松記糖水店

營業中

休息中

呢間糖水鋪去過幾次, 次次都好滿意, 款款都好正, 款式又有創意,拾幾蚊個仲要大大件添,不過唔多就腳, 淨係得九龍巴士先到, 所以次次都要專登去, 但仍然會再去.

以$14 可以食到有兩個飯碗咁大的糖水, 的確扺食到不得了,黑珍珠彈牙又好味,值得推介

價錢又平,選擇又多~~食極都唔厭!!最鐘意食"幻彩明珠"~~~~

好好味呀,芝麻糊仲好食過名過其實0既糖朝,另外有個奶黃湯丸都好食又特別

呢到0的熱0既紫米豆腐花...好好味0架!

所有的甜品也很平, 但甜品的質數也成正比.當中也有特色甜品如:青檸馬蹄沙.經常座無虛席....店的面積是小了一點,....但可以一試.

『楊枝金露』加水晶絲，冇得彈呀！

夏季食凍凍的『幻彩明珠』啦！好大碗呀！有各式生果、黑珍珠，重可以要求加奶，香滑無比，香果四溢，只售HK$14。冬季就食熱辣辣的『芝麻糊』啦！實在太香，係松記自己磨粒粒芝麻而成，都係個句：香滑無比，只售HK$9，加兩粒芝麻湯圓，嘩！簡直perfect 呀！佢地o的甜品，甜味適中，一o的都唔“流”o家！

平靚正，比起小小超去、比起小小超同ex-girl friend 去西貢的一間，松記就好得多，停車又方便。

芒果黑珍珠非常好味！十四蚊大大碗，芒果肉又多；本來以為o的黑珍珠口感應該同西米差唔多，點知唔係喎.. o的黑珍珠入口好爽、好正、幾特別~ <br>不過黑芝麻豆腐花就一般喇..相信齋芝麻糊會好食D‧‧‧ <br>

呢間o野糖水款式又多，又好味，極力推薦"哈囉"，呢款千祈唔可以錯過，一碗裡面有"喳喳"、西米、芒果、紫米露、椰汁糕、涼粉....，唔好諗住咁多o野撈埋會好怪，因為味道係出奇地好味喎！唔試下就真係浪費啦，食完會好有滿足感，因為可以一次過食幾樣唔同o既o野，仲唔駛煩三心兩意唔知食咩好啦！

d糖水全部都平過二十蚊架, <br>紅豆沙, 芝麻糊..好多都係十蚊咋,有d仲係八蚊咋,好抵呀! <br>的糖水又唔太甜,好味呀, <br>個黑珍珠真係几得意,有粒黑芝麻係粒西米裡,服務又唔錯, 但個擂沙湯圓就麻麻,好似好多水咁,但其他就好好味! <br>

松記原本得一間，但後來老闆拆夥就變為兩間，個人認為以天悅依間就好服務同好食D，無他o既，因為原本o既大師傅係依間座鎮，佢o既水準好自然有番咁上下。講番出品，佢o既湯丸同清心丸幾好食，當中以馬蹄露加清心丸為最佳組合，心大心細o既食家就可以試下幻彩明珠，因為佢裏面有好多唔同o既配料，值得去試。糖水唔係太甜，正！

呢間糖水鋪初時好細間, 但松記糖水的甜品同抵食料正0 既原因, 巳經成為長沙灣區數一數二的糖水鋪, 而且仲細鋪變大鋪。除左冰凍極品黑珍珠之外, 仲有好多以鮮果為主的甜品, 你可以隨個人喜好, 自由配搭將生果混入糖水中, 而這裏的湯圓夠大粒, 皮薄煙韌餡料多, 但來到這裏必定要試黑珍珠啦! 因為出邊冇得食架^^ 。

如果想知咩叫做賓至如歸，咁就真係要入o 黎呢間舖頭食個糖水先得啦！呢到o 既老闆娘好鬼好傾，同佢講串珠仔都講 成幾個字，不過佢都會問o 下我o 地覺得好唔好食，有冇意見咁.. 講番正題，小妹叫o 左個14 蚊好多料o 既「幻彩 明珠」，簡直可以用生果" 踏踏"o 黎形容，加上黑珍珠特有o 既口感，實在抵食到震！另外朋友仔食o 既呢就係「黑糯米雲石豆腐花」，雖然芝麻味淡o 左d ，比d 糯米o 既甜味所掩蓋，但都算係誠意之作呀！