松記糖水店

營業中

休息中

終於去到正牌個間.(m記對面應該冇錯掛?)堂食雲石豆花,外賣熱芝麻糊.豆花老實講我就唔識點為之靚.豆花個樣都幾似雲石,就咁食就有芝麻味,但攪勻之後就比糖味蓋晒,同白豆花冇分別.我覺得都算唔錯.講下芝麻糊,繼石磨坊之後終於食到間叫做有番下水準既芝麻糊,口感方面都係石磨坊好d,但松記既就比較香芝麻味,可謂各有千秋.如果將兩家既優點結合既話就係一碗完美既芝麻糊.不愧係有咁多人讚既糖水店,我都推薦大家去食.

鬧完青山道係老番, 點知又見倒哩個post, 究竟誰是老番? 店主可否澄清一下呢? 有料又何需偷人地個名呢? 消費者是食味道, 唔係食名, 俾個店名點到暈真係好激氣!!!

在美居中心居住了廿多年,麥當勞對面的松記是兄弟後來開的, 歷史不足8年,青山道那家最初在漢寶酒家對面,(當時漢寶酒家都未開) ,直到大約兩三年前才搬過去青山道, 所以,論歷史計, 青山道那家方為老字號, 但是, 論味道,無可置疑的是麥當勞對面的松記較好.

幻彩明珠d生果好新鮮,明珠又有咬口。另推介楊枝金露,好足料,都係$18,好抵食!

D甜品又平又正又新鮮,特別係幻彩明珠.一定要試!

我同男友同個friend兩pair去食，我都係因為見食評咁好所以膽粗粗去試下，不過就唔係好識路囉!不過唔緊要，因為D甜品真係好好味呀!我樣樣野都想試，但又唔係好餓喎!我地幾個未試左個幻彩明珠，雲石豆腐花同埋琉璃之戀，好好食呀!可能我地早去，唔逝等位!不過我地走時已經好多人等緊喇!(平日喎!)又好味價錢方面又合理!不過唯一有少少唔滿意係嘈左D囉，唔知平時係咪一向都係咁呢？不過呢，我同男友仔得閒一定會去架!因為係我食過最好食既甜品店呀!好想試晒D野，唔知仲有乜野好介紹呢?

shapeshifer只要認識松記糖水的商標(椰子樹內有<br />松記兩個字)便正是本店,本總店在元州街,分店在佐敦道;shapeshifer如有意見,可以在網上交流.<br />AhKi,多謝你,但你一定要試三色湯圓,芝麻,花生,<br />奶皇做餡都幾好食試吓啦!因過年太忙少咗上網回覆各位,請見諒,遅 D 有新消息帶給大家請注意,再見

如果你睇到既話,請問你可否向你鋪頭個site 度加返你鋪頭張相?<br />費事人地又去錯.

聽到大家的食評後，忍唔住走去試下......我上星期食了"哈囉" ，裡面有黑珍珠、涼粉、喳咋，真係冇諗會有o個個芒果汁，好好味~~~!!下次一定要再試下湯圓~~~

最初係屋企人話我知好好食,第一次去係晚上12:00, 勁多人,但總算唔使點等...但之後有一之成凌晨3:00去,嘩!居然要排隊...前幾天去, 大約11:00pm , 當然係要排隊,所以我同表妹叫外賣...但原來外賣都係要等....我地等左5個人外賣先到我地...真可怕..不過好味呀麻...而且價錢都算合理...十幾蚊有碗好味既糖水食...

我要更正番先...好似營業時間冇去到1:00am咁早喎,果次去食都成2-3am 啦...如果想夜去果d可以打去問問先^^

超多選擇, 價錢平, 用料新鮮, 味道都算OK.不過人多時往往要等5-10分鐘D食物至出到o黎

ｍｕｄ糖水都有得食．．<br />又唔貴～又好味～<br />不過如果大間ｄ就好啦．．攪到成日要等！！

"正"

I don't have a refined palate and I am not a very picky person. For the traditional Chinese dessert, I could not tell the difference between C.K.'s and other similar restaurant's. They all taste good but nothing exciting. But, I should give credit to C.K. for infusing creativity into making dessert. All the elements in "Hello" seem so different yet they go very well together. The degree of sweetness is just perfect for me: not too sweet but not blend. Last but not least, I should give a t