影片
自從啟德Airside開咗之後我都成日過去行，因為貪佢嗰邊空間夠大，而且可以同寵物一齊chill。前排因為想減肥，所以朋友推薦我一齊去食樹屋Tree House。呢度有好多健康餐單最出名嘅係酸總麵包，仲有多元化嘅蔬菜。我哋叫咗餐廳signature嘅regular cedar sourdough ($78)，裏面有牛油果、紅菜頭、洋蔥等等，勁多餡料撈埋一齊，一啖咬落去超滿足。之後叫咗一個half and half regular banyan，仲upgrade埋soup of the day (南瓜湯)同一杯就Lemonade ($148)。呢個又係超豐富，有燒過嘅矮瓜、蕃茄、好多卷心、roasted garlic hummus 等等，食落去好清新健康開胃！值得一提嘅係個南瓜湯好濃郁，我同個friend都爭住飲。最後仲叫咗個甜品walnut brownie ($50)，同埋一杯熱嘅ginger lemongrass ($45)，成餐飽肚之餘又食得好健康下次如果keep fit都會再去幫襯。
繼續閱讀
Treehouse 位於啟德Airside，除咗地點方便就腳之外，喺全新嘅商場餐廳理念都前衛啲。食物主打素食，既可以減少食肉對全球整體嘅碳排放，亦都可以為城市嘅食肉獸補充蔬菜纖維，改善個人健康。店內嘅環境非常舒適，座位之間鬆動寬敞，更加重要係大家嘅節奏都放慢，比起趕住返工，呢度嘅食客更加focus係enjoy食物，可以慢慢同朋友傾吓偈傾吓手機，甚至係坐低電腦睇吓書，有啲Cafe嘅感覺。望出外面嘅景觀都非常開揚，令整個用餐體驗提升。食物方面，今次試咗Cedar Salad Bowl. 有機蔬菜非常fresh，食材用左羽衣甘藍、南瓜、牛油果、生菜等，令到平時多油多鹽嘅腸胃可以休息吓，而且配合藜麥，比平時嘅salad bowl 更為飽肚～Forest burger 嘅肉係用vegan材料製成，其實真係唔使食肉，因為唔講都唔係好分到，整得好似真肉好好食～但係過程就唔使有任何動物受傷害。加多50蚊升級埋套餐，仲有餐湯同埋飲品😋揀咗lemonade ，酸甜清新飲完唔會覺得好漿喉，止渴生津仲落左啲香茅，飲完令人更加開胃消暑！之後講吓甜品，夏威夷朱古力曲奇用左較天然嘅原糖，好味之餘亦都比其他市面上唔同食物嘅代糖等化學物更加健康。整體而言，餐廳環境舒適，落地大玻璃採光一流，如果大家都想食清淡啲少啲添加同化學物，不妨試下Treehouse~
繼續閱讀
趁放假想去airside hill，屋企人好鍾意食素食，所以就專登搵左一間素食嘅快餐店，而呢間餐廳嘅名亦都好特別——樹屋。一入到去我點咗墨西哥卷，令我驚喜嘅係，佢用咗酸種卷餅，而且非常足料，一條就夠填肚。之後仲嗌咗一個雜錦蔬菜沙律盤，裡面有我喜愛嘅南瓜同牛油果，味道方面還好，但係飽腹感極強。當然唔少得甜品🍰，揀左合桃黑朱古力Brownie，雖然口感偏硬，但濃厚嘅朱古力味一食落去已經充滿成個口腔。飲品方面，我揀咗一杯清新嘅lemonade 🍹，搭配素食大餐，帶黎好好嘅解膩效果。總體來說，呢間餐廳不僅提供健康美味嘅素食新選擇，仲有舒適嘅用餐環境，係一個放鬆心情嘅好地方。下次再黎時，我一定會試下其他美味菜式。
繼續閱讀
前排去朋友啟德新居house warming，由於佢係vegan嘅，所以就帶左我去呢間位於Airside嘅Treehouse食飯。餐廳對於商場地下嗰層，非常方便。裝修以木系嘅風格為主，帶出環保嘅感覺。可能由於比較多外國人住啟德，亦都可能因為比較多外國人鍾意食素嘅關係，所以餐廳嘅店員都係講英文嘅。講返個餐牌，雖然呢度店員嚟講英文為主，但係餐牌係有中文嘅！呢度嘅素食選擇算多，而且非常有特色。俾大家睇下個menu。以下就係我當日買咗嘅食物：Treehouse Platter：好豐富嘅一兜Platter，當中嘅蔬菜全部都好fresh好juicy，而且賣相一流。最值得一讚係Platter附上一塊要好食嘅烤餅，夠曬飽肚呀！蘑菇湯：碗湯嘅texture非常rich同creamy，而且香氣十足。不過我自己略顯太細碗，咁好味唔夠喉啊！酸種捲餅：裡面夾嘅蔬菜全部都好新鮮，而且調味令佢全個捲餅層次更加豐富。總結：Treehouse用餐環境非常舒適，價錢合理，值得推薦！
繼續閱讀
啟德係昔日機場嘅舊址，今日踏足九龍區啟德，呢度變成咗一個比較新嘅商場，呢度好大好寬敞，呢個商場仲可以帶埋寵物一齊行，冷氣好充足，優哉游哉，好舒服。行到去outdoor嘅地方，見到一間裝修特色嘅小木屋，於是我哋就入去食個簡簡單單嘅晚餐，餐廳裝修精緻，以天然食材為主打，好健康，好適合注重健康嘅上班族。先嚟一份烤雞沙律，沙律仲包含咗羽衣甘藍同埋羅馬生菜，蔬菜非常新鮮、而且爽口。烤雞好足料，大大件，好抵食。漢堡牛扒配合酸種包，製作成非常美味嘅漢堡。漢堡扒嫩滑、琳琳地，充滿鮮肉嘅香味，容易入口；酸種包軟綿綿，焗到外脆內軟，非常美味。飲品方面，叫咗檸檬梳打特飲，唔會太甜，酸酸地，既冰凍又解渴，好適合夏天補充水份。
繼續閱讀