松記糖水店

營業中

休息中

在今年最焗最熱的日子（暫時），放左工要食d消暑野啦！從長沙灣道行入來，已經身水身汗。入到店，都幾多人，夏日炎炎，糖水鋪真係好生意...未入黑都有八成入座率，勁！叫了個應該係全店最貴的雜果綿綿冰 （芒果＋士多啤梨糖漿＋花生）。綿綿冰真係名不虛傳，入口即溶，好神奇... 口感? 真係冇乜，因為已經化左！原以為咁大杯，一定冷到牙關打振... 點知唔係，因為好快食晒！仲有ｄ唔夠喉！不過食一杯，已經一set Lunch的價錢啦，都係下次先試其他甜品啦！

自從上次試過琉璃之後，真係一試就愛上。阿媽去買外賣，我就揀咗什果琉璃。芒果汁和忌廉分開上。一打開蓋，好多晶瑩的琉璃喺面。鮮果全在琉璃之下，有西瓜、芒果、奇異果、蜜瓜和哈蜜瓜。全部生果都很新鮮，很甜很多汁！琉璃份量很多，很彈牙！加上芒果汁同忌廉撈勻，味道一流！

小兔係隻為食兔, 最近終於開帳戶寫食評,當然寫D一定唔可以走寶既食店。松記已經好多人講過, 小兔都由初中食到而家認為要試既當然有D招牌, 例如好岩夏天食既SUMMER, 夠清涼, 雪糕又好好味。小兔介紹過朋友去食, 初時佢地都認為甜品度度差唔多, 最尾當然係我贏啦 ^^除左食SUMMER外, 小兔每次都必點鮮芒果布甸,因為我好鐘意食芒果, 而呢隻布甸上面會有3塊新鮮芒果,下面就係普通既滑布甸,雖然唔係次次既鮮布甸都係好甜, 但係係小兔既心頭好

早前吃過小天使為塵埃準備的Antique蛋糕,塵埃這天也為小天使準備飯後甜品, 希望您們喜歡!塵埃今次不容有失, 最後選了松記的幻彩明珠 ~料款繽紛, 生果新鮮, 芒果醬香甜!外賣, 奶可分開上, 加分也 ~中午, 出車之前, 先打電話到松記, 說要10個幻彩明珠外賣, 15-20分鐘後到 ~到達之後, 由於趕時間回程, 所以塵埃沒有落車,只打電話到店內, 希望店員可將外賣送出來, 店員也很配合 ~由九龍灣飄到長沙灣, 再由長沙灣飄回九龍灣,為的, 豈止10個幻彩明珠!

走去附近的松記(總店,近天悦廣場)食糖水,我要了特色甜品哈囉--(15元,凍食),有椰汁糕、西米、涼粉、粟米、薏米、種子「黑珍珠」及多種豆類,上有芒果汁及花奶,可謂加碼版咋喳好足料,原來咋喳+芒果汁係好好味,食落冇咁甜漏添!Ah四要了幻彩明珠($15)--裏面有雜果、涼粉、大西米等,感覺似B仔涼粉迷你版!見到唔差order多一碗楊枝甘露($18),(欠圖)--無之前個兩碗咁好味,不過食得出用呂宋芒,抵讚!這裏的糖水平得來又好吃,值得再試!

新款野錦棉冰: 見到有其他食評話似朱古力新地,都認同,因為朱古力+花生;不過, 有淡淡的芒果味. ok 啦六寶湯圓: 有六款味, 芝麻味最好,芝麻好香環境唔錯,適合年輕人

去到松記見到各大糖水舖都出左的綿花冰，點都要睇下有咩分別。阿姐推介原味，即係加花生粒 & 朱古力醬，食落個感覺似食緊麥記得朱古力新地，係雪糕換左做綿花冰，份量比其他糖水舖的冰小一點。個人感覺花生粒太粗，如果細粒d會好d。朱古力醬加冰味道有點怪。 $28一個我覺得普通，下次如果再來松記會食返d傳統糖水，會抵食d。

今日經好友帶路去左呢度試下，入到去已經好多人了。叫左 (1.)幻彩明珠@$15；(2.)海底椰紫米露@$15 及 (3.) 咖啡木槺布甸@$10d生果又好新鮮好甜，價錢合理。GOOD=)

經過上次在荃灣店的普通刨冰, 是日決定再戰位於深水埗的松記老店, 目標是雜誌上介紹的綿花冰; 到達正店, 就在天悅廣場對面, 人來人往, 格局和荃灣店同出一轍番看餐單, 多了一頁綿花冰的介紹, 售價一點一便宜, 雜果綿花冰要$33一客, 我和友人各點了一份綿花冰不一會來了, 賣相相當吸引, 視覺上己告知食客其軟綿綿的質感, 底部有雜果和果汁; 綿花冰本身是芒果味的淡黃色, 所以有股淡淡的芒果香味, 冰質入口即溶, 沒有刺口之感, 配以雜果, 相當可口, 與普通紅豆刨冰雲泥之別, 難怪可以多賣$14元喜歡透心涼及刨冰的食客不可錯過

十多年前, 台式刨冰在港風行一時, 熱情果, 煉奶, QQ圓等都在其時引進, 但不知什麼時候開始, 台式刨冰店一間一間的倒閉, 炎炎夏日再想享食透心涼的感覺己不復再看了雜誌介紹的深水美食, 最吸引的莫過於在香港消失了很久的台式刨冰了, 她是位於深水埗的松記糖水是日經過荃灣, 得悉也有松記分店, 和友人同往位於路德圍的松記, 糖水店裝飾以白色為主調, 燈火通明, 下午三四時仍然接近座無虛席, 可見她名氣之盛番看餐牌, 看到刨冰部份, 沒有雜誌介紹的綿花冰, 所以點了紅豆刨冰一客, 友人則點了雜果雪糕甜點不一會送來, 賣相吸引, 以我的刨冰而論, 並非入口即溶, 口感大失, 而且冰上的醬汁亦不夠, 刨冰塊入口還有點刺口之感, 相信若配以鮮奶及煉奶會大大提升這個刨冰的味道, 從而減少口感帶來的缺點雖然這個刨冰只是$19, 相信下次不會再點同一份刨冰朋友的雪糕賣20元, 但他說生果未有雪凍, 大失所望

同老公食完麵就黎食甜品,,老公要SUMMER,,我要幻彩明珠,,1.SUMMER 以前GE SUMMER係用正方形個D碗GE,, E+ 變左圓形碗,,少左生果LO,,, 冇以前咁抵食,, 雪糕同以前1樣味,,冇特別,,2.幻彩明珠 同以前1樣咁多,,D芒果汁同花奶瀉左出黎,, 但係D生果都係少左,,用多左涼粉代替,,生意咁好都用少左生果,,我覺得已經冇咁抵食LO,,下次都係得閒路過先食BA,,5會再特登黎LA,,仲有就係,,D奇異果超超超酸,,

一個很愛坐和一個很愛走路的人~所以很多時候都會做一點很無厘頭卻很悠然的行為~~就像這個寂靜的晚上~在深水埗市中心吃過米線後~卻走到地鐵站內搭了兩個站到荔枝角再慢行至深水埗~~~很無聊? Haha~剛好經過松記~記得數年前剛相識是就吃過一次~結果這個六寶湯丸承諾~五年的時間還沒有兌現~吃不吃也好~就走進去再算吧正值晚飯時間~~沒有太多客人~但在盛夏的感覺下絕對找不到一點想吃湯丸的意慾~但餐牌上出名的哈囉~Summer~幻彩明珠等~其實配搭不是那麼特別~雪糕生果涼粉西米的配搭而己~大比也說得對~糖水店內的生果xx~好像是讓平常沒有太多機會吃生果的人吃到自已喜愛的生果~可惜小比每天至少吃四種不同的生果~所以完全找不到一絲頭緒~最後二人就要了最平凡不過的凍椰汁西米露和熱的生磨芝麻糊~價錢不貴~在新式糖水店有個位價錢的糖水~~芝麻糊一放下就已經很香很香~直覺也覺得面前的芝麻糊是自家磨制的~因開粉的往往都暗淡無光~但也要知道~要提升芝麻糊的質素~很多時在製作過程後期都會加入麻油提升richness~雖然無法知道是芝麻本身質素好得爆油還是真的加了油~但出來的結果就是太油~~連小比這個芝麻糊怪都吃了1

嘩哈哈！阿爸又俾我同阿媽點去買糖水！yeah！又有松記糖水食。買了幻彩明珠、糖不甩、杏仁糊、三色涼粉同芒果琉璃。幻彩明珠依舊清新，生果新鮮，西瓜超甜。大明珠煙煙韌韌，好有咬口，我的至愛！今次加埋奶，口感較rich，但亦多了一份肥膩的感覺。糖不甩多花生碎，糯米糰又煙煙韌韌，好味。第一次食三色涼粉同芒果琉璃。芒果琉璃非常好食，我覺得比幻彩明珠更勝一籌。琉璃清爽彈牙；芒果汁同忌廉分開上。原本以為係奶，試一啖，又唔似喎，較杰身亦較甜，似忌廉多d。將芒果汁同忌廉一并倒下，再撈勻。個味道同琉璃珠的質感好match!芒因亦夠甜夠多汁！三色涼粉呢個就不太特別，三隻色嘅涼粉味道類同。但夏天食都幾解熱嘅！

睇到甘多人話好食..今日同班朋友去...食完真係無咩感受!我地要左幻彩明珠..6寶湯圓..芒果班戟.......幻彩明珠無甜味...6寶湯圓同芒果班戟好普通...跟出面果d無咩分別...唔知師傅係米趕時間...d汁淋到出碗...整差左個賣相..服務方面過得去啦...

女孩子總和甜品有不可分割的關係, 十個女仔有8個都愛甜品. 而相對精緻的餅食蛋糕, 其實我更愛港式的糖水店. 松記回想起來, 我也幫襯了接近十年, 由舊鋪幫襯到裝修後的新鋪, 由初時還未成名, 幫襯到晚晚其門如市, 等位的人多得企滿半條街. 十年來, 價錢變化不大, 水準也從沒下降. 而我近乎10次就有8次是點我的至愛:幻彩明珠（$15) 因貪其夠雜錦，有雜果，有至愛的大西米，有涼粉，有芒果汁．．．一次過滿足所有願望. 而比起其他糖水，亦相對清新．menu其實多了很多不同的食物，近乎全部也試過了，冰燕，琉璃，白涼粉... 都是gimmick, 但味道也遠不及傳統的好．現在還推出了近來很興的綿綿冰($28)，但在塲所見，吃的人不多，或者因為價錢相對貴，而且還未到很炎夏的時間吧． 有機會也會一試.值得一讚是食物上枱時間非常快, 一般不會超過3分鐘; 但亦因為這樣, turnover很快, 想食完再傾計就不太適合了.