東海堂 (港鐵太子站)

營業中

休息中

朋友話請我食西餅咁我就好順便咁係地鐵站買啦！東海堂個餅櫃永遠都擺放得好靚 成日見佢d生果類產品好吸睛睇落件件生果都好大件又多好似好好食咁...... 所以揀左3件果tart分別係士多啤梨、芒果同哈蜜瓜睇樣冇得輸，又大件又多生果.... 不過食落係好普通嘅。個tart底唔夠脆又唔香，得甜味，生果就係哈蜜瓜最甜，另外兩款平平咁囉..... 唔係難食，不過唔需要再食囉😅雖然我都食過其他連鎖餅店嘅果tart，不過每次一行埋去就會俾面頭d生果吸引晒注意力，不經意咁又會買左，次次都諗住可能呢次會有驚喜，但次次都失望😅😂😂 所以話有d野唔需要話一定要好食，但一定要好樣依家呢個社會好現實🤣🤣

今日係肥髀生日，可惜撞正父親節，訂蛋糕變成困難重重，就算早訂都不可以做朱古力牌（雖然知道肥髀唔在意）總之訂咗，準時去攞，店員好快包好比我帶走，回家同肥髀慶祝開心柴犬（$219）立體造型賣相好可愛，但原來肥髀唔喜歡雜果蛋糕（其實我都唔太喜歡）因無鬆軟蛋糕相間，入口一堆忌廉粗粒雜果，口感好膩，造型用嘅糖皮及忌廉+椰絲又是膩膩的口感，結果一家人都不喜歡！一個精裝蛋糕6個人都食唔晒！同呢個蛋糕氣場唔夾落單訂蛋糕與取蛋糕不同分店，店員是有禮的，尤其訂蛋糕時，店員要解釋撞咗父親節，額外名牌之類嘅服務都取消可愛唔代表好味😅

本身諗住過嚟買西餅，但見到新出嘅芝士蛋糕好吸引，有曲奇同原味兩種味，賞味價$58。平時一件西餅$20，我同男朋友一人一件都$40，我見差唔多價錢不如試吓新嘢😛蛋糕盒幾有質感，盒外有東海堂嘜頭用嚟打開盒蓋，真係落足本。芝士蛋糕size唔大，可以畫成十字分4 件同屋企人齊齊share ，芝士味香濃唔漏，質感實淨，表層仲有陣焗燶香味添，出乎意料好食～

話說終於氹掂媽咪肯由荃灣出到嚟太子食海鮮蒸氣火鍋為佢慶祝生日，我哋7人放工後分別喺各區趕出嚟，除咗主角外，大家都係8:30左右陸續到達！閑話間，突然發現唔記得咗買蛋糕，另一半同我就急急腳離開餐廳周圍搵蛋糕店！跑到去太子地鐵站，好彩東海堂仲未落閘，係冇得揀嘅情況下，只好買咗個巨峰提子蛋糕！我們買完後，東海堂即收工，好彩行快兩步咋，否則要去7-11買雪芳蛋糕啦😂飲飽食醉後，大家都已經飽到上心口，但為咗媽咪有一餐完滿嘅生日飯，大家都打算食埋個蛋糕！奈何蛋糕味道比預期冇咁好，蛋糕面上的提子味啫喱比較似藥水，而提子果肉又相對較少，本身諗住食粒提子消滯，但原來大部份都係啫喱及cream，以致我地更加飽滯😅媽咪話下次都係唔好試新野，食返芒果味蛋糕喎😂

食完lunch唔係好夠飽，經過東海堂見到新出左大福系列，買黎試下先叫左個九州赤莓大福 $ 29，聽落有D貴，不過都幾大舊下，手心size同平時食開嗰d大福唔同，個餡有mousse同海綿蛋糕，加埋d日本士多啤梨食又幾襯，冇咁濟，個皮做得好薄好煙韌，整體質素唔錯