松記糖水店

營業中

休息中

講真, 可能係咁岩我叫果樣唔好味啦.....我叫個芝麻薑汁撞奶,D薑味怪怪地=.=,同埋好鬼快變左水.個FD叫左個雪山GE野,佢話唔得囉,我淨係知果件野係有D西米,有舊類似雪糕GE野......賣相認真唔掂,同圖片唔係咁相同.......D最大路GE楊支金露果D就幾OK,講真,如果佢連E D都唔得就真係=.="..........

松記一向好食又平, 一向都係我最喜愛既甜品店之一, 但係今晚去就真係有d失望, service真係差, 我叫個summer都未俾機會人地order2只ice cream就幫我order o左只係一只flavor, 以前都唔係咁既, 可能佢地太忙啩, 俾人feeling好似趕客走咁, 枉我行咁遠黎食仲要受氣.

唔多機會出去食飯,所以一出去,點都要食d 有信心保證o既. 食糖水,呢間一定不少得. (最衰佐敦店冇o左)海底椰馬蹄露清甜得o黎又潤. 食完麻辣米線後,最好o黎降一降火.綠茶奶黃湯丸個餡唔夠滑.都係芝麻好味d. 下次要encore番.

嘩，好多人啊，日日都係咁，真犀利！雖然都好出名，但係ｄ基本糖水，又係唔係咁好食呢？有我鍾愛既豆腐花，都無豆腐味既，得個”甜”字．我男友叫左個什果琉璃，好似西米咁細粒，食落口好彈牙，ｄ生果就淡口喇．人地話哩間糖水鋪出名食榴槤喎，我同我男友都唔食既，唯有下次去試其他野吧．

馬蹄露豆腐花味清甜而香滑,楊枝甘露甜中帶清香的柚子味,好味!價錢不貴,值得一食再食!

終於試到松記甜品!比起許留山....都叫化算...總有佢d甜品真係得.我試過幻彩明珠及芒果豆腐花...不過我都係喜歡幻彩明珠...

４個女仔ｏｒｄｅｒ左４樣野：1)幻彩明珠$14－ｄ水果大大粒好新鮮2)哈佬$14－好似豆豆大雜會3)什果杯杯冰$14－一大碗刨冰，底係紅豆，ｄ材料都幾多，有西米，豆豆，生果，涼粉．．．淋上芒果汁（走奶）4)芒果班戟$12－Ｄcream加上芒果肉都幾滑,皮唔會好硬，但Ｄ芒果肉甜得滯，無咩芒果味，Ｄ餡唔係好大份，ＯＫ咁啦，我唔會番抄囉～

妹妹外賣左個榴槤班戟回來,食過後過得唔係好得,榴槤又唔夠香,榴槤仲要乾乾地似係食緊個榴槤的邊,cream又唔夠滑,皮又硬硬,不好味道

呢間糖水店在食家的食評中可與西貢的滿記，元朗的B仔涼粉，上環的源記平起平座；今次不是等一次幫襯，若要品嘗他們所有出名甜品或糖水，每日一種的話非一個月不可。他們的鎮店甜品哈囉已經試過，名不虛傳，今次試的就是另一種生果類甜品"開心世界"；甜品送上時簡直如其名，睇見已經很開心，先說材料，芒果、密瓜、西瓜、奇異果、椰果、大粒西米、白涼粉、香蕉等，再加上正宗沙冰及淋上芒果蓉，最後加上淡奶，可想而知幾開心！當中的白涼粉據老板娘說是用淡奶加大菜糕加椰汁做成，個人覺得買相很好，但如果椰汁味濃一點及再甜一點，應可將其倍襯角色提升。芒果蓉加沙冰加淡奶加椰果加大粒西米出來效果甚佳，食至中段發覺太甜問店員追加多碗沙冰溝淡碗開心世界都無任歡；整體是開心大過好味，但冇所喟啦，呢的都係食野另一種層次。美中不足的是芒果因季節關係而太酸，影響整體味道！

呢間糖水店在食家的食評中可與西貢的滿記，元朗的B仔涼粉，上環的源記平起平座；今次不是等一次幫襯，若要品嘗他們所有出名甜品或糖水，每日一種的話非一個月不可。他們的鎮店甜品哈囉已經試過，名不虛傳，今次試的就是另一種生果類甜品"開心世界"；甜品送上時簡直如其名，睇見已經很開心，先說材料，芒果、密瓜、西瓜、奇異果、椰果、大粒西米、白涼粉、香蕉等，再加上正宗沙冰及淋上芒果蓉，最後加上淡奶，可想而知幾開心！當中的白涼粉據老板娘說是用淡奶加大菜糕加椰汁做成，個人覺得買相很好，但如果椰汁味濃一點及再甜一點，應可將其倍襯角色提升。芒果蓉加沙冰加淡奶加椰果加大粒西米出來效果甚佳，食至中段發覺太甜問店員追加多碗沙冰溝淡碗開心世界都無任歡；整體是開心大過好味，但冇所喟啦，呢的都係食野另一種層次。美中不足的是芒果因季節關係而太酸，影響整體味道！

只係好普通的用料, 改d古怪既名稱就可以咁旺, 真係奇怪. 食品質素同許留山差不多.馬蹄露既馬蹄只係切片再加糖水, 非常失望. 同以前橫街好細果間松記糖水差天共地.

食過松記，先知道甚麼是真正的甜品(清甜而不是勁甜、用料新鮮)，幻彩明珠同貴妃茶，必要一試，價錢相宜。同樣重要的，是收錢阿姐會有禮地同你講聲多謝，好生意而不囂，難得!!我元朗人都成日出黎幫襯元朗B仔涼粉果D食品(罐頭low埋)，尤其果位收錢阿姐ge咀臉(大坑渠總店)，早抖啦!!真係唔知點解會幫襯佢\咁多年!!

昨晚去深水埗食飯, 晚飯不太美味, 飯後須填補內心的不足感覺, 立即想起去松記食糖水, 進去即點了我的至愛黑白---豆腐花配芝麻糊, 甜甜的芝麻糊加在樕滑的豆花上, 味道一流, 吃罷, 還點了幻彩明珠, 大大碗--有多款水果, 西米, 明珠... 只須$14, 真的抵食, 真的很滿足...

食完飯黎食糖水記得O係分店食過哈佬好味再叫朋友仔要左幻彩明珠哈佬～份量差唔多,仍然係有齊椰汁糕,喳咋,涼粉,面頭加左椰汁同芒果汁,但味道好似無上次O係分店食咁好,幸好阿姐好好人,會自動問你加唔加奶,呢種細心唔係到到有幻彩明珠～仍然係咁大埋頭,只係試左件芒果,但可能因為唔當造,所以有D酸但價錢好似平左而家每樣都只係14蚊唔知係正店同分店既分別定係真係減左價呢?不過以份量同質素黎講真係超值

只不過係一間好普通既糖水舖,真係唔明點解會有百幾個食評??同班fd去,叫左個芒果豆腐花,普通貨色,個芝麻糊湯丸得三粒收十幾蚊,其他甜品真係未見有咩特別呢間野d甜品真係好普通,許x山食個撈都好食過佢