影片
招牌菜
一早約左朋友傾野, 而佢亦堅持唔改期,所以放左工後就一趕去新世紀.係FOOD COURT無咩選擇之下, 叫左個小炒套餐 ~ 菠蘿咕嚕肉+湯+白飯+飲品餐湯老實講見到個樣都唔想飲, 所以完全唔知咩味道.睇到個咕嚕肉都好對板以為好好味啦...點知完全失敗.炸粉厚過肉, 基本上成碟野似食炸麵團多D.至於個醬汁亦同樣差, 個甜酸汁偏酸
繼續閱讀
臨時決定去新世紀食飯，所以冇上網搵定食乜~~ 結果去咗 food court。既然冇心水，見個午餐賣相唔錯，於是叫咗雞扒石班意粉，熱奶茶。一上菜，見意粉少得可憐，於是叫佢添加。佢老大不情願地都加咗俾我。但最後發現，唔加都冇所謂，因為啲意粉冇味兼粗嚡，食少啲都唔覺可惜。石班肉質比較怪，有啲似軟膠質地 ！？ 味道欠奉。雞扒相對地好啲，較有味道。但熟唔透咁...奶茶唔合格，茶味淡而嚡。真係7仔都好過佢！湯係最一般，但最可以接受o既一項！！
繼續閱讀
今天同家人出旺角買電話，順路去嘉禾戲院看電影，散場後覺得肚餓於是走上5樓food court嘆下午茶。我自己一向對商場內food court無甚好感，主要問題係食物品質通常較一般街舖食肆為差，今次來到東南加更加證明這個觀點無錯。叫了兩個下午茶套餐，是雜錦海鮮炒烏冬＄28及蒜茸牛扒飯＄30。雜錦海鮮有小魷魚、小蝦、蚵仔同蟹柳，份量除了少之外，醬料炒得不見入味，油也落得頗多。蒜茸牛扒外觀不大好看，煎牛扒的油舖滿在碟子上，與茨汁分庭抗禮。澆上的蒜茸汁最大作用是遮掩牛扒肉身乾涸的缺點，切了一角牛扒送入口腔細嚼，牛扒肉質堅韌有餘而食味不足。整個套餐只有凍咖啡和凍檸茶可以合符常規標準，食物質素卻是令我難以接受。
繼續閱讀
叫左喇沙海鮮米粉, 望落去見唔到有D咩海鮮, 再用快指攪下去有小小魷魚, 1條切開3份蟹柳, 其餘有幾粒BB蠔屎.辣味.幾足, 喇沙應該有些沙爹味但是係冇的. 冇椰汁味香...似是一碗辣味米粉..再講是D話係海鮮, 第一口食蟹柳差點想吐出來, 淋白白,應該是訂D雪蔵什錦海鮮包, 真係強差人意. 我諗住味道差唔緊要, 食材好些都補番數, 但唔係囉..失望.
繼續閱讀
聽說東南加是椰林閤的副線, 有咁大嘅靠山應該唔会太差嗎? 而且當日最多人排隊的店鋪就是此店嘛喇沙豬頸肉米線$24, 喇沙湯底都算對路, 不過配料奇怪------椰菜和紅蘿蔔 芽菜豆卜都無粒 豬頸肉又薄又幼條凍朱古力曲奇咖啡$8, 簡單直接就似係凍朱古力, 什麽曲奇? 什麽咖啡? 什麽也沒有 還要的是那些所謂凍朱古力, 淡到死連Total都串錯, 什麽「Toatl」
繼續閱讀