村爺爺龍蝦湯.泡飯.燉湯專家

營業中

休息中

每次想到吃雞湯飯，都必定來油麻地這間村爺爺，即使來到要等位都照等。因為它的花膠螺片雞煲翅相當好吃，而且雞大大隻，一人一隻手撕來吃，價錢又不太貴，都只是六十幾蚊，雞肉嫩滑，湯底夠甜重點個辣汁好正，用來點雞好配。通常我們都會加菜加飲品，咁先食得夠滿意，飽到死店員服務態度也很好，上菜夠快。店內貼有多位明星既相片，看來人氣很夠。除了雞好味多，龍蝦湯都多人叫，見到隻龍蝦勁大隻。雖然店內比較迫，人坐得比較埋，但仍有隔板分隔，抗疫尚可接受。

油麻地成日都聽人講起村爺爺，呢日出開黎就去醫下肚啦。。有豬骨湯同特級特濃龍蝦湯兩款湯底揀，餸有大概有四十幾款，淨係【必食推介】都有十款揀，好多餸都想食。今日食既係四餸一面，湯底揀左特級特濃龍蝦湯。【懷舊推介】揀左--蘿蔔，豬紅，【必食推介】揀左--沙爹豆卜同魚片頭，而麵我就揀左銀針粉。因為出面多數都係得米粉，油麵，粗麵等。。。銀針粉就非常少見～佢地呢度餸同埋麵係會分開。我覺得甘樣幾好食都食得方便啲，贊＊放晒向個面既上面，想食麵既時候要夾開晒啲餸先食得＊要食野喇...先試湯底先橙紅紅既湯底味道好濃龍蝦味好重。銀針粉大碗到差啲滿瀉。蘿蔔無渣又甜，豬紅好好食，沙爹豆卜索滿醬汁好入味，魚片頭又彈牙，超級滿足。連埋支樽裝麥精六十蚊有找～呢個午餐真係好豐富，晚餐可以遲少少先食。疫情關係店員唔會面對面落單，形式好似去銀行甘隔住玻璃，手指指同用對講咪對答。

🙋🏻‍♂️餓底探員今晚喺油麻地呢間龍蝦湯泡飯調查🦞🍲花膠海鮮雞件龍蝦湯泡飯 $88📸表示見到咁多海鮮鋪滿晒已經流晒口水🙋🏻‍♂️表示呢個第一啖試個湯充滿住龍蝦嘅鮮味加上青口，蜆肉同雞肉令成個泡飯嘅層次大大提升，最吸睛當然係舊花膠啦，軟硬度適中，食完好滿足😍😍😍📈吃貨指數😋好味度 9/10🔙返啅度 9/10

叫左個花膠螺片雞煲鍋$68 如加$10有套餐。一上枱, 真正係有半隻雞, 但美中不足係雞唔夠熱同無雞味, 個花膠都只係一般。 但咁既價錢食到呢樣野,算啦。 會再比機會試其他,

环境：在油麻地A1出口，附近。呢間泡飯湯其實都幾有名，但認真第一次經過因為附近上堂祇有一小時時間用餐就選擇呢度。難得見到無人排隊。而且花膠螺頭湯又半價（原價128現在68），當然一定要試一試喇。|花胶螺头鸡煲翅^湯料足夠，飯差少少，所以適合倒落湯裡面一起食用！油菜很新鮮！配搭的辣椒醬油值得一試！午餐68+10系湯加飯一set套餐，疫情期間。呢個十分難得，店員一個後生哥哥仔親切有禮，服務周到。希望街坊食客都知道疫情飲食業的艱難。有咁噶足料湯有咁水準keep住喇。

佢隻龍蝦超大隻，肉又足，唔會期望好爽口定點但性價比超班!個湯又好味，唔會味精得太明顯非常唔錯，好長龍但可以open rice book位，個老闆又好客，算好好喇

今日第三次幫襯 好期待佢嘅好耐冇食嘅半隻雞泡飯 但食完好失望因為之前食碟生菜勁多蠔油勁鹹 最近注意健康飲食所以想少油少咸 就叫佢蠔油另上 點知個侍應聽完之後當冇咗件事 上嘅時候同佢講「係一定跟埋架喎」我反問佢咁如果我唔食得蠔油嘅咁我咪唔食得呢碟生菜囉 佢話係呀 個待應服務態度勁差 之前服務都好好架其實油菜走蠔油好簡單姐 又唔係叫你俾多啲菜我 點解咁小嘅野都做唔到呢 有待改善希望下次再去會有改善啦 如果仲有下次既話😭😭😭

今日同朋友去深水埗行街，朋友話有間湯飯店成日係社交平台見到有人介紹，但一直未去試過，想襯今日有個大胃王一齊行街，想去試下。於是乎，我哋兩個就一於去一探究竟。行入去，有個後生子好好態度甘招待我哋入去，入到去見到D相片先知，原來係老闆親自招呼緊我哋。當時即刻覺得自己好有face。既然難得入嚟，當然叫多人介紹果兩份餐啦。（花膠姬松茸干貝雞煲翅&殿.海鮮龍蝦湯泡飯）。首先嚟既係海鮮龍蝦湯泡飯：依個湯泡飯真係好正。半個龍蝦大大隻擺左係面頭。下面既元貝，青口，蛤等等真係好足料。而且個湯真係好鮮，飲完個湯，無咩點口渴，所以應該無點放味精。依個湯飯，正常女仔應該可以2個人share。花膠姬松茸干貝雞煲翅：依個雞煲翅湯飯真心無等輸。半隻雞係個湯入邊，再加上花膠，松茸等，只係D料都己經食得飽。個湯底既味好甜，撈飯真係一流。兩個餐，用料足，份量多，味道不錯。如果只係2個女仔去，真心建議一份兩人分享就夠了。

粵式老火湯及明火滾湯，均為香港彈丸之地獨有佳餚，世上無雙。稍為往國內北走，上海北京已沒有這種飲湯文化，更惶論身處海外地方，更為日思夜想。「湯」，是一種香港文化象徵。煲湯的餐廳，可以煲出一個家庭溫暖感覺，總會有土生土長香港人前來捧場惠顧，除了藍色招牌那間之外。村爺爺位處流鶯砵蘭之地，左邊人龍排隊準備入座品湯，右邊咸濕伯父上下打量冶艷女色準備入閘征戰床上。此街是一幅美妙奇特人文景觀畫布，完全體現香港市井文化。意大利Genova老城區亦有類似景觀，妓女街上搔頭弄姿招徠恩客，同時美味意粉餐廳林立。饗客們都喜歡在二線街道上尋找味道上佳餐館，因為都知暸地租便宜，店主會親身掌控食品質素，也因能直接接觸顧客了解需求，更能快速調整烹調手法，以迎合顧客口味。排隊期間，店員會預先量度體溫及派發餐牌。湯品選擇繁多，琳瑯滿目。估計店家煮法應是預先製作幾種味道高湯。當顧客點選菜餚後，便盛幾勻高湯連同顧客所選配料以猛火生滾即成。店內環境狹窄，約二十個座位。顧客與店員接踵摩肩，短兵相見。大家也不能有太大動作，否則輕則碰到對方，重則倒翻熱湯使人受傷。水吧五名女工負責出餐，動作勤快迅速，很快便奉來食品。【殿·海鮮龍蝦湯泡

🇭🇰 < < 村爺爺 > > 龍蝦泡飯💰 [ $51-$100 ］👯 [ ~10mins ]📍 [ 油麻地砵蘭街72號地下 ] ⏰ Mon-Sun (12:00-23:00)☎️ 6773 8757______________________________ 1️⃣[ 真<盛>•村爺爺龍蝦湯泡飯🦞🍲 ］ʜᴋᴅ128✍🏻一上菜已經比佢嘅份量嚇親🤯材料 真•極•級 豐富呀🤩🤩🤩半隻龍蝦、花膠、唔同嘅海鮮、豬肉片仲有食極都食唔晒嘅蜆同菜係底龍蝦肉質彈牙新鮮，啖啖龍蝦肉肉好正😻而且仲有蝦膏同蝦籽，淨係食佢都勁滿足湯底非常鮮甜，配我揀嘅上海麵好滋味🥰🌟推薦指數：8.5/102️⃣ [ 姬松茸螺頭煲雞🍲 ] ʜᴋᴅ88✍🏻呢個份量都唔嘢少，足料半隻雞！連煲上菜，跟餐仲有一大碟菜同野飲😚湯底非常濃郁，撈飯食啱啱好雞肉一啲都唔鞋，鮮嫩又入味😝另外會比刀叉同手套你慢慢食成隻雞煮到好淋，輕輕一切已經分到雞肉✨🌟推薦指數：7.5/10______________________________🥑整體嚟講🥚每個餐都好大份好好食尤其龍蝦以嚟個價錢有半隻絕對超值建議女仔可以

#14062020村爺爺已經係第二次幫襯，次次都keep到水準，用料足同新鮮，絕對唔會hea比你。同埋第二次黎嗌返一樣既野食，都唔會厭，可以嗌第三次tim😂😂😂 以呢個價錢食到呢個質素，我搵唔到第二間。有既話可唔可以介紹我？！雞煲翅]呢個可以加$10變套餐，就會跟飯同菜同飲品。但我食呢煲野都好飽啦，因為佢真係足半隻雞。唔會好似其他舖頭斬曬件，然後唔知有無半隻。反而完裝連煲上菜，熱辣辣原汁原味😋另外會提供刀叉同膠手套比你，隨你鍾意點處理隻雞。雖然佢有比埋豉油，但唔需要用都夠曬味。花膠螺片好軟好Q彈，湯又濃郁可以飲曬。$68真係好抵本身個餐會配白飯，而個湯底係非常鮮甜既龍蝦味。不過呢個唔係連煲上，所以放耐咗會凍（但都無腥味既）。海鮮既配料充足，有青口帶子蜆魷魚......同埋半隻龍蝦，全部都食到個原味唔會有雪藏味。但個人覺得隻龍蝦肉偏細咗啲，好似嗌佢另一個極上海鮮龍蝦湯泡飯抵食啲。因為相差$30而個分別就係呢半隻龍蝦。睇下你想唔想要食龍蝦肉啦😉炸雞翼]香口小食一碟，因為我鍾意食雞翼，而佢既味道口感都好正，所以第二次都繼續嗌咗😋

《足料新鮮燉湯泡飯😋》———————————————#村爺爺 🦞-呢間CP值爆燈嘅良心小店，係我嘅最愛，已經唔係第一次嚟食，平時都大排長龍。佢嘅所有餐點都超足料、超抵deal🤟🏻呢啲價錢可以食到咁高質嘅海鮮🦞，真心少見！-佢嘅雞煲分量超足，有成半隻雞，另外仲有螺頭、松茸等等嘅海鮮料，講真一個女仔一定食唔晒，可以同朋友仔一齊share食。雞湯味超級濃郁，建議大家一定要趁熱飲😍-而龍蝦湯海鮮泡飯入邊有花膠、雞件、青口等等，用料新鮮，完全感覺唔到腥味。湯底用上龍蝦湯，非常濃郁惹味，落埋白飯就prefect💓-另外我哋仲叫咗雙拼響鈴加炸魚皮，超級香脆，浸落湯吸收日月精華咁食真心冇得輸！-⭐ 參考價錢︰姬松茸螺頭雞煲：$88花膠雞海鮮龍蝦湯泡飯（bb辣）： $88雙拼響鈴+炸魚皮： $25🍌 抵deal 指數：9/10💰 人均消費：$100

已經係常客嘅我，一嚟到就直接叫每次都食嘅花膠螺頭雞煲翅☺️加$10可以轉套餐，套餐就跟埋熱飲油菜同埋白飯。我再加多左$10轉做稻庭烏冬🤪😍（因為好中意食烏冬）一嚟到個湯勁熱，建議趁熱飲多啲湯先，因為隻雞仲好熱好難用隻手拎住黎meet😂將啲烏冬浸落啲雞湯度一齊食，超級滿足啊🤤🤤👏🏻雞嘅份量都好多，有半隻雞，我一個女仔其實自己一個都食唔晒！佢花膠，螺頭同埋翅嘅份量都正常嘅，唔會話得幾舊！總之就一定會再嚟食😋😋

村爺爺開左好幾年，一直都好受歡迎，長期都要排隊。尤其係用膳時間，起碼要排半個鐘，有興趣試既朋友記得早d去呀。餐牌選擇豐富，除左龍蝦湯系列，仲有螺頭煲雞湯、花膠、小食類。最受歡迎係極上海鮮龍蝦湯泡飯🦞，大大隻龍蝦，仲有青口、蜆、扇貝、魷魚等，配埋飯都只係$68，CP值極高。海鮮好新鮮，食落都好爽口，而且龍蝦湯味濃郁，睇得出用足料，份量十足，一個人肯定食唔晒。差唔多枱枱都有叫呢個，上菜後個個都影相先😂誠意推薦！

位於鄰近地鐵站食物舖仲要喺地舖，相信租金一定好貴。唔到你唔相信食物價錢非常之平民，但食物質素非常之高！！店舖出面癡晒manual，排緊隊嘅時候可以諗吓食啲咩。而我梗係食啲王牌😍龍蝦係半份上，而且入邊嘅海鮮非常之新鮮例如有青口螺肉，元貝。而且佢嘅湯底餸白飯係非常之好食係絕配！重要嘅嘢要講三次，真係好好食好好食好好食呢個價錢可以食飽人，而且仲要好好味邊度有得搵？另外雞煲翅非常之正，半隻雞上而且唔怕嘅話可以成姐用手食(當然要清潔雙手先)🥰🥰