梔子

營業中

休息中

今日happy hour時間同朋友去咗一間白雪雪嘅cafe。見到店主係裝修上同埋設計menu都別出心裁！常常都用blended words設計menu, 用兩種材料嘅英文字砌成嘅字，十分有創意，我今日就揀咗飲Chocolate bananut (banana + nut)，有香濃嘅朱古力味，結合埋香蕉和杏仁，飲落去淡淡都係杏仁，完全冇偷工減料！另外叫了黑松露粗薯條～粗大到令人難以置信😍 粗大嘅薯條用一個筒上，另外配合左忌廉和黑松露製成嘅醬一齊食，好咪😋食完好大條嘅薯條，食返啲綠色食物～All Day Green 全日綠早餐有bagel, 牛油果炒蛋，烤菠蘿，烤蕃茄，🍄，沙律菜～yummy ！

一早bookmark 左哩間白色清新主調既cafe,琴日放假終於黎左，過番一個游閒既下午🌿 入到門口就會有種好舒適既感覺，門口擺放一棵梔子花樹俾食客認識到哩種花既樣貌😁而哩個角度好岩女生們打卡呢！俾哩款新出既cheesecake 吸引左😍 忍唔住要order 一件試下😋黎cafe 都會喜歡飲番杯咖啡，點左一杯rose latte ,未食都已經感到好滿足呀🙂 devil cheesecake 口感非常鬆軟，甜度適中，cream cheese 好滑，好味😙杯rose latte 咖啡味略微，主要係rose 味重，不錯！哩個pastrami 好好味呀！bagel 一定要熱食，凍左會變硬，夾住cheese,咸牛肉，火箭菜食整個配搭好夾😍仲有好多沙律菜，正！開喺山林道咁近尖沙咀，食完又去行街😝位置好方便，環境又舒適！

weekend同女朋友去到位於山林道ge梔子cafe，店內裝修非常有特色，好文青又有點田園feel，同店內主打健康食品ge imagine好夾，特別喜歡這種有特色ge店，今日特燈黎試下。坐低之後，睇到呢度食物主打都係沙律菜同健康飲品，同時都會有義大利麵等。叫佐：梔子沙律+綠色果昔沙律用個小鐵桶裝住，非常豐富ge材料，青蘋果同牛油果切片整齊擺好，下面係幾種新鮮蔬菜，仲有d雜果仁，果乾舖係面，有d黑醋，非常健康ge配搭。店員話覺得淡味ge話，可以加小小岩鹽。而我自己就覺得味道啱啱好，唔錯。跟餐仲有杯飲品 綠色果昔，顧名思義就係主要用綠色ge蔬果去製作，飲到好清新ge青蘋果味，放心，絕不是人造香精ge味道！！仲有淡淡ge羽衣甘藍味，杯飲品入面仲包括菠菜同菠蘿，檸檬。好味ge飲品，清新健康。牛油果bagel+牛油果昔比呢個Bagel深深吸引，擺盤精美之餘，又係健康首選ge食品，有牛油果同太陽蛋係入面，小麥圈唔會好硬，而且仲係暖暖地ge，我自己就督穿個蛋黃，撈埋d蛋醬食，好正，而且旁邊都會有份細沙律係度。飲品就係牛油果昔，呢度個果昔特別在距唔用水加奶，距係用椰子水代替清水，個味道有淡淡ge椰青味

餐廳位於比較幽靜的山林道，但交通很方便。餐廳擺設很特別和有心思，很有文青的感覺。樓底很高感覺很舒服，食物和招呼都很好，餐牌還有很多酒精類的飲品和咖啡。牛油果比高包餐廳還有幾款套餐，我們選擇了只是$118的牛油果比高包加牛油果昔。微暖的bagel加上厚厚的cream cheese已很豐富，怎料一打開bagel 竟然鋪上滿滿的牛油果，還有半生熟的蛋，全是我最喜愛的，牛油果剛好熟透很香滑，還有很多很新鮮的菜沙律，吃起來心滿意足。牛油果昔牛油果昔是用椰子水加牛油果和龍舌蘭蜜攪拌而成，很重牛油果味和口感細滑，而且沒有加任何糖，所以美味得來又很健康。Red 成份很健康，包括有紅菜頭、雜莓、蘋果和薑，有助於排毒。飲品很足料，而且完全沒有加糖，喝時還吃到紅菜頭和水果的渣滓，我很喜歡這口感。鮮雜菌菠菜忌廉扁意粉 這道菜有很多雜菌，菠菜忌廉汁很美味。我比較喜愛有點硬身的意粉，所以覺得這扁意粉比較稔身，可能是因為迎合大眾口味吧。Devil cheesecake 非常濃郁的芝士味，上層的芝士很軟滑，下層的芝士軟滑得來比較實在，最底是薄薄的海綿蛋糕，加上酸酸脆脆的raspberry乾，口感豐富，有點像我之前在日

今日約咗閨蜜食飯聊天，美食都不是重點，重點是想找一個寧靜舒適的環境，好好relax一下，細訴工作上嘅苦悶，所以就揀咗環境優雅的「梔子」。點址位於佐敦山林道，名副其實係鬧市中的一點寧靜。洋蔥味比高包（配原味Cream Cheese）$50比高包一定要趁熱食，否則就會變硬。Creami Cheese 非常幼滑，令比高包的味道昇華不少！鮮什菌菠菜忌廉長通粉 $108店員告知今晚冇晒長通粉，只好轉為闊條麵，但一樣有水準！菠菜忌廉汁濃郁而且入味，配料仲好多添，算係相當抵食。芝士蘑菇釀雞翼 $68可惜朋友唔識啦，唔可以點叫水牛城雞翼，於是就揀咗芝士磨菇釀雞翼，也沒有令人失望。自家製蛋糕：Devil Cheese Cake $58雖然無緣一試佢哋最出名嘅雞蛋花蛋糕，但Devil Cheese Cake細滑綿密的口感也很棒！

山林道，你會知道它是位於尖沙咀與佐敦一帶的飲食版圖交界。山林道，卻令我想起「B餐」女神謝安琪暫別樂壇告別作歌曲的其中之一。但原來，山林道，亦是兩位小女孩的追尋夢想的發跡地。梔子 --- 一個很別緻的餐廳店名，當中編寫着一股動人的故事。筆者翻閱餐廳資料，發現梔子又名為雞蛋花，是每年三月至七月常見的花。花語代表永恆和喜悅的愛。因為工作的關係，故事中的兩位小女孩要經常飛來飛去、在世界各地遊走，因而更加感受到家庭的歸屬感。所以希望在這裏尋找一處、能夠常常和朋友輕輕鬆鬆地喝酒的小地方立足，所以便有著梔子的誕生。室內一身泥白色的石灰牆，門口處放有一小棵仿雞蛋花樹，搖搖擺擺。天花上裝有三盞垂吊下來的花燈，帶有幾分滿天星的爛漫璀璨。座位不多，但基於樓底夠高的關係，拉大了視覺效果，縱使枱與枱之間空間有限，但都總算令人坐得舒適。在日頭，這裡顯然是一處文青的消閒地方，主打健康元素食品及一系列不加糖份的鮮磨果汁。但一入黑，這裡便搖身一變成為酒吧小天堂，簡直是山林道日與夜的佼佼者。一坐下，員工便主動遞上餐牌和略略講解菜單內容，態度殷勤，又因為大家都是年青人的關係，感覺更Friendly。細看餐廳的餐牌設計，全是

平日好少係佐敦經過，今日經過發現原來佐敦都有好多bar 同cafe 始終佐敦唔算係旺區 所以人流不算多 想真正優閒 呢區既cafe 的確係好選擇 餐廳環境清幽 午餐set 主要有Bagel 同沙津 而飲品係健康飲品 岩哂唔想lunch 食到咁heavy 既人喇煙三文魚比高三文治配沙津菜-份量好大，賣相一流，Bagel 要趁熱食，稍稍涼左都會變硬 三文魚份量夠，基本上每啖都咬到厚厚既三文魚，而cream cheese 塗得厚厚的，啖啖滋味，配上菜等配料，口感非常豐富，食完非常飽肚，好滿足。綠色飲料-有菠菜，青蘋果，菠蘿，檸檬 調度製而成，超級推介，好香濃好杰，絕對唔係出面好稀ge 飲品，甜度適中，好健康Devil cheese cake-呢度好有名既cheese cake, 果然好香好滑，比大牌子更好食個人覺得。最後飽到攬住個肚走，好滿足。

吃貨小妹除左對食有要求 有時都會學人去d靚cafe影下相扮下偽文青 今次就賣甩小胖男友 約左閨蜜去山林道既梔子扮下文青話明要去做偽文青 首要條件當然環境要夠靚夠文青啦係梔子內 見到唔少呢類用牛油紙,係餐紙上畫既靚靚手畫稿黑松露粗薯條勁濃薯味 個黑松露醬好香迅間就畀我同閨蜜掃光另外仲叫左個雜菌扁意粉同芝士餃子雞翼兩樣既味道都幾有水準本身想食朱古力蛋糕 但店員推介呢款Devil cheese cake話係招牌黎 超濃芝士味之餘但又入口即溶 果然無介紹錯題外話 呢間文青cafe竟然有酒飲當晚係happy Friday 就見到隔黎有一枱斯文既西裝外藉人士放工後黎嘆返幾杯難怪餐牌上會寫住"Eat Healthy Play Naughty"

同幾位在尖沙咀工作的朋友相約到山林道食個午飯，路過梔子呢間cafe時深深被簡約清雅既裝潢吸引，工作太忙真係好想好好放鬆一下。梔子樓底好高，座位之間有一足距離，令人無咁焗促同完全無壓迫感，好舒服。每枱椅子都有所不同，牆上貼左唔少黑白既貓貓相，可見在佈置上花左好多心思。《煙三文魚比高配沙律菜》午餐有4個選擇，$98配基本咖啡或茶，但我當然想試特別啲既飲品啦！最新既純可可香蕉杏仁奶昔都只係加$20，值非常值得！奶昔濃稠適中，可可味好香，全杯飲品只靠香蕉既甜味，甜味好天然而唔會過甜，即使飲朱古力都唔會怕肥怕太甜啦：）杏仁粒粒仲加添不少口感！主菜Bagel有煙軔感覺，因為密度好高所以唔怕食唔飽，我食左3分之2已經好飽！中間既煙三文魚帶咸香，仲有cream cheese 濕軟而有奶香，呢個Bagel改寫左我對呢個bagel既印象～開心果蛋糕都好好味，充滿開心果味又唔會太甜～係幸福的清新感～

🎼試問白晝會否不完　繼續熱鬧像下午兩點🎼山林道，以前讀書的7年間常常經過，留下好多足印。2017年，距離學生時代已經年代久遠，竟然有一間有個性的小店，一間名叫「梔子」的cafe，日與夜都有不同主調，日間係一間文青系cafe，晚上搖身一變成小酒館，無論日夜都適合三兩知己談天說地。晚間時分入座，餐牌上有好多款酒精系飲品，以及佐酒小食。最吸引我地嘅係呢款手工蘋果酒(Real Elderflower)($68)，有蘋果香味，入口香甜，超適合女生飲用。佐酒小食：Buffalo Chicken Wings ($68)入口微辣，單骨水牛城雞翼夠惹味呢！黑松露粗薯條（$78）份量足夠4-5人享用，薯條夠粗身，黑松露沙律醬好香松露味，我鍾意！除左酒精類，其實仲有好多嘢飲選擇，例如smoothies...以顏色區分，我就揀左「紫」（$58）由黑加侖子、紅莓、黑莓、紅椰菜混合而成，好足料，味道微酸，感覺健康d...

同朋友兩個人加個4歲小朋友，去完睇展覽想找個坐得舒適的地方食晚餐並靜靜哋傾計，行到山林道，小朋友忽然大叫:好靚呀～望一望，原來小朋友被店裏面的擺設吸引住，真的很靚。小朋友對上面的大屋同摩天輪很有興趣，還研究一下想住那一間。不過入座時已經有客人，不方便影太多陳設，但一個角落位都睇得出設計好有心思、有別於一般餐廳。這裡的食物選擇並不多，但每款都很吸引，而且是感覺較健康的食品，大致上以意粉和bagel為主。煙三文魚比高飽，沙律菜以醋代替沙律醬，較少脂肪但又很開胃；而煙三文魚亦夠份量夠新鮮，加上cream cheese更吸引，比高飽一定要襯熱食，才可以食到精髓：外層煙靭內層鬆軟，小朋友食得第一口已經話：「好好味呀super good！」墨魚汁魷魚意粉，我食完一口已經覺得味道好特別、好香，問店員是否加了椰汁，店員告之是加了椰子水和椰漿，好香！原本小朋友見到黑色意粉不肯食，但迫他試一啖之後，他就指著意粉説要再吃呢！另外又點了松露口味的Cream cheese洋蔥比高包，我覺得這個配搭真的很不錯，勁香而且配了很多杏仁同合桃，朋友本身不太鐘意食包，但他試了之後也説好味，證明我這個選擇是正的！之後叫了杯

上次經過山林道，留意到它洋溢著文青氣息的門口。於是，兩個人相約在此見面。經歷一個星期的工作，是時候停下腳步，享受一個慢活。梔子，原來是一種植物。大概就是門口那棵樹，滿是白色、純潔的花。可愛的插圖，忍不住要點一款。飲品散叫不便宜。午餐加＄20就可以升級。紫黑加侖子・紅莓・黑莓・紅椰菜這杯超級健康的果汁，很厚，帶渣，證明是用新鮮蔬果製成。完全沒有加糖，雖然味道不算吸引，但滿口紅椰菜的菜香、少少莓的酸，絕對天然，健康得很。時光倒流，我還是會再選它。牛油果昔用椰青水攪拌而成，有牛油果的細滑，厚度，配以椰青水天然的清甜，健康，自然，美味。椰香魷魚墨汁麵一邊拍照，一邊聞到香噴噴的椰香。原以為是椰汁，原來是用椰青造成的白汁，分別很大，椰青水健康得多，而且帶柔和的甜作調味。汁煮得稀，沒一般忌廉汁的厚稠，但仍然掛滿墨汁意粉，絕對夠味，還有邊吃邊讚嘆的清新。幾足料，配料幾多。雪藏魷魚較普通，欠鮮味，偏腍。要是能不太健康地用油先炒一炒，再加點調味，可能會更香。牛油果比高包滿臉笑容的店員為我們送帶Bagel，附上一句趁熱食。Bagel被焗至微暖，拿上手感受它傳來的餘溫。牛油果比高包怎麼中間的洞只露出半熟蛋黃？

今日同朋友食係山林道食完lunch行出黎見到有間咁清新，裝修咁靚咁特別嘅cafe,見落緊雨又唔趕住走，就入去飲杯野繼續傾計。門面係一個平開放式位置，好似外國coffe shop咁，係出面望到呢個畫面真係一定比佢吸引左。可惜落雨，唔係我地都會想坐係到，好chill 好relax。店內裝修都係好靚好清新舒服，高樓底唔會令人有壓迫感，而店內都放左好多乾花，好有文清氣息，打卡一流。我地食左lunch,所以都係一人叫左杯飲品再加件cake。我就見到佢有個special 係牛油果smoothie,牛油果我一向都鍾意，有smoothie當然要試下啦。口感好creamy,牛油果味都重，我見佢話有coconut water,不過飲落唔覺，唔會cover 左牛油果個味。成杯smoothie 入面都有d 一粒粒nuts blend埋一齊，有小小似花生/開心果碎，令口感再特別d,咁埋咁樣我覺得令杯飲品可以飲耐d。朋友叫左杯sea salt caramel macchiato, 一樣都係好靚好用心沖。size 亦都好大杯，朋友話味道幾好，sea salt 同caramel 呢2個味道分量適中，唔會太甜。我地見佢

The heroes beer was pretty nice, but it wasn't cold enough to my liking. The fries with truffle sauce was OK. good balance, not overwhelming. The chicken wings had really boring plain taste though. Service was good, they explained very well what we should try. The price is really hillwood road price, expensive and portion is little. It's good for a drink and a snack, but not really for dinner.

平日夜晚8時到來，餐廳差不多full house，但不用等位。店員環境不錯，睇得出店主有花心思了解時下大眾的喜好，提供了不少影相位吸引顧客。叫了一份bagel 及all day breakfast。All day breakfast $128 加1 ，但食物質素有待改善，特別是半塊bagel 就咁切4份，完全沒有味道的。所以有點失望。但店內員工態度的確不錯，而且店內提供大量不同種類的啤酒，因為很適合一大班人收工過黎休息一下。