今日難得無帶飯，就叫下公司附近外賣食下先。呢間松屋係MPM開左無耐，近朗豪坊同雅蘭，外賣自取都好方便😌😌比較傻嘅係，唔知點解無得上網比定錢，只可以到現場付款等候外賣，可能想食物新鮮送到客人手上掛？！我今日叫左個柚子鹽醬雞肉定食，再額外叫多隻溫泉蛋同埋山藥泥，超級豐富😆😆打開個飯，發現係超級多多蔥🤣🤣完全舖晒面，遮晒d雞肉同飯，鍾意蔥嘅應該爆開心。雞肉都有5-6舊，柚子嘅味道好清新，鹽味同蔥嘅味吊起左雞肉嘅味道！加埋好夾！我本身鍾意撈飯嘅，所以倒埋溫泉蛋同埋山藥泥入去，有少少稠稠嘅感覺，唔會太濕，山藥泥本身有佢獨特嘅味道，但又唔會搶去d柚子雞肉嘅香氣，好好食🤤 沙律都好大兜😅😅😅附送埋獨立包裝芝麻醬，等你個沙律唔會出水，very goood ah！唯一比較差嘅係麵豉湯，好鹹，之後會口渴係咁飲水，下次轉其他野比較好🙂太可惜得我自己一個，下次叫埋人地一齊食，實行試多幾款先。…查看更多
