松記糖水店

營業中

休息中

有啲唔夠喉，食完西班牙野即刻去隔離食甜品，求其入左呢間光猛嘅松記糖水店。甜品有經典系列，傳統系列，創意系列，冰凉綿綿冰，果皇系列，小丸子系列，甜品DIY，豆腐花，仙草凍，湯圓，黑珍珠，西米露，琉璃，明珠，飲品，小食等。真係花多眼亂。梛皇飄香 $65梛皇飄香即係梛皇鮮奶燉海底梛，係季節限定，可揀熱或凍，我哋揀左熱。梛皇飄香上枱好似好高身，其實最底隻碗係空嘅。材料有湯圓兩粒，三色芋圓6粒，兩片海底梛，同好多西米。湯圓有芝麻，花生，同奶黃。我揀左芝麻。湯圓中型，正常質素，有少少流心，不過說好嘅兩粒變左一粒，原先以爲見到係湯圓點知原來係海底梛，追問完先後上。芋圓簡直係失敗之作，超粉易散開又冇味，暫時係我食過最差嘅芋圓，仲要份量超多。燉奶甜度適中，梛皇質素都正常。鮮奶燉花膠 $60鮮奶燉花膠嘅甜度就低啲。有花膠仔一大塊，不過好麻麻，明顯食到水水哋，係白水焯完先加落去。從未食過咁難食嘅芋圓有5粒，救命。點解要加芋圓？都唔夾！芝麻糊加兩粒花生湯圓加原粒紅豆加極品榴槤雪糕 $65最後加多個DIY糖水就飽到上心口。叫左芝麻糊做底，+$10要兩粒花生湯圓，+$8要原粒紅豆，+$18要一球極品榴槤雪糕。極品

今日喺花墟🌻🌼🌺買嘢, 亞仔話要食糖水,諗起松記, 亞仔仲即刻話要食幻彩明珠, 打算揸車落長沙灣總店, 竟然路過見到太子原來都有一間, 咁緊係近近地喺度買啦點知咁就奶嘢, 太子店啲水果小之餘仲唔太新鮮, 連啲大珍珠都淋pat pat, 完全唔彈, 都唔知食緊啲咩🥺下次都係唔好貪近去番總店好啲

經過太子見到松記甜品，突然之間醒起嘩好多年冇食啦，我記得以前去深水埗食飯之後就會去松記食糖水，我第一次食嘅就係幻彩明珠加朱古力雪糕，因為當時佢都係食呢一個🥰所以今次我都叫返同一樣嘅嘢，回味一下，諗返起過去嘅回憶⋯⋯至於另外一款我叫咗咖啡木糠布甸加曲奇忌廉雪糕，呢一款我未食過我開頭以為似我食開嘅木糠布甸，但係佢嘅質地就好似比較乾啲，唔小心嘅時候好容易會咳添😅，不過呢一個嘅感覺我就唔算鍾意食，所以下次我應該唔會再叫，至於幻彩明珠就同以前差唔多冇乜點變，其實我都唔係好記得以前咩味，即係記得好sweet🥰

这家店深夜和朋友一起去的，门口很多等外卖的，好在店里有位置，就是位置特别挤，他要求一个人至少点一份甜品，我们三个人就一人点了一份，几十的价格一份量很大的甜品，同样价格有的店只能买到很小一份，感觉非常实惠加满足，味道没得说，很赞就是了。

一個字：伏。兩個字：勁伏。經過見到間松記，心諗分店應該都唔差啦，話晒松記都幾好味幾出名，就諗住入去試吓啦點知抱住個期望入咗去，就坐低叫嘢食啦，點知個服務員黑口黑面，第一感覺已經唔爽，啱啱入到去坐低問佢拎個餐牌姐，都要黑口黑面，算數，食糖水重要啲，仲要落漏單問佢仲要同我哋講，啲嘢冇得轉。我好疑問地問佢，我哋兩個人食叫咗兩份，你呢一份冇落到喎！然後佢先至再加一張單……落漏單唔肯認超級難食，芒果又酸，好似壞咗咁，西瓜又係，個西米又硬，應該未熟，食落感覺好似擺咗好耐咁，勁難食，個碗有少少痴痴立立的感覺，環境衛生唔乾淨，唔會再去

今晚係太子食完飯唔係咁飽，經過依間松記，諗住入去食返個飯後甜品。我叫左個榴槤水晶涼粉，我朋友叫左杯西瓜滑冰。一黎到碗榴槤水晶粉，我即刻被果球榴槤嚇壞咗,份量少得可憐半球都無，唔係質素差到咁呀？我即刻同店員講，我之前食開都唔會得半球都無，個店員幫我去廚房嘗試換過球，點知廚房回覆份量係得咁多，無換到就原碗返出嚟。真係激到我一肚氣，旺角太子糖水真係可以有好多選擇，但咁無誠意嘅甜品，真係今生今世唔會再有下次。bad list

🌝好心你唔係台式黑珍珠你就寫出嚟或者貼幅相出嚟整咗啲咁嘅嘢叫做黑珍珠搞到我買咗啲自己唔鍾意食嘅$45得個得咁少 啲雜果得四舊 只有西瓜同哈密瓜 呢個叫雜果？而且啲芋圓一啲都唔彈牙根本就係啱啱解凍嘅一個粉團係就係真係好有芋頭味簡直覺得自己食緊成個芋頭但完全唔好食 好硬打返電話去問係咪比錯外賣佢話佢冇比錯 我哋啲珍珠唔係台式珍珠上面嗰啲黑色一粒粒就係㗎啦我真係聽到頭都大埋唔怪之得嗰度冇咩生意 睇嚟係我俾錢去買教訓🤦🏻‍♀️🤦🏻‍♀️

松記好多年歷史，嚟親唸唔倒嗌咩，我都會嗌哈囉 Hello，因為這個是招牌之一，又咩都有，有黑珍珠、涼粉、椰汁糕、咋喳、紅豆、腰豆等等，加埋鮮忌廉同芒果汁，口感十足。但覺得可以用一個大d的碗，未開始食已經滿到漏汁，放隻匙落去都要好小心，好難搞。友人嗌左一個芝麻薑湯湯丸，湯丸煮得剛剛好，天氣轉涼飲番d薑水暖下身都幾好。今日平日晚上7點來到，可能大部分人未食完晚餐，無咩人。舖頭有d殘舊，餐牌有點污，有待改善。

唔想講太多直奔主題，叫了一個丸子芒果西米露➕芋圓，朋友叫了丸子芒果紫米露，芒果酸就算了，但還有點爛是什麼意思？生意不好就可以將貨但不就價嗎？丸子不煙韌也就算了，咬在嘴裡像是吃了一顆不熟的麵糰😡特別➕了的芋圓也是一樣的口感！45蚊份迷你糖水對於一個鐘意食糖水的人，我都食唔曬啦！算罷了！永遠唔幫襯就是啦！

太子分店水準不一，今次叫個外賣自取返屋企食，我嗌左個金枝玉露+黑珍珠。用匙羹一畢心裡頭第一時間話「咁稀嘅！」外賣就算左貨不對版，點知食緊果陣，食到一舊舊未搣得唔夠爛柚子而食食下居然仲食到芒果皮 真係咩胃口都無晒

好耐無夜晚係街食糖水了，個日同朋友食完晚飯後，就去松記食糖水。 我已經好耐無去松記，記得以前有香芋味綿綿冰，唔知係依家無左定呢間分店無呢。我點左summer，雪糕要oreo同士多啤士味，再另+$6芋圓。不過佢送上枱既時候，我同朋友都呆左呆，覺得好似好細碗咁，幻想應該成碗好滿咁🤣 定係我地真係太耐無食呢。雪糕好味!大西米都好味，煮得好煙韌👍水果都新鮮同甜，但就細份左dd咁🙈我朋友都點了summer，2球雪糕都配oreo廿味。

個皮好散，應該隔咗好多日。咁簡單既班戟都做得咁差真係好失望。另外朋友點的芋圓，又係散，同店員反映冇反應，雖然最近生意差，但如果唔保持食物質素只會更差。雖然我唔會再幫襯，但都希望貴店認真檢討。

2月21日晚上11:30 買咗兩碗幻彩明珠外賣，返到屋企打開一望，嘩，外賣碗都只係裝得三份二滿，食第一啖，淡味到爆，發生咩事？望真d，得d花奶同糖水味，鼓起勇氣再食多啖，點解冇芒果味嘅？搵晒兩碗糖水，一粒芒果肉都搵唔到，連芒果汁都冇，發生咩事？睇下有咩水果， 得西瓜，哈密瓜，涼粉，加d珠，係咁多，咁樣收我$35蚊碗糖水？我試過咁多間松記，呢間肯定係我食過最差嘅一間，一定冇下次，亦勸大家都唔好晒錢幫襯。

同好姊妹👭🏻係附近食完雞煲, 👧🏻話想食甜品, 所以就周圍行下睇下食邊間好, 行過見到松記, 大埔分店已經食過好幾次, 覺得都幾唔錯, 於是我地就決定試下e間分店😊 我地叫左兩個綿綿冰🍨, 落單後10分鐘到就有得食啦, 仲係咁大碗, 正!😆豆腐味綿綿冰🍨豆腐味都幾濃郁, 口感鬆化, 入口即溶, 入面仲有好多益力多味爆爆珠同雜果啫喱, 甜甜酸酸好好味😊芒果益力多雙色冰益力多味比芒果味更出, 同樣口感鬆化, 份量亦非常多, 幾抵食!😋

服務太差，食芒果仙草凍，只有芒果系凍，其他配料一d 凍都無。服務態度又差，同個個女仔和肥仔伙計講點解吾凍，當然佢答，系甘架啦。千奇吾好再去食。呢種服務態度完全吾得。朋友食珍珠綠豆冰，系完全一粒冰都無。系要同佢講先幫你加冰。呢d 服務咪叫無奇不有。