柴門西餐廳

營業中

休息中

雖然係工廠區，但呢家西餐廳位於在新簇簇既東貿廣場 6 樓，有三層時租停車場，泊車很方便！曾經住南灣半島一段時間，有一班東區既朋友, 到依家都時常約見面！好好笑，住係東區既朋友都時時埋怨柴灣 “無乜好嘢食” ! 有一個東區閨蜜去年聖誕節就跟我講，終於搵到一家了！就係柴門！然後前前後後來過好幾次喇！昨晚紅雨警告，仍然無阻我地既雅興，嘻嘻! 有現場音樂，復活節假期又唔使返工，很早就來了！燈光柔和，很舒服喔！約七點半有一位年輕女歌手 Kaze 自彈🎹自唱🎤，聲音很甜美😍原來聽歌、食飯係會唔記得拍照既，所以照片不多，哈！先來前菜，有焗蠔、雞卷，之前食過一次焗蠔，水準保持! 雞卷很入味，但略嫌火喉過了點！再來海蝦田園沙律，個人很喜歡食蝦，這海蝦大大隻、有蝦味、肉質爽，贊👍沙律菜非常新鮮，waiter 話係本地有機農場直送，怪不得！然後就係我其中最喜歡既龍蝦湯，香濃，還有粒粒龍蝦肉，仲有一根麵包條，滿意！Hubby 是食肉獸，選了鵝肝牛扒，我記得拍照既時候，老公已經把鵝肝吃掉，只剩牛扒！我訂位時要話唔想食牛，羊，只想是清淡一點，經理建議我試下廚師推介 Bacalhau鹹鮮海魚 (餐牌無既)，鹹鮮 ？

✨今日小妹去咗柴灣接個朋友仔放工，友人話附近有一間好高質嘅西餐廳，作為一個吃貨，當然要試試啦。✨一入到餐廳，小妹已經見到做餐廳嘅熱誠，佢地嘅佈置雖然簡單，但係牆上嘅每一幅畫都係精挑細選過，每幅都有含意㗎。✨今次午餐，我地每人各嗌咗一個lunch set，先黎嘅係蘭度忌廉湯配健康麵包。✨主菜-蒸三文魚配忌廉菠菜、番茄莎莎👧🏻 蒸三文魚看似平平無其，雖然香味唔及煎嘅三文魚，但係蒸出黎嘅三文魚保留咗魚嘅肉汁同埋淡淡嘅魚香味。食落魚肉好滑，而且絕無魚腥味。而最令人驚喜嘅係蕃茄莎莎。小妹完全無諗過蕃茄同三文魚可以咁夾，咁好味。✨主菜-肉眼牛扒配薯菜👧🏻 按照小妹嘅慣例，肉眼扒當然嗌咗五成熟。皮脆肉嫩，呢樣唔多講。最令小妹窩心嘅係，員工會特登行黎問吓我地需唔需要加芥末醬，仲會加到去碟邊，唔會影響到我地食扒。❤️小插曲: 食飯期間，老闆向小妹介紹咗佢間餐廳，原來佢曾經係文華東方酒店嘅經理，難怪喺管理這間餐廳時咁得心應手。當日小妹同友人準備離開餐廳嗰陣，餐廳員工突然喺餐廳門外興奮咁大喊”老闆，xxx好好食”，老闆就回應”唔好嘈住，仲有客人”，從非常簡單嘅對答，小妹深深感受到老闆與員工之間嘅融洽，餐廳每一

首先我都幾意外原來柴灣有棟望落幾有格調嘅商廈 而柴門入到去嘅感覺好有藝術氣息。牆身掛滿大大幅嘅油畫，而且有個舞台仔，上面放咗唔同嘅樂器，每逢週五同六夜晚都會有live band演奏，喺柴灣實屬少有。午市menu都有六款主菜揀，其中一款更加係素食添。我嘅朋友揀咗肉眼扒，而我就揀咗用本地有機菜炒成嘅青醬意粉。前菜包括沙律、蘭度豆忌廉湯同蒜蓉包。沙律上嘅新鮮蘑菇配埋黑醋好開胃。蘭度豆常見於中東菜，經常攞嚟煮湯或者咖哩，但係煮食西式嘅忌廉湯就第一次飲啦，味道好濃郁同忌廉好夾。五成熟嘅肉眼扒好juicy，肉面煎得好香，唔多筋。可以配牛肉汁或者芥末一齊食。薯菜係比較健康嘅焗蕃薯，食落都覺得好新鮮有天然嘅甜味。我平時出街食飯好少嗌素菜，但今次都幾有驚喜喎。意粉炒得好香，用嘅係比較粗嘅意粉，幾有咬口。而蔬菜都的確好鮮甜，簡簡單單嘅甜椒、生菜同埋蘑菇，已經令成個青醬更加香。最後當然唔少得加16蚊就食到嘅甜品cheesecake啦～ 自家製嘅cheesecake好軟滑但係仍然好香濃。餅底比較厚身。cake CP值高，絕對值得加錢食。鋪頭係少見嘅藝術形小店絕對值得支持～

柴灣是港島區其中一個工業區, 想不到這次居然被小編發現了一家隱世而高質的西餐廳。這家餐廳位於柴灣東貿廣場，一般人應該這裏竟然會有一家餐廳。柴門西餐廳的環境十分整齊，座位編排有序，需要面積不大，但並無擠迫感覺。餐廳牆身掛了不同主題和風格的壁畫，享受美食之餘更可賞畫。另外餐廳亦有空間作Live Band之用。食物方面，柴門西餐廳的Set Lunch在港島區算是相當抵吃，適合一眾想吃一頓簡單高質午餐的白領。這次小編點了烤英國天然豬扒配薯菜、蘋果燒汁，以及烤美國優選肉眼扒牛扒配薯菜、牛肉濃汁。首先，前菜十分美味，多士超級脆口；蘑菇湯口感一流，每口也充滿蘑菇粒粒，又濃又香；沙律尤其清新，芥末醬令沙律變得惹味，但無減其清新感覺。英國天然豬扒品質相當高，豬扒夠厚身， 肉質鮮嫩多汁；豬扒經過烤製亦完全不韌，美味可口。薯菜同樣美味，配上蘋果燒汁，又甜又天然。烤美國優選肉眼扒牛扒絕對有驚喜，牛肉味重，而且絕不嚡口， 亦有相當的油脂，食肉獸必定喜愛。

其實幾鍾意到樓上餐廳食飯因為一般環境都比較清靜可以靜靜地傾吓計😁😁😁😁呢間餐廳係東貿廣場上面餐廳裡面咗掛左唔同d畫都幾靚見佢有d音樂器材喺度原來星期五六晚會有現場音樂表演佢哋餐茶好特別係用台灣嘅蝶豆花💙成杯藍色好靚佢哋嘅牛扒個汁好特別有少少似燒汁，但係比燒汁燉香囉睇返餐牌原來係濃牛肉汁黎👍🏻

今日因為要探朋友去關係嚟到柴灣食飯 今次嚟到呢間環境幾好嘅柴門西餐廳食午餐先睇個menu 午餐嘅選擇都好多, 餐會跟前菜沙律,湯同埋蒜蓉包 份量都幾多下 再加18蚊加一份紐約芝士餅做甜品落完單之後餐廳就好快送上前菜，餐湯同埋蒜蓉包畀我哋 當日餐廳嘅前菜就係沙律配泰式魚餅 啲蔬菜都幾新鮮餐湯就係一個忌廉湯 飲落都幾creamy蒜蓉包嘅蒜蓉味都幾足 點一點忌廉湯再食亦都係一種滿足食完前菜 終於上主菜 我哋就分別嗌咗一份烤美國優質肉眼牛扒 配薯菜牛肉濃汁同一份烤德國香腸配薯菜德國酸菜兩份食烤美國優質肉眼牛扒 配薯菜牛肉濃汁 ($168) 係午餐時段食到呢塊肉眼牛扒都幾驚喜 個生熟程度啱啱好 唔會太生都唔會太熟 唔使太用力就可以鋸到塊牛扒 調味方便 調教得幾出色 值得一試 薯菜方便有整整一個薯仔 配上芥末同埋牛肉濃汁 更添牛扒嘅肉味烤德國香腸配薯菜德國酸菜($108)德國香腸擺設非常靚 用上傳統嘅螺旋形式上碟 肉味非常香 幾適合鍾意濃味嘅人食 薯菜方面就有蕃薯同半個薯仔 旁面仲配上芥末醬 同埋德國酸菜 更添德國嘅風味旁邊仲有一個live band嘅show stage 問咗店員平時星期四五嘅夜

柴灣工業區搵飯食。中午食飯時間唔多去咗隔離大廈間餐廳試下，餐廳個名都相當型棍，叫做柴門。幾有藝術感，亦幾霸氣，似社團個名。中午嚟都係食套餐，聽同事講話係openrice 訂枱有8折優惠添，都幾抵食。裝修格局幾公整。地方細細，但五臟俱全，如果係度搞個party 都幾唔錯。先嚟上個餐湯，唔似一般忌廉湯，多咗d鮮味；旁邊個沙律，介紹話個蘑菇係有機，當日由八鄉送過嚟嘅，食落又確係出色醋+油。西餐廳必備。薯菜+牛扒，5成熟，略嫌塊扒稍為薄d，但味道相當好外邊又好香脆，菜牌話係美國🇺🇸prime 級牛扒，確係有水準。表面幾香脆。咖啡，香濃，無得頂。奶茶又夠滑溜。呢個不得了，硬芝士蛋糕，未試過咁硬嘅蛋糕，但味道確係香濃頂瓜瓜

今日早上同媽咪去柴灣探朋友， 之前一日媽咪話想食西餐，所以我已經預早訂定枱 帶媽咪到柴門食lunch。 我們大約一點鐘到達， 餐廳已經坐滿客人了， 好彩我一早訂定枱。 入到店內見到有live band 擺設， 原來逢星期六日晚上都有live band表演的。我們各點一個午市套餐，蒸三文魚配忌廉菠菜，蕃茄莎莎$108，烤美國優選肉眼牛扒配薯菜，牛肉濃汁$168。 套餐還有柴門特色沙律， 蘭度豆忌廉湯配健康麵包和餐飲。 之後加一件紐約芝士餅$16同媽咪一齊食。蘭度豆忌廉湯配健康麵包～ 忌廉湯熱辣辣配麵包好好味，沙律菜好新鮮。烤美國優選肉眼牛扒配薯菜～ 牛扒點了七成熟，烹調的時間剛剛好， 切開見到淡淡粉紅色， 肉質嫩滑，牛肉味極濃，點埋牛肉濃汁一起吃， 令到牛扒的味道更加出色。蒸三文魚配忌廉菠菜， 蕃茄莎莎～ 平時出面食煎三文魚就食得多， 好少見到有蒸三文魚， 所以一於試一試。 蒸的時間控制得剛剛好， 肉質非常嫩滑， 還有忌廉菠菜和番茄莎莎， 令到口感更加豐富。紐約芝士餅～ 食完主菜好想食番少少甜嘢， 加$16點了一件芝士餅， 香濃的芝士味，啱曬芝士控的我。餐茶我們點了一杯熱咖啡和一杯熱齋啡

前幾日同左家姐去食柴門，見地方雖然係較一般餐廳細，但勝在環境格局有格調，而且去當日仲有現場Band show，唱嘅歌多以英文老歌為主，以jazz風重新演繹，十分chill，除左有味覺享受之餘仲有埋聽覺享受🎤🎼～而喺晚飯時段，餐廳只會準備一份餐單，有三款主菜選擇，而我地就各點左一份羊架同魚排😚😚。 頭盤係芝士焗蠔烤雞配Melon and Parma Ham，三樣之中最欣賞係個焗蠔，本身以為佢只係隻普通焗蠔，點知原來係內有乾坤，除左有好濃嘅芝士味之外，仲有淡淡嘅芥末味，蠔底嘅波菜吸收哂D鮮味，非常之開胃！另外個沙律係配芒果汁，食落個味好夾好清新。大蝦又好鮮甜好爽，食得出食才都好新鮮，抵讚🧡🧡！另外，個餐湯係西洋菜海鮮忌湯配法包，法包烘得好脆好重牛油味，而餐廳亦十分有心思地由侍應係餐桌上為客人倒湯，十分特別😳😳。到我最中意嘅主菜喇，我點嘅係煎焗海上鮮魚排，首先廚師十分貼心地將檸檬去一半皮，方便客人榨汁，而且魚肉好鮮甜好重牛油味，焗得好嫩好滑，但要小心會有幾條大骨～試埋羊架之後覺得佢地時間控制得好好，切開仲好JUICY，食落好有羊味，但個人黎講都係鍾意魚好D🤩！最後就到我最期待嘅甜品喇！甜品賣

終於有時間放假可以去食返餐好，而家工廠大廈開食肆開到成行成市，今次就去左柴灣地鐵站附件覓食，就係之前好有名的“家嫂”隔離，叫做“柴門”--感覺好似係柴灣的門，幾有意思呢到夜晚仲會有現場live band, 真係幾好feel同朋友一齊去食個lunch, 每人叫左一個餐侍應仲介紹話每星期既午餐款式都會唔同，真係好有心午餐套餐會有包前菜--餐湯同沙律+主菜+飲品，相當豐富餐湯係薯蓉忌廉湯，一飲落去就好濃郁薯仔味，而且好creamy沙律真係幾有特色，有一個蘑菇漢堡--用冬菇同本菇夾住泰式魚餅，加上烚好的芽菜同菠菜，配上柚子汁十分開胃肉眼牛扒--小編唔太喜歡太生，所以叫了7成熟，果然整得係岩岩好，切落去唔會有血水，食落牛肉味濃郁，肉質好嫩口肉軟腍仲帶少少油脂香又唔太肥呢到薯菜好特別，唔係用薯仔或薯角，而係用日本蕃薯仔，食落好清甜，又健康三文魚煎得金黃色且香脆，而肉質唔會煎得過火，食落好鮮嫩但又唔會好腥，最正係個魚皮好香脆且帶油脂香最正係個白酒忌廉汁，白酒可以辟腥，更提升鮮味亦減少油膩感小編見到隔離枱就甜品癮發作，一於就加$16叫左件紐約芝士蛋糕，食落細緻滑溜，加埋鬆脆扎實既餅底，好有口感不過小編

因為實在太想食西餐嘅關係，星期六下午就嚟咗呢度食野。 呢度嘅服務員好友善，又好夠人手，會不斷幫手refill 水，又會過嚟問吓你啲嘢啱唔啱食。 呢個係4月1號至4月6號嘅餐牌。 揀咗個B餐，平平哋，又飽肚嘅意粉（因為好肚餓嘅緣故）。 每個餐都會跟呢一份前菜，有湯有包，有沙律。 最值得一讚嘅係西蘭花蜆肉忌廉湯，蜆肉味好重，好入味。 而呢個Pesto 意粉，有菇，有三隻大蝦，小帶子 ，紅椒、黃椒。 隻蝦好大隻，成個意粉都整得好入味。香蒜味好重。個 pesto 味道再濃d 就會更好了。 埋單時，電話訂位，有8折。成個餐 只需要 $88。 好抵。

一個極需要放下工作的星期六，朋友預先在柴灣訂了一間環境舒適的餐廳，頓時令整個人變得放鬆！（電話訂枱有八折優惠！！！）午餐款式有很多選擇，最後兩個人每人各自叫了一個套餐，因為希望嘗試不同款式的食物。一吃頭盤，便有怦然心動的感覺。柴門特色沙律的蔬菜非常新鮮，西蘭花青口忌廉湯配健康麵包更是一絕，忌廉湯非常creamy，西蘭花的口味十分清新，細滑的口感令人想再三回味！烤英國天然豬扒配薯菜、蘋果燒汁（$138）- 餐廳採用由英國直送的有機豬扒，肉質鮮嫩多汁，配搭蘋果燒汁的感覺很清新，我和朋友都讚口不絕！烤美國優選肉眼牛扒配薯菜牛肉濃汁（$168）- 肉眼牛扒的火候控制相當合宜，可見廚師的功力雄厚！牛肉濃汁更帶出牛的鮮味，非常美味！最後當然要吃甜品（+$16）滿足自己。芝士蛋糕餅身厚重，餅底鬆脆，而蛋糕入口香滑，芝士味濃，非常「芝」味啊！

今日假期同屋企人食個午飯，見最近柴灣開咗好多新餐廳，屋企人又想食西餐，就去柴門西餐廳。餐廳位於東貿廣場六樓,又近柴灣地鐵站，真係好方便。一入門口，有小驚喜，餐廳雖然唔係好大，但居然有個舞台可以玩音樂。追問之下原來每星期都有個音樂之夜，有live band music ，不過係逢星期五六先有。另外，餐廳亦都裝修得較為古典，不像旺角那些樓上餐廳超級簡單簡陋，所以我屋企人好中意個餐廳環境。我們各點一個午市套餐，有餐湯，小食，主食，同一杯餐茶，大約都係百零蚊，價錢好公道！前菜🍵西洋菜青口忌廉湯+一片法包+特色沙律🥗西洋菜青口忌廉湯超好飲，好重忌廉超滑，加上有少少青口味，上面仲加左麵包粒加強口感，真係好出色。沙律有青瓜，少少沙律菜，蕃茄片，最重要個醬好健康，又清新。🍽蒸三文魚配忌廉菠菜，番茄莎莎呢道菜好岩追求健康，減肥人士。蒸三文魚好嫩滑，用蕃薯，蕃茄等配菜，仲有忌廉菠菜都好入味。🍽烤英國天然豬扒配薯菜，蘋果燒汁近期好多餐廳都加入豬鞍去供客人選擇，亦係我近期大愛，所以見到有煮必點。呢隻豬扒都算大份，肉質好幼嫩，而且烤得剛剛好，未食已經聞到好香的香味。加上蘋果燒汁的鮮味去帶出豬鞍的肉味。你仲可以叫

偶然的情況下，與朋友在港島商談新的教學計劃，在近地鐵站口的地方踫上了柴門，好好彩地品嚐到有心的美食小女子職業病經常發作，食飯第一件事就講感覺。餐廳的Waiter 禮貌的態度，絕對可以打開我的味雷跟餐的小食，以及蘑菇湯都幾好味。我朋友點了英國豬（似佢😆），而我點了美國Prime rib。一上菜，朋友就大讚配菜有番薯有菠蘿，好開心! 我的美國牛排熟嘅程度，以及溫度，與我同呢個朋友嘅關係一樣，可以講係啱啱好！之後嘆個熱檸水，食個唔漏但芝士味濃郁嘅cake，欣賞下餐廳的佈置、牆上面嘅油畫，感覺relaxed 滿足！聽聞週末夜晚有live band, 應該幾正啊

上回講到，怪客要減肥，要絶跡天涯，今日在我多番邀請下，怪客其實叫阿怪，她對食材要求及對食物之間的配搭十分講究，絶不會胡亂放東西入口，喜歡追問食材來源，對廚師的要求甚高，她表示:"一碟美食之所以是美食，不是靠其價錢可判斷出來，是看它的配搭及產生出來的味道，可否留住食客之心。"憑她一番話，我知我不會胡亂介紹美食給她，至少有位於柴灣的柴門西餐廳的質素，才敢介紹她，已聽了朋友說了多次，這間鄰近地鐵衹有三分鐘的路程，座落於商業大厦的一角，試過之後，我夠膽說它已有酒店式的水平但沒有酒店的價錢，剛開張一段時間的他們，希望在這區站穩陣腳，用心製作及希望回饋一班食客，即使美食也可以平民化，所以現在午餐照單八折，晚上也可有租場開party ,台上樂器也可以照用，真的貼心到娛人又娛己！店裝潢很有藝術風，以掛藝術畫作佈局，親切老闆大談有關椰菜畫的畫家心思……從揶菜中浮現生命及支撑人生等等！跟阿怪叫了兩份set lunch ，在名畫下找尋驚喜:1.(前菜)西蘭花青口忌廉湯: 將西蘭花打蓉，配上細緻的青口，口感濃郁，好細緻的配搭，令人開胃非常，另加上泰式魚餅，驚喜萬分2.烤美國優質牛排: 選料來自US Pri