影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
餐廳位置在D2 Place ONE裏面，位置非常方便🚶♂️。餐廳座位舒適，員工態度友善😊。我和朋友點了一份二人餐，真的豐富呢！🍽️ 套餐包括半隻海南雞、豬頸肉、滷水元蹄或香煎手刴魚香肉餅三選一碟（我們選了滷水元蹄），白飯或油飯兩碗，無味精靚湯或飲品兩杯，特色小食，油菜一碟及甜品。麻香小雲耳：健康又開胃，口感爽脆，麻香味十足😋。海南雞：值得推薦，肉質鮮嫩多汁！聽員工說，這裡的海南雞是採用無激素、不含抗生素的優質60日大「麻黃雞」。雞味濃郁，雞皮爽口。雞肉配上醬料更是美味升級。醬料有三款：黑豉油、蔥蓉和酸辣醬。最值得一提的是他們的辣椒醬，加入了冬陰功的成分，味道十分惹味🌶️！滷水元蹄：賣相吸引，豬皮充滿膠質，豬肉煮得軟腍入味，滷得剛好，不會過咸，送飯一流🍛。無味精靚湯：以南瓜、紅蘿蔔、粟米及豬骨等熬製，真材實料，湯中帶有陳皮香，令湯底鮮甜有層次。讚👍！二人套餐最後有日本啫喱作甜品，為這頓豐富的晚餐畫上一個完美的句號🍮。聖誕節將近，餐廳還送上聖誕餅乾，感到很窩心呢🎄🍪！
繼續閱讀
第二次幫襯，體驗感極差，樓面員工毫無服務意識，態度隨便+做嘢俹簁。本身帶朋友黎食過印象幾好，但係以後都唔會再幫襯，都唔會推薦朋友幫襯。今日接近2點抵達店舖，無咩人 直接搵咗張細檯坐低即刻點咗餐。途中無任何店員打招呼/同我有互動，佢哋自己傾緊計。等咗around 5分鐘黎咗一批人，雖然店內無人，但都容納唔到咁多人，個店員見我一個，就直接過黎，詢問我可否去同其他人搭檯。雖然唔想，但都費事為難人地，我就讓咗位。從我15:57落單一直等20分鐘都未有餐，遲過我入鋪頭嘅幾位唔同檯嘅客都食咗一半，我見係唔同嘅餐，就以為我個餐需要多啲時間，就無催單。但係！！！！店員陸陸續續開始同之前我讓咗位嘅批人上餐，佢哋一共6個餐，等唔夠10分鐘已經上齊(包括主食、湯、小食），其中都有同我嗌exactly同一個餐嘅人。直到嗰批人發現上多咗一個飯，店員都仲未意識到佢哋上錯檯之餘，係漏咗我個單。後來知道店員要求我轉檯之後，忘記了同我張單轉檯number。而且店員直接將多咗出黎個飯（係其他客人檯面擺咗一段時間），直接拎黎俾我。我聽到有其他店員細細聲講（唔肯定有冇聽錯）：佢點解會自己轉咗枱？其實間鋪好細，可見個店員完全冇留意舖頭入邊嘅情況，要求我轉檯嘅店員做嘢俹簁，自己做錯嘢都無俾我解釋，同事問佢嗰陣佢都好似無出聲，當咩事都無。到埋單嗰陣，我拍卡拍一半個收銀又走咗去忙其他嘢，抌咗佢一陣返嚟，佢好似啞咗咁 俾咗張收據我，乜都冇講，食飯期間留意到，成個樓面連基本打招呼都冇。呢餐飯食到我成肚火，員工幫老細倒米，唔會再幫襯。
繼續閱讀
好姐妹愛食海南雞飯所以大家夾好時間開餐啦😍一人套餐：栢檔極品海南雞飯雞油香飯👍真係好好味👍肉骨茶餐（配絲苗白飯）排骨太瘦無乜特別一人套餐：秘方滷燒豬頸肉熱柚子蜜三個套餐👍
繼續閱讀
話說之前鄰住買試過嚟幫襯過，特價又平又抵食！當時日日都撞無虛設～想搵個位都難！今日見天氣凍凍地，又過嚟幫襯，點知依家做返正價，$66肉骨茶配白飯（轉油飯要加錢），侍應上枱真係一碗肉骨茶加一個白飯，我都有少少詫異，份量少嘅！正常一個女士勉強可以，如果係男士的話，一定、一定、一定唔夠飽，之前嘅肉骨茶好大碗嘅！怪不得1:00食飯時間都咁少客，28個座位只有只有2人，老闆你真係要認真諗吓啦！以後都唔再嚟幫襯！
繼續閱讀
Yeah今次去柏檔極品海南雞飯試咗佢哋嘅二人套餐，真係極品，值得俾5分！呢間餐廳好適合同朋友一齊聚餐，因為份量充足，性價比高，絕對唔會令你失望。❥ 麻香小雲耳呢個前菜清新爽口，雲耳口感脆嫩，麻香味道十足，開胃又好食。❥ 王牌無味精靚湯湯底清淡但味道相當濃郁，飲落去非常暖心，話晒係對身體好嘅選擇。❥ 海南雞海南雞肉質滑嫩，醬汁香濃，配搭雞油香飯，真係無得輸！米飯吸咗雞油嘅香氣，食落去口感一流。❥ 涵燒豬頸肉豬頸肉燒得恰到好處，肉質鮮嫩，味道濃郁，每一口都令人陶醉。❥ 細肉骨茶骨茶湯底香氣四溢，肉質軟爛，湯汁吸收咗香料嘅味道，十分入味。總體來講，柏檔極品海南雞飯嘅二人套餐真係好抵食，份量充足，味道絕佳，無論係聚餐定係約會都非常合適！如果你鍾意海南雞飯，一定要嚟試吓！
繼續閱讀