60
15
6
港鐵上水站 A4 出口, 步行約6分鐘 繼續閱讀
電話號碼
26720028
開飯介紹
懷舊粥店如竹蔗茅根粥,明爐燒鴨粥,柴魚花生粥等 繼續閱讀
營業時間
今日營業
06:00 - 16:00
星期一至日
06:00 - 16:00
付款方式
現金
其他資料
泊車 詳細介紹
電話訂座
加一服務費
以上資料只供參考, 請與餐廳確認詳情
招牌菜
竹蔗粥
食評 (89)
等級2 2024-03-19
135 瀏覽
粥店可以由上水匯經天橋過來,尚算方便。一早起來,友人就話想特登來上水食早餐,一坐低見到優惠套餐餐牌,粥+小食+飲品夾埋$35蚊,都幾抵食。我哋叫咗呢幾款,總共🟰$70,食物好快到。🌟艇仔粥 (大大碗,好多料,有水發魷魚,豬肚絲,豬皮等等),面頭仲有少少油條同脆花生,啖啖都好足料)🌟豉油王炒麵 (爽口,夠味,配埋芽菜同蔥,有口感)🌟蝦米腸(有驚喜,同比時出街買的好唔同,好滑軟糯,多蝦米,好食😋,混醬芝麻任加)🌟碎牛粥(無特別)🌟豆漿 x 2 (偏甜)食完係超飽🤣🤣 繼續閱讀
(以上食評乃用戶個人意見 , 並不代表OpenRice之觀點。)
今日去咗家店食晚餐,氣氛溫馨,菜色潤眼,一於叫咗碗雞絲皮蛋粥,口感滑溜,皮蛋夠香,嗰陣雞絲撞落口嘅感覺,真係正👍!枝竹蔗粥夠晒清新,幾滴糖水嘅甜都融入晒粥底,一食即溶。轉吓口味,試咗碟咸魚肉餅飯,肉餅香辣辣,拎嚟夾飯,簡直就係絕配,食到停唔到口🍚🌶️!今次食評寫到度,下次有時間,我一定會再去試其他菜式。記得呀,去開花粥塲,不妨一嚐呢家東莞佬嘅古早味,絕對會令你懷緬舊時嘅地道食材同煮飯手藝!😉🥣 繼續閱讀
(以上食評乃用戶個人意見 , 並不代表OpenRice之觀點。)
等級4 2023-08-20
321 瀏覽
呢間東莞佬我地由細食到大,好興幸咁多年都係道。我地多數都外賣番屋企嘆,但真係第一次寫review。低食,食物質數又中上 (大家記住係街市)。今次外賣碎牛粥,蔥花蝦米腸,炸兩,炒米。佢地既炒米好多時都賣晒,炒得好有鍋氣,以前再多d牙菜架,會仲正。炸兩雖然做唔到脆卜卜但份量足。蔥花蝦米腸好香都係低食~Recommend this congee place to travellers if you would come into Sheung Shui 🤭 繼續閱讀
(以上食評乃用戶個人意見 , 並不代表OpenRice之觀點。)
等級3 2022-12-17
571 瀏覽
🎈食物:🌕🌕🌕🌕🌑今次叫左菜乾粥、炸兩同熱豆漿,加埋都係40$,好抵食👍🏻👍🏻👍🏻個菜乾粥真係好好食,仲要有成粒𧐢屎係粥,超入味,炸兩有蝦米係表面,大大份,足料,係個熱豆漿麻麻😂🎈環境:🌕🌕🌕🌕🌑街市既環境,不過唔多人,可以自己坐一張圓枱,擺到袋😁😁😁🎈服務:🌕🌕🌕🌕🌑出菜率超快,叫完好快有得食😁😁😁🎈回購:🌕🌕🌕🌕🌕菜乾粥一試難忘,一定會回購,豆漿就….🤣🤣🤣 繼續閱讀
(以上食評乃用戶個人意見 , 並不代表OpenRice之觀點。)
位於在熟食中心既一個鋪位,餐牌貼係鋪面,大大隻字,非常當眼。為既係食竹蔗粥,因為冇食過,亦係第一次聽。仲有多款粥品、油器、糕點、蒸飯都有。早市11點左右到,一坐低侍應姐姨姨好快落單,基本上食物5分鐘內送到。竹蔗粥套餐($31),已經煲好一大窩,所以一叫就即刻送到。超香竹蔗味,顏色仲要係深啡色,d蔗糖煲到出哂顏色,超好味。粥料有紅蘿蔔、豆、淮山(?)等等,就好似平時飲竹蔗茅根既味,但仲要濃幾百倍,鍾意食甜粥既人唔好錯過,一個人食哂成碗冇問題。套餐叫左炒米,超大碟,成座山。炒得香口,米粉透透地明,有少少芽菜,可以自己加餐枱上面既白芝麻、醬料。雖然冇咩配料,但鑊氣夠。眼見單點外賣既話,超級大盒,滿到瀉咁濟。魚片牛肉粥($24),即叫即熟,熱辣辣,送上枱仲冒煙添。牛肉軟林,滑身,而魚片雖然有少少骨,但滑嫩。食完甜粥食鹹味粥,鹹香味濃郁。份量亦都係大大碗。整體,環境衛生雖然一般,甚至唔係人人接受到,但熟食中心有林林總總既餐廳,想食咩都有,仲要價錢平到笑,但食物味道唔差,仲比想像中好食。體諒人手唔多,但出野食快,見到侍應廚師老闆好忙碌,辛苦哂。 繼續閱讀
(以上食評乃用戶個人意見 , 並不代表OpenRice之觀點。)