東京築地拉麵 (已結業)

早幾日去試食呢間拉麵店，第一次去試食，叫左個豬軟骨豬骨湯拉麵和新口味虎蝦辣拉麵，豬軟骨幾霖身，燒虎蝦幾香，肉質幾爽拉都幾彈牙，豬骨湯底普通，反面辣湯底幾好，室內裝潢還可以，幾舒適，有卡位。

呢間餐廳係我經常會去幫襯嘅餐廳，因為佢價錢唔算太貴亦都唔會話太過平，食物質素同價錢成正比。每次我去親呢間餐廳度會叫黑鬼豚骨湯叉燒拉麵，佢啲湯底唔會超級濃，適中， 我試過食一啲日本餐廳嘅拉麵，就算唔飲湯都好食完之後都好頸渴，但係呢間就唔會！除咗黑鬼拉麵之外，我都推薦黃金豚骨叉燒拉麵，佢係我第二選擇！另外我都好推薦大家食佢哋嘅叉燒，佢哋啲叉燒真係好好食架！好食到我有時都會另外叫一碟叉燒嚟食！哈哈！！！！

我係天水圍人，但我已經好耐無入過天水圍喇我最鐘意就係試新野，今次就試左呢間喇，我覺得無人地口中咁差，反而有啲驚喜添！我去果陣係午餐時段，比較多學生，但都好快有位既，午餐既選擇都幾多，又抵我今次就揀左個賣相相當吸引既蒲燒鰻魚飯同埋熱蜂蜜綠茶。驚喜一：佢個實際食物樣同個餐牌一樣，無花無假，抵讚！同埋佢既味道好濃，燒到個鰻魚岩岩好，餸飯一流！驚喜二：個蜂蜜綠茶相當特別，佢既蜂蜜整成左一粒粒好似珍珠奶茶既珍珠咁，一咬落去，個珠即刻爆開，又香又濃既蜂蜜係口腔湧哂出黎，口感又得意，非常特別！食到最後仲有個廚師特別整既甜品，今次我食既就係泡芙，普普通通、不過不失咁，但有免費既小甜品都幾細心。至於員工服務我就覺得一般，無咩笑容亦都多數自己圍內傾偈。但整體黎講都幾滿意，推介大家去試下

果日，一入到去，首先見到d 卡位地下好多垃圾。。。咁萛啦， 唔好要求咁多。。。都明白有d餐廳既乾淨要求唔高。。table and 坐位都乾淨, 係個地下 污糟啲。。。我地叫左個餃子雞翼，餃子同埋拉麵。餃子雞翼幾好食，心諗呢間野估唔到都唔錯。 餃子就普普通通，個皮未夠熟，不過都合格。 到拉面黎，試一啖湯，一浸怪味，好希， 好似溝左水咁。。。 個麵一食，又係一浸怪味。。。 真係嚇親。。。好采 d肉同隻蛋都無怪味， 食落口ok ... 。。。老實講60幾蚊唔廿算平。。。 點可以差到咁。。。 好差好難食。。。！！！！

本身都係成日幫襯築地 因為鍾愛日式拉麵同串燒料理 而且價錢亦吾算太貴 食物亦都算係同價位內美味首選。之前我係旺角返工 每個禮拜最少都有4日以上係築地到開餐 都算係半個熟客仔。呢個月搬左入黎天水圍到住 見到銀座1期都有築地 隔離就係太興同馬會 就約左一班朋友仔去踩場睇下天水圍築地同旺角築地 有冇大不同去完真係 !!吾去好過去 !!!前幾日見到吾係太多人等位 一去到就有位坐 入到佢我地一班人搵左個卡位黎坐鋪頭裝修真係一般般 一啲特色都冇 同旺角居酒屋又有日本水墨畫比緊係 輸成條街 話哂都係市區同新界地方比 始終都係差少少 可以體諒 吾緊要 餐廳始終都係食物先係主角一打開餐牌 見到好多本身旺角有既野都冇左串燒拼盤 壽司 卷物 刺身 蚌 洋蔥圈 脆脆豬沾麵 仙境沙律 燒酒 月見豚丼 就算menu上有的幸運彩虹 虎蝦 灸揪(和牛丼)都係假的 實質上都係冇 非常失望我有幾次澳門返香港 係屯門碼頭落船屯碼間海趣坊都有築地 都有試過食物既選擇都幾多 同旺角差吾多仲有啲菜式係旺角冇既 得佢獨有綠茶多士 好味 一試難忘 一定要試 大力推介食物水准都可以 服務都ok所以吾知點解天水圍呢間 點解咩都冇咁我唯

位於銀座廣場的東京築地拉麵，午市定食味道不錯，點了築地橫町牛丼，配3.6牛乳奶茶和廚師精選甜品。其他午市選擇還包括築地叉燒拉麵、豚肉生薑燒丼等，這個套餐加一後約四十元，算抵食。牛丼約5分鐘後便來到，效率正常，而且丼飯選用珍珍米，入口軟糯，而且飯的份量也頗大碗，牛肉也煮得很軟很入味，還有些京蔥放在面頭。牛乳奶茶比想像中大杯，而且入口很香滑，略嫌茶味可更濃。還有一些調味料如芝麻粉、七味粉等可以自由添加。

今天中午和家人去天水围银座筑地日本拉面馆吃饭，遭遇一次非常不好的体验。服务人员毫无沟通诚意，只有在评论上吐一吐郁闷。我们中午一点五十分点完菜，点了两份面三个小菜。饮料上的还算较快，大概等了十分钟。两个现成的小菜，海藻和北极贝都是冰箱里直接拿出来就可以上的，等了二十分钟。然后上了一个面，一个炒青菜。另外一份面两点二十分，等了半个小时还没有上。对服务员说，怎么这么慢，服务员丢了个白眼，一句话不说。我们旁边一个桌子的顾客比我们晚到一刻钟，直到他吃完走了，我的面还没上。我决定不等了，叫服务员，没有人理，有的服务员走到跟前也装作没有听见。我走到服务台说，那个面已经等了半个小时，我不要了。那里有三个服务员站着，毫无反应，好像我是空气。面条过后端上来，我说已经说了不要了。她仍是木着脸一言不发端走了。其实很简单，如果服务员表示一下歉意就没事，可是他们连看也不看顾客一眼。结账时，我提意见说，一个面条怎么能等半个小时，才听到三个字：“不，知，道”。我是讲国语的，不知道这些服务员是不懂国语，还是拿讲国语的顾客都当空气。未免过分势力。这家店让人愤懑又无语，因为服务人员好像石头一样。真万分不解，一个餐厅的宗旨是

想食日本拉麵，來到這店點了黑鬼濃湯豚骨湯拉麵，12吋特長串燒，泡菜餃子雞翼，3.6 牛乳凍奶茶。拉麵湯底ok, 內附半隻溏心蛋，筍，木耳，兩塊叉燒，叉燒2/3 是肥膏，$68 這個價格見仁見智。12吋長牛柳串燒，中間間住的是葱，加埋12吋長。牛柳粒味道唔錯，但是咬唔爛的，基本上是吞不下，食味道而已。至於泡菜餃子雞翼，雞翼面脆，內裡的泡菜配餃子爽辣口感唔錯，值得一試！3.6牛乳凍奶茶是menu冇顯示的，但原來都可以點。

在它剛開張時試過一次，當時覺得不太好食事隔幾年，男友見到廣告牌抽筋話不如試多次....好啦，咁多年仲未執，俾多次機會佢啦🤷🏻‍♀️真係.....頂~!!!! 我地同樣點了'赤神'🍜 炸生蠔，串燒京葱牛，燒鯛魚1) 拉麵-不單止唔辣，係完全冇味, 又細碗，叉燒好肥，冇肉只有肥膏😡2) 炸生蠔-似燒蠔仔多d, 細粒都爆，兼水Nel Nel😡😡3) 串燒京葱牛-簡直係不知所謂~!!! 一口牛size, 但完全咬唔到嘅~!! 肥膏可以同舊肉一樣厚~😡😡😡 仲要咬都離唔到肉4) 燒鯛魚-上枱有點腥，食落ok, 不過都係冇味我本身食嘢都唔鍾意過咸，偏淡，但我都嫌冇味.....埋單$3xx，真係堅唔抵囉😤😤😤唔會~!!! 一定唔會再幫襯~!!!!!!!!!!!

早半年黎食湯都仲係好濃郁，之前間唔中都食，一直都掛住，今日終於有時間黎食，叫特上大盛同普通拉麵款大細無分別，係多兩舊餸咁上下，之前湯飲落係有槳既感覺，今日好稀，連味道都淡，我同男朋友都掃視睇下有咩調味料可以落。。。總之就失望，唔會再黎了今次食飽就算了

今日睇完電影周圍走時想食個拉麵做午餐，所以就近入了這間店，心想東京築地拉麵咁正？築地唔係食壽司同刺身？不過又睇下有無日本拉麵一半水準先價錢唔算平喎，唔知實物似唔似張圖咁。似唔似就見人見智啦，不過味道就唔差，夠濃，而且黑蒜油就多，夠香，唐心蛋同叉燒都正常，但唯一個麵有點差，無彈性，當然對比日本拉麵是差天共地。之後試下田園泡飯，感覺一般。不過，雞翼的確唔差有黑椒味，脆皮，價錢適中，又一間妹仔大過主人婆的店舖。結帳要自己走出去，不過照收加一，場地比較細，上菜比較慢，味道雖然唔差，但感覺這價錢應該要做得更好，應該無下次。

之前已經想食下，見店裡面得兩枱客咪入去試下食囉，行去取位，居然好冇禮貌咁叫我自己入去找位，ok同老婆兩個入去找位坐啦，餐牌破爛，侍應d面黑到呢殺佢全家咁😡，一d服務都冇，食物都ok但份量偏細服務差成咁我唔會再去食囉😠😠😠

天水圍到依家都仲未有一間有水準既拉麵，唯有侷住試下連鎖企業既。服務差到痺，雖然眼見有空位但又唔俾入住，又唔俾等位飛，職員既指示完全不清不楚，得閒就理下你，唔得閒就視而不見menu好皱，拉麵款式唔多。勇於試新野既我點左綠魅拉麵，有濃郁既菠菜味湯底，青草味重，唔係難食但亦唔覺好味，豬肉片本身無味，成碗麵最好食可算係果半隻溫泉蛋。另一碗黑鬼濃厚豬骨湯叉燒拉麵，豬骨湯底上淋左一層黑芝麻油，味精味重，但薄叉燒片唔會韌，係ok既。最令我不滿其服務既仲有一樣，拉麵上檯，叫佢俾支匙羹啫，職員話無喎what？一間食店連匙羹都無？但轉個頭又拎左過黎喎就算無都唔緊要，態度極差，但又要收服務費喎，勁不滿囉

餐廳環景OK,食物水準OK, 但份量偏細,部份員工態度差劣,你黑口黑面都可以忍妳,落完單擰轉背就爆粗X個客, 須然細聲但唔好以為人地聽唔到,我自己都做服務業, 明白有時d客都好難頂,所以我已經全程好有禮貌去回應妳地,不過真係冇下次, 反正銀座仲有大把食肆,永不再幫襯

拉麵文化早成為香港美食中的一部分, 市面上形形式式的拉麵店林立, 有主打日本傳統風味, 亦有不少經過改良迎合香港人口味. 今日因工作關係有機會一試東京築地拉麵. 午時時段, Tony 比較好彩, 剛好有空枱,免卻等候. 店員十分主動服務, 衛生環境亦好好.黑椒, 辣油, 七味粉都一應俱全, 方便顧客自行調味. 紙巾亦十分充裕, 相當細心.豬軟骨拉麵(午市套餐)套餐包醃菜, 拉麵, 飲品, 及甜品. 作為午餐, 都算相當豐富.溏心蛋醃得入味, 溏心亦處理得宜. 只有半隻, 略為太少. 豬軟骨的醬油味咸甜適中, 肉和軟骨比例均衡, 不錯. 豬骨湯底味道濃郁, 充滿骨膠原, 同時無過咸或味精味. 值得豬骨湯愛好者一試.p.s. 於夏日食豬骨湯底拉麵是比較heavy, 但同時表示豬骨湯是足料炮製!!泡芺(隨餐)套餐甜品 - 泡芺, 用小金屬碗上, 視覺上令泡芺冰凍的忌廉更透心涼, 也為舌頭降溫.