湯米粉，燒味就會主動分開上，夠曬貼心。飲品要左紙包巨峰。另外再加左隻鹹蛋，$10，唔會鹹，連埋食好正！.棋子燒鵝地址：九龍灣德福花園二期5樓foodeli

尼個food court 唔算多嘢食！而且都唔算平！𣎴過可能系咁，所以lunch hour 時段都仲有位昨天行過見佢嘅燒鵝好吸引（$53）包紙包裝飲品！燒鵝燒得夠香但啲皮唔脆有啲失望

同朋友做完一日運動🏋️🏋️‍♂️ 佢提議要好好獎勵自己既付出😂 然後就帶左我去Foodeli搵食啦，佢眼定定望住「棋子」啲燒鵝、燒肉、叉燒 我話我試過佢本鋪都唔錯架，二話不說就去叫餐：燒鵝髀飯、叉燒例牌，雖然都要百零蚊，但份量都唔少，可以share食～😛偏愛瘦多肥少既叉燒，因為烤過的肉更加香，就像肉乾咁有咬口唔乾柴，熏味同甜蜜味混合左更好食😋燒鵝依然皮薄肉嫩非常香，鵝肉貼住薄薄的肥肉，咬一啖啲香油都流出黎，喜歡酸酸甜甜的一定要沾特調酸梅醬呀

古語有話有「棋」父必有「棋」子，棋哥燒鵝大名聽得多，有棋子燒鵝當然是承傳父業的新店，棋子進駐九龍灣德福廣場二期，以後砍料又多一個選擇了，新鋪坐落於Foodeli 美食廣場，門口直望已見分店靚靚燒鵝。砍料當然要叫返份燒鵝加餸，燒鵝下庄$135脆皮油份滿足嘅外層，非常吸引。下庄鵝肶飽滿啖啖肉，肉身保留濃烈荔枝木香氣，完美繼承棋哥的燒鵝真功夫。燒鵝五寶飯$68最後忍唔住加多個貪心的外賣五寶飯，燒餓叉燒切雞紅腸咸蛋齊全食飽飽，件件厚肉送飯一流。👅美味: ⭐️⭐️⭐️⭐️/5✨環境: ⭐️⭐️⭐️⭐️/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5

棋子燒鵝係棋哥燒鵝既姐妹店，最近仲開埋入foodcourt，疫情關係買外賣返屋企又多一個選擇😁燒鵝脾飯 $103買得棋子燒鵝就梗係要試下佢地個招牌菜啦，今次一於豪揀佢地既燒鵝脾飯😚佢地既燒鵝係以煙燻製成，所以食落會有陣陣煙燻味道，肉質keep到細嫩juicy！除左燒鵝之外，其實佢地其他燒味質素都唔錯嫁，今次就揀左燒腩仔飯同豉油雞飯～叫飯仲會送紙包飲品一盒，可以揀巨蜂提子、柑桔檸檬等等既飲品。燒腩仔飯 $48呢款好值得一試，燒腩仔外皮脆卜卜😝，咸味適中，而且肥瘦均勻相間，唔會話成大舊肥膏咁。脂肪位入口即化，送飯唔錯。桶子豉油雞瀨粉 $48豉油雞煮得入味，切開細細件，雞肉好嫩滑，加埋薑蓉好好味。而且佢個瀨粉超大碗，好彈牙，食完勁飽。

九龍灣德福二期5樓嘅food Court新裝修完開咗好多間食肆棋子燒鵝就係其中一間之前已經幫襯過棋哥燒鵝🐷當然好有信心😎撞啱食晚飯時間經過買咗啲燒味返屋企斬料加餸🍚呢度最出名當然就係燒鵝啦🦆叫咗燒鵝下莊例牌外賣打開返到屋企 一聞到真係不得了有超香嘅柴火味鵝皮仲keep到鬆脆 鵝肉幾入味 有鵝油香仲會另外配上鵝汁 酸梅醬 適合唔同人士嘅口味仲叫咗一盒燒味雙拼飯 叉燒 燒腩仔🐷呢度嘅燒腩仔都幾值得一試用咗五花腩 做到層層分明個皮仲有啲似威化餅咁脆口跟餐仲有嘢飲 都幾抵食🤩

好耐冇去德福廣場，原來呢度開左個food court，food court有好多餐廳可以選擇，我屋企人就揀左呢間港式燒味。睇睇餐牌，有好多唔同既燒味飯可以選擇，黎到當然要食佢呢度既招牌燒鵝啦。我地點左個棋子燒鵝脾飯。燒鵝脾好惹味，皮好薄，燒到好香，亦都唔會有太多油。肉質嫩滑，唔錯！另外，我地仲點左碗燒鵝五寶飯，呢個飯好豐富，入面咩都有，包括有燒鵝、叉燒、切雞、紅腸同埋鹹蛋！平時好少食菜，所以點左碟菜心。跟餐有野飲送！

{美味燒味配舒適Food court🤩}.Foodeli環境非常舒適，我哋仲坐到卡位，非常闊落而且光線充足！佢有10間餐廳左右，咁啱佢有下午茶時段所以價錢都好抵食，所以我哋決定今日食燒味！😍😍.❣️油雞瀨粉 $35 有五件油雞，瀨粉份量好多，一個女仔食夠晒飽！👍🏻👍🏻👍🏻.❣️燒鵝五寶飯 $68有燒鵝，切雞，叉燒，紅腸，鹹蛋！有選擇困難症嘅人一定要食呢個五寶飯！飯嘅份量好多，燒味都好足料😍😍😍.📝總結叉燒質素呢個價錢來講質素幾高，推介五寶飯！👍🏻🙈.❣️食完俾分時間❣️🌟食物: 7.5/10🌟環境: 8/10🌟服務: 7.5/10🌟打卡: 7/10🌟推介: 7.5/10.📍 棋子燒鵝 九龍灣偉業街33號德福廣場二期5樓501B號舖Foodeli

個日行德福廣場，本身諗住係出邊食，但男朋友媽咪話返屋企食，於是諗住斬d料返屋企加鎹。.過來foodeli呢邊睇到呢間嘢，同我之前係深水食嘅一樣。.🌸棋子燒鵝 $148之前係深水埗分店食過，覺得好好食。今日來呢度買返同一樣。燒鵝皮好脆香可口，淡淡的煙燻味道。鵝肉味好香，好惹味。配飯一流～.🌸桶子豉油雞 $70雞肉皮滑肉嫩，可以唔點薑蓉直接食，比較能食出雞肉鮮味。.搭配薑蓉都好正，可以增加其風味。.兩份嘅份量都幾足夠，價錢亦屬合理。

食燒鵝不一定要係去深井咁遠啦🤩住九龍嘅朋友好消息，超好吃燒鵝可以係九龍灣食到啦😙疫情期間又想出街食飯，但又有少少擔心，外賣簡直對我來講係呢個世界最偉大嘅發明，行到去呢間店舖嘅櫥窗，櫥窗裡掛上烤好的燒鵝😊好吸引好吸引❤️❤️見到餐牌好多燒味，樣樣都好吸引😘😘今次是住兩樣先，嗌左棋子上莊燒鵝😄😄係我最鍾意食嘅位置，油亮的表皮非常酥脆，油脂香氣十足😁肥瘦均勻，酥香肉嫩呀，即使外賣回家吃依然是酥酥脆脆，香噴噴的，再搭配上招牌酸梅醬，保證美味呀，咬下去真的是有一股肉香味😘😘屋企人又好鍾意食脆皮燒腩仔，見到啱啱燒起，頂層好脆皮，肥膏同嫩肉加瘦肉，層層分明🤩食落口，外皮果然香脆，裡層肉質嫩滑的口感🥰

是日同HONEY去九龍灣的MUJI SHOPPING，之後上多一層，去到新開的德福Foodeli，有不同的店舖可以食飯，見到棋子燒鵝，HONEY話又想食返燒味飯，所以就決定去哩間棋子燒鵝，棋子燒鵝的飯，除左飯仲可以選擇瀨粉，真的好開心，同HONEY點左一人套餐，點左燒鵝燒腩仔飯，另外點左棋子叉燒油雞脾瀨粉，一人套餐有埋油菜同埋飲品，真的剛剛好~燒鵝燒腩仔飯(一人套餐)燒鵝燒腩仔飯都唔錯，燒腩仔味道唔錯，另外燒鵝都真的皮脆，另外腩仔都脆口，棋子叉燒油雞脾瀨粉棋子叉燒油雞脾瀨粉瀨粉大大碗，叉燒仲要系半肥廋，油脾啖啖肉，德福Foodeli真的好多不同的餐廳，有機會再同HONEY再去其他餐廳食下先~~~~