桃園制作粥麵餐廳 (啟田商場) (已結業)

今晚黎呢到搵食，眼見都係街坊飯堂之選...同男人兩個叫左以下嘅野食...哈哈...好似有啲多😂先黎左杯涼粉紅豆冰冰，味道係好嘅...但太多冰，啜兩啖都就黎無咁濟😂個小菜加錢轉左set,呢個燉湯絕對好評！蟲草花茶樹菇瘦肉...唯一一樣美中不足，甚至係令成碗湯扣分嘅係，當我飲第一啖，我覺得點解有浸漂白水味嘅...我再飲第二啖..試清楚...都仲係有，我就將碗湯俾左男人試..佢都話有...然後...我地發現係隻匙羮問題...換左匙羮....先品嚐到碗湯嘅美味....水煮肥牛...大家可不用叫....只有一味嘅麻....我同男人都覺得硬係欠緊小小味...又講唔出係咩味...而肥牛 似乎只係普通嘅牛肉...都幾厚身...底下仲有一層薯粉...個飯有少少藜麥...蠔仔蛋，好味足料...蠔仔大大粒，有肉碎一齊煎...如果有埋魚露點就perfect池！避風塘海鮮炒麵，麵身唔會乾，海鮮就預左係細細粒架喇....但勝在鑊氣夠！總括黎講...2百蚊食到咁多野...仲多到要打包走嘅...味道又有一兩道係比較突出嘅...我俾好評啦

琴日同屋企人食飯，叫桃園制作，係門口已經比佢既裝修吸引咗，又簡單又靚，燈光黑黑地好舒服！叫咗六樣送，五個飯，其中既咖哩午腩飯，豉汁蒸鯇魚仲有水煮魚都係推介架！ 咖哩小小辣唔淡而牛腩就煮到好林，已經入哂咖哩香味，我以為一碗飯絕對唔夠食！另外豉汁蒸鯇魚亦都係一大傑作，魚好滑唔會過熟加埋豉汁，好有家既感覺呀！！仲有水煮魚唔洗去四川店先有得食，呢到一樣有！入面必備青瓜，薯粉，豆芽！但就唔太辣，岩d初試者加12蚊既猴頭菇湯都好岀色，入面足料架，仲有魚柳煲添，夠哂林一d都唔咸，一家大細都岩食最後埋單$361 ，六個人喔！ 每人都只係$68蚊！好飽！家人歡聚推介：桃園制作

去開藍田，夜晚同朋友搵嘢食，行行下就入咗嚟。新春期間只做套餐，選擇唔多，於是叫咗啲小菜。啲嘢食睇賣相都算有誠意嘅，你睇呢個例湯，一盅咁上，都幾足料，有啲蟲草咬下架。蒸肉餅，個樣似漢堡扒，不過不失。霸王雞，賣相可人，肉質稍韌，味道稍啖。價錢都唔算貴，地方都幾整潔，最後同朋友坐咗粒幾鐘吹水～

今餐之後，自己唔會再去“桃園制作粥麵餐廳”，亦會叫親戚朋友唔好去，一份所謂嘅玉子豆腐🐠柳煲加碗🍚加碗湯，盛惠80大洋，但絕對物非所值！問題在於個所謂嘅“煲”其實只不過係個罉，份量少好多，而且🐟柳只有兩細件，價錢等同街坊酒樓，但質量就衰過街邊大排檔！

屋企附近其實茶餐廳選擇唔多， 好食嘅更加唔多 連鎖快餐店 一式一樣嘅嘢同平時返工又冇分別 好多時要喺屋企附近覓食， 諗嚟諗去 都係會去咗桃園， 唔稱得上特別好食 ，但係起碼知道佢唔會太差今日嘅午餐我忽然間好想食乾炒牛河， 又係行下行下去到桃園， 咁諗都唔使諗就梗係叫乾炒牛河啦， 牛河上場， 中規中矩味道一般牛肉亦都冇什麼牛肉味， 唔係太夠洋蔥 不過好多芽菜 一如我所料 中規中矩囉 十分滿分嘅話我都畀六分佢嘅因為水準都叫做keep得住 杯奶茶純粹當係一杯餐飲 ，我對佢嘅奶茶絕對冇要求， 反正而家出邊茶餐廳有水準嘅奶茶都已經唔多

碗仔翅 配 家鄉鹹肉粽 $31 @ 桃園制作粥麵餐廳超級抵食下午茶餐！31蚊有大大碗碗仔翅，仲要都幾足料添😂，啖啖都有肉絲同菇，唔會淡茂茂或者好稀🙈，仲有一隻鹹肉粽，食哂係飽到一個點。

昨天友人結婚，可能婚宴的食物太油膩， 今日早餐和午餐也沒有胃口，還有點飽飽滯滯，便想去桃園吃碗粥， 但原來下午茶餐是沒有粥吃的，有點兒失望，惟有點了一個碗仔翅拼炒麵的茶餐， 碗仔翅有冬菇絲、肉絲和蛋花，但較稀， 好像在喝湯， 沒有食翅的感覺， 炒麵夠乾身彈牙，有鑊氣好吃 ，整體食物尚算ok，但食物種類選擇太少。

今晚家母做無飯煮婦，於是就落樓下桃園開飯，呢間餐廳周不時都幫襯，貪佢抵食夾大件，食到飽飽。先黎個老火湯，豬𦟌煲猴頭菇，味道幾清甜，味精唔算勁！男人最喜歡有得渣....I mean 湯渣。好多女士唔會食的煲湯豬肉，我都例牌會食曬。佢個滑蛋炒蝦仁我都幾鍾意，雖則啲蝦仁都唔會有咩味道，但夠爽口，個蛋都算幾滑，加埋啲蔥好香。不過重點一定係甜豉油，加埋佢真係非常正！用來撈飯確係一流！土魷香菇蒸肉餅，份量都幾多，肉餅夠厚加埋土魷東菇夠咬口，豉油依然係重點推介，忍唔住想講：好食過我娘親煮嘅，哈！

以往同老公係屋企附近食早餐或下午茶，都會去XXXXX MoMo，因為佢既咖啡同豬扒好好味，而且選擇多。可惜太多人，每次都要等一段時間。自從我地發現呢間桃園制作唔使等位之餘，佢既豬扒同咖啡同食開既XXXXX MoMo係一樣後(原來係同一集團)，呢度就變成我地既飯堂。今次午餐選了"酥炸豬扒肉燥飯"及"避風塘炒麵"。酥炸豬扒肉燥飯:外層既炸粉太厚太油，而且不是台式的酥炸粉，有少少失落。幸好豬扒仍然鬆化入味。肉燥方面太少了，唔夠用來撈飯。避風塘炒麵:好得好惹味香口，令人越食越想食。真心推介。

桃園。一聽個名就知食台灣菜喇！以前係附近番工，鐘意同同事黎呢度食飯，佢d小炒都幾惹味，火候十足，最愛魚香茄子，四季豆等。坐位闊絡，坐得舒服。今日黎食個下午茶，點左豬排加炒麵30蚊，凍飲加3蚊。炒麵一般，主要因為麵質唔夠爽，沒有加什麼配料，只加了芝麻和香葱，喜歡加辣椒醬一齊食。豬排有腌過，味道剛好，口感鬆軟，肉質嫩滑，唔係平時大家樂厚切豬排果種，不過唔知係我太耐無黎食，定今日師傅有d失準，個豬排有點油，呢度扣左d分。奶茶係台灣競爭十分大，總有幾間係左近，質素亦相當高。唔知係咪呢個原因，奶茶控表示桃園的奶茶好飲，茶味重，好香好滑，每次黎都會叫凍奶茶！

今日係藍田買完野，係附近搵間餐廳食坐底前已經見到枱面有兩杯水，以為係上一手留底。之後我想要杯暖水，跟住同店員講:可以比杯暖水我嗎？店員好吾耐煩咁話:枱咪有兩杯水囉。我話:吾係我地嫁，坐底前已經有。店員:係囉！咪就係比你地囉，你睇下枱枱我地都會擺底兩杯水，陣間邊有人得閒拎水比人，你要我咪幫你加熱水。我已經無野好講，事先放低啲水，咁啲塵咪飛曬入水囉好吾衛生姐算！反正叫餐有飲品，趁我仲有個學生身分，食返個學生餐百搭香脆雞脾飯 $34配餐肉+照燒汁其實仲可以揀煎蛋/火腿/腸仔、蒜蓉汁/豉油汁炸雞脾超juicy!!啖啖肉 吾會炸到乾爭爭幾好食飯入面混入少量藜麥飯，感覺幾健康 又吾會煮得過軟或過硬，還可以欖角蒸鯇魚 $45 配白飯呢款口味較清淡同樣的白飯混入藜麥 份量非常多 應該有酒樓既3碗左右 細食記得叫少飯！鯇魚份量都吾少，又吾會淋左好多油，淡淡鼓油味加上欖角調味，仲有好多豆卜呢！欖角硬硬的而且很咸，應該不是吃的吧，主要來調味。如果換做梅菜或豆鼓會更好！不過鯇魚肉夠多都吾錯但由去到坐底落單到上菜，店員都好似嫌你煩咁，服務態度真係有待改善

食晚飯 飲飲下個中湯有小強個職員見到拎都拎5切相我就5發la 怕影響大家胃口只可以話成隻原汁原味連觸穌都系到搞到我食個飯冇曬胃口食個白飯又有頭髮，真系不得了之後個吖姐換個中湯比我仲用同一個匙比番我 即刻見到D餸都驚 5知仲食5食好一句sorry 5好意思都冇換過就算扮曬冇野敢款，我望住佢 佢就理都懶得理敢款，超級冇禮貌。我仲要同女朋友食 搞到心情差Q曬個人嬲爆爆埋單就走我估5到呢間餐廳人品質素敢差，野食更5多講。唉，冇下次

朝早食完豐富嘅早餐好飽，所以冇食到lunch ,就直接等到三點幾肚餓同媽咪落樓下食下午茶。我就叫咗炸雞比薯條，媽咪就叫左炒麵雞髀啲肉都算滑，而且食落唔會好油膩，扭紋薯條正正常常啦媽咪個炒麵味道唔錯，幾濃豉油味，整體不過也不失啦

呢間本人食過中午中午太少炒粉麵飯，如果多d就好，呢次叫漁香茄子炆米粉，米粉炆到剛剛好唔會太淋，又好夠味道。肥牛炒烏冬又唔會太咸味道適合中，肥牛又夠味道。上菜速度快座位舒適。

原本諗住食桃園蒸選: 26030 惠州梅菜皇蒸鯇魚 配白飯點知太遲去已經賣哂咁我唯有頂硬上冒險選午餐精選A: 26024 土魷香菇蒸肉餅 配白飯先講白飯勉強夠食既肉餅的賣相算唔錯用一個長方形的碟裝住攞過嚟放入口都唔差豉油多到可以用嚟撈飯而份量都夠既食完8成飽個餐送熱飲埋單果陣比$43價錢可以接受希望下次有蒸鯇魚未賣哂可以試下