影片
以上資料只供參考, 請與餐廳確認詳情
都係嗰句，望過下我食評都知我本身真係甚少會畀Like。我本身亦都唔係特別要去支持啲乜嘢小店，呢間小店唔係嗰啲米芝蓮級嘅服務，但係食物方面絕對係我真心推介。呢間小店唔近地鐵站，都行咗十分鐘左右先去到。好想寫得佢好好但又擔心佢出咗名之後就會好難book位，心情好矛盾。今日有同事生日，所以就同咗佢嚟呢一間小店。生日快樂！三個人打開個餐牌好多嘢想食但係眼闊肚窄。最後只係叫咗圖片嘅四味海鮮。本身佢個象拔蚌刺身都話好似冇貨，問完店完之後就叫咗老細去攞個象拔蚌返嚟解剖。問佢今日有冇蟶子又好似未有貨，結果老細又係去咗攞啲貨返嚟。話想食扇貝又話好似要去糴返嚟先有，結果老細又係去咗拎三隻扇貝畀我哋。下次唔止食咁少。蒜蓉粉絲蒸開邊虎蝦。扣佢一粒星星係因為我食到其中一隻有少少梅，但係其他全部都係好實淨同好新鮮好鮮甜。想知啲蝦身唔新鮮，望一望佢條尾，撐開曬嘅就係新鮮蝦，夾埋曬嘅就係唔夠新鮮。啲粉絲放咗喺底，索曬所有精華，重點係佢調味係啱啱好，唔會過鹹，但好惹味。平時我去酒樓食親蒜蓉粉絲蒸都唔係好夠膽食曬佢哋啲粉絲，因為多數都好咸，食完一定口乾舌燥，仲要試過啲粉絲唔熟，一係就熟到碎嬸嬸。今日清曬。蒜蓉粉絲蒸扇貝，雖然個面有少少蒸爆咗，但係依然係好鮮甜，同埋個心係啱啱熟晒。影出嚟好似細細隻冇乜嘢，但係一夾起手好厚肉，不得了。同樣，蒜蓉粉絲清曬。佢個豉油熟油調味啱啱好。加拿大野生象拔蚌刺身。三條友費事食咁多叫咗斤半，都係$400幾左右。不得了，好先甜，好爽口，好有海鮮味。有啲人未必鍾意類似赤貝嘅海鮮味道，呢隻象拔蚌有但係無赤貝嗰隻血腥味。同嗰啲養殖蚌食落好削無乜味嘅冇得比。雖然佢個豉油唔係刺身醬油，但係點少少已經好提鮮，亦減咗貝殼類海鮮嘅嗰陣所謂腥味。老細仲專登拎咗象拔蚌個膽去幫我哋炒個豉椒炒蜆。一食真係不得了，直過咁多間小炒都未試過有一間舖頭會專登幫我哋攞埋個象拔蚌膽去炒。旨味豐富，濃厚而不咸，嗰種濃厚嘅感覺係日文所講嗰種コク嘅感覺，係一種你感受到有層次、豐富、濃郁、沉穩嘅嗰種。而唔係一味嘅死鹹。講完佢嘅執底又可以講下佢啲蟶子，蟶子好大隻好先甜，冇沙，肉質爽，同埋佢炒埋個象拔蚌膽，個膽都好好食！因為都仲有少少象拔蚌肉喺入面撈埋，炒完都仲係爽口。早前都仲有食家問開我應該去邊度食海鮮。因為我以前去開嘅幾間都係守唔到業，做做下不敵租金同成本上將問題而質素慢慢下降。所以我一時之間都諗唔到有咩邊間好推介。不過，我諗目前為止我會推介呢一間。
繼續閱讀
我只能夠話呢個酸菜魚係我食過嚟講，最唔似。我覺得佢係落錯單，落咗水煮魚，之後上到枱，我哋發現唔係酸菜魚，舖頭就係咁掉幾塊酸菜落去咁就算囉最後我哋當然唔食啦，食落去根本都唔係酸菜魚嘅feel，但係我哋都照俾埋酸菜魚嘅呢碟餸錢。唔好推薦啲朋友去！我只能夠差評再差評
繼續閱讀
東源小廚位於油塘，是一家以粵菜為主的餐廳。接下來是菜品。東源小廚的菜品種類繁多，有各種粵菜選擇。我們點了幾道招牌菜，其中最受我喜愛的是他們的蒸蝦和燒味拼盤。蝦肉鮮嫩多汁，蒸得剛剛好，保持了原汁原味。燒味拼盤包括燒鴨、燒肉和叉燒，每一樣都烤得香脆可口，肉質鮮美。此外，他們的炒飯和炒麵也很出色，口味濃郁，配料豐富。除了菜品的味道之外，東源小廚的菜式裝飾精美，色彩鮮豔，令人食指大動。他們注重每道菜的擺盤，使整體餐點更具視覺吸引力。餐廳的環境舒適寬敞，桌椅整潔，讓人感到放鬆。
繼續閱讀
就算油塘海旁的新屋苑不斷入伙和興建, 油塘由工業區變成中產住宅區, 但係是這裏餐廳的菜式種類依然比較單一, 撇開專劏旅客的海鮮餐廳來說, 都是以連鎖集團和快餐為主, 說是美食沙漠應該比馬鞍山更為貼切. 這家東源小廚已是這區比較新, 以及比較全面的餐廳, 除了碟頭飯, 小菜種類和所花功夫, 已經比大部份同區食肆來得好. 例如今次店的水煮魚, 魚肉嫩滑大塊, 也不會煮到散開, 麻香而不死辣, 還有大量的蒜蓉, 吃起來夠爽但不辛苦.炒粉麵飯則是有濕炒肉片河, 豉油王炒麵以及咖喱牛腩飯. 炒河和炒麵沒什麼問題, 前者的芡汁和後者的豉汁平均分佈在河/麵身上, 河粉和幼麵不會容易斷開又或者糊化, 味道也正常. 反而咖喱牛腩飯的咖喱汁顏色如螢光黃一樣, 就知道味道不會太香和辣, 果然如此, 就是很快餐店的平淡味道, 沒有層次, 辣味也很平淡, 就算牛腩份量不少, 吃起來也有點棄之無味的感覺.Tong Yuen Kitchen is a rare restaurant at Yau Tong that provides variety of Cantonese/HK style food. The spicy fish is nice with full of garlic. Texture and taste is good and the spicy taste will not be too hardcore. The fried noodles are ok as well but the sauce of curry beef brisket rice are too flat and too watery.
繼續閱讀
肚仔餓諗唔到有咩食,見到呢間餐廳食評唔錯就試試佢啦位置有少少偏僻,周圍都係地盤但呢間餐廳係黑暗既道路獨自發光都好快搵到晚飯時間一入餐廳都見到已經坐滿好幾枱客, 仲有VIP房tim燒鵝飯 $60 以為鵝會好少份量, 打開竟然有例牌份量 鵝肉唔嚡不過整體黎講算偏瘦, 鵝皮唔夠脆同鬆化椒鹽鮮魷 $128炸粉唔厚又夠脆, 炒得好乾身, 食落唔油, 魷魚爽口咕嚕肉 $98鑊氣之作 酸甜balance 送飯一流 但肉份量有d少 值得一讚既係外賣都仲可以keep到熱辣辣 下次會想再去試埋堂食🤤
繼續閱讀