東記上海麵

營業中

休息中

首先講我和朋友去到都未揀枱就已比人問係咪食豬扒麵，我地話係，佢仲問飲唔飲嘢，我地都話飲，佢就分配我地坐叫飲品果邊d枱，呢個係無問題的？我和朋友正望住掛在舖內的餐牌傾緊食咩之際，個女人就走埋來問我地食咩，聽都未聽得切佢講咩就要我地答佢想食咩，我同朋友對望大家都唔知點之際佢好趕急咁再問食咩，我地大家都比個女人搞到食嘢感到有壓力下就求其叫，因我地都係為炸豬扒和炸雞翼而慕名而來一試 ，我地叫左兩碗雪菜幼麵，炸豬扒，炸雞翼和兩杯凍檸茶少甜， 承為126蚊，比錢食嘢係預左，但食物真係唔掂，碗雪菜幼麵到枱後起碼8分鐘我先食，但麵依然係硬的，炸豬扒好硬唔好食，炸雞翼都可以，凍檸茶正常，在我地進食期間，𣎴停有股怪氣味，傳來酸酸臭臭嘅味道，有點難受，朋友叫我快d食定走啦，試一次就夠，唔會再幫襯！

呢間大埔名物相信好多人都食過，今次都係慕名而來。原本想試另一間，不過好似話轉咗手，所以試咗呢間先下次再去另一間。.嚟到呢度梗係叫雙拼啦，因為單雙拼同價。朝早過嚟唔想食咁多炸嘢，所以叫咗菜肉雲吞併雞翼粗麵。一上枱就俾佢個份量嚇親，冇諗過雙拼都有四隻雞翼，呢個價錢來講非常抵食！.雞翼啱啱炸起，外皮香脆入面嫩滑多汁，超級好食😋 平時得兩隻或者三隻要就住就住咁食，今次有四隻食返夠皮！雲吞皮有啲淋夾起有啲散，下次未必會再叫。.另外一個朋友叫咗雙併牛腩加雞翼，同另一個單叫牛腩嘅份量其實一樣，所以過嚟記得叫雙併啦！

香脆好食大埔豬扒😋今次去到叫咗炸豬扒拼榨菜肉絲河粉，朋友就叫咗個單拼豬扒菜飯。餐廳榨菜嘅份量俾得好多😂啱晒我呢啲鍾意食榨菜嘅人，基本上係俾咗個榨菜肉絲山，榨菜食落係爽脆口感索索聲，而且河粉亦都大大碗，食完一定會夠飽。炸豬扒熱辣辣🔥仲大大件👍🏻脆卜卜嘅外皮、外脆內嫩又醃得入味，令人想一啖又一啖咁食唔停🤤🤤單拼豬扒菜飯十分抵食，豬扒份量非常之多，炸粉唔會太厚配菜飯一齊食味道一流😋，菜飯夠濕潤，菜量亦都好多。

經過大埔街市, 突然想起好耐無食過豬扒麵, 就走了上去幫襯 (上次應該係疫情前了)當時已經係過了下午三點, 可能午市高峰期已過, 去到就有位, 不用等.但由於係周末的關係, 去到坐低時好多都賣晒了,  還是雞翼及豬扒還有, 就叫了一個雞翼豬扒麵, 上海麵已沽清, 只有幼麵及米線, 於是叫了幼麵.豬扒及雞翼先到, 豬扒厚切大件, 雞翼也大隻, 炸得唔錯, 雖然只係微暖, 但仲好食的因為 好多人都讚過, 這裡就唔重覆了幼麵來到, 食了一口, 好硬好硬, 頂唔順, 叫店員拎返去再煮一下, 過了兩分鐘, 又送回來, 發現佢係連麵連湯連蔥花重煮的, 但問題來了 本身個湯底已經無乜味, 大約都係雞粉加水煮出來個種, 因為麵底好大的梘水味, 所以成碗湯都係梘水味, 好難食, 真係好難食, 連廿蚊一碗雲吞麵的麵底都不如結果我食了一半就放棄了.

🐻咁岩近來多去大埔工作，所以要尋找更多好西試吓 🤤 大埔墟街市既熟食中心，收埋唔少地道風味 😏 今次食尼間就係出名炸雞翼炸豬扒❗️⁡🐻の試食‼️✨雪菜肉絲豬扒米線 $46✨榨菜肉絲雞翼米線 $46⁡最有趣係隔離鋪會問你飲唔飲野，而且野食飲品一到就要收錢先 😆 東記既炸物會分開上，而且份量都幾多有四件🤤 如果你問🐻，炸物黎講雞翼係幾唔錯，炸粉薄身又脆卜卜，反而豬扒唔算好驚喜😝 撈埋滿滿既雪菜肉絲/榨菜肉絲，係幾正既 😋 特別推介隔離鋪既凍奶茶好正，推❗️⁡

今日突發要到大埔墟街市買餸，上到樓上熟食中心隨便搵一間坐低食個下午茶， 結果見到東記上海麵好多人食嘢， 又見到個個都係叫豬扒或者雞翼麵， 諗住唔會差得去邊，所以都叫咗個豬扒麵試下， 但結果出乎意料，真係超難食，從來未食過咁難食嘅豬扒， 唔明白點解可以咁多人幫襯，其他食品冇試唔知道質素！本人第一次寫食評， 今次忍唔住都要寫，原因真係唔想有人因為佢嘅名氣或者見到多人幫襯而中伏！

📍大埔東記東記係大埔名物嚟㗎🥰嚟開都一定會嚟食！介紹左唔小朋友仔過嚟㗎😆個個都大讚🤭雞翼拼墨魚條 $46個個都讚呢到嘅豬扒🐷但其實雞翼更好食😍唔太油，新鮮炸起！🔥醃得啱啱好✨唔會話冇味同好咸！所以次次嚟都係叫雞翼！雙併仲唔洗加錢㗎！仲可以單叫雞翼做加餸添！飯都食多幾碗啦😚😚😚面嘅size 好粗😙比較似烏冬，口感好得意😎都幾鍾意❤️好味：❤️❤️❤️❤️🖤扺食：❤️❤️❤️❤️❤️

[ 東記上海麵 ]除咗附近嘅新街市，宜家廣福道都有得食東記嘅上海麵，舖頭比起新街市坐得較舒適，裝修走懷舊老香港風格。✿ 炸醬 併豬扒 上海麵 $46炸醬辣辣地，仲有少量辣椒 🌶️，粗身嘅上海麵沾滿炸醬食，好惹味🤤🤤。✿ 雪菜肉絲 併雞翼 上海麵 $46雪菜肉絲份量多，雪菜偏大條食落有口感，本身已有咸味，配埋肉絲食喺唔會出錯嘅組合。來到重頭戲必點招牌炸物·炸雞翼&炸豬扒，炸粉薄身，外皮脆口，但仍然保持到豬扒&雞翼嘅鮮嫩肉質。✿ 酥炸墨魚條🦑🦑 $38有6條墨魚條，炸得色澤金黃，唔會炸過龍，內裡除咗墨魚肉，仲加入粟米粒🌽。✿ 手拍青瓜🥒🥒 麻辣 $22呢款涼食可以揀原味/麻辣，食完炸野食翻個涼菜有點透心涼嘅感覺，酸酸辣辣，愈食愈想食呀。總結🫦地理位置超方便，入嚟大埔第一站可以去食咗雞翼豬扒麵先，廣福道落巴士行1-2分鐘就到，非常建議大家加入行程之一😉。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿東記上海麵地址: 大埔廣福道144號地舖電話:63121753 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

馳名炸物上海麵，連發哥都成日去今次叫左炸豬扒榨菜上海粗麵，炸墨魚條肉燥麵麵就清甜幾好，重點係炸物，個皮炸得好脆身，調味適中，一口接住一口！好好食！豬扒有啲肥，肥膏油炸完咬落滿口油脂香😋炸墨魚條入面有厚實肉，味道普通，但都好好味😋

東記上海麵🍜📍 大埔鄉事會街8號大埔墟街市及熟食中心2樓CSF27舖➽➽➽➽➽➽➽➽➽➽➽➽➽➽➽➽➽➽➽➽➽咁岩經開大埔🙆🏻‍♀️，一直都好想試呢個好多朋友推介既正宗上海炸豬扒麵😎，今次終於有機會食到啦😍。不過，小編去既當日係星期日，比較多人，等得有d 耐， 所以建議想食既朋友仔，最好就平日去😏。唔好期望個環境會係好靚， 但食物水準係高分既。🌟炸豬扒拼炸雞翼麵 $44無論你揀單點定雙拼，都係收你$44😂，好抵食🤭。仲要勁大份。 先講下個豬扒先， 同出面食既炸豬扒最唔同既地方係，炸粉落得超少，口感同埋味道都好似上海地道既做法。另外個雞翼都好好味😋👍🏻， 值得一試既。🌟奶油豬 （唔記得價錢）兩個人，叫一份奶油豬就ok la 🤣, 真心覺得大份，味道口感方面，係外脆內軟既，超好味🤤。整體推介指數：❤️❤️❤️❤️🤍➽➽➽➽➽➽➽➽➽➽➽➽➽➽➽➽➽➽➽➽➽

🤪入黎大埔一定識東記既炸豬排老店係新街市熟食檔經常排長隊今次一於食新店廣福道呢到好處係有埋飲品order🤏有冷氣 座位坐得舒服 同埋少啲人流排隊先東記雙拼係會抵食啲叫左炸豬扒、雞翼、墨魚卷、牛根拼麵豬扒肉質結實 配上香口炸漿 食落唔太有雪味懷舊式既味道 唔會成塊豬扒得瘦肉咁柴口有脂肪油香雞翼炸得脆口 食落有南乳咸香味😌墨魚卷就好彈牙 配有啲粟米青豆蝦粒🤤🤤🤤至於牛筋真心推薦 ❤️ 超淋入味已經好多地方食唔到呢種（滑劣劣）麵既份量唔算大份 不過都夠食既水準味道同老店差唔多 但新店會環境衛生啲～～

去到大埔墟街市熟食中心，實諗起大埔名物東記豬扒麵，大埔人應該一定識，東記選擇唔多，基本上睇個招牌已經講晒出嚟，主打就係炸豬扒同炸雞翼，兩樣都做得好出色，好多人都慕名而嚟。熟食中心就係大排檔坐位，樓底高，座位都好企理，店員都有禮貌。#炸豬扒併菜肉雲吞上海麵 $42炸豬扒即叫即炸，好大塊，大塊過塊面，炸粉唔厚，炸得好鬆脆又唔油膩，豬扒醃得入味，依附住豬扒條肥膏位好甘香，淨係食塊豬扒都好飽，仲有4粒足料嘅菜肉雲吞，加埋秘製辣椒油撈落上海粗麵度，食唔停口，份量好夠好抵食。#炸雞翼拼雪菜肉絲上海麵 $42呢個價錢已經係雙拼，麵底有幾款可選擇，不過店名既然都叫東記上海麵，梗係叫返上海麵啦，仲有少少懷舊嘅感覺㖭。炸雞中翼有四隻，炸得香脆唔油，一樣醃得入味，雪菜肉絲炒得鹹香，濃郁味道加埋淡口嘅上海粗麵一齊食啱啱好，湯底就比較清，仲有兩條菜心。呢度就無飲品供應，飲嘢就幫襯隔籬店。#東記上海麵地址：大埔鄉事會街8號大埔墟街市及熟食中心2樓CSF27舖

相信大埔人一定認識。人氣豬扒麵*東記*原來開咗分店。位於大埔墟廣福道。要數招牌名物。一定非炸豬扒炸雞翼莫屬🤩。✨菜肉雲吞豬扒粗麵菜肉雲吞有四粒。細細粒一啖一口幾過癮。豬扒炸得乾身唔會成口油👍🏿。✨竹筍菜肉雲吞幼麵朋友也大讚雲吞皮薄喊靚✨淨豬扒拼雞翼Wow….份量超驚人。有三塊豬扒+六隻雞翼。豬扒啖啖肉唔鞋口。炸粉唔厚。唔怪之得成為店鋪名物❤️。值得一讚上枱已經超窩心。用膠盒裝住食唔晒可以拎走😎。

✨豬扒榨菜肉絲上海粗麵豬扒份量唔少 大約有一塊半左右炸得酥脆 肉質結實 略嫌有少少乾硬榨菜肉絲 榨菜爽脆惹味 肉絲普通正常上海粗麵略嫌腍左啲 湯底偏清淡✨雞翼上海粗麵雞翼有五大隻 外脆內嫩 仲有少少肉汁上海粗麵麵質一樣過腍 整體可以總結：食物可以 雞翼比豬扒出色 豬扒好普通 但雞翼都唔係神級 個人覺得份量十足先係賣點環境可以 位於熟食中心內 但都算企理服務還好 如果口罩戴好啲就更好🙈價錢合理 以呢個份量都算幾抵食但其實冇乜特別 經開都可以一試

大埔名物炸豬扒上海麵🤤由街市熟食中心開到地鋪除咗招牌名物炸豬扒外🐷其他炸物同樣出色吸引😋🍜 炸醬豬扒配上海粗麵 $44呢個價錢有兩個餸認真抵🤤上海粗麵口感特別似烏冬🤙🏻炸醬偏辣多過酸但配麵一流😋炸豬扒金黃酥脆食落肉質結實🤤唔會太厚炸粉唔會薄肉唔會韌身🍜 牛腩炸墨魚條配米線 $52牛腩煮得稔但食落肉質唔爛牛筋唔多但都算啖啖肉🤤🤙🏻墨魚條外脆內軟入面仲有粟米味道鮮甜肉質彈牙可口😙🤤 炸雲吞 （六隻）$32雲吞偏小巧但勝在皮薄餡靚食落香脆惹味加酸甜醬一流🥒 麻辣手拍青瓜 $20個份量都多算幾足料🤩辣得嚟幾過癮又爽口😋食完炸物仲可以清熱氣😙