校長燒肉日韓料理 (大埔廣場)

營業中

休息中

上次試過呢度，今次再去食，因為佢又有燒烤，又有邊爐，又可以食刺身，熟食區，小食區，嘢飲乜都有，價錢相宜，同埋都近我。燒烤區嘢食真係好多，牛豬雞，例如一口牛，韓式牛肉，辣味豬肉，燒汁雞扒等等，唔同味道嘅魚類，丸類，仲有蔬菜，腸類等等， 醃嘅味道都有幾款可以選擇，種類真係好多。打邊爐都唔差，餃子，粟米，蔬菜，湯底都有幾款。熟食區方便。有兩個湯，幾鍾意。人蔘雞湯，青青甜甜，另外仲有啲雜物，刺身方面都有6-7款選擇，仲有壽司，前菜等等。嘢飲方便成個雪櫃都係，超過二十幾種，我就比較鍾意自己沖嘅花茶，唔同嘅配料，紅棗，山楂，唔同嘅茶葉等等，一應俱全。醬料你都可以慢慢揀，佢最好係攞嘢食嘅地方好寬闊，唔會左手撞右手，亦都唔會撞到其他食客😅午市套餐$188 ，燒烤/火鍋/刺身自助餐 (2小時)真心抵食，味道都唔差。個人推薦：美顏養生花茶區😃

落雨天邊度都唔想去，屋企附近食個豪華假日午餐最開心！很簡單的快樂，刺身火鍋燒肉自助餐。刺身自助餐 (成人）$198任食兩小時都幾抵食 ！刺身、火鍋、燒肉、蒸籠點心、小食、甜品；不同熟食熱盤、炸物區，仲有火鍋配料、壽司、應有盡有，食物款式過百款，全部任食！飲品選擇非常多，汽水🥤 自家製白桃烏龍茶、 美顏養生花茶，消脂解油膩一樣有。個人必食推介壽司、刺身，因為質素都高，有驚喜！赤蝦、吞拿魚、三文魚，刺身賣相有光澤，新鮮鮮甜，又唔腥。壽司有我最鍾意嘅腐皮、花之戀壽司。自助區小食，有炸香蕉🍌炸薯格、鹽酥雞，鬆脆可口，大人小朋友都啱食。熟食區都有點心、碗仔翅、菜、魚、肉，啱晒老人家👵🏻燒肉重點出擊牛五花、蒜香雞扒、麻辣牛肉、黑椒牛扒🥩 非常出色。雪櫃都有好多特色甜品，仲有軟雪糕🍦大阪牛乳雪糕🍧總括而言，校長燒肉一台兩食，打邊爐同燒肉，真係幾好食，一次過滿足晒，仲有驚喜，值得推薦比街坊，一向受歡迎，價錢平，款式多取勝！

今日黎到大埔既校長燒食lunch放題，上到去有少少驚訝，個場好大～ 所有野都任飲任食😛 仲要燒肉同邊爐都齊曬 雙重滿足🥰 仲有熟食、小食、刺身、壽司、紫菜溫泉蛋飯、甜品、飲品（清酒同梅酒都有😎）.燒肉同邊爐既肉質唔差，魚幾嫩滑，蔬菜夠新鮮！刺身係整叫整攞，甜蝦幾大隻，三文魚係腩位，油脂感滿分🤤壽司放左係旁邊，試左兩件，質素都幾好，唔係放左好耐既壽司.雖然場地好大，好多張枱都坐滿客，但唔會好大油煙味，通風做得唔錯，食完出去個身唔會一陣味，抵讚👍🏻 呢到既食物種類真係好多，岩曬唔同口味既人，值得一試

次次食燒肉放題都可能要出到去尖沙咀、旺角果啲鬧市，但呢家竟然大埔都有間燒肉放題，唔洗再專登搭成一粒鐘車出去食燒肉放題🤩🤩所以作為一個大埔人，一定要去試一試喇！因為個入口係地下，但係間餐廳就係二樓，所以要由地下行上去二樓喇，但係行上去既途中都幾有驚喜🤣行上一層就見到一隻1:1既iron man模型🤩再行上一層，就見到有個小型既攀石場🤣（當然係唔攀得）。由樓下行上二樓既途中都有唔同既模型同設計，所以睇得出間餐廳都好有心思同埋心機去佈置。到正式入到餐廳，餐廳環境都好寬敞，同埋燈光好光猛，而食物有分為炸物部、中式精美點心部、日式壽司刺身部、邊爐配料部飲料部同埋燒肉部🥳🥳🥳🥳炸物部⭐️⭐️⭐️⭐️一行到入間餐廳就已經係炸物部，佢有炸香蕉、鹽酥雞、薯格同埋炸魷魚圈😋雖然款式唔算特別多，但係佢嘅炸物都仲係熱辣辣，食落唔會好油膩嘅感覺👍🏻 每款嘅炸物都有試過，我個人最鍾意嘅就係炸鹽酥雞，一來食落熱辣辣，二來佢用嘅炸粉炸出黎鹽酥雞粒好酥脆😋薯格同埋炸魷魚圈都唔錯，可以值得一試👍🏻中式精美點心部⭐️⭐️⭐️⭐️佢嘅中式點心部都幾中式，佢嘅蒸物都係用傳統嘅蒸籠去裝住，會似係平時去茶樓食點心嘅樣式👍🏻蒸物嘅選擇有馬拉盞、蓮蓉

有冇試過平時又想食燒肉？又想放題同又想打邊爐。呢間校長燒肉可以一次過滿足晒三個願望，價錢仲要非常之抵食，平均每人只是238加一，任食2小時。大埔分店呢間座位非常闊落一入到去見到琳琅滿目嘅食物選擇，好似自助餐咁樣隨時可以出去夾嘢食，連燒肉打邊爐材料都係以自助形式，乾淨又衛生，十分方便。刺身方面有三文魚，吞拿魚、帶子、赤蝦、希靈魚等，款式都唔少，刺身肥美新鮮。而燒肉方面，好多唔同嘅雞扒、一口牛、豬扒。飲品方面仲有多款冷熱飲品，又有清酒同梅酒啤酒任飲。最特別之處佢係有個花茶corner，好得意係可以俾你自製花茶DIY唔同口味。估唔到呢度都會有中式點心俾你拎，都幾有驚喜質素都唔錯又有小籠包燒賣蝦餃等，簡直係平價酒店自助餐。食完唔好記唔記得再拎埋甜品，非常滿足。

趁着週末，去咗大埔同大美督行山，跟住夜晚去大埔搵嘢食，可能運動左一日，嗰日特別我，咁啱見到校長燒肉，個價錢幾抵，仲有各式各樣中式、日式、韓式嘅嘢。入到去入邊裝修好特別，好多懷舊嘅公仔， figure，另外間餐廳空間感好大，坐得好舒服，又唔會好近啲食物，而且非常企理。餐廳嘢食真係好多，除咗燒肉之外，仲有火鍋一入去已經有好多唔同種類嘅飲品，小食、刺身壽司，食完就到我哋最重點嘅Pak，燒肉，呢度肉類真係好多選擇，豬牛羊雞，而家餐廳仲好貼心咁，有牛油紙，墊住個鐵板，咁樣唔會燒燶啲嘢食，而家職員仲要好好，成日都換牛油紙。仲有好多款唔同嘅雪糕，同埋甜品

大家好！我係艾文！ 今日請了半天假處理私事，處理完還有時間，就和旅伴去校長燒肉吃放題午餐！之前睇Openrice，平日Lunch放題$118，今日黎到見加左價，現在$128。艾文食後感，首先講一下餐前小食，沙律和炸物不過不失，都係一般般，烤肉時食少少係唔錯的。點心方面只試了燒賣，和即食叮叮燒賣味道質地相約，也是食一點點係唔錯的。艾文和旅伴也試了一些些壽司，品質也是不過不失，和爭鮮外帶差不多。款式不多，不過今天主要食烤肉，款式多反而試不了那麼多。接著係主菜烤肉，豬、牛、雞、魚配以不同醃料，雞軟骨和雞肉都很好味道！豬肉、牛肉就不知道是不是醃得不均勻，韓式味道的豬肉、牛肉旅伴說辣過頭了，艾文就反而不太食得到味道，不論係韓式還是其他的醃料都係沒什麼味道。不過肉質唔錯，應該貨如輪轉，不會放太久醃太久而肉質變差，而且有不同的醬料，可以自己按喜好調味，就像艾文就喜歡食沒有醃料的牛五花配胡麻醬！烤魚係在開始飽時才試食，不知是不是飽了，感覺味道還好。中菜只拿了一些炒蔬菜，用來平衡一下食了的肉。飲品則有很多選擇，也有些是平常不常見的，可以嚐鮮一下！接著係甜品，艾文和旅伴試了奶凍，艾文覺得很不錯，不會過甜。

📍校長燒肉日韓料理（大埔）屋企人話呢間食物選擇都幾多 由其我媽咪好中意食佢啲雞軟骨 今次就一齊黎撐枱腳😍我地平日黎食晚餐就$238（要加一）～可以打邊爐+燒肉 仲有刺身食🤪食放題最中意坐卡位 擺到成枱都係都唔會好逼😂餐廳好大 坐得幾舒服～三人同行或以上會送頂級安格斯肉眼扒🤩食落juicy又軟腍～重牛味 野食選擇都幾多 等燒肉期間可以食住啲小食先 有炸雞 薯格等等 仲有啲點心添壽司刺身區🍣鍾意食刺身嘅我食左好多帶子 幾鮮甜 三文魚同榮螺唔錯👍🏻赤蝦好大隻壽司都幾多款 我最中意灸燒芝士三文魚壽司🤪燒烤類🥩肉類選擇都幾多 有牛柳粒、牛扒、雞扒、雞翼、一口牛、金沙骨、牛油粟米、叉燒等等雞軟骨同雞翼好入味 👍🏻飲品區🥤有大量飲品選擇 又有清酒同梅酒 但為左減輕罪惡感 我就簡左飲冷泡茶 白桃烏龍茶同錫蘭荔枝茶都唔錯 但後者比較特別啲～甜品區🍨竟然有我最愛既藍鐵神雪條😂即刻拎翻條食～仲有泡芙 奶凍 啫喱杯 但我就無試啦真係太飽😂下次黎再試下佢其他款😍職員們都好好禮貌 收碟好快手又主動換牛油紙 🫶

今日去開大埔超級城一田shopping，行到咁上下開始肚餓就去搵嘢食。唔知點解shopping完總係特別肚餓🤤會想食好多嘢，咁啱行到嚟校長燒肉，都成大半年無食過，五點入座又抵啲，一於就入去回味下啦雖然之前都食過校長燒肉，但大埔呢間都係第一次嚟。入到去條樓梯都裝飾得好靚，好多打卡位，帶細路或者女友嚟啱曬上到餐廳，空間感好大，唔會有壓迫感，用餐區同食物區劃分得好鮮明，同埋成間餐廳都非常乾淨企理，咁樣用餐個人都舒服啲😌校長燒肉食品種類繁多，除咗燒肉仲有火鍋。另外仲有好多唔同嘅飲品、小食、壽司刺身同甜品等等，滿足曬我呢啲大胃王首先嚟到梗係燒肉先，真係好多肉類選擇，雞牛豬都有唔同部位同埋唔同味道。放題餐廳嚟講，校長燒肉啲肉類一向都算唔錯。燒肉嗰陣仲好貼心有塊牛油紙墊住鐵板，咁就唔怕痴底啦，店員仲好頻繁咁幫手換紙，服務一流👍🏼燒肉嘅同時，順便試埋啲小食同熱食，呢個炒麵都幾好味，同埋啲壽司🍣都不俗跟住就梗係要試埋火鍋啦，主要係日式湯底，有得自助加湯，都幾方便客人😏最後試咗壽喜燒湯底，味道都唔錯，唔會好似出面嗰啲咁濃味😊最特別係火鍋配料竟然有蟲草花揀，好少地方有，仲要係放題餐廳添臨尾食埋個蜜瓜奶凍就走

對上一次食呢種港式好似細個食韓燒咁既燒烤都唔知係幾耐之前。宜家既價錢都唔係之前既價錢，不過當然宜家嘅野食亦都比以前食既豐富得多。同埋以前食呢啲燒烤一定要出市區，但宜家連大埔都有得食，方便我地呢d住新界大東北既人。同埋呢間校長燒肉都幾出名，但係一路都冇試過，今晚終於可以試下啦。佢既裝修都有d style，話明校長燒肉，都有少少好似學校咁既風格，同時又放左d等身大既卡通同Figure做裝飾品。餐廳座位都唔算少，同埋睇落地方都算乾淨。野食同埋飲品既選擇好多，而得意嘅係除咗可以燒肉，仲有日本野即係刺身壽司果d，另外仲有熟食，同埋仲有邊爐可以打。燒烤同邊爐料都各自有起碼廿款野食😆😆😆同一款肉類都有幾隻味，蒜蓉、咖喱、土匪同埋香草咖喱雞軟骨、咖喱雞排同香草魚柳都唔錯，唔辣但又香咖喱味。燒叉燒都幾得意，不過比較容易燶。香草腸望落係平野，但又比想像中好食。日本野都唔錯👍🏻👍🏻👍🏻除左刺身有三文魚、帶子、劍魚腩同希靈魚等等仲有火炙三文魚同玉子壽司果d，味道都幾好我自己最鐘意火炙三文魚壽司，好好食🤤食完日本嘢同埋燒肉之後已經好飽，同埋一路燒肉一路就想拎野飲，而佢地野飲既選擇亦都好多😍😍😍除左罐裝包裝，仲有

呢幾日落毛毛雨，搞到「減緊肥」嘅我又想食大餐。我今日揀咗喺大埔嘅校長燒肉食日韓放題，呢度嘅燒肉、刺身、打邊爐都係任食架！打頭陣嘅係頂級安格斯牛肉扒，佢肉質非常好，口感細膩，肉汁豐富。除此之外我都試咗多種不同燒烤口味同肉類，每一種都啖啖肉，我更加係度DIY，將啲肉夾住左啲沙律菜食🤪再講講刺身，呢度的刺身非常新鮮，口感鮮美，選擇都非常多，有劍魚、帶子、三文魚、希靈魚、吞拿魚、大大隻嘅赤蝦等等，每一片都入口即化，冇腥味，好滿足！打邊爐還有四款不同口味的湯底可供選擇，一定可以係這裡找到適合自己口味的湯底。打邊爐嚟講我就主要食菜，南瓜同蘿蔔都好鮮甜🙌🏻熱食都有很多選擇同有趣，例如有碗仔翅、燒賣等等，我就最鐘意辣酒煮花螺，超級入味。壽司都好多選擇！甜品佢哋都唔輸蝕，有勁多款雪糕同埋蛋糕簡😆種要提一提餐廳的飲品選擇了，他們有非常多的選擇，包括啤酒、梅酒、清酒等等，而且是任飲的哦！如果你鍾意喝酒，呢度絕對係一個不錯的選擇！除了食物之外，這裡的服務也非常好。服務員非常熱情，用餐環境也很舒適，成間餐廳都好打卡-able!

这家是我去大埔办事，路过看到餐牌被价格吸引（百多元就能吃放题），于是好奇尝试的！结果感觉性价比超级高~食物质素绝对超过这个价位~ 店铺装修很有创意，一楼到楼梯间超适合打卡的！二楼就是自助餐区域，很有日韩烧肉店的氛围！ 他家品类超级多，分区明确，各种肉类、火锅食材、寿司、刺身、炸物、甜品、海鲜、熟食、饮品等等，真的可以直接吃到爽！ 【烧肉区】种类应有尽有，超级多选择！黑椒牛扒、麻辣牛肉片、多春鱼、秋刀鱼、秘制叉烧、金沙骨、咖喱鸡翼、蒜香鸡扒、香蒜猪颈肉等等，鸡软骨粒甚至有冬阴功味、韩风、原味三种口味。而且每一种食材都用透明盖盖住，保持卫生，真的蛮很用心。 【火锅区】有三个汤底可选，冬阴功汤、寿喜烧汤、日式猪骨汤。其余的火锅食材自己选，各种丸类蔬菜和肉类。烤肉的间隙可以一边吃火锅，真的是完美的CP组合了~ 【沙律区】沙律吧有很多食材可选，中华沙律、泡菜、车厘茄、黑木耳、清新沙律菜等，很适合解腻。 【寿司刺身区】堪比日料店，刺身有蟹柳、赤虾、荣螺片、玉子、希灵鱼、八爪片、吞拿鱼、三文鱼等，每一样都很新鲜弹牙，而且不限量！寿司的种类也很多，你能想到的都可以吃到！ 【餐前小食区】有咖喱角、薯饼、

校長燒肉我唔係第一次去呢種燒肉放題既餐廳，最吸引我就係一個價錢任飲任食，唔洗再每一樣野計錢，咩都可以試下。今日黎左大埔超級城附近既校長燒肉，交通非常方便，坐火車、巴士、小巴都得。成間餐廳好大，有好多位置，唔會太迫，坐得舒服，地板冇油淋淋。另外裝修亦非常吸睛，整體感覺不錯。呢間餐廳既其他分店我有去過，但應該每一間都有少少分別，除左任食魚生，蒸籠點心，不同熟食盤，炸物區，大量燒肉及打邊爐配料任你揀之外，我見到一個幾新奇既區域，就係自己可以沖泡唔同既茶俾自己消脂解油膩，我就覺得非常出色，因為除左不同綠茶、紅茶、烏龍茶包外，你仲可以任加果D陳皮，紅棗，鉗銡呢D唔同味道落去，即刻覺得自己戰鬥力提升左好多。其實有得同時打邊爐同燒肉真係幾好玩又幾好食，一次過滿足晒全部願望，又時仲有驚喜，真心覺得值得推薦。除左呢D之後，都多左好多唔同既樽裝飲品，冇糖但味道唔錯。仲有甜品同雪糕都唔好錯過，真係有好多選擇，如果你想要試多幾款，咁我強烈建議你一定要留肚去食喇。總括而言，校長燒肉係性價比高，又係非常親民價錢既餐廳，希望下一次再去會再有新驚喜。

食這晚一餐，由頭批評到尾，只有這間餐廳，我可以比到咁差的食評之前係觀塘食過一次，已經覺得這店係難食，諗住以後都唔會再幫襯，點知......話説今晚想係大埔食韓餐，上open rice睇睇先就揀左呢間，去到先發現，原來係觀塘個間，（因為我忘記了名字，所以今晚又中伏）校長燒肉 日韓料理？校長燒肉，唔係應該主打燒肉咩？燒肉款式又少！日韓料理？醃肉請問是那個國家醃法呢？又不是韓國，又不是日本，醃肉口味又難食！🤮打邊爐豉油又難食！🤮牛油栗米：牛油又比得少，未熟下面D栗米就燶了！😵‍💫碗仔翅：難食！🤮諗住成晚無好野食，攞塊蝦片食下啦！諗住應該係成晚最好食既野，點知！🤮朋友食左條紅豆雪條，佢話難食到想成支插入湯鍋裡😂成晚最好食，本人覺得有菠蘿（夠甜），蝦，木瓜奶凍都ok!😋阿華田奶凍都可接受！服務又差，成晚職員只過來換張燒烤紙，無職員來過收碟，兩人位張枱已經唔夠位擺野，碟都唔收，唔知想點！盡要收服務費每人$70，不知所謂😡其他連所任食韓燒，價錢同呢間差不多，食野好味過呢間100倍以後都一定要記住呢間名，以後都唔會再來！

Happy weekend 食返嗰特別啲嘅。之前九龍東食過，今次係大埔呢邊，又心思思，想食燒烤🔥🍖、又想食火鍋🍲。食足兩個鐘都只係$228，抵食之選🤤🤤。小妹覺得行樓梯上去比較開心啲，成個樓梯有好多figure🥰，可以大人、小朋友呃like影下相。未食得嘢之前，梗係出去睇下有餐前小食填下肚先。有炸物、日式蒸蛋、中式蒸點心咁。其中呢兩款，日式蒸蛋+黃色蒸糕點，好好味架。好彩都係細細舊。有個area 寫：美顏養生花茶區🏵️🫖，好特別。小妹揀咗話梅+洛神花+山楂，清熱去有利減低罪惡感。想飲凍飲🧊🧃🧋，仲有大大個飲品櫃，可以慢慢諗飲咩。三文魚🐟任食唔嬲，color 一望都望到好新鮮。小妹最like 三文魚兩食🐟🐟，三文魚刺身+三文魚燒烤。同步絕對唔嘥時間，一邊燒嘢食🔥🍖，一邊打邊爐🍲。Ending 點會少得食下甜品🍧🍮呢，有個甜品櫃，都有十幾款式選擇。----------校長燒肉日韓料理 地址 : 大埔安泰路1號大埔廣場地下及1樓全層