梨和園韓日料理 (已結業)

唔知點解，今日心血來潮，想食韓國燒烤，於是就同老公周圍搵，搵到呢間，下午茶自助燒烤，$58, 好似幾抵。於是就入去食，有熟食，糖水，沙律同生果，雖然好似好多選擇，但係我地好多野都唔敢食，因爲個樣睇落去好唔乾淨，可能係心理作用啦，我覺得擺野食的地方有陣怪味。生o個d食物o個度即頭好似街市。於是全程都係老公野俾我食。最好味係個五花腩，雞扒都o.k. 其他就好普通啦。d位好逼，仲要隨時留意d人推車來加野食，加滾水…….如果到呢個位，我都會俾個o.k.分…因爲自助的餐廳好難整到好乾淨。但係最後食兩塊西瓜，發現d西瓜好唔新鮮，我就覺得有陣洗潔精味….老公話應該擺得太耐。唔推介大家去食，特別係對環境，衛生比較注重的朋友~~~~

昨晚（12/3）一行五人去銅鑼灣吃飯，我說去越華會食辣蟹或行遠少少既彭慶記或銖記，佢地又話唔好，話想食韓燒，「我請客、你付鈔」故唯有聽從。見到個門口，心知不妙，自助形式，有熟食、又有那些日本刺身壽司兼可以火鍋（如圖），火鍋的湯底如清水。坐了第一張檯，窄得無可再窄，地方狹窄不要緊，但你見到食客不斷夾又浪費成張檯食物，真的好介意，後期見有大檯便即時轉檯。很少會給劣評，真的除了韓燒的牛肉、熟食那邊是可以接受外，我想不到其他是好味道。其實所謂日本食物，見到真的未必有膽量吃，刺身是變色，吃一件沒有刺身，以為是穩陣，但壽司的飯是生，咬下去有些硬。本想去吃豆腐花，但見到豆花碎，沒有豆花可言。其實簡簡單單一間韓式燒烤店更勝這些雜錦店，加上所謂任食任飲，是否需要這麼貪心？人有時有限制並非件壞事。

星期一放工心思思走左黎呢度開餐. 都幾多野食, 幾入味, 今次都試吾哂甘多, 係嫌味精多左D, 返到屋企要飲好多水, 同埋的壽司飯硬左少少. 不過預左架呢. Service都幾好, waiter/waitress時常黎收空碟, 加火鍋湯又勤, 又remind D客吾好一次加咁多嘢落火鍋度, 吾係滾"寫"水會好易著火. 我6點去到, 食到差吾多8點先埋單, 間嘢7:20pm就9成坐滿, 都無人吹我埋單, 幾好. 不過係細少少, 略為逼一D. 總括黎講, 呢餐非常滿意, 一於推一推呢間餐廳.

我們二人昨晚第一次去梨和園吃韓日自座餐，未去之前我打電話去問時間，侍應以大陸口音告訢我由晚上六時開始，但有一條規則：「如果人數是三位或以下，限食一個半小時，四位或以上，限食兩小時，但如果無人等位，就食到幾多點也可以。」我們聽了之後，差點不想去，但細想之下，昨晚不是周末或假日，加上是星期三跑馬日，應該不會旺到要等位吧？於是就決定去博一博。我們六時去到，問帶位的侍應是不是食一個半鐘頭，若有人等位就要走，她說平日很少有這個情況出現，假日才會有，我們就放心坐了下來開始吃。出到去拿食物，真的有不枉此來的感覺，因為有很多很多食物選擇，樣樣看來都很新鮮，很吸引，生食熟食各有幾十款，還有打邊爐的選擇（打邊爐要另加二十元），真是一時有「唔知食乜野先」的感覺，除了吃的，還有飲品、沙律、甜品、糖水、雪糕、湯等。坐下慢慢吃，樣樣都很好吃，生的肉類醃得很入味，好好食，熟食亦很滿意。服務算幾好，尤其是一位看似是經理的男人，很好招呼。我們都吃得很開心，看看錶，不過是七時二十分，餐廳內只是坐滿一半人，應該不會有人等位吧？到了約七時半，已經很飽了，並已吃到生果及雪糕，突然一隊約五十人的大陸人衝進來（聽說是一間什麼公司的

韓國燒烤食品的種類十分之多, 有三,四十款, 豬, 牛, 羊, 雞, 魚, 魷魚樣樣都有, 醃得味道啱啱好, 不會太鹹. 最正係五花腩, 薄薄一片, 肥膏烤到香脆無晒油膩的感覺, 烤牛舌亦好香好好味. 如想食埋火煱, 可加二十蚊要個湯底. 火煱配料種類亦有成二, 三十款, 真的每款一件都很飽. 仲嫌唔夠, 還有熟食同三文魚刺身, 甜品亦有糖水, 西米露, 涼粉, 啫喱, 生果同雪糕, 包你食到夠. 飲品亦係任飲, 有五花茶, 豆漿, 西瓜汁, 但味道很淡. 不過任飲就唔好要求咁高. 若果有人生日仲有蛋糕同香檳送, 以108蚊另加一這個價錢, 我覺得非常抵食, 最緊要係味道亦好好, 一定會再黎!