梅丘壽司の美登利総本店 (青衣城1) (已結業)

20190223 美登利。聽講係日本出名。所以試下。⚠️我覺得壽司質素普通啦～中上level，比起而家嘅峰壽司係好食啲。但唔可以同高檔日本餐廳相比。。⚡特選壽司盛合$275鰻魚，同松葉蟹腳壽司好食👍海膽同圖份量少一半，但都入到口，唔臭，唔會係馬糞味。⚡半份牛油果海鮮沙律$50好多刺身，份量正。🥑但竟然牛油果太生，硬到死！⚡火灸三文魚芝士壽司$22/件味道ok，但有筋⚡火灸海老芝士壽司$14/件味道ok⚡三文魚壽司$18/件都可以，幾新鮮⚡海鰻青瓜卷$65過得去。⚡炸蝦卷$70面頭嘅炸蝦淋bet bet。唔太好食。🍎總$673.2 。

是日happy friday, Lunch途徑青衣城，見到呢間新開張既過江龍(係日本岀名平靚正既壽司店)竟然冇人排，我地一行4人即刻急不及待甘衝左入去。但可能係期望太大，變相見到Lunch menu已經有點失望，因為午市定食只有3款選擇：呑拿魚丼($198)，海鮮丼（$238）及手握壽司拼盤（$248）。對於香港人來說，選擇實在太少了。我地4人入面有3個人表示係簡無可簡既情況下，唯有點海鮮丼一試...其實願意比呢個價錢食真係因為對食物質素抱有期望，點知結果太令人失望。呢個蟹蓋，竟然係完完全全既 空 殼 ！ 真係乾淨到好似係買翻黎既裝飾品，唔似係食物，亦都完全冇任何肉/膏。其他刺身都好一般，呢個價錢真係性格比係極低。不過，第4個人表示佢真係對午市定食簡唔落手，佢選擇左係menu到自由配搭，佢點左幾件壽司同1份蟹肉蟹膏沙律。穴子雖然比筷子長，但穴子既硬骨多到好誇張，朋友表示食到好辛苦不停哽到。唯一推介蟹肉蟹膏沙律，因為真係超級好食！蟹肉蟹膏鮮味十足，而且蟹肉蟹膏份量勁多。我地都懷疑 海鮮丼 上既「蟹蓋裝飾」係因為d料供應左去整呢個沙律！總括黎講，呢個價錢但呢個質素，要三思。(不過蟹肉蟹膏沙

開業已數星期，取票的人多，最後願意等候的人少。店內有三名師傅，全部看似不是日本人。店員約五至六名，但好明顯人手不足。主力負責帶位也經常在點單和上菜，有空枱也在乾等，沒有時間招呼客人入內。其中一名沒有戴眼鏡的男職員，叫他加茶或結帳，永遠應一句：等等！但一等就無回頭，工作如此散漫，難怪有些客人不願久等。因為眼見有枱也不入客，心裡一定有點火。食物質素總體合格，有些有中上分數，但值不值得用超過一倍或更多的價錢去品嘗，便見仁見智了。第一輪，叫了壽司盛合，選擇這款價錢貴點是因為有海膽。以賣相評分也有七十以上。長長的壽司，少飯多料感覺很滿足。但以味道來評價，就有點兒遜色。海膽不夠鮮甜，中間還有黑色的腸。帶子，蝦和松葉蟹只是連鎖店素質。原條穴子的汁就平平無奇。吞拿魚無筋，終於和想像中一樣。第二輪叫了:三文魚三貫(HKD 55) ，長長的三文魚，味道和其他連鎖店的三文魚腩差不多，是此餐性價比最高的。活赤貝壽司(HKD 75),北寄貝壽司(HKD38)和白象拔蚌壽司(HKD32)味道鮮甜；雖然價格也較高。但相對壽司盛合的質素，終於覺得等了差不多三十分鐘也值得。蟹肉蟹羔壽司(HKD22)是最驚喜的，以這兒的

素來鐘意食壽司，難得來自日本的壽司店進註附近商場，梗係要去試下啦。  店內是很西日式的風格，很有日本本土迥轉壽司店的格調，簡潔清新。由於是星期六關係，並未供應午市定食，唯有散叫吧。刺身及小食選擇不多，但壽司總類很多，我地點左海膽壽司，帶子壽司，白象拔蚌壽司，活章魚壽司，大海老壽司，火炙三文魚壽司，火炙大吞拿魚腩壽司，茶碗蒸　….除左茶碗蒸（蒸旦）唔滑，很＂鞋口＂，味道一般之外；其他壽司都很美味，特別係海膽壽司十分鮮甜，火炙大吞拿魚腩壽司入口即浴，壽司上的刺身都很大塊很肥美，　超滿足，值得再去！

終於試到啦～～舖頭唔算好大。8點先去都唔係好耐就有位你話佢貴又唔算好貴。中規中矩裝修一般。環境都麻麻。地下果層開放式。其實係有D嘈既。講返食物。其實選擇唔算多。但基本既都有點左個Set10件+中，大Turo+池魚刺身+蟹肉膏沙律+甜品=差唔多$800兩個人都夠食既～認真～Turo海膽池魚係新鮮好咪既～蟹肉膏沙律超底食～鍾意既一定要叫～不過普通野其他壽司就真係麻麻～唔好既有～三文魚子～帶子～可以唔洗叫哂錢～差過元氣最垃圾係個甜品～千祈千祈唔好叫～都成$40-50～去第二度食糖水冇咁嬲～D丸子 Frozen既硬到HighHigh～講到服務都係一般～好業餘全無日本感覺～環境:真心一般。傾計唔會揀佢食物:中規中矩。咁既價錢食Turo算好底食總括:想食吞拿魚，海膽。的確唔錯。但問心真係好一般。如果要等幾粒鐘。絕對唔會食。有D失望既。絕對同日本冇得比

呢個鋪好似好出名咁, 所以就試下,中午時段人唔多, 唔洗等位, 坐位唔迫亦唔算寬.叫左個set lunch, 有幾件壽司, 一個荼碗蒸, 一個味噌湯.壽司擺盤100分, 放得幾靚. 左上唔知係中拖定大拖羅, 不過好好食, 無筋, 入口即溶.赤身都唔差, 好林, 好有鮮味. 件三文魚就好重油份, 食到成口魚油.穴子可以話唔合格, 首先人個汁唔得, 同埋D肉食落去有D粉. 唔好食.個3文魚子飯, 3文魚子亦都比較細粒. 佢每一件壽司做到咁大, 係好吸晴. 不過真係好影響個進食過程, 太大件, 要拆開黎食. 整體味道黎講都OK.個茶碗蒸又係痳痳地, 好咸, 應該好多味精OR雞湯, 食唔到蛋味.味湯唔錯, 好飲. LUNCH黎講有D貴, $248再 +1

相比旺角店，食物質素差很遠，但服務卻好很多食開旺角店，果邊明明全店都係空枱，但都唔俾人入去。好明顯想門口長期有人做勢，不過旺角店水準的確不錯，所以都冇辦法要照排隊吃。知道青衣開咗分店，就來試吓，唔使排隊超開心，點知食落手卷內嘅海膽非常不新鮮，強烈腥味，大概係超級市場質素。喺旺角店都食過海膽，唔係話十級鮮味但都起碼冇腥臭味，旺角店嘅紫菜係溫熱保持脆口，飯亦非常軟熟，可惜青衣店完全冇呢兩個特色，整體而言水準只係香港$8連鎖壽司店咁上下。好彩白子好新鮮，不過就整體質素而言應該短期內唔會再食。相反服務方面就比旺角店好10條街，老實講旺角嗰邊服務有些少澳牛影子，黑口黑面，唔耐煩。但係青衣呢邊，一男（戴眼鏡）一女（年輕長髮）店員非常非常有禮，令人食得非常舒服，親切及常保持笑容，希望香港多啲服務員好似佢哋咁有呢種服務態度。亦希望美登利公司知道這兩位服務員做得實在非常好，為客人帶來難忘的用餐體驗。及提升旺角店的服務水準，如果青衣店兩位店員能過去旺角店服務，就完美了！因為未來應該都只會到旺角店在再吃。希望能吃到美味壽司的同時，又不用受氣。

日本美登利壽司個大名 相信唔用我多介紹相宜價錢 食物 不論陀地定遊客排一個鐘隊是常識吧 知道佢會來香港開店時 真係超驚喜 勁期待 近日佢係青衣再開分店 竟然等15分鐘左右就有位😱 試下佢個招牌Set先嘩 賣相同味道同日本有99%似 正呀咁以後唔用去日本食啦？ 是的只要你比多一倍的銀両 唔介意冇晒些side dish 即係湯呀 蛋呀 重有佢個名物 蟹膏沙律.....................完來沒有 從來都沒有...........

心態：在東京沒有到訪，現因新開張又就腳純綷試試優：海苔湯、鱆紅魚壽司、火炙帶子劣：牡丹蝦不夠新鮮、軍艦紫菜不夠脆、吞拿魚醬油漬壽司賣相不討好總結：或許我不懂得欣賞，回顧率偏低。😛

昨天試了，十公失望！帶子不新鮮，鰻魚也沒什麼味道。當然服務也不要有任何期望！以為不用排隊執到寶，點知不用排隊是有原因的！希望是新開業未磨合好，不過短期內我都不再去了。