梭羅印尼餐廳 (已結業)

套餐45再加一服務費, 不過服務勁差, 同埋午餐原來係冇跟野飲o既, 冷熱飲品都係加5蚊.要自己傳o的野食, 佢唔會拎去你個位, 印尼炒飯係冇蝦片o既, 侍應話有果o的係「星加坡」印尼炒飯...o的咖喱應該加左十次水左右啦, 可以當湯飲.埋單時計多陣都話計「咁耐架, 快o的啦」...睇黎香港經濟一定好好啦!

午市套餐有八款任客人選擇，包括煎豬扒，牛展，椰汁雞，咖喱雞，炒什菜等。套餐＄４５，包餐湯，不包餐飲。同事﹕『若要餐飲點計法？』侍應﹕『要加５蚊。』同事﹕『加５蚊咁貴點解加咁多錢？』侍應﹕『因為ｄ餐飲好飲嘛。』同事﹕『咁ｄ餐湯唔好飲咩？』侍應﹕『ｄ餐湯唔靚丫嘛。』．．．．．．．．．

因為要去招商局大厦某律師樓辨點事，上環亦是我少到的地方，所以早一晚就上網揾定資料，到時可以輕輕鬆鬆去覓食。又係避開午市繁忙時段，兩點後去到，招呼我們坐在窗旁的侍應是一位上了年紀的亞姐，態度親切得像是朋友又像熟客，她第一句話便問“點解咁晏呀”我們便答“避開多人時段囉！”她說：“係呀，頭先好多人呀，啱啱走晒。”跟住便遞餐牌給我們。因為祇得倆人，又係中午，食得不多，所以各自選一個午餐：椰汁雞十咖喱什菜，另跟白飯。個人覺得佢嘅醬汁好稀，不夠濃稠，好似湯水，不過小兔食過佢Ｄ印尼華僑朋友所煮嘅都係咁樣。椰汁就係呈白色，有椰汁香味，Ｄ雞就擺明係雪雞脾，冇味兼粗“鞋”。咖喱就係一貫的東南亞風味，食慣嘅就唔覺得有乜特別，佢嘅什菜就係紅蘿匐、椰菜、薯仔、玉豆和豆干，真係普通過普通。跟餐嘅係咸菜苦瓜白豆湯，偏咸，畧帶味精。送餐送飯來的又是一位上了年紀的亞姐，態度都係親切，比你一個家庭作業式的感覺。環顧四周，頗為殘舊，窗邊牆紙破爛，由窗旁一直伸展到吧枱的長長梳化，頂部都係破爛，配上天花陳舊款式的吊扇，認真懷舊。用餐後，第一位亞姐來收碗碟，見我地有餸汁淨，便問我地點解唔要嚟拌飯，我地話飯少用唔晒，佢話Ｄ汁先至好

一行6人來吃午餐,午市有套餐,我地叫左二個2-3人用的餐,每個餐$155,呢個價錢都算抵食. 試左「巴東雞」、「印尼沙律Gado Gado」、「咖哩牛腩」、「串燒豬牛雞」一打、「炒什菜」,份量適中啦,唯獨「巴東雞」只得5件,我地要分以外,整體都ok.而由於幾乎所有餸都有美味的汁,加上可以無限添飯,所以大家也吃得相當飽.

之前在這裡吃過咕喱羊，發覺不錯。剛好是日與食友們打波，提議來這裡，又正好試下其他的菜色。我們九時許上來，是一個客人也沒有，只見幾個店員在喝啤酒看電視，冷冷清清的。選了靠牆的長檯坐下，就叫東西吃。要了個六人套餐，包沙爹一打半、加多加多、咖哩牛腩、巴東牛肉及酸辣魚，但卻不包飯，只有幾杯飲品。亦另叫了醬蛋豆腐、咕喱羊肉、薯仔餅及炒什菜。先來咖哩牛腩，挑了件筋腩來吃，不辣，但用來下飯都覺幾鹹，一般水準；兩個沙律賣相差不多，連上菜的自己也搞亂了。味道都不算出色，尤其醬蛋豆腐，也是太鹹，深色的醬亦不美味。相比之下，加多加多就好一點，起碼椰奶及花生的醬汁甜美，都叫幾好食；一打半的串燒，要了雞豬牛各半打，賣相幾好，應是用爐火燒的。無論豬牛雞，肉質都不錯，個人而言最喜歡沙爹豬，帶肥肉而廋的部份也不韌，不錯；巴東牛肉味道不錯，夠味之餘，用上了牛展的部份來煮，肉質鬆化又夠腍，如果可以辣一點的話，就更好。當然個人而言，仍然喜歡印尼小食店那個又乾又辣的巴東牛；咕喱羊比上一次遜色了一點，羊件仍然帶皮，但不夠肥美，件件細細件，肉質不夠鮮嫩。咕喱汁味道幾特別，用來撈飯就最適合。埋單六百四十幾蚊，每人不用一百蚊，吃了這

Gado Gado $50: 與"好時"的不同，此店的gado gado內的菜是已經烚熟的，有另一番口感，而配上個satay sauce後味道亦不錯。另外，當中的印尼蝦片都十分正。Shrimp Laksa $45: 應該是雪藏蝦，完全沒有蝦味。湯底不太辣，但不夠香濃。不用試!

晏晝成日都去食~~好鍾意....GADO GADO 好好味....醬爆雞好好味....沙爹串燒....HAHA~~~~~不過唔算抵食....但係我覺得好值得~~~~

星期二有東西在上環與朋友交收，搞掂才一點三，自己去吃飯可以找一些想試的。記得有食友說過這裡的羊肉是連皮煮的，味道不錯，就一個人來了。這裡要上一樓，人很多，好在一個人來也較易搵位。原本想吃巴東牛肉，但見白板上寫著有咕喱羊腩，是日涷涷地，食羊腩剛好，就叫了。印尼藉老板娘見我叫，亦不忘加句：「放心，好好食架！」羊腩用一個有柄小煲盛著，份量都不少。咕喱是重香料的醬汁，不太辣的。這裡的又是香料味十足，汁底偏稀，幾合我口味。羊腩不少，又真的如食友所言是連皮的，腩肉不臊，相信吃不得羊肉的朋友也可以一試。腩件炆得入味又軟腍，羊皮爽脆，中間夾著一層不薄的羊油，很是甘香，一舊羊腩有三種口感及味道，果然出色！看佢煲仔不太大，原來羊腩跟汁份量不少，相信撈兩碟飯也可以。而這裡的飯是任吃的，在開頭時叫阿姐給多一點就行了。幾位招呼的阿姐，看來是鄉里，服務勤快，都不錯。吃得很滿足，連杯飲品，埋單八十多，不收加一。喜歡吃羊的，可以一試，下次會試試這裡的紅酒炆羊肉。

我都覺佢係一間唔錯o既印尼餐廳，食物有風味之餘都易為一般香港人接受(香港人好似真係唔慣印尼菜)，份量價錢都好公道，環境同服務都令人覺得好親切，o向香港黎講好好... 個soto雞同我媽咪煮o既感覺好似~~ 不過間野o向上環尾，唔多就腳，如果我唔係o向附近返學，同鍾意由西環行去中環，真係試佢唔到~

I have tried several indo restaurant in HK and this is defintely the best. Try the chicken satay and you will not be disappointed. The chicken is very tender but the best is the sauce. My other favorite dish is the beef rendang. They use the beef with tendon, which gives the beef a different texture. All the chicken dishes are also superb. A must try!

我最鍾意食那度既印尼沙津，撈飯一流！同女朋友去最好，但係要夜晚去，少人D ，清淨D ，氣氛一流.. 正！

個裝修都幾特別，有返印尼色彩，食o 左個咖哩雞飯，我覺得個咖哩汁唔辣，而且聞到檸檬味好香，可能加o 左檸檬葉或者檸檬汁一齊煮。d 雞不過不失，我食野習慣拆肉，d 雞肉都好容易拆開，一d 都唔韌。不過午市冇套，價錢同晚市冇分別，但係睇到ea set 都係$18 咋，咁就抵食好多。