村爺爺龍蝦湯.泡飯.燉湯專家

營業中

休息中

香港專門食泡飯嘅餐廳唔多，所以一想食泡飯就會去村爺爺👨🏻‍🦳逢晚市去到門口都會有條人龍，而最近一次去，老闆會喺大家等位其間落埋單，見你猶疑不決嘅時候又會俾下意見，呢方面都幾貼心!⭐️南乳雞翼龍蝦湯泡飯 配半隻龍蝦 $60+$48 (7.8/10)企鵝妹嚟左幾次都係叫呢個組合，龍蝦湯雖然賣相唔算好靚，但飲落去會感覺到幾濃郁嘅龍蝦同海鮮味，但又唔會死鹹，飲完佢地d湯都唔會覺得好口渴，絕對係白飯小偷! 而且個湯好足料，有巨量蜆、青口、魷魚、同生菜等等，每次食到最尾都仲有好多蜆凈🤣而加錢配嘅龍蝦，對上一次去雖然都好鮮味，但對比之前食就較為失色，之前會食到有橙色膏同好爽口嘅龍蝦架!🦞(如果唔加龍蝦成個餐真係好抵食!!!)南乳雞翼大大隻，醃得剛好夠入味，炸粉唔會過口，忍唔住一隻接一隻食!⭐️熱情果梳打 跟餐+$12 (8/10)呢杯野飲係老闆嘅誠意推介，所以試一試巨。上枱超級大杯，杯會放住熱情果果汁，另上枝裝雪碧，酸酸甜甜幾解渴😍🐧企鵝妹食後感:成個感覺係一間親民小店，環境唔大，坐得有少少迫狹，同埋通常出面有人等位所以食完都會即刻走😌但感受到店家烹調湯底同食材嘅用心👍🏻，而且全部都「大件夾抵食」好

🐂牛魔王龍蝦湯泡飯 ($68)呢碗泡飯上碟嘅時候非常細心，會將飯同湯分開，唔會浸到啲飯淋晒，可以比客人調較軟硬度，抵讚👍🏻湯飯份量非常足料🤣超多牛肉😍每一舊都好大塊好有牛味，食落好滿足🤤龍蝦湯底唔會太鹹，食完湯飯飲埋湯都唔會覺得好口渴🙈仲有唔少生菜同勝瓜好健康🥒抵食之選🤓🐥花膠螺片雞煲翅 ($68)呢個雞煲翅限量發售，只限堂食🙈花膠超滑😍隻雞都勁大隻，肉質嫩滑啖啖肉🤤仲提供即棄手套俾客人拆雞肉食，好貼心😍另外加咗響鈴，浸落湯到食正呀！😆🥥椰子螺頭花膠雞煲 ($78)加咗椰子嘅雞湯更濃郁，呢煲隻雞一樣咁大隻，好食！😋🍹熱情果梳打/ 石榴梳打 (跟餐加$12)呢到嘅梳打都好有心思🙈會將梳打同果汁分開上，比客人自由分配比例，味道唔會太甜，飲落好fresh😍推薦🌟

呢間舖頭好耐之前有喺網上睇到推介話幾好味😋同埋個價錢好抵就可以食到咁大個龍蝦🦞仲有半隻雞tim😂（好期待）今日終於約埋朋友一齊過去食，地址唔會好難搵，去到就已經見到要排隊，好彩唔算多人，排左15mins左右就已經有位，排隊期間店員要我地先落單，因為製作過程需時，呢個明白嘅。我地都叫左椰子花膠竹笙干貝雞煲，諗住$78呢個價錢已經包埋飯，跟住轉米線/米粉/公仔麵唔洗加錢，入到去就咁睇個環境還可以，店員落左單拎黎睇，嘩！點解多左每人$15嘅，問清楚原來係➕$15先有飯同菜，送熱飲，凍飲➕$3，仲有其他特飲➕$10最後都諗住➕$15無講清楚可能我地都無睇清楚啦，睇啲生菜🥬咁靚試下啦，夾夾下見到入面有報紙📰😩😫😫好彩唔係🐛

次次經過砵蘭街都見呢間餐廳排哂場龍🥺仲要成條街咁多餐廳，唯獨呢間勁多人排隊🤩今日唔趕時間就排埋一份，終於有幸嚟到呢間熱門餐廳食野啦😌😌🥢螺片鮮雞魚腩龍蝦湯泡飯 $68馬上就嚟試吓佢哋嘅招牌龍蝦湯泡飯😚龍蝦湯色水會同想像中有啲唔同😛老闆解釋佢哋係完全真材實料，拒絕色素拒絕味精😌所以飲落啖啖龍蝦鮮味唔油膩👍🏻雞件量多又夠嫩滑😋連同螺片鯇魚腩同場爭艷鬥麗🤤白飯另上，可以按個人喜好調節軟硬度進食泡飯💕🥢鮑魚花膠蟲草花雞煲翅 $128半邊黃油雞大件夾抵食🥺連埋蟲草花煲成起膠雞湯煲👍🏻價錢親民得來仲可以食到鮑魚同埋滋潤花膠☺️心靈滿足之餘仲大大滿足咗胃口🤤我自己就覺得整體份量太多啦😝可以考慮兩個人分享一個升級套餐，例如試埋雞湯泡飯，又係另一番滋味😆😜🥢墨魚手指配魚腐 $32等緊上菜嘅時候，為食嘅我哋都要冒着食唔晒嘅風險🤣嗌多個小食大快朵頤一下😆手打墨魚滑經過脆炸之後十分香口👍🏻如果點埋甜酸醬就似乎微微中和返個香酥油膩感覺😋🥂熱情果梳打、🥂石榴梳打 +$12@1夏日炎炎最好就係嘆番杯精選特飲😌村爺爺最近就推出咗全新嘅夏日特飲俾大家品嚐😍😍一嚟就俾大大杯清爽飲品震懾😙入面已經裝好鮮榨果汁😗加入埋全新玻璃

鮑魚花膠蟲草花雞煲翅 $128以呢個價錢來講 無論係雞煲定係其他餸菜份量都好多又抵食😌 首先有一隻圓轆轆嘅鮑魚 入味清甜 充滿誠意！花膠住得好軟身 易咬入口 份量仲好多添😋😋蟲草花令到雞煲嘅湯更加清甜 做泡飯真係一流！想每一啖飯都充滿着啲湯汁😝隻雞好大隻 老闆話湯攤凍咗嘅話就 可以將雞肉絲出嚟食 啖啖雞肉 多汁厚肉 好味！🤤餐廳仲配左兩對手套同埋啲醬汁都非常細心㗎！牛魔王龍蝦湯泡飯 $68牛肉嘅份量好多 牛肉唔會好韌 味道都唔錯 個湯好飲濃郁 仲有生菜添唔怕食得太濟 成個餐送飯真係好一流～另外 仲加咗兩杯特飲一杯係熱情果梳打一杯係石榴梳打 🥳上菜嘅方式好特別 一杯係本身生果嘅飲品 所以甜味比較重 餐廳就配左七喜 屬於鹹味嘅等你自己調製呢一杯梳打😊 想鍾意甜啲或者酸啲嘅朋友就可以自己配搭！做法幾得意😎嗰日係食夜晚大約七點幾嘅時候 客人都非常多😲 要等一陣先至入到去 但係員工同老闆都好親切 仲會服務同安撫下啲客人 做事又細心親切！仲推介我哋食唔同嘅菜式同埋食法添！有機會要再試😃😃

今日同朋友途經砵蘭街見到村爺爺泡飯，加上又未食午餐，所以心血來潮即刻沖咗入去幫襯 🥰 因為海鮮泡飯真係好正。餐牌大概同以往差唔多，不過自己每次都只會叫殿海鮮龍蝦湯泡飯，因為自己超鍾意食海鮮。😋落完單無耐就好奇問侍應姐姐，究竟真盛村爺爺龍蝦湯泡飯同殿海鮮龍蝦湯泡飯有咩分別，因為貴咗 $30 蚊，原來係多咗花膠同螺片。殿海鮮龍蝦湯泡飯 ($108) : 超多海鮮嘅泡飯，出面食一定無咁足料，就算足料都唔會咁平食到。泡飯有半隻龍蝦、帶子、青口、魷魚、蜆肉、生菜等食材，龍蝦爆膏之餘湯底超級鮮甜，將白飯倒哂落去個湯度等佢慢慢吸收湯汁，好味到暈。🤤

又去到油麻地「搵食」，過咗晚上十點🕙，選擇並不多，行到呢一度，記得好耐之前記低咗，不過一直又係無試到🧐.環境衛生唔算太企理， 據說係要排長龍先可以入座，人氣旺盛，但等候良久先有人安排到座位🥹。食店主打係龍蝦🦞湯底嘅食物，見到牆上面貼滿好多報道宣傳介紹嘅訪問，相信應該會有驚喜🧐。.———————————————————————————.🥢真。魚腩海鮮雞件龍蝦湯泡飯🦞🍚 $112💬果然係好大碗，好足料，有半大隻龍蝦🦞，好多膏、肉又彈牙，質素唔錯；兩大舊鯇魚腩🐟，唔太入味頗多骨，雞件亦都有好多，普普通通🥹，勁多蜆肉、青口同藍青口，喜歡嘅應該好滿足；龍蝦湯唔係西式嘅濃稠感，係帶有龍蝦🦞味嘅上湯，感覺都幾唔錯，泡飯係幾夾，整體來講不過不失😅

今晚突然好想食湯飯就擇左呢間主打湯飯的餐廳 個名都夠親切所以想試下🤣🤣🤣放工後就即刻去啦但6點30到 已經有幾個人係前面排緊隊啦證明呢到人氣唔差啦同行一個叫左牛魔王 一個叫左殿海鮮2個都係龍蝦湯底 呢個殿海鮮 唔食得都睇得起碼有個龍蝦頭扮到下野仲有大量唔同海鮮 係唔錯😍🥰d飯食落去岩岩好 唔會太硬加落湯到就好吸收湯的精華性價比都高 呢碗野先 68蚊🤣🤣🤣咁多海鮮wor其間都聽到老細係咁問下唔同customer食成點會R下水吹會重視客人意見呢點我都幾欣賞牛魔王就無咩太大特別啦因為入面牛的部份就不過不失啦但呢到位置就唔會話坐得非常舒服以小店來講都係野食 同性價比來取勝

前幾日同朋友去咗油麻地、本身我哋book咗一間樓上cafe,但途經砵蘭街、我朋友介紹前面有間勁多人勁多人排隊食嘅龍蝦湯….. 我本人比較重口味鍾意食濃味嘢😂 所以聽完之後我就話不如去望下 有無人排隊🙈🙈🙈 結果、因為距離lunch time 仲早、所以喺門口等咗5分鐘就入得因為我未食過、而又想試更多款…所以我同我朋友嗌咗一個龍蝦湯、一個花膠雞湯、仲要記得配米線🤣🤣掛汁一流龍蝦湯第一啖 ，真係令人反白眼👍🏻花膠雞湯就不過不失正正常常所以習慣重口味嘅我會比較推薦龍蝦湯！另外特別介紹飲品方面、店主推介熱情果梳打！真係唔會太甜好好味👍🏻👍🏻👍🏻我覺得如果唔使排隊嘅話我會再嚟🤪🤪🤪

村爺爺油麻地砵蘭街72號地下今次去試村爺爺 午市去到已經要排隊啦 排隊既時候已經落單 勁有效率一坐低 就有兩杯野飲送上 大大杯慢慢歎住等熱情果梳打 酸酸甜甜勁開胃 配埋梳打水石榴梳打 甜甜地 加埋梳打水 飲落勁爽叫左（真）村爺爺 龍蝦湯同埋鮮雞蜆肉什菌泡飯 一上到來勁大碗差啲連張枱都放唔落兩碗都色香味俱全個鮮雞勁大件 咬落勁香滑 又唔會好乾配埋蜆肉同埋什菌令到個湯底勁香甜清得來又唔會太油 個湯底下面蜆肉食極都食哂仲有什菌成碗份量勁足一個人食都差啲食唔哂到戲肉 龍蝦湯飯大大隻龍蝦係面 龍蝦肉彈牙爽口 唔會淋哂配料十分足夠 有蜆肉 仙魷 花膠係哂個底食唔哂 夠哂兩份分湯底味道十分濃郁 唔會有海鮮腥味生菜吸哂海鮮味 超鮮甜

村爺爺龍蝦湯.泡飯.燉湯專家 油麻地砵蘭街72號地下好爆場🤣勁多人雖然係星期六lunch 但對比附近 同街既明顯係村爺爺👴最多人😹多人一齊食 別有一番風味環境雖然唔大唔豪華但食野講實材實料 講番個 殿 . 龍蝦🦞海鮮湯泡飯$108龍蝦 冇錯 半隻 108半隻算係甘佢d海鮮料勁多 青口 蜆肉 花甲 扇貝and so on…但望下 肉身幾大隻多膏個龍蝦鉗都係Giant Size大大隻青口 食甲殼類海鮮都食到飽全份應該兩個人食 份量多 料足

最近好掛住村爺爺嘅湯飯，今日星期六特登過嚟食晏，同平時一樣都係要排龍，真係好生意！好多名人都嚟食，又有好似報導佢哋嘅湯係古法煲仔湯，絕無味精。仲係平民價錢，性價比超高！花膠螺片雞煲翅（$68）- 呢個價錢得個湯，加$15就有米線同生菜。隻雞真係勁大隻仲鮮嫩啖啖肉，餐廳仲勁細心仲提供即棄手套俾你食雞脾。仲有好多花膠、螺片同翅，補補骨膠原。椰子花膠竹笙干貝雞煲（$78）- 呢個就跟咗飯，真係好足料，花膠好厚身，呢煲嘅雞都好大隻！個湯加埋椰子原來仲香，餸白飯一流。跟餐飲品要加錢，忌廉（+$9）同柚子蜜（+$12）

好難得嚟到五月天氣仲涼涼地 想食返啲暖野 經過見到呢間見到最出名係食雞煲湯飯 而且大排長龍 即管睇吓佢咩料先見到呢度最推介係花膠螺頭雞煲 可以配飯烏冬或者其他粉麵 我就決定揀白飯 個雞煲係勁足料 足足有半隻雞 仲要有翅同埋花膠螺片 我有少少懷疑自己睇錯價錢 只不過係$68 個湯係冇味精好滋補 隻雞真係啖啖肉有雞髀雞胸 味道一啲都唔差 真係好似喺屋企煲嘅老火湯一樣 另外配左個油菜 浸落個湯度食一樣好好食另外叫咗個小食 墨魚手指拼魚腐 個魚腐有少少似麵筋 唔油膩但係好香口 好好食下次一定會再試另外一個最出名龍蝦泡飯 食完真係唔敢相信呢度唔使$100

很久之前已聽聞這間食店D嘢好食和抵食，下午2点幾行開去油麻地買嘢，就去試下呢間爺爺。因為已過午飯時間，店内人流多，還可以吃下午茶餐，叫咗個龍蝦海鮮湯泡飯餐連4樣小食和一茶飲品，共$68。店内右手邊是廚房，左手邊有幾張兩人枱，入些都有幾張枱，比較静侷。裝修比較殘舊，正所謂你俾錢食装修還是食物質素。🌟龍蝦海鲜湯🦞和一碗白飯分開上，可以倒落D湯做泡飯，個湯好夠熱，龍蝦味偏濃，做泡飯味道啱啱好，海鲜有十幾隻蜆，算多了，還有🦑鱿魚圈和青口各二件，海鮮浸得刚刚好，唔太老，唔韌，浸煮火侯啱啱好👍👍👍四小食有牛肋條4件、炸魚塊二件、蘿蔔二件和南乳炸雞中翼二件。🌟牛肋條雖然是巴西急凍貨色，炆得入味，當然係有醬味少牛味啦，算俗了😀🌟炸魚塊煎得唔錯，至少外煙韌内軟，只是魚味差少少🌟蘿蔔炆得淋滑冇根，有甜味，好食👍🌟南乳雞中翼外脆内 juicy ，充滿南乳味，醃得非常透，雞肉有弹性不梅，非常好👍$68有咁多嘢食，算抵了。下次來會試下他的雞煲翅，做緊特價堂食$68。

呢一間村爺爺聽就聽得多但係真係未食過.去過兩次咁啱都冇開門.之前經過都見到勁多人排隊又唔想排.今日專登早少少5:00過嚟好彩等兩個就入得!見到係限量必食.又好似好多人推介咁.所以就揀咗兩樣必食嘅嚟試吓🔎花膠鮮雞魚頭湯🔎鮑魚花膠蟲草花雞煲翅個湯的確好好飲.我哋一人有半隻雞.份量都幾多但係略嫌食起上嚟唔係幾方便.因為冇提供鉸剪.要自己慢慢拆開嚟食.雞肉唔算好滑.花膠係急凍嗰隻無味.鮑魚好細隻係罐頭嘅鮑魚.蟲草花都冇咩味.我哋都加咗$12要咗套餐.有埋恰菜同埋嘢飲……男朋友配咗飯.我就跟米線.個米線係冇味.加落去都吸唔到個湯底味.所以唔建議跟米線!🔎整體如果唔使排隊經過我會再去食嘅.不過最出色係個湯.下次我會叫返最普通嗰一種.不過不失不過我覺得係明大於實.如果二百幾蚊食呢一餐.最出色係個湯我覺得有啲唔抵.同埋食完嘢店員會好急收晒你啲嘢.好似想趕你走咁.二本身張枱都好細好迫!