板前壽司 (已結業)

是次食左三文魚,帆立貝,火炙三文魚...今次食既野,味道實在太差la,d 飯結埋一舊,帆立貝唔知點解係要加d 蒜粒係度吊味..破壞晒帆立貝原本既味度三文魚不過不失,但,,,,唉...賣廣告講到甘好食....失望。火炙三文魚...仲衰, 見佢做緊promote..又平就叫黎食la...點知燒到黑蚊蚊,無相中甘靚樣,食落口硬到死....都唔知係咩味黎架。唉...經過今次之後,對板前好失望。都唔知係咪太夜去食,d 壽司唔新鮮呢!!!定係d 師傅趕收工無心機整。總之,甘大間連鎖店連最基本既水準都keep 唔到,就真係唔到係度獻世啦!!埋單個時仲有驚嚇,比晒錢打算走個時,個經理突然間走埋黎話頭先唔小心click 左$50 coupon個掣,我地比少左錢;要我地補返$50比佢=,=....原本以為好平...抵返佢失水準之過;點知要我地比多$50,心理突然間覺得佢又貴又唔抵食,下次真係請到唔黎,我要食返元氣。

想講呢類集團式餐館好耐，服務有態度，即係食客要睇個服務員心情，博下佢心情好定壞，好咪對你笑笑口囉，心情唔靚？叫極唔應質素仲衰，試過好味下次再去一次無早排同朋友去食壽司，純綷想食下魚，大部份點三文魚，平嘛，點知個店員黑口黑面，喂，欠你咩？三文魚送上枱，一睇，超柴點了個特大帆立貝，算ｏｋ其實呢個集團食嘢真係麻麻，唔係間間都得

26-7-2010朋友到九龍塘聽 seminar, 收工去了又一城陪佢食 dinner. 商場食肆唔算少, 但 10 間有 9 間都唔太吸引, 價錢又偏貴, 兜兜轉轉結果嚟了「板記」, 真頹廢 坐喺迴轉帶旁, 一邊飲「水喉滾水」綠茶, 一邊睇住一碟二碟唔知轉了幾耐的壽司, 幾無胃口, 還是剔 order 紙好了:-帶子 ($20): 幾厚切 , 食落有點腍腍的, 味道亦幾淡, 不過起碼唔腥, 算吧.軟殼蟹卷 ($20): 原來係「反卷」, 成件放入口, 只食到「炸嘢」的「油」味, 及酸酸的醋味, 早知唔叫. 赤身 ($25): 賣相不錯, 食落魚味幾濃, 無渣, 迴轉嚟講算唔錯了.響螺 ($30): 鮮甜度 ok, 質地就脆得有點硬 , 都咬得幾吃力的...油甘魚腩 ($25): 新鮮度算係咁, 食落就魚味一般, 印象唔深.池魚 ($30, 一件): 唔 in season 品質唔好可以理解的, 但呢個實在唔多掂 -- 肉質有點霉散, 食落腥氣重, 面頭的薑茸都幫忙不了.天使蝦 ($15, 一件): 生蝦肉幾爽脆, 但無味0架喎 炸過的蝦頭油份不多, 不過唔太夠脆,

同妹妹黎食晚飯, 食完就去睇Twilight等位時發生一件小插曲...我同妹妹去到, 冇人係門口派籌, 唯有等侍應出黎, 但黎食野o既人愈黎愈多, 結果侍應一出黎, 就隨便派飛仔, 又冇問邊個黎先, d 人好似搶咁, 搶飛仔, 勁冇禮貌...我冇咩所謂, 唔太趕時間, 又唔係差太多張枱, 我就是但, 企埋一邊等但之後有個女人走黎, 佢話佢跟住我尾, 但俾人搶左飛, "扒"左頭, 叫我一齊搵個侍應講下個侍應話"係咁架啦, 冇辦法, 一係你自己搵返個d人, 同佢地換"個女人都唔同侍應講, 直接入去搵個經理理論女經理了解完, 就出黎叫number, 幫大家掉返好d 飛仔我同妹妹點左...鵝肝壽司, 軟殼蟹手卷, 吞拿魚腩壽司, 三文魚腩壽司, 雜菜餅, 香芒蟹肉沙律, 炸虾壽司是日竟然冇晒海膽, 非常唔開心鵝肝壽司: 每次去板前都叫, 但冇旺角個間咁好味, 一黎就忍唔住食左, 冇影相...炸虾壽司: 板前做promote, $8一件, 我覺得好差, 隻虾好細好一般, 同張圖有出入, 早知係咁, 我叫其他好過...臨走叫侍應俾張濕紙巾, 竟然又係門口派飛o既

為左儲分, 去幫襯下午茶~明明就有好多位, 但都要我等頗耐先入到去食物唔多講啦最唔滿意係佢個水喉水長期開住!我知道好多餐廳, coffee shop 都會咁, e.g. STARBUCKS但咁樣睇住佢長期開住又無人用, 真係心痛

嘩! 成年無去過任何板X嘅壽司啦!! 因為上年7月去完銅鑼灣細左勁多呀個size 所以往後都唔會諗去任何一間板X不過今日個朋友話想係又一城食壽司 得一間咋嗎 好啦 咁去板前啦因為係3點幾先食下午茶 同埋食左一個包打底 所以只係叫左5碟咋彩虹果卷其實即係牛油果加係個鰻魚卷上面不過舊牛油果比較散 夾一夾就散左啦@@D壽司飯都係好新鮮唔多食到牛油果同鰻魚combine埋一齊嘅味道呢個開頭係有少少敗筆啦火燒三文魚好正呀=) 果然都係佢原創出黎!因為舊三文魚唔似得另一間集團式壽司店板前呢個真係燒得唔散呢 =)因為日本人係點舊料rather點舊飯架食壽司個時所以佢燒得唔散 令到我方便點壽司同埋大塊左好多呀塊三文魚! 尤其比我之前去仲大舊左呀*v*仲有就係keep到個鮮味唯一係少左芝士 但係整體都已經好好味令我到改觀哂啦 因為火燒三文魚係我板前嘅最愛火燒三文魚腩個overall comment同上邊一樣不過魚腩多左一樣野 就係個甜味好正呀!!! 好想食多舊!!! 不過個時已經4點啦! 仲要食晚飯所以呢個美好回憶留返下次延續!!鰻魚生春卷不嬲去到迴轉壽司店都會食呢個生春卷不過呢個都係佢呢度原創果然進步

難得中午得閒就去到九龍塘又一城板前食 LUNCH ~鍾情於三文魚既我第一張 ORDER 已經落左 4 碟金三文魚 4 碟火灸三文魚 4 碟醬油漬三文魚係醬油漬三文魚較為肥美其他都不過不失另外有叫左鰻魚 , 火灸墨魚鬚鰻魚係好好食 火灸墨魚鬚 其他都冇咩特別仲有蝦天婦羅. 真係好惡頂 凍到咩咁 成堆粉漿 但都冇影響到整體表現既服務幾好 , 不過成日圍堆傾計咁.唔差 可以再去食過.

早一天收到OR寄來的電影"分手的情書"戲票換領卷，即刻相約朋友晚上一齊到又一城AMC睇戲，開場前還有個多小時，便在商場內先找個地方祭五臟，不用餓着肚皮睇戲，上次來又一城吃過了EXP，今晚轉戰和食來Ricky San 的板前壽司，之前在姊妹店板長吃過，水準有番咁上下，相信同系列的板前也會有唔錯表現。 六點多抵步時店中巳高朋滿座，輪籌也等了差不多十分鐘才有位，被安排坐在壽司吧，枱面下没有架放袋，要將隨身物品放在椅下，對我來說不便拍食物照後取放相機。先後叫了相中十多款壽司，有手握的、有手卷、有軍艦也有燒物，每款平均味道都不錯，魚生類的有鮮味，Wasabi 夠濃、辣味夠勁度，但賣相没有上次在灣仔板長吃的好，味道也感覺稍有不及，但兩店有各自獨有的款式，個人感覺無論從壽司質素、環境及服務都比同檔次的元綠要好， 價格可說是物有所值，但不算平價，不過壽司款式選擇夠多，能夠满足多心為食的你仝我。 時間不覺巳過了個多小時，接近開場時間，幸而板前的效率幾快，雖然客人很多，但只花數分鐘便完成埋單可以走人，不用趕住入場，當然也不用寫一篇"分手的食評"。

這商場內食店很多﹐如要選擇也要花上好一段時間才能挑選。雖然食店多﹐但日式餐廳好像沒有很多﹐所以是晚來到這店等了一段時間才能入座。這裡的坐位主要圍繞著迴轉壽司帶﹐所以能清楚地看著師傅弄各式各樣的美食。 所點了的食物如下﹕海膽壽司 – 用了一樹葉形狀的膠碟盛載﹐看落很雅觀。海膽顏色看落新鮮﹐不會呈深啡色。 味道吃落甘香鮮甜﹐紫菜亦脆口﹐無論賣相或味道都感覺到其新鮮質素。金三文魚壽司 – 肉質較普通三文魚鬆口﹐吃落不太像普通三文魚般那麼硬身。徐了肉質不同﹐味道吃不到肥美三文魚油香.金三文魚腩壽司 - 肉質比普通三文魚及金三文魚還要硬﹐吃不到腩位應有的肥美及油香。質素不太好。帶子壽司 – 現在作推廣以$8/件。 帶子肉質尚算厚肉﹐味道帶少許鮮甜﹐但肉身不竟乾了一點。 黑松露醬比目魚壽司 -現在作推廣以$8/件。比目魚肉質爽口﹐魚肉本身沒有什麼太重的味道﹐所以那細點黑松露醬給這款壽司少許鹹鹹的味道。天史蝦壽司 – 頭身分開上﹐蝦頭經油炸﹐而蝦身是生的。 肉質佈滿藍色的筋及血管﹐賣相有點不太吸引﹐但肉質還算爽口及膠口。加州卷 – 一向對此卷物都很喜歡﹐牛油果的質感給這款卷物添了一份吃落覺得會飽肚的

就在假期的最後一天終於找到可以點的兒童餐了!呵呵，長大以後想找個兒童餐吃總是很困難的...不是沒有此味供應...而是"唔受我玩"而已這天去板前吃壽司揭到尾頁就看見兒童餐了!雖然有點不好意思，我們還是問了侍應可不可以點呢~答覆竟然是"當然可以啦!"嘩，開心死!!!立即點了一個!這兒的兒童餐跟兒昤的大不同，除了那個飛機碟碟，食物完全是兩回事...沒有茄汁意粉，八爪魚腸仔和o者喱，換來的是幾件壽司，玉子和烏冬要談味道的話...壽司算是正正常常，玉子還是暖暖的但味道較淡~烏冬則是十分驚嚇!除了軟稔得像一團粉外，沒有汁乾哽下...真的比即食烏冬更難吃!不過....兒童餐素來都是"好睇唔好食"多...$35也真的不能要求太多...除了兒童餐，我們還點了金三文魚和油甘魚刺身，朋友說油甘魚刺身不太新鮮，我看起來像極生豬肉呢~謝謝朋友仔還我心願，就這樣結束了我的悠長假期呢~

今早原本出去飲茶， 突然想食壽司； 見到板前門口沒有人等位， 所以"宗"咗入去。食味唔錯， 感覺到食材都幾新鮮。 手卷、軍艦都OK。最好味係帶子壽司。

今日(11-3-2010 Thur)見完工搵朋友食lunch,女友人V有時間,就去搵佢啦,唔知食咩好,佢就話板前,好吖.1:20pm左右到o黎,仍然多人,我o地坐bar枱,見迴轉帶上轉o黎轉去o既都係o個幾樣,咁剔紙啦,要o左:1. 加州卷一o黎到我就即刻食,嘩!完全冰凍o架,係o岩o岩o係雪櫃即刻拎出o黎,就咁樣,我就只食到冰凍o既感覺,真係唔掂.2. 抺茶鹽帶子壽司有一撮仔o既抺茶鹽被客人,我蘸o左啲,但食唔出味道.3. 三文魚壽司兩件三文魚薄切,好一般啦.4. 芝味鰻魚壽司唔係落好多芝士o係面,就連食都食唔出芝士味,普通.5. 南瓜天婦羅一碟約5件細細件o既,蛋漿薄如無物,食落,南瓜味道好濃同好甜,食o左兩件竟然有漏o既感覺,掂.一直都諗唔到食咩,o係o度傾偈時,男友call我話食飯,我答o係呢邊,佢就過o黎,我o地諗住轉三人位,但bar枱full晒,請我o地轉order枱,我o地冇問題,不過話要埋o左bar枱o既單先.啊,都冇問題啊,但男友竟然提議索性轉場食.冇留意幾錢,因為係V畀,男友話好似畀o左$100.00

我由2年前開始已經係板前fans間唔中就會去食sushi次次都食到好滿足但今次真係太差了sushi除左個魚生要新鮮之外舊飯都好重要今次d飯太酸了仲有d暖暖地真係令人失望最離譜就係d staff先講樓面有個waiter竟然2次扮見唔到我招手叫佢我知佢係負責出面叫台但至少都應左我叫第二個staff follow再者個時都成9點..好少客等台佢都冇咩做..會唔會太安份守己最令我講唔過眼就係企迴轉的叫HEI的師傅唔知係咪我見識少佢竟然將d魚生由高處掉落針板就好似豬肉佬將d死豬由膊頭掉落地下一樣仲要係次次做order都咁樣佢似係玩緊..笑笑口..我真係好睇唔過眼佢呢種行為食物係用黎食..唔係用黎玩!我未見過一個師傅咁對d食物相信佢呢個行為係出於玩多過提升食物口感而且有客人入黎..佢好輕佻咁求其咁講左句日文的歡迎光臨比平時d waiter 講得更求其!大家可以想像得到有幾求其..講完仲要笑笑口..好似想成為客人的focus但又唔知道其他人對佢gei行為好反感希望板前的負責人見到呢篇評會有所跟進而著黑色衫的"大師傅"都多加留意著啡色的師傅期待下次有所進步!!!!P.S大家唔洗試個金三文魚甘有幾特別本

今日突然想慶祝一下, 好想食壽司, 唔想再食foot court喇~~~有諗過試皇朝, 入面地方咁細, 有排都未輪到啦..皇后又係, 一班人等緊位, 呢期生意好左好附bor.拎住張飛, 仲有成100張先到我......冇誇張真係100張.眼見就唔係好多人等, 我同男朋友邊睇溜冰邊等啦~~等了1小時, 到我地咯.今次算快, 只係1小時是日晚餐:-壽司類 三文魚>> 薄了好多, 冇乜魚味. 見到隔離枱叫了兩round三文魚, 前後有成廿年咁多呀!!! 豚拖羅>> 翻兜. 好味過生文魚喎~~~又唔貴. 板前蝦>> 上次食過翻尋味, 好彈牙, 又冇牡丹蝦咁貴, 可以一試. 空運池魚>> 男朋友叫的. 我食唔出點樣好味....仲要唔平.. 火炙魚背>> 我叫的, 想試下. 個魚好似熟魚咁淋晒, 麻麻.軍艦類 飛魚子墨魚>> 好似就咁叫飛魚子好味d~~ 蔥粒吞拿魚腩>> 吞拿魚少左d, 唔抵食. 都幾香既. 蝦膏甜蝦>> 重蝦膏味, 先食甜蝦果邊, 再食蝦膏果邊其他 鰻魚

今次真係唔掂~~~其實why再寫反呢次食評.......因為自11月4號之後 係其他皮前都食過有骨~~~不過個時冇相機 冇影到..........o爛左 有骨......我由細到大最怕食魚....因為比骨"吉"過喉嚨..................!!!個時重係3蚊 但~最近食正價三文魚都有!!!!!!!離哂譜!!!!!!!個次有叫金三文魚食~不過覺得差唔多 係肥d姐