校長燒肉日韓料理 (西裕街)

營業中

休息中

早幾日放假，又和細妹外出食飯。今次我們去了元朗的校長燒肉日韓料理，任燒任食，食到飽一飽。人均消費$207。這間餐廳開業已久，我亦光顧過很多次，原因很簡單，一個價錢已經可以食到魚生，壽司，燒烤，打邊爐，連某些日式小食，又或者中式糖水和小炒，都可以一次過在指定時間內任食。一入去就已經見到好多煎炸小食，好像有日式小丸子，炸洋蔥圈，三角薯餅，地瓜條，香芋地瓜丸等等。中式的潮州粉果，魚蓉燒賣，蝦仁燒賣，叉燒包等都唔賣相不錯。一坐下，當然走出去夾自己想燒的肉類魚類，我們各自出去夾，三文魚腩，豬扒，雞翼，鯖魚等，夾到一碟兩碟三碟的回來，燒爐火力夠，燒了一會兒，已經熟透可以食。肉類自帶味道，已經有醃製過，所以不用再調味已經可以食。鯖魚就沒有加工醃製，但稍為加少許檸檬汁，已經有引出鮮味。一邊燒，一邊飲花茶，所以食完都不會覺得太肥膩。

今日去到元朗朗屏西菁街附近同閨蜜傾下心事，得知佢呢排好想食放題，但係又想要野食多種類，充滿少女心嘅佢有同我講想飲啲獨一無二嘅飲品！透過我個腦筋急轉彎臨時諗起呢一間，特別在佢可以飲到花茶！仲可以自己調製自己鍾意嘅配料！下？放題有花茶飲？冇錯，我諗全香港暫時好似係得呢間有！佢即刻心心眼對住咗我！仲有放題係任食兩小時價錢亦都超抵！有同佢講呢度除咗滿足到少女心鍾意品嚐花茶打卡影相之外，餐廳更加多Marvel造型公仔，直接可以企喺隔籬就影合照唔使排隊😂餐廳除咗闊落位置亦都好舒適！重點提及嘢食非常之齊，非常之多種類！海鮮亦都好新鮮！壽司吧有十二款刺身比我揀！放題嚟講算好多種類選擇！八爪魚，𩶘魚、三文魚、吞拿魚、希靈魚，玉子，蟹柳肉，馬刀貝，榮螺片，仿鮑片，鮮帶子同赤蝦！當然唔少得就係壽司吧有其他壽司卷，有芝士蝦卷，芝士燒三文魚壽司，花之戀吉列蝦卷係最受歡迎！另外沙律吧：有中華沙律、冷盤八爪魚、螺肉、粟米、同新鮮凍蝦！當然沙律醬料亦都非常之齊全！最緊要配上唔同嘅蔬菜，令到沙律更加有營養！車厘茄亦都係必食配搭女性抗氧化恩物！仲有泰式生蝦，凍青口，同杯裝沙律另外仲有薯仔沙律選擇！啱晒鍾意多種選擇嘅閨蜜！

今日心血來潮非常想吃燒肉放題，第一間就想到想去校長燒肉，作為放題老饕的我立刻揾埋朋友一齊食個開心晚飯刺身櫃裡面基本的刺身總類咩野都有，三文魚、吞拿魚、希靈魚和甜蝦都係必食的。刺身偏厚身，蝦都使用較大隻的種類，非常之抵食~壽司類都非常多三文魚類壽司，都係我最愛，基本上晚市如果唔係提早入去，三文魚壽司好快會被人拎走曬。沙律醬火灼三文魚係我個人私心推薦，壽司燒得岩岩好，醬料甜甜的非常容易入口。自助烤腸櫃咩野種類的香腸都有，有波波腸、台灣腸、熱狗腸等，等轉黎轉去的腸仔真係口水都流埋。燒肉類的專櫃基本款起碼有20樣以上，總會有幾款岩自己食，有牛、豬、雞、多春魚、鯖魚、魷魚、各式丸類、紅腸、蔬菜等等。甜品櫃每樣野顏色非常靚，每樣份量都幾啖食曬，適合咩都去試的食客。此外，仲有個雪糕櫃，享受下冰火兩重天、邊食燒食邊食雪糕飲品櫃咩野都有，可以自行選擇飲酒精/非酒精飲品，餐廳仲要有唔使加錢的放題清酒和梅酒。正餐廳的刺身一定要拿，重要既事要講多一次，一定要拿!因為刺身非常新鮮，壽司師傳切得好厚給食客，刺身部位都是比較瘦不會因為肥膩而引起滯脹，最緊要的是啖啖刺身好過癮，不同其他餐廳切得好薄無刺身應該有既肉感。

今日和朋友逛元朗，晚上朋友提議到校長燒肉食放題，這店環境幾寬敞，裝修都頗具型格，我特別喜歡這個高過人的大黃蜂，好有型。刺身，種類都有不少，三文魚夠肥美，入口鮮滑，感覺幾新鮮。帶子不是很大粒，但都幾厚肉，頗鮮甜。整體各樣刺身都不錯，以放題而言，都算有水準。燒肉，種類超級多，豬、牛、羊、雞、海鮮均不缺。五花腩好正，肥瘦相間，切得夠口，入口更有質感，而且好入味。雞翼都有幾種，我比教較喜歡食土匪雞翼，肉質幾嫩滑，微微辣，相當惹味。除了食燒肉，還可食火鍋，生料選擇都不少，食完燒肉有點油膩，滾些蔬菜食，消消滯，確實不錯。熟食都有不少，樣樣都幾吸引，章魚丸子幾惹味，粉漿與章魚的比例幾合適，烤起來很香。烤腸都不錯，有好幾種腸選擇，味道都幾好。我最喜歡茶葉bar，可由自己配搭不同的茶葉或配料，飲一壺超濃的陳皮甘桔普洱，感覺油膩盡消，值得試試。

初次約會，未諗到同心上人食咩好!個人推薦#校長燒肉 ，一來有超過百款食物任君選擇!!二來埋單結算每位$300以下。性價比高!!慳到自己錢包之餘，又可借機了解另一半食鐘意食咩!!呢度食物之所以話多，主要分有港，台，日，韓式種類既選擇，如韓式燒肉、日式火鍋、刺身、炸物、壽司、港式點心、台式小食及甜品等等!!!日式方面另有設置壽司區及剌身區，整體刺身色澤鮮明，冇咩雪藏味，推薦花之戀壽司及啖啖爽滑又肥美帶子，想食火鍋可揀壽喜燒湯底，一般火鍋配料容易系自助區揾到。仲可到小食區揾到日式小丸子食!!韓燒方面自助區有各類雞，豬，牛，仲有新鮮蔬菜，應有盡有，仲有膠板分隔，講求衛生!!而每個卡位都附有牛油紙，一來唔怕會黐底。燒出黎嘅肉唔會黑蚊蚊。抽氣系統好，食完身上冇咩味道，自助調味區自由揀醬汁，醬汁款式都好多，總有一款岩自己口味。港式方面有港式點心蝦餃，燒賣，小籠包，叉燒包連燉湯都有!!台式方面台式小食有烤香腸，香腸形狀大小可自行選擇，還可於鍋爐前見證整個烤煮過程。埸面十分治癒!!!而甜品區有冰粉同涼粉揀，配料有鳳梨，紅豆，冬瓜凍等，重回童年，口味如依，為今晚呢個約會畫上完美嘅句號🤗

2️⃣小時晚市-燒烤火鍋放題呢種多元化放題好處就係可以迎合大家嘅口味，鐘意韓式燒烤又得，鐘意打邊爐嘅都🉐️店內裝飾佈置十分用心，樓梯口有鐵甲奇俠擺設。各個美食區域都分明，等我逐一介紹下。冷盤🥗🍣有沙拉吧，多款壽司，仲有刺身！為咗保持刺身嘅新鮮，每人每次限攞三款。刺身種類多，有帶子，三文魚，甜蝦！鮮甜好吃，我自己都食咗好幾轉😆鐵板燒烤🍖我地攞咗好多肉類，牛、雞排雞翼、豬、叉燒、鴨胸，魚柳、秋刀魚🥩🐟所有肉類都醃得入味，而且調味選擇都多，例如係雞翼都有得揀土匪、黑椒、咖哩味✨有辣有唔辣🌶仲有一個個錫紙兜裝住嘅蒜蓉金針菇，牛油粟米🌽燒果陣同食起上嚟都方便！職員不時會幫忙換鐵板紙，咁就點燒都唔怕食物會燶👍🏻不過餐廳嘅抽氣扇唔太強，食完啲衫會有油煙味火鍋🍲自助攞煲，自己去斟火鍋湯底。我地今次食壽喜燒湯，加入冬菇、娃娃菜、玉米🌽、火鍋配料，完全還原到日式風味熟食區域🥰小朋友好鐘意嘅炸物：炸鮮奶，芋頭波波，放係出面都keep到香脆可口👍🏻 甜品除咗有特別口味嘅雪糕，仲有一個大型甜品區，可以挑選喜愛嘅配料。飲品有別於其他放題餐廳，呢到嘅酒唔需要額外收費🆓 我同朋友當然都飲返兩杯啦🍶個人覺得校長燒肉好適合一家

想放任地食高質素亞洲野嘅時候，我同老公就會唸起校長燒肉，除咗韓式燒烤之外，仲有刺身、壽司、火鍋、點心、街頭小食、沙律同各式各樣嘅熟食、飲品、甜品，可以話係包羅萬有。無喺香港一排，非常掛住呢度，返來香港梗係要去食啦！刺身/壽司：一去到就覺得好肚餓，見倒咁靚嘅刺身同壽司梗係即刻攞嚟食啦，店員都好好嘅，每次我點嘅每款刺身都會至少畀幾件嘅，咁就唔使走咁多轉喇。刺身都好多款，我食左三文魚、吞拿魚、帶子同赤蝦，各款刺身味道都算鮮甜，所以我地都 encore 左幾次。雖然刺身都仲凍，不過如果有冰塊墊底就會更好。壽司嘅質素都唔錯，料多飯少，亦都有好多款式，我自己就最鍾意鰻魚同埋玉子壽司。玉子壽司有厚切嘅玉子，上面有火灸過嘅 mayonnaise 同埋砂糖，食落去好特別。（壽司 section)火鍋嘅選擇都有唔少，肥牛同各式丸類都有，丸類推介香菇貢丸同獅子狗。燒烤：燒烤肉類選擇都有唔少，各式牛、豬、雞部位同蔬菜都有，我特別鍾意一口牛同韓式豬頸肉，燒好嘅豬頸肉香氣四溢，食落口呢有少少入口即溶嘅感覺，豬香味在口中久久不散，一定要試下。其他美味熟食：川味鍋（牛肉+鮑魚）/ 章魚小丸子 / 豬肉燒賣，連鵪鶉蛋都

✨燒肉我地燒咗好多：黑椒牛肉、雞扒、豬頸肉、豬扒、雞軟骨，都有燒下叉燒啊同丸子類🐽啲肉幾juicy 幾香，雞扒係好嫩滑，豬扒又唔會太肥😚😍配上燒肉汁一流！！✨自助熟食真係咩式食物都有😂有中式點心啦，中東定南亞嗰啲薄餅，日式壽司🤣🤣覺得冬菇西蘭花煮得好入味，所有炸物都做得幾出色，尤其是炸芋‼️，烏冬幾煙韌。普通系列：章魚燒、薯條、質地奇怪而鬆散嘅蒸燒賣。✨Dessert!!!太耐冇食甜品，好開心😭🙈我地食咗：·布丁（牛奶 杏仁 香芋 榴蓮呢幾種口味一樣都順滑嘅，口味有少少差異。例如榴蓮嗰個味非常淡，似係有少少榴蓮香嘅奶凍。香芋味幾濃味，估唔到😂😂·Oreo雪糕食落係幾勁Oreo味，不過好奇怪嘅係，呑落肚之後 真係完全冇曬Oreo個味🤔·香芋雪條不停食香芋💜💜💜雪條一樣都咁濃味

刺身🐡🐠有張貼紙仔可以任食刺身嘅，刺身選擇好多選擇三文魚、吞拿魚、希靈魚、赤魚、玉子蟹柳等等，樣樣都好新鮮，所以我攞咗四轉！🤣熱食🍳🥘超多特別嘅選擇，有烤香腸、咖喱、泰式生菜包、碗仔翅、豬腳薑。要特別讚下一個生菜包，係有心思將會材料切得好細、炒得好香口！燒烤🍖望吓張相！用0.5都影唔晒所有款式！每款肉都有唔同嘅醃製味道，真係可以食到超級飽！火鍋🍲有三款湯底，我扮健康，所以專心用火鍋煮菜食甜品🍧除咗又唔同細細杯嘅奶凍同埋蒟蒻之外！有呢個自助吧，好正！我就整咗個冰粉撈埋紅豆同埋花奶，簡直一流😗飲品🍸選擇亦都好多清走同唔走都係任飲，非常抵食😗

見到元朗分店有個套餐coupon包哂火鍋，燒烤，刺身放題, 只需俾$138就可以喺openrice買到，可以由11:00食到15:30添熱盤:多款中式點心，茶葉蛋，鴨腳，猪紅，多款炸物，碗仔翅燒烤食物: 牛肉片，一口牛肉粒，雞中翼，雞扒，多春魚，秋刀魚，五花豬肉，猪頸肉，雞軟骨，三文魚骨腩刺身:三文魚，吞拿魚，紅蝦，螺肉，蟹棒火鍋配料:五花牛，五花猪，多款蔬菜同丸類甜品:果凍，啫喱，奶凍，布甸，凉粉…飲品:汽水，綠茶，熱泡茶，清酒…整體食物唔算高質，但可以無限時食盡火鍋，刺身，燒烤，相當抵!

好耐無食韓燒，搵到校長燒肉有得燒又有得打邊爐，價錢唔係好貴，中午去試試。場內好多卡座，我地被安排坐靠窗的位置，食物及飲品在外面自取，全部自助餐形式，食物選擇繁多包括魚生壽司、冷盤沙律、熟食、燒烤及打邊爐的生肉、甜品等等，除咗啤酒、汽水之外，仲有比較少有的清酒、梅酒和花茶。侍應會預先開爐，爐上放有一張圓紙可以放食物在上面燒，圓紙可以自行更換，不會痴底也較衛生。熟食有章魚小丸子、炸雞軟骨、地瓜丸、台式香腸，仲有點心、茶葉蛋、鹽焗蛋等等燒烤肉類醃得不錯，仲有多款蔬菜例如翠玉瓜，粟米等。火鍋湯底有壽喜燒、日式豬骨同日式清湯，仲有多款醬料提供，啱晒不同口味的人甜品選擇也不少，最特別有台式撈涼粉，冰粉，自助形式，可以調教自己喜歡的味道

今日和老公去食放題，你知道男人好吃得，當然去食燒肉啦！校長元朗分店好大，食物2邊好長好多，一些沒法想像食物都有，真的老少咸宜。兒童還可以抽獎，不知道是否元朗店才有。校長在1樓，門口超級大好有規模！長長樓梯好濶，有個大大Iron man 最近在元朗常常見到……店內仲有1個我不知什麼名，在洗手間附近。洗手間都好衛生又靚。任食燒烤食物有20種，真係眼花，而燒過認為好味有:牛扒，羊架，豬腩肉，芝士丸，午餐肉，多春魚，黑椒魚柳，豬頸肉，粟米！五花腩好正, 桌上有夾和剪, 燒好剪開一口一件火鍋都有，自己攞煲，自己去倒湯底有3款（日式豬骨／壽喜燒湯／日式清湯）炸物都好驚喜，因為好脆！食了炸蝦片和炸蕃薯波比較驚奇有鹽焗蛋／鹽焗鵪鶉蛋／鹽焗雞翼！超喜歡吃！鹽焗雞翼好滑溜，有沙薑香味！鵪鶉蛋我忍不了吃了12隻以上……瘋了中式點心有：蝦餃，燒賣，鳳爪排骨，芫荽豬肉餃，糯米雞，叉燒包……真的食不下……實在太多選擇壽司比想像中高質，我們吃了燒玉子壽司，尤魚壽司，花之戀壽司，飯少料大件,材料新鮮。刺身比較驚喜有赤蝦, 超大隻,爽甜啊！刺身每次限取3件，今日不多人所以很易取！中式燉湯：是瘦肉冬瓜紅蘿蔔冬菇湯 ，味道

校長燒肉日韓料理過百款食物任你取，120分鐘任你燒。8款即切刺身供應。其中包括帶子、仿鮑片、魷魚片、希靈魚、八爪魚片、三文魚、榮螺片等等。我特別推薦帶子，新鮮程度絕對值得一試。此外，餐廳還提供多款手握壽司和卷物可供選擇，讓顧客有更多口味上的選擇。對於前菜沙律，餐廳提供了簡單的沙律配料和沙律醬，讓客人可以自由配搭。此外，還有一些醃漬物，如蕎頭酸蘿蔔和酸薑，這些開胃又解膩的選項非常不錯。至於燒肉配料，餐廳提供多種肉類選擇，包括不同的牛肉、豬肉、雞肉以及魚柳等。特別推薦他們醃製的雞翼，肉質豐滿又大塊，尤其搭配黑椒醬非常美味。餐廳還貼心地在燒魚類上方放上新鮮檸檬片，讓秋刀魚更加美味。此外，他們也提供了多種蔬菜選擇，燒菠蘿絕對是必嚐的美味。在火鍋配料方面，丸類的選擇多，特別值得一讚的是火辣牛丸，真的非常辣辣辣！餐廳還提供了蟲草花和各種蘿蔔、生菜等配料，幫助去油解膩。至於火鍋湯底，餐廳提供了3款選擇，而且還可以選擇鴛鴦鍋，非常方便和快速。如果你喜歡熱葷，餐廳會不斷地補充各種小炒熟食。有時候你可能會有驚喜，香脆炸物和蒸魚等。我尤其喜歡他們的紫芋丸，一定要趁熱吃才最好。此外，餐廳還提供中式點心，放在蒸

作為元朗人，一直都知元朗有間校長燒肉，真正幫襯，今次都是第一次。來過之後，就知道校長燒肉受歡迎的原因，只欣賞這裏用過餐後，確實有大大的滿足感，因為花款甚多，食物美味。😍😍很久沒吃放題，來到燒肉看到收費只是$258一位（須加一），感覺價錢十分相宜，因為前菜、燒肉、火鍋、熟食、刺身壽司、飲品、甜品，各適其適，應有盡有。😁👍🏻不要以為吃燒肉放題，另外提供刺身壽司就會求求其其，甫坐下來，因為熱一熱爐，所以急不及待吃的是刺身，就十分新鮮味美。刺身有三文魚、赤蝦、吞拿魚、𩶘魚等，壽司亦有蝦卷、鰻魚壽司，以及我最愛的花之戀等等。🍙🍱🍤爐熱了，首先燒海鮮。海鮮都非常新鮮味美：扇貝肥美、海蝦鮮甜、生蠔鮮嫩、鮑魚厚實，令人垂涎欲滴。🦞🦐🐠🐟至於燒肉就提供多種不同部位的肉，包括牛肉、豬肉和雞肉等。肉類新鮮高品質，我最愛韓式豬頸肉和一口豚，口感豐富，肉味濃郁，腌製非常入味。🐮🐷🐥此外，我亦最愛甜品吧。因為可以按自己口味調製仙草、涼粉，取杯牛奶凍，亦可嘗試以配料製作自己口味，果真是「鹹魚青菜，各有喜愛」！🍮🍮而最值得欣賞的，就是有一個花茶專區，列出了不同花茶的功效，一邊吃，一邊沖上一杯消脂解膩的花茶飲品，邊學邊