東南加 (麗港城商場) (已結業)

今晚唔想煮飯同老公出街食經過東南加就入去試下。叫了條泰式蒸烏頭魚及雜菌豆腐。烏頭個泰汁是另上的，唔食辣的我可以唔沾因碟烏頭是用豉汁蒸的，但油有油益味，no good

是日過來麗港城食午餐，隔好耐先會嚟一次，因為官觀塘嗰邊茶餐廳更吸引，不過呢個商場勝在小人，可以靜靜地食個飯是件樂事～呢度下午茶有肉醬意粉，$39包餐飲，免加一份量都唔太細，顏色就唔太吸引嘞～可能呢度食東南亞嘢，所以佢個意粉都fusion，加入東南亞元素，好似意粉，有Linguine同Spaghetti，就好似馬來西亞既摻摻（其實唔知係咪唔夠意粉）；味道亦沒有蕃茄濃醬，除左芝士仲有紅椒，真係別有一番風味⋯⋯味道唔難食，只不過唔係平時食開個啲味囉⋯⋯

我是一個有吃早餐習慣的人，所以一早醒來, 緊係要吃飽飽，但又不能過份喎! 有事去觀塘麗港城，甘就順路找一間吧！這間環境夠光明開掦， 整體感覺清潔衛生， 就叫個 A3 餐吧! 噢 沙律菜佔了很大的分量, 現在的早餐都是加工、油膩或精緻澱粉類的食物，吃多了對健康很有影響，所以要吃早餐的話就盡量避開澱粉，因為澱粉是讓胰島素升高的兇手，建議可吃雞蛋、乳酪、蔬果或果汁就最好。即磨咖啡也相當香滑濃味! 把我的嗅覺神經也 喚醒起來, 好厲害!

在這家餐廳食了三次，一次比一次差，食物一次比一次偷工減料。下午茶餐是平了，但是食物偷工減料，對將貨就價的食物很失望。員工服務態度可以有很多很多的進步空間。面對食物完全沒有要求的媽媽說：這種食物明顯是叫人下次不要再嚟吃第二次的了。

是日LUNCH係麗港城商場揾食, 見到魚米家太多人所以轉左去隔離差唔多無人既東南加見到價錢一般, 普通SET都要五十幾, 小菜SET起碼貴多廿蚊起以前味千拉麵都仲平過佢, 不過算, 照入去醫肚今次叫左碗喇沙....碗喇沙一上枱見到好濃下, D個係比較好聽既講法, 正確D黎講係好杰身, 我鐘意多D湯多D, 都算, 配米粉都算OK既個味, 海鮮量都算唔少, 但係D海鮮真係處理得麻麻地, 樣樣都有D腥味, 係連魚片都有腥味呀!!!!究竟佢係點做到既呢, 我平時都係鐘意食海鮮既人, 少少腥味係接受到, 但D個真係麻麻囉...係我食過最難食的喇沙我估我之後都唔會黎D間食.....

第一次光顧麗港城的這家東南亞餐廳，結果令人頗失望......下午茶時間去到，所以點了三份下午茶餐海南雞喇沙米粉喇沙湯底味道可以，微辣，問題係米粉入面啲雞有雪味.....小食拼盤魚餅小小辣，説不上好味但可以接受雞翼完全冇味道，連咸味都冇薯塊最好味而且個餐係冇雞翼，應該係串燒，我點了串燒牛，冇被通知下嚟咗雞翼，問下係米送錯，兩個姐姐圍埋過嚟，問係米唔要，唔要就取消！問題係我地唔知冇串燒，問下係米送錯啫！番茄蛋三文治（冇烘底）三文治嚟到，面包系涷的，似係雪櫃攞出嚟，問下姐姐點解係涷，佢話你冇叫烘底就咁㗎！ok 忍你！問題係個蛋冇味，咸味都冇，得一片蕃茄，仲厚薄不一....唉，呢間餐廳真係不可再！

first time Find a new restaurant for breakfast at Nam Tin Lai Kong Shing fresh brewed coffee ☕️ my pork chop mai fun noodles soft ok The size is fairly good 😊 and with the toast fried egg 🍳 set other take the milk tea ☕️ Not knowing how about the taste But for the 4 set season plate I have to say a like!professional service A red spicy 🌶 sauce And a bowl of Lemon 🍋 juice pure 👏🍋🍋🍋❤️🌶🙀

今日要到麗港城接姨甥仔放學，幾經兜轉先揀左東南加坐低食午餐果汁雖然好靚、但係飲落味道麻麻，不過鮮搾果汁都係健康啲嘅Set C- 香茅豬扒拼雞中翼飯，香茅豬扒軟熟，而且加埋啲蔥油醬溝飯食，令平日唔好食飯的姨甥仔食左一半飯而雞翼都係外脆內滑的，醃得好入味驚喜地好食Set B-西冷牛扒飯配黑椒汁牛扒軟熟，一d都唔靭、加埋香濃的黑椒汁都唔錯

落雨好難搵位咁岩見到呢到有位 就黎試下午餐價錢50-60蚊有個餐已經有湯/沙律 主食 飲品炒金邊粉味道唔錯 夠味但係辣左少少應該可以叫佢加少D辣粉呢碟份量好大碟 海南雞飯就一定唔會死雞好滑 個油飯好香份量適中

麗港城工作完畢，到東南加晚飯，已經晚上九時，人客疏落，寥寥無幾。泰式金邊粉足料，味濃；算是辛勞之後好入口；粉身幼細嫩滑，有油但不太多。豬扒似是新鮮炸起，香鬆嫩滑；粉身正常地比炒粉略粗，不過這才是合適的寬度。兩款食品吃後沒有味精的感覺，不錯。到最後店員問要不要糖水，是免費的。拿了兩碗芋頭西米糖水，甜味稍淡，適合一般注重健康人士口味。

假日去了朋友家聚會, 朋友住在麗港城, 大家都打算先食左午餐再上去。麗港城商場唔算好大, 食肆相對地就少, 朋友話有間新食店開左無耐, 大家就齊齊去試下。食店是東南珈, 看到店名就估到是東南亞食物為主, 原先大家想食午餐, 由顧客太多等多一陣已是下午茶時段, 所以大家可以食下午茶。先講下裝修, 餐廳分2邊場地, 裝修新穎, 整體不錯, 但職員人手混亂, 只是派飛等位都無人手, 到有位時入到去, 地方較迫不緊要, 但整張枱都係未執過, 因為地方細, 我地都難有位置企係旁邊給職員執枱, 十分狼狽。到坐低後, 要杯水都要等左約10分鐘先有。大家都幾後悔選擇了這間。睇下下午茶餐牌先, 價錢唔係貴呀 ! 我地5個人叫了4個餐一齊SHARE, 咖喱牛腩飯 $42茶餐黎講唔算平, 份量中白飯都叫有一碗, 牛腩就好少,牛根就多,薯仔得一件, 牛腩唔腍幾鞋, 慶幸汁不錯, 用黎拌也可以。焗芝士蕃茄牛肉醬意大利粉 $38上枱好吸引, 芝士及醬汁夠多, 蕃茄有1/4切件, 材料不錯。馬來炒米粉 $39覺得最惹味係呢一碟, 唔會好辣, 配料亦多。但係份量唔夠,幾啖已經清碟乾炒牛肉金邊粉牛肉見到大大塊, 可惜醃

下午茶很難食。。。d串燒又乾又無味、熱飲又唔夠熱。仲冇服務！果個沙律仲難食過乜。唉！真心一講、好唔好去食？大家自己諗啦！連隔離麥記仲好食過佢吖、唔係嘛？！比$幫襯仲要比d垃圾人食？！離譜！

係商場行，搵緊野食，原本想食餃子，但見新開東南亞餐廳，睇左陣，見都有客人食，就試下先，下午茶時間，食碗粉，39蚊，嘩，好難食，簡直受苦，個冬蔭公湯，只係食到勁辣味，好多辣椒油，好少少酸味，已經諗住穩陣，叫少辣，點知咁差！從未食過咁既冬蔭公湯，係泰國都有食過，係香港九龍城幾間泰國餐廳都有食過，都唔係咁架！忍呀忍，忍到我真係頂唔順，問侍應拎個碗仔，直接用枱面瓶清水浸粉食算啦，以後唔會再幫襯，得一隻雞翼，浸住湯上，所以淋晒，一塊炸魚餅，兩塊炸魚片，正常味道，無特別。食完之後，胃著火，好唔舒服。