東海堂 (港鐵觀塘站)

營業中

休息中

東海堂的蛋糕的確吸引，不過味道總是差了一點。上次說了流心芒果 http://www.openrice.com/restaurant/commentdetail.htm?commentid=2101920 ，今次就買了「五重之朱古力」，用作慶生。平均來說，整體來說，甜度可以再低一點，朱古力的濃度可輕微上調，大約七十度會好一點，感覺到在用不同質感的朱古力，而用的朱古力味道是還不錯的。五層，最底是朱古力脆餅，與面層朱古力球是一樣的味道，香口脆身幾特別，甜度高。最上面的是慕絲，說用了北海道牛奶，不過說真的加在朱古力上發揮不到其美味。兩層蛋糕分別是黑森林和法式牛油蛋糕，沒有刻意分開來吃，中間的一層是個人應該最好吃的部份，那66%特濃朱古力，網上看報章說是Ganache，對我來說則是質感比較實的Cream，幾年前在澳門的音樂豆咖啡上吃過的朱古力蛋糕後再遇見的次數實在不多。這蛋糕值笑臉加三分，但背後的心意，比蛋糕好吃重要得多，希望你多年後看到，也會會心微笑。(@nov10)

揀左東海堂的出品，男友喜歡的朱古力而我就揀左要 黑白朱古力蛋糕 ，貪佢外形好睇，岩曬我地影相蛋糕的面層有數粒莓(是紅莓 加 藍莓)令蛋糕更色彩繽紛而且仲有黑白的朱古力條蛋糕採用法國Valrhona黑、白朱古力製造味道有反咁上下而且仲係蛋糕內整左慕思夾層分別有黑森林及原味兩款蛋糕可以一口食到 4 個感覺有白朱古力的香，原味蛋糕的甜黑朱古力的濃 以及 黑森林蛋糕的軟蛋糕的價格雖然貴，不過貴都值得

今天看到北海道牛乳芝士蛋糕的實體， 好雪白， 好漂亮，忍不住就買了一塊回家。和小店鋪的芝士蛋糕比較，我以為東海堂的應該比較好吃。可是事實是相反...這件北海道牛乳芝士蛋糕分成4層：1．上層是白色的糖霜吃之前我以為是白朱古力碎，樣子明明是朱古力碎，可是一口吃下去就驚訝的發現，只是糖霜... 囧“ 怪不得可以白得那麼漂亮... 白朱古力一般都帶點微黃色。這個高雅的樣子卻是這種品質...吃了2口吃不下去， 就把剩下的糖霜掃到一旁去了。2．奶油很可怕的是... 是一般美心﹠東海堂的西餅蛋糕所用的奶油，吃下去就是很油膩的感覺...3．軟芝士不是cream cheese那麼多水份, 又不像一般cheese cake 那麼厚實。很慶幸這一層是蠻好吃的。美中不足的是蛋糕中間有個蠻大的氣孔... 沒打云...雖然有一點乾身，吃完舌頭上會留下一層油，難道加了牛油進去？不過這樣的芝士蛋糕的確是美心的味道...4．OREO底這的確是要扣分的，因為OREO底並不平均的鋪在底部，有些和上一層的軟芝士混在一起了。而且這層餅底是黏黏的...不知道是芝士沁下去了，還是OREO做餅底的時候是連中間的夾心CREAM一

由於早前買了10張餅卡，就黎換吧但觀塘分店的蛋糕選擇比較少 ， 所以tiramisu口味的選了2種1 )tiramisu 3角形 : 食起上黎比較實…而且酒味唔重 2) tiramisu : 軟綿綿的感覺…不過面層的粉吃起上黎有點狼狽3) 栗子蛋糕 : 海綿蛋糕夾住栗子cream….一軟一硬好好味牙不過不喜歡蛋糕上的草莓4) 北海道牛乳芝士蛋糕 : 輕輕的cream 再加上濃濃的芝士 ， 中和左膩的感覺而且配上oreo餅底就更加好食

今日爸爸生日,本身打算訂蛋糕,不過想到食完晚飯後,大家未必再食得到大蛋糕,於是係去酒樓前即興買左個經典款式-------->雜果蛋糕,唔係貪佢好食d~係覺得佢好色彩,影相時好靚!!用hsbc visa仲有9折,蛋糕沒有生日牌,只有一個卡紙牌插在蛋糕上~相比第二間即買都有生日牌就差了些~服務態度宜改善,因為我睇完呢間去左第二間先返轉頭再買~但店員既態度就好似覺得""你咪又係買"".......有些不友善~問她有無碟有無生日牌,先跟比我~又唔主動問人要唔要生日牌~唔知係咪趕住放工咁!!好彩同行有人提我問佢攞渣~~味道方面:揀得這款就差極都有限~普通啦~唯一覺得好就係個款同出面的不同~靚d~

爸爸的60大壽,點都要買過蛋糕賀下他,原本唔係想買東海堂,點知搵黎搵去都搵唔到,最後只好買東海堂.原本想買小飛俠,點知得番朱古力,由於唔太愛朱古力.最後揀了東海堂之雪映聖誕系列的聖誕老人. 聖誕老人蛋糕外裏的生果最主要是芒果,入面的芒果唔夠鮮甜,多半是帶酸的,蛋糕整得唔夠鬆軟,cream也太少了.外層的士多啤利清甜,份量也足夠.最唔喜歡那些白朱古力實在太甜了,最後也是等掉了.我覺得如果喜歡吃生果的話,這個蛋糕會令人失望,味道也平平無奇,唔食都會有所損失

因之前籌備婚禮， 已有一段日子沒寫食評。 去完渡蜜月後， 終今晚提起勁清一清食評。頌頌為弟弟買來北海道牛乳芝士蛋糕慶祝生日， 入口第一啖充滿牛奶香味， 但之後就被微酸的芝士味蓋過。質地是鬆軟輕盈， 惟帶咸的Oreo曲奇餅底感覺有點怪。祝弟弟身體健康， 知足常樂。

生日當天媽媽跟我去了東海堂買芒果流心蛋糕.由於用了月餅送的coupon關係,只需108便可以了.吃過壽司刺身後又是吃蛋糕時間.這個蛋糕今次己是第二次吃,對上一次吃過後印像麻麻地,所以聽到媽媽話買這個蛋糕給我和妹妹做生日蛋糕,我也極力反對,只是反對無效,最後也買了這個蛋糕今次這個蛋糕外型比上次買的那個靚仔左,外層的呂宋芒也甜了又夠香.至於慕絲也好幼滑.也好重芒果味,只是流心的芒果就不太好了,而且比較酸.至於流沙效果也欠奉.這個蛋糕好處是唔算太甜.只是有點漏,所以最後吃一件收手了.至於會唔會再買又未必,始終我還是喜歡吃多忌廉的蛋糕多點,媽媽買給我吃又作別值得一讚現在買蛋糕有埋刀叉唔洗再另外買咁煩,多人分享除外,因為只有五套左右啊

又係為食既時候. 下晝去左東海堂買個cake 做tea見佢$9 唔係好貴, 我睇多兩睇, 個staff 就介紹d 新出既野比我, 都係$9佢話芒果芝士蛋糕好受歡迎, 其實我心入面一早想買哩個, 因為正想食cheese cakeo係鋪頭o個時睇唔清楚個樣, 成舊黃咁咁. 原來有一半係蛋糕底黎... 唉, 又被搵笨. 不過$9 算啦.但係最慘係一食落第一啖... 好似有朕雪櫃味. 唔知點形容. 總之係哩件蛋糕唔應該有既味...中間o個層似mousse 多過似cheese cake. 一pat 野咁, 又唔係好硬, 而且一d 芝士味都冇. 可以話係一pat cream 咁.唉.. 哩件真係麻麻地. 下次真係想食cheese cake 唔好慳o個幾蚊, 去買件貴少少既真係好食好多.

由於生日的關係, 朋友仔買左件西餅同我慶祝。2個人係公司, 一人一年做飯後甜品。我要了tiramisu 味道那一款, 連帶有一個膠杯。味道如何? 有點兒過甜了。表面有一層咖啡粉, 苦苦的甘甘的味道。接著是一層的疑似咖啡味的忌廉, 中間夾雜著一些咖啡味的麵包。是浸軟了的麵包, 應該不是手指餅。食完成個甜點, 太甜了, 半個已經足夠了。無論如何, 多謝!

果日見雜誌介紹e個包..心思思想試下點知買左反黎...包既樣同雜誌介紹既樣..完全係2回事黎個包既味根本就唔似係芝士...好淡既奶味..個包冇想像中咁軟熟值$6.5咩..我就覺得一D都唔值喇

食過佢個北海道牛乳芝士包之後 一直好想試下佢既同類產品北海道牛乳玉米包$11(有cupon 平$2 折實$9)size冇美心既家庭裝包咁大 所以都驚唔夠飽打開之後 好香 包身鋪滿糖粉同粟粉 所以都幾甜內藏粟米 份量同芝士包差唔多粟米冇粟米味 但食落幾creamy 而且甜甜地味道有點像之前食過既金粟包 整體都幾好味可能我大食啦 所以食完呢個家庭裝包都唔多夠飽好在有多盒牛奶 咁都可以頂下肚

我又買家庭裝做午餐啦 不過今次唔係美心 而係東海堂我今次買咗北海道牛乳芝士包$14(有cupon平$2 折實$12)呢個包算係新出品 想買黎食好耐架啦見D cupon就快過期 咁就緊係用得唔好浪費啦一打開 好香牛奶味 我鍾意面頭有少少芝士絲 但冇咩芝士味包身好軟熟 帶有甜味 味道有點像美心的排包裡面有唔少芝士粒 我咁鍾意食芝士 梗係覺得好味啦雖然芝士份量比美心的少 但都可以接受價錢略貴 但味道唔錯 有機會會再食

見到廣告加上朋友們推介好美味,見信用咭只需108,今天經過就買來試下.外面有好多塊芒果再加一粒士多啤利.外層的芒果超超,切開有芒果汁,可惜略嫌芒果汁太少做唔到很流沙的質感.又面又話有芒果粒,只有少許,入面的芒果慕絲也唔夠滑,蛋糕也很少.唯一要讚的是芒果蛋糕雖然用了好多芒果據說有五個呂宋芒之多.也唔算太甜,也沒有太漏的感覺如果用108元的價錢來試,也沒有甚麼好批評,只是如果用上原價的話,未必會買來食了

二月份家姐生日, 買了一個蛋糕為她慶祝, 本來想到聖安娜買的, 因為我們一直覺得聖安娜的生日蛋糕最有水準, 但為了方便起見及時間關係, 今次試試東海堂吧!六角型的設計, 款式沒有不算特別, 味道方面, 不太甜, 吃後不覺太膩, 如果喜歡清淡的朋友, 一定會很讚賞, 但我覺得太淡了(純屬個人喜好)! 蛋糕質地不夠鬆軟, 有點『鞋』口, 我覺得不算好食。$158元一個, 用匯豐銀行信用咭付款有九折優惠。總括來說, 這個蛋糕只是一般資色, 與普通餅店無異, 但價錢則較貴, 我諗下次都要幫襯返聖安娜好了!!