梅丘壽司の美登利総本店 (新城市廣場一期)

營業中

休息中

雖然價錢比日本貴不過都可以接受，唔知係咪已經過咗嗰一浸熱潮，下晝去食完全唔洗等位。不過午餐選擇真係唔多，套餐嘅烏冬同丼都唔係好吸引到我哋；最後我哋選擇單點。總括嚟講食物質素唔係差，不過味道只可以算係普通而且冇驚喜，真係覺得冇必要排隊or專登過嚟食。【Lightly-Broiled Yellowtail火炙油甘魚壽司$20】【Salmon Sushi Assortment三文魚盛合$145】【Tuna Gristle吞拿魚筋壽司$12】【Herring Roe數之子壽司$25】【Ultimate Extra Fatty Tuna極上吞拿魚腩壽司$48】

新界終於有美登利分店啦！二話不說同女朋友即刻去試。大家可能唔知可以用手機app拎定飛。5點幾開始我就金睛火眼monitor住個情況，計好晒數拎籌，7點半去到等左15分鐘就有得食啦🤩 推薦各位都要善用app!講番食物先，初業期間有3款壽司半價，包括係三文魚，中拖羅同赤身，緊係全部都嗌！味道都幾唔錯，特別中拖羅質素都幾高😋 不過會有切割唔完整既情況出現🤔特別想提舊長鰻魚壽司，成隻筷子咁長超級好食！encore左兩次添呀！不過要成78蚊一舊...壽司普遍都幾貴，難得一次就嗌左88蚊一舊既極上海膽壽司，但真係唔太抵食，特別係早排先去完日本，講緊廿幾三十蚊已經有舊同等質素既～

吞拿魚赤身$18、極上中吞拿魚腩$38首先魚肉切成大片，十分有滿足感。中吞拿魚腩的魚味香濃、魚味頗出。中吞拿魚腩比赤身貴一倍有多，油脂甘香味亦倍增☺️相比下赤身雖較少油香，卻更能食出食鮮味。海膽 $48口感很creamy，隱約帶點海膽香，但味道不重，甚至被紫菜味蓋過了。菜單上還有一款$88的極上海膽，可能味道會更突出😆炙燒魚鰭肉 $28就是比目魚/左口魚的裙邊。炙燒後油脂味香濃，魚肉上加了蛋黃醬和七味粉，增加了層次感，亦略為減低口腔中的油膩感。蟹肉蟹膏沙律 $55半份上菜時只見到蟹膏，原來裏面都是蟹肉。拌勻後每一口都充滿蟹的鮮味，絕對是必點之選。半份已足夠兩人享用有餘。鰻魚壽司 $78有半條鰻魚的鰻魚壽司，賣相十分吸引。鰻魚質地本身不錯，肉厚不會過韌，只是略為多骨。茶碗蒸 $25內容不算豐富，大概只有冬菇和細蝦等材料。蒸蛋不太滑亦欠蛋香。

係日本食過美登利絕對會上癮！知道沙田開左即刻要去止下渴，雖然預左無日本禁高質抵食，都深信總有品質既保證！閒日一點去到要等二十張枱，不過唔洗半個鐘就有很入去！美登利有好多唔同既壽司set，同朋友左度右度，最後都決定散叫，可以滿足哂所有願望🤪壽司大致上都新鮮，燒三文魚腩好重油香味好正！帶子鮮甜，中拖甘香，池魚略嫌唔夠新鮮，油甘魚肥美！重點一提係呢個蟹羔蟹肉沙律！呢個係半份，只係$55！性價比特高！佢上面舖滿厚厚既蟹羔，一啲腥味都無，仲要好鮮甜，托底既全部都係蟹肉！係全部！完美既配搭，每一啖都好滿足！強烈推介俾大家！

今天15:03拎位，明明入面半間舖是吉位，都聲稱要清潔不可入！點知過了十幾分鐘後，見佢入咗一枱客，即刻問佢點解！佢就話個枱是老闆，佢見我麻煩就先我入去！老實說講，d嘢已經一般，價錢5係平，仲有扮多人要等位，真的想死！

之前吃過雅蘭店,見沙田開新分店,就急不及待試其質素! 因為怕人多,所以提早少許等開門! 到達時,店未開,已有人在排隊了。自己品牌的醬油 - 咸味剛好,正帶出食物的鮮味!單點了幾件軍艦:左1墨魚吸盤軍艦,左2是以魚腸為餡,右邊兩件是魚筋,款款都很好吃!以下是set lunch,set lunch很抵食,超飽!極上吞拿魚丼配赤味噌湯及茶碗蒸看照片已不用多說!! 因為吞拿魚超新鮮,無腥味,加上吞拿魚切得很大片+大件! 由普通的吞拿魚片到入口即溶的吞拿魚腩,也很好吃! 完全滿足了我這位吞拿魚控!! 必食推介!!赤味噌湯及茶碗蒸:味噌湯味道濃,茶碗蒸底部有帶子及蝦,可惜味道不夠香,只可說不過不失的蒸蛋.我叫了叧ㄧ個lunch set,美登利鰻魚壽司天婦羅御膳亦配有赤味噌湯及茶碗蒸海鮮刺身丼:有三文魚,吞拿魚,魷魚,魚背,甜蛋,蟹籽等的刺身雜錦飯,味道不錯!天婦羅:兩隻蝦,鮮冬菇,魚塊,茄子,青椒仔,全是新鮮炸的,所以等了ㄧ段時間,可能天婦羅不是此店的主打,所以只能說ok. 不難吃,但炸得也不是特別出色!鰻魚壽司:這個ㄧ上碟已很好吸引! ㄧ條鰻魚呢~~~~ 好吃,没有雪味!店員的服務很好,又有禮

話說美登利喺沙田開咗分店，而頭三日食吞拿魚三文魚都有特價，咁啱我唔需要返工我就去咗食啦。咁我同媽咪兩點去到，，等左40分鐘先至有位。lunch set個個海鮮飯係三揀一，由於我超鍾意食海膽同埋三文魚子同埋吞拿魚，所以我加咗$30 upgrade咗個飯。個set有好多野，有個飯有碗烏冬有天婦羅有蒸蛋。因為個烏冬好普通所以我唔記得影相。飯上面嘅三文魚子非常之新鮮充滿鹹香。海膽都好甘甜， 食得出好新鮮，冇苦味。平時出街食海膽最驚就係嗰啲唔新鮮又有苦味嘅海膽。吞拿魚茸就差不多啦，因為都好難整得難食。但我覺得最有心機嘅係，個飯佢會溝埋蟹子同埋甜蛋，所以成個飯好有口感。 至於個天婦羅都好多材料，有兩隻蝦，一件帶子，兩件魚，一件青椒。上菜嘅時候，啲天婦羅新鮮好熱似係啱啱炸出嚟。 不過我就覺得同普通嘅天婦羅冇乜分別，係個分量取勝。至於個蒸蛋，個調味做得啱啱好，唔太鹹。火候都好好，蒸得非常之滑溜， 個底仲有一粒蝦同埋一粒帶子。講返嗰日個優惠，吞拿魚同三文魚都有半價。咁我就叫咗幾件中吞拿魚。 一句講晒，好好食。

第一次吃香港美登利，沒有預訂，下午2點多walk in，等了一會就能入座，定食選擇也蠻多的，時間到5點我跟朋友們都選了同一款因為太吸引！結果實物沒令人失望，雖然媿美不到日本的，但以整體來說性價比很高！食物份量充足，也十分新鮮，沒拍到的茶碗蒸做得很滑溜，相比下麵豉湯有點咸參加會員活動即時享有9折優惠，變相免除加一服務費12件壽司定食埋單188，相當不錯！店員服務態度很友善，這一餐吃得蠻開心的他們說，下次吃提早一天便可以電話預約

My family and I decided to try this place on a off peak hour during weekdays as we had been to the same place before in Japan. Can’t believe the horrendous service this place has in hk compared to their branches in Japan. The waiter made us wait for so long when there were plenty of seats inside. Literally there were 10 vacant seats and they only seated one table every 20 mins! I believe this was done intentionally to make it look like there are always people waiting outside. Not to mention the

美登利係沙田開分店，鐘意食日本野既同事即刻打左去訂位lunch time去食去到想像中少人，坐滿，但唔洗等位。午食定食都幾多選擇，仲有得單點，有更多選擇。同事鐘意食吞拿魚，所以叫左極上吞拿魚丼跟餐有茶碗蒸　同埋　味噌湯吞拿魚份量好多，試左一啖幾新鮮，唔錯我叫左丼飯＋烏冬既定食蟹肉帶子丼蟹肉微咸，幾新鮮，份量都多，唔會唔夠撈飯三文魚籽就麻麻地，唔算新鮮，帶子正常底下既飯撈左蟹籽有驚喜，最底有甜蛋，所以食落都幾豐富烏冬＋茶碗蒸茶碗蒸新鮮出爐非常熱，調味幾好，唔會太咸太淡，而且非常滑溜最底仲有半塊帶子同埋一隻蝦，都幾足料，同埋令個蛋多左鮮味烏冬有好多料係入面，湯底幾清，成個烏冬食落舒服最值得一讚係入面兩塊蛋旦，好彈牙，食得出係新鮮唔係超市冷藏貨加$40可以跟天婦羅，同事叫左，好大一碟，但等候時間好耐，食晒丼飯、烏冬同茶碗蒸先黎聽同事講仲要唔係好熱，隔離枱有同樣問題同經理反映經理好有禮快好爽快幫佢換過份但正常女仔lunch份量唔加天婦羅都好夠，可以加一份同人share見到佢有我最愛既炙燒左口魚，雖然知道未到時令，都叫左黎試下睇Menu個時圖片同名都係完全無七味粉但上到黎成條都係七味粉，有啲失望