東方(勝記)飯店 (已搬遷) 新店位置

夏日炎炎，最好一定係行 山享受郊野活動既感覺，每次來到元朗去朗屏行山，都係一定係坐68A上朗屏，所以多數都一定係附近食D野再上去。每次黎到都一定係東方(勝記)飯店，做返一個早晨茶客，嘆返幾份一盅兩件。因為算係半自助既形式，所以入黎食野既茶客都要自己洗杯洗碗洗筷子，真係都幾有茶樓既感覺，依種感覺就好似細個既時侯每逢假日同屋企人去飲茶一樣。洗好野即時叫返幾味心頭好，蝦餃、牛肉球、牛柏葉全部走唔甩，新鮮熱辣即時送到，非常有中式酒樓既味道，值得再來。

今日終於冇落雨，見店內人流唔係太多今次試下堂食，講真環境真係麻麻，但就有種好舊感覺，一大堆點心放晒係門口，係香港都少有，鳯爪排骨飯大大碗，蝦餃皮太厚，燒賣都好食肥肉唔會太多，可以一試

今日出到元朗，又落大雨，唔知食咩經過E間地道茶室，一望入去，又係爆晒，唯有買外買上車食啦，一個鳳爪排骨飯加一個山竹牛肉飯多鼓油汁唔唔該，鳳爪排骨飯就新鮮山竹牛肉飯就好味，E間小店充滿兒時回憶，下次有機會一定再去多次堂食

端午節心血來潮入元朗，試下飲夜茶，都係第一次試飲夜茶既感覺首先一入到店唔太習慣環境嗰方便，坐低就自助式取杯同碗，筷子匙咁，好似係川龍飲茶咁自己取自己搞掂，唔同既係依度店員會幫你沖茶壺既！睇OpenRice 有人推介必食炸雲吞同芋角！好美味好脆芋角加咸水角，芋角同出面既茶樓味道真唔同，內附肉碎好野味！咸水角都好好味！北菇滑雞飯都好香口，滑雞真係好滑又冇骨，好岩小朋友食！鳳爪排骨飯，排骨比較多肥肉！蝦餃就比較糙皮同蝦唔爽口，都叫ok既！鵪春蛋燒賣好好味呀！雞澤同出面酒樓唔同既係佢雞唔係用雞肉係用雞翼，魚肚都好黏口，火腿同芋頭！好抵食食左咁多野都係二百左右連茶介又可帶小朋友體驗一下飲夜茶既樂趣！

嚟到附近，因太早，只看到這間飯店，茶樓已開了門。東方呢間正正上面有間恆香酒樓，看來也是街坊茶樓，香港好少地方搵到咁地道。位置係巴士站隔離，好方便。見到枱同椅放哂門口，好多公公婆婆的茶客。這店只有地下一層，門口放滿哂一籠籠的點心，我們搵個位，我地晤多人，一定要搭枱，診着未太熱都座了出面，叫了幾籠點心，燒賣，牛肉，叉燒腸，個點心籠到了，個籠超油，嚟食千萬晤好high到d衫。味道也ok, 賣相一般，不過就座得逼咗少少。整體來說，想體驗吓地道茶樓就最好不過。

幾乎每次飲夜茶都首選係呢間，門口停底架車重可以選擇坐路邊/坐入面，帶住狗狗亦方便。點心選擇都算多，基本上大路既點心都有，另外亦有粥品，炸物同盅頭飯。而價錢方面屬中等，亦無分大中小點價錢，只有分點心同腸粉價錢，茶位正常價，埋單亦無加一。基本上2個人既話，1盅盅頭飯，5-6籠點心都已經夠曬飽，埋單吾算貴，2個人都係$80-130左右，平均1個人都係$40-70左右，價錢好合理，勝在關門時間夠晏，岩曬好多收工收得好夜既朋友(吾洗淨係得24M啦～) 推介 蝦餃 鵪鶉蛋燒賣 (好小地方有) 金錢肚

呢間係元朗多年既鋪頭早午市都好多老友記來嘆茶. 外賣左個叉燒包 $14 有3個. 好熱辣辣, 包好柔軟, 叉燒足料 (出面好多叉燒包都只有汁好少叉燒) . 好食~ 雖然店子衛生好似一般, 不過夠地道香港~  點心款式都好多. 如果想試地道港式飲茶可以一試~~ 

今天晚上在元朗食晚飯，係元朗廣場附近行過，見到一間入面有好多人，外面好有舊式中式酒樓的飯店。 店內坐滿人，每一張台都有人，所有的食客都是需要搭台的。 入到去服務員會給你一張點心卡同問你飲咩茶，雖然得一個食客，但仍然會有自己一壺的。 我叫了一個鵪鶉蛋燒賣同鮮蝦腸粉。 過了5分鐘，有服務員拎左黎，鵪鶉蛋燒賣同鮮蝦腸粉分別有3粒同3條，都是新鮮和熱的。 鵪鶉蛋燒賣的鵪鶉蛋很大粒，味道是不錯的。至於鮮蝦腸粉，腸粉皮是比較厚身的，但入面的鮮是很大舊的，而且是鮮甜的。

呢度算係好平民食點心的食店, 很舊式, 店門附近有很多幢「點心」, 應該是俾人外賣的, 入面的台椅都比較簡陋和擠迫。點心價錢大眾化, 亦很多款式。我只寫低我有吃的點心的評價。庵春蛋燒賣: 每次見到有得賣, 都會叫, 因為好少有得食, 好大舊! 燒賣入面有蝦有豬肉, 但就覺得肥肉太多好漏。叉燒腸: 肥燒叉半瘦, 腸粉唔薄唔厚, 都OK LA牛柏葉: 好香蒜味, 牛柏葉都幾爽, OK炸蝦角: 新鮮熱辣烤出來, 配酸汁可解膩

之前試過吃兩個點心作早餐，今次吃飯作午餐。吃盎頭飯遠比點心便宜，一整個飯，倒進飯盒竟可裝滿，連同鳳爪、排骨，其實剛好一個飯盒。鳳爪足有兩隻，排骨也五、六塊，餸料比『嘴兒甜』多二十個巴仙。排骨還是有肉骨小，肉不鞋不痴牙，味道不錯。整個飯只消$20，不知為何，以往上茶樓，覺得吃『盎頭飯』很頹廢，但今時今日，獨自去茶樓或買外賣自取都愛吃盎頭飯。

又是早餐吃點心的時間蠔油鮮竹卷三大件，比平日上酒樓的還大件，還實 心，內容結結實實，豐富的豬肉，加木耳，菜 粒。腐皮還好，吸收了醬汁的味道，不會太 寡。但吃完/移開卷後，發現底下確是油 膩。山竹牛肉球又是三大件。喼汁以小盒子分開盛著。三 件牛肉，感覺牛肉成份比嘴兒甜跟至友 低，但至少沒有吃完牙齒又乾又鞋的難受 感覺。服務態度比至友友好一點，現場較多位 子，不少中年/老年人士在星期天早上嘆 番兩件。個人吃兩個點心，$32太貴，又只試得兩種，實在不划算，卻又找不到人 一起早上吃點心，哀哉。

來飲茶曾光顧多次, 每次都是帶走的。其實早早以前, 心裡就已經決定了改天要坐下來感受一下這裡的環境和氣氛。雖然地方較髒, 桌椅餐具也舊, 但這地方就是會帶給人很親切的感覺。綿滑蒸蝦腸粉 (16元)吃了一口後我呆住了, 因為腸粉真的綿滑得無話可說。醬油也調得恰到好處, 既香, 也不會太油、太咸或太甜。如果你真的喜歡吃腸粉, 同時不介意餡料的多少, 一定要來嚐嚐!排骨柴魚花生粥嗎?! (13元, 15元)以前已經吃過這裡煮的皮蛋瘦肉粥了, 也因為是街坊式茶館, 一開始已沒對粥品抱有什麼期望。如我所料, 稀粥內不會找到多少柴魚, 也不會吃到柴魚香味。忘記了有沒有花生, 反而被粥內的3, 4件蒸排骨弄得糊塗了...究竟這是特色, 還是為了彌補材料的不足? 不尋根究底了。親切感客人大部分都是「一位」, 大家都習慣了「搭枱」, 各有各發呆、看報紙、聊天、品茶…或許就是因為各自各都在做著自己覺得悠閒的事, 所以即使在吵吵鬧鬧的環境中(特別是阿姐們點單的聲音), 你心內也能保持一片寧靜。 環境擠逼, 但感覺親切。「飲茶」, 的確是要坐下來慢慢享受才能體會當中味道。

在元朗巴士總站附近，有一間點心專門店，門外終日有新鮮點心出籠，雖然門面麻麻，但早已經想試試。反正早放工，晚餐食小菜又唔想，一盅兩件都唔錯。店內裝潢簡單，而且食客多數是上了年紀的老人家，好一幅街坊圖，杯碗都放在檯上，大可自便，就簡簡單單的來一件馬拉糕及蝦餃。馬拉糕夠鬆軟，而且好香，蝦餃皮比較厚，大多數街坊點心店都是如此，蝦肉尚算鮮爽，不錯。一邊嘆茶，一邊看電視，真寫意。

從我中學時代，每天不論上學還是回家，也必定會路經此店。同時，也不時跟同學說，找天來這間店看個茶吧。但是一直也沒有實行到。今天，終於來喝個早餐！其實也不早了，差不到十點才到達。一去到，看見的盡是上了年紀的茶客，友人搞笑說，我們的到來令茶客的年齡AVERAGE稍為拉低了一點，哈。這個鐘數，別以為不是星期日、假期便一定有位，這裡依然人頭湧湧！我們等了一會，終於有台了！其實我們一心是打算在路邊喝茶，不過，可能天氣太熱吧，所以是室內。一看內便知道是充滿人情味的地方，鄰桌間很近，有點擠逼，而且我們還要與人搭台，但這一點絕不是缺點！反而是更感人情味！近距離的聽著老友記在細審新的年青一輩，又看見他們只用一雙筷子清洗杯碗，神奇神奇！  裡面的服務員也超讚！見我們幾位後生什麼也不懂，便告訴我們要向她們點食物，才有單的。而且她們的聲線也是超友善！我們點了兩籠鵪鶉燒賣（原因是我們四人，不夠分啊，哈哈）、燒賣、（大）排骨飯、雞札、蝦腸粉鵪鶉燒賣真的不錯，底是一大舊豬肉，不像平常酒樓吃的那種，不會加了超多水，肉質也超很實在！燒賣也是超實在的，也確確實實的吃到豬肉與蝦仁，味道很天然，很美味！但這個大的排骨飯，飯有點

工作關係,收工之時總是夜深,難得這天其他同事加班加到我收工之時,當然要一齊食飯醫肚!同事提議一食炸菜肉餅飯,更帶我去元朗這一家東方勝記出名的夜茶檔來個一盅兩件!元朗區算是較多這種街頭風的半街檔半鋪店的地區之一,陳舊的裝修,所有出品都貼在牆上,都表明了這店的輩份高出我們幾個級別.雖然我倆都不抽煙,但為了嚐一嚐那種風味,都坐在馬路旁的枱上了.二話不說,同事點好了茶之餘當然更點了一客炸菜肉餅飯了,其他的點心還未送上己先搶著拌好飯餸,我分吃了些許,飯粒吸足了炸菜及肉汁,油香充份,重要是沒有一般茶樓般重手的師父,很是原汁原味.咖哩魷魚有點咬口,但不會太過韌.咖哩色,味都全進入了魷魚內!就是用那個咖哩汁撈飯吃都己很讚了!再來就是這個我欽點的鵪鶉蛋燒賣,其實不是太多地方可以吃到,所以我每看到這個點都會叫,一客三顆,粒粒都飽滿大隻,味道亦是較一般茶樓的乾淨,沒有感覺到太多的師父,肉味頗突出,不過可能是過了點火路,肉質己呈"鞋"口.鵪鶉蛋當然飽滿香飴,偶爾吃一顆半顆真一樂也!